替天行道的個人專頁

雖然知道依間酒樓出名態度差，但屋企人住附近，屋企聚會就腳就冇得揀。D阿姐晦氣到厭世咁款，上菜黑口黑面掉嘢上枱咁，係咪嬲我去食嘢令佢workload大咗？😅有日午市去到，唔小心寫錯咗早市特價點心紙啫，講都唔講聲俾佢一手拿起揸爛掉咗張紙，我話張點心紙我寫咗嘢，仲要俾佢呼喝住咁鬧，話依張依家唔用得。。。原本諗住搵個高級D嘅主管嚟投訴，但後尾諗諗吓，依間嘢連D高級D嘅主管/經理都出名態度差。。。所以就算了。。。受氣😤…查看更多

見食評好似唔錯，試完就後悔了。放題嚟講款式好少，落完order等起碼半個鐘先到（餐廳入座只一半人），食物味道亦唔吸引，賣相亦好求其，刺身都唔新鮮。以咁嘅收費，不值，唔會再去。…查看更多

今晚二人在界限街分店堂食，叫咗燒味同兩柸凍飲，朋友臨尾飲凍奶茶時，忽然有嘢吐出。。。係原隻大碼烏蠅一大隻，我同朋友驚魂未定立即叫店長，店長即時包走屍體，仲話送多個例湯俾我地，我地問佢會點樣處理，佢就話叫我地等陣要問老闆，然後閒置我地不理，後尾我同朋友唔想再等只想盡快離開（想嘔），佢先話減起柸奶茶錢（即係跟餐加凍飲嗰大拿拿3蚊），俾錢時我話要番張單（萬一食物中毒有得追究），個收銀仲要大聲夾惡話因爲張單要改價錢唔可以俾我，但我堅持要佢寫番張手寫單俾我。間食店食物基本衛生都冇仲勁冇禮貌！！…查看更多

點可以用火煱湯底嚟做湯麵湯底㗎！以火煱湯底嘅濃度，套落一個湯麵度，真係食到冇晒胃口。模式係車仔麵咁樣，不過係自助，$17/100g，搏你唔覺唔覺夾多D餸，但係食材質素差過晒元朗區是旦一間車仔麵，午餐肉唔似午餐肉，款式又唔多，全部都係丸，又貴！九十幾蚊一碗「車仔麵」😤原包出前一丁但熟到出嚟似係普通公仔麵。整體嚟講，山寨質素，酒樓價錢。以磅收費，極其取巧。花巧有餘，實際不足。以看似新穎的自助模式收取比實際更高的價錢。…查看更多