Judyarr wong的個人專頁

係金鐘返工咁耐 次次lunch time經過呢間小店都見到長長人龍 今次終於的起心肝排隊試下啦係大風前既三十幾度烈日當空等左起碼15-20分鐘後 終於有得入去食啦 🥵🥵Lunch menu只有三款主食 我同同事都不約而同地揀左娘惹濃厚叻沙$98 望到就成個心情都變得好好🥰 濃香既叻沙香味同埋靚靚既擺盤已經吞緊口水 先飲一啖湯 不得了‼️好香濃少少辣椰香味出 餸個方面有蝦 魚餅 雞絲 雞蛋 豆腐 豆芽 香菜 粗米粉口感就係米線咁 男仔或者大食啲既朋友仔呢度可以免費加大麵底㗎 我差唔多飲曬個湯🫣 所以無加大都已經好飽 另外我都加左$15 要做一杯熱既斑蘭葉香茅茶 味道好清香 又唔會太甜 同碗叻沙形成強烈對比😂 可以解一解膩😌🍞除左lasa出名之外 呢度既咖央多士都係必點之選喔 麵包烘到口感酥脆 裡面既綠色咖央醬有淡淡既斑蘭味同埋椰香 唔會太甜 同朋友一人一件share食就啱啱好喇😆呢度既午餐價格都算進取 而且預左要排隊 不過味道真係好食 大家不妨試試…查看更多

∆武士御好味燒∆ 姐妹生日話想食呢間位於佐敦既隱世小店慶祝 小店位於佐敦近柯士甸 我地由佐敦地鐵站A出口行大概15分鐘就到 建議先whatsapp預約 最好唔好早到 因為我地約左7:30pm 大概7:00pm到左 餐廳未開門 等到7:35pm店主返到🙈 1. 雞肉棒：雞肉非常juicy 加上生蛋 整個口感好嫩滑香甜 😋2.蟹肉芝士餅：外層酥脆炸粉唔會過厚 熱辣辣 咬開裡面滿滿既融化左既芝士 好味😋3.翠肉瓜：口感爽脆又juicy 👍🏻4. 安格斯牛：油脂感豐富 燒得外脆內嫩 不錯😊5. 牛舌：夠厚切 燒得好香 只係牛舌唔夠稔 需要牙力咬開🙈6. 泡菜炒豚肉：望落紅紅地 不過食落一啲都唔辣 唔食得辣既朋友仔都可以試下 豚肉佈滿泡菜汁 味道夠惹味 如果送飯一流😂7. 蟹蓋：啖啖蟹膏好濃郁 好食🥰*溫馨提示：老闆都幾有性格 大家要有心理準備😂 另外 最好食定少少嘢食先入去 因為餐廳只有店主一人主理 要整比2x人 而且串燒係非常需時 就以我地個晚為例 大概四個鐘食左7樣嘢食 每次上一碟 係真係食到11:30pm可惜已經無時間食武士燒同炒麵😂 店主可以考慮一下減少客人數量或者分開時段 咁樣等候食物既時間可以合理一點🙈…查看更多

🥟第一次食呢間位於中環餃子小店🥟呢度既餃子係有多款同埋同傳統既有啲分別 餡料幾得意 餃子皮夠薄 味道好食 煎餃外層煎得好脆 裡面餡料好juicy 而且煎得好靚 日式餃子既整法🥰湯底幾有住家味 感覺無咩味精 只係餃子每碗得6隻而且比較細 所以男仔或者大食啲既朋友仔最好叫配粉面食既套餐 如果唔係可能唔夠飽😝套餐：兩份餃子⓵ 韭菜蝦皮豬肉餃：韭菜味濃 帶少少蝦皮既鹹鮮 最正係配既豆漿蝦皮湯底 真係鮮味⓶ 黑白松露豬肉餃：松露味出套餐：餃子+米線 （另加錢要蘿蔔）⓷ 蒜芯豬肉餃：第一次試食蒜芯 味道有啲似四季豆 口感爽脆 幾得意 加上係煎餃 裡面既肉餡好juicy好濃郁 米線份量正常 蘿蔔好甜 煮得好稔⓸酥炸生蠔：即炸既生蠔外層酥脆 炸粉好薄 裡面既生蠔好juicy好滑😍 正呀…查看更多

心血來潮想係中環食燒肉 search一下發現呢間性價比好高既良心餐廳 百幾二百蚊就食到一餐美味既日式燒肉 自己用熱石板燒 鍾意食幾成熟自己話事😋 石板既存熱能力高 我地燒曬全部肉都仲係幾熱 同埋店員會問夠唔夠熱 可以換過一塊新既 就算慢慢燒既朋友仔都唔怕塊板凍曬喇餐牌上有唔同位置既牛肉俾你揀 價錢高低自己有得揀 我地揀左一份150g既A5牛三角肩肉同埋一份同樣係150g既A5西冷 前者油花多啲香滑啲 後者肉味濃啲 我地鍾意前者多啲🥰 仲有包埋任食沙律 🥗麵豉湯🍲流心蛋🥚 燒肉汁同配料都唔少選擇㗎 可以要白飯 紫菜飯或者咖哩飯強烈推介滿滿紫菜飯 成檯都係嘢食 食完超級飽同滿足☺️ 我地分別叫左支Asahi啤酒🍻同埋一杯手搖熱薑檸蜜另外 餐廳除左定期會做義工探訪老人家之外 仲捐錢幫助烏克蘭🇺🇦既難民 有愛❤️ 支持支持 …查看更多

今日終於同朋友試左半島酒店Boutique and Cafe既 #Afternoontea🥰 呢度既下午茶同半島Lobby既傳統三層架完全唔同㗎 鍾意呢度既藍色主題 好似身處一個貝殼咁 sofa坐得好舒服 同朋友傾計一流 捨棄左三層架 而換上精緻擺盤 顏色繽紛既咸甜點排列整齊係白色大碟上 而scone就放係半島門童帽設計既盒裡面 再加上兩個半島小熊送上既門童帽朱古力同埋本地蜂巢蜜 旁邊仲有蜂蜜馬卡龍❤️❤️ 所有食物都好好味😋配上半島既熱茶可以消下膩 最後用上蜂蜜配滑到漏既軟雪糕作結 好飽好滿足🥰🥰…查看更多

今晚同朋友食 #尼泊爾菜一間由尼泊爾人主理 位於佐敦既小店性價比高 一次幾好既初體驗😋⌑尼泊爾Momo 有啲似小籠包既外型 外皮香煎過脆脆地 裡面好香 有唔少肉汁🥰⌑尼泊爾烤豬肉 好似食緊紅色既燒腩肉咁 好重香料同孜然味 有少少似食緊新疆烤肉 用鐵板上 記得快啲食 唔係好易燶㗎🙈 調味都落得幾重手 可能夾印度薄餅一齊食會balance啲⌑咖喱羊加印度薄餅 薄餅口感少少煙韌 配少少辣既咖哩一流 羊肉味道濃郁 肉質夠油香嫩滑 ⌑烤倉魚 肉質好滑 加上個汁甜酸辣balance得好好 好開胃⌑最後呢個圓形既波波 係外層酥脆 裡面有薯仔同埋洋蔥粒 加上淋上既白色乳酪 甜甜地 好refreshing 原本以為係熱食 原來係凍食既 有少少似食緊甜品咁😂…查看更多

要提早起碼一個月才book到既Butterfly Room 下午茶 試過就好了☻ 捨棄了下午茶三層架 而係一個一個course上菜 ▴1ˢᵀ course有四款鹹點特色三文治 味道很不錯😌 2ᴺᴰ course一杯mini蘑菇濃湯3ᴿᴰ courseScone 有Plain& Raisin兩款口味 我哋私心喜歡Raisin口味 有濃濃既牛油香味加上少少提子乾既微甜 最特別係餐廳提供既三款醬中既🍊醬 幾特別☺️ 喜歡食scone既朋友仔一定好開心因為呢度既scone係無限添既 4ᵀᴴ course甜點係以推車既形式讓客人任意挑選 有兩架車既甜品 讓人心心眼😍 同scone一樣 甜品都係無限添加架 鍾意食甜品既朋友仔一定好興奮🥰不過我哋都係每款淺嚐就已經好飽😂茶類有幾款可供選擇 tea menu有介紹每款茶既味道同特色 我哋分別揀左 ᵀᴴᴱ ᴮᵁᵀᵀᴱᴿᶠᴸᵞ ᴿᴼᴼᴹ ᴮᴸᴱᴺᴰ 同埋 ᶜᴴᴼᶜᴼ ᴹᴵᴺᵀ ᵀᴿᵁᶠᶠᴸᴱ 味道幾特別❤️…查看更多

今次講呢間日本餐廳係係K11 Musea入面 餐廳設計同個mall既設計互相呼應 用上深色調既簡約日式設計 牆上還有釀梅瓶作點綴 燈光偏暗 眼睛都舒服d 😌😌—————————頂級刺身盛（6款）帶子 真鯛 銀鱈魚 油甘魚 吞拿魚 蝦 呢個真係無得頂 😍😍 所有食材都好好食 每一款放入口後第一句都係 嘩 好好食啊 😋🥰🥰 一定會再encore呢間餐廳 依家諗返起都吞口水 超有滿足感❤️❤️—————————大蝦天婦羅 有5隻大蝦 同埋 一條秋葵 🦐大大隻 肉質彈牙 仲有膏🤤 外層炸粉厚度剛剛好 咬落去脆脆哋 裡面仲係熱辣辣㗎 正 —————————另外老公仲叫左一杯Peach Ice Tea桃味都幾出 老公話幾好飲 不過幾甜 我就唔飲得凍飲 所以無order到 其實佢哋既搽都已經好好飲😂😂 唔知係咪口渴 飲左好多杯 🙈…查看更多

呢間係西營盤既波記燒臘長時間排長龍！無論係weekdays既lunch time，定係weekend全日😲 都會見到店外既人龍。難得見到無咩人就入去問下仲有無燒鵝。 竟 然 仲 有 ❗️❗️❗️我同老公一人一碗燒鵝瀨同埋燒鵝麵。好正啊 😍😍 ！ 鵝皮好脆，鵝肉香，而且夠肥美🤤🤤 。不過我個碗比老公個碗少d鵝肉🥲 。五十幾蚊食到一碗好味既燒鵝粉麵都算抵食，唔怪得日日咁多人排隊啦！性價比高！通常六點已經賣曬收檔，所以要食就要趁早去啦 😉😉！…查看更多

尋晚第一次試左尼泊爾餃子🥟（momos）同埋蛋捲 餐廳係蘭桂坊—————————momos同我哋食開既中式餃子或小籠包有異曲同工之處 不過momos個皮比較厚 裡面既肉種類主要係雞肉同羊肉 而且調味都用上重一點的香料和香葉等我哋食左兩款momos -1. Fire in the Hole - Chicken momo呢個個皮幾有特色 紅撞白 裡面有fresh chicken ragufresh herbs green spring onioncoriander入口越食越辣 係幾過癮既 無辣不歡既朋友仔唔好錯過 😂😂 不過我同老公食到流鼻水 真係super spicy啊 所以好唔食得辣既朋友仔就考慮清楚啦😉-2. Classic Lamb momos我哋兩個反而更鍾意呢款傳統既羊肉momos 裡面既材料同hole chicken momos唔同既係用左NZ lamb 羊肉好juicy唔韌 好香 配上香葉香菜更能凸顯食材既味道 唔會比辣味掩蓋 —————————另外 蛋捲也是尼泊爾傳統食品之一 -3. Lamb Rogan Josh Roll 餅皮少少煙韌有薄薄一層煎蛋 裡面有 lamb ragu fench friesfresh mint leaves食半個roll已經好飽 因為有唔少既薯條 羊肉好好味 配新鮮薄荷葉 都幾夾 一個幾得意既配搭—————————4. Green tea with pomegranate甜甜哋 透好淡既綠茶味 第一啖覺得太甜 不過之後用黎送食物又覺得OK wor😂-5. Limonata 我本身好酸既嘢食同飲品 所以幾鍾意呢款有氣既檸檬🍋飲品 覺得幾refreshing同埋解膩 💛💛 …查看更多

週末帶貓貓去數碼港行下 順便食個Weekend Brunch先 ↻牛肉鍋size細細地 兩個人齋食一定唔夠飽😂 應該係一人份既 甜甜地既壽喜燒湯底配牛肉就無得彈既 牛肉切得非常薄 放入滾湯裡2-3秒已經食得 口感一般 一分錢一分貨嘛😆 鍋裡仲有d蔬菜 一粒冬菇 類似冬粉 嫩豆腐等 食完牛肉再食時間剛剛好啦↻刺身盛合（上）有九款刺身 兩人份 各款魚刺身都好鮮 各有千秋 最愛個d油脂感豐富既魚刺身 蝦刺身大大隻夠鮮甜creamy 😆😆 帶子大大粒又甜 😍😍 海膽最好味鮮到一個點 🥰🥰 八爪魚乾乾哋🥲🥲 最失望係個吞拿魚蓉 無味既 🥺🥺@好耐無試過食sashimi啦 終於破戒了 😂↻吞拿魚刺身就係因為個刺身拼盤裡面既吞拿魚蓉太令人失望 所以做左個更後悔既決定 😂 就係散叫左呢個 口感仲差過酒店buffet提供個d 雖然入口未有筋 但同好味完全掛唔到勾 仲要食落有少少酸 呢個價錢真係失望極了😣😣…查看更多

想同朋友搵間樓上cafe 吹下水 食下嘢 又有靚位打下卡 地點又要方便 嘢食又要OK 其實真係幾難 最近就去左呢間位於尖沙咀厚福街（美食街）既樓上cafe 哦 不錯喔😌—————————cafe裝潢明亮 走日系簡約風 有兩張檯既位置佈置成和風榻榻米記設計 要除鞋上去坐既 好適合打卡❤️—————————我哋兩個人叫左一個前菜 一個主食 兩杯特飲 1. 智利藍青口（8隻）🇨🇱$88青口肉質夠juicy夠嫩滑 個汁好creamy 仲有d番芹 增加爽脆口感 我哋本身唔太鍾意太重口味既嘢食 所以覺得個汁有d太鹹 青口size就唔算大 呢個價錢如果用番大少少既就抵d—————————2. 意式香草烤春雞$178兩隻春雞雞腿🍗皮烤得算香脆 肉質唔會鞋 配上燒汁味道好好 另外配菜係大量粗薯條🍟 正 夠粗又有薯味 外脆內軟 用d燒汁或青口個汁點黎食一流 停唔到口 —————————3. 青檸蜜糖特飲$45先生話第一啖比較酸 然後再將杯底既蜜糖搞勻味道就balanced 酸酸甜甜咁幾refreshing清新—————————4. 白桃荔枝乳酸疏打$48我點既呢杯比較甜 係有少少白桃荔枝既香味同埋酸酸既乳酸有汽飲品 幾開胃啦 —————————店員都好好 食完都會問番我哋對食物既意見 值得支持下 …查看更多

Hey Happy Friday 🎉🎉🥳🥳🥳呢幾日都好忙啊啊啊～終於到weekend可以休息一下🥲 同同事一齊食farewell飯 之前試過dinner 今次發覺lunch比dinner抵食好多‼️ 唔怪得咁多人熱到爆都照等位🥵 Pici 係灣仔 中環 西環 尖沙嘴 荔枝角 沙田 都有分店‼️—————————Lunch set $158（其中有兩款主菜要加少少💰）：1 starter，1 pasta，1 dessert 全部都好大碟 勁抵食啊😝我哋四個人order左：—————————🅢🅣🅐🅡🅣🅔🅡◤Cold cut◥份量都幾多 有好多塊parma ham 同埋兩塊cheese 🥰🥰 好味 ◤Tuna tartare◥我本身對生既肉類麻麻哋 不過呢個吞拿魚他他真係幾好味 個汁酸酸d好開胃 仲有好多牛油果🥑粒粒 同tuna個口感好夾 😋—————————🅟🅐🅢🅣🅐◤Tagliatelle Puttanesca辣味番茄寬義大利麵◥有大量番茄蓉sauce 夾雜著黑橄欖🫒 配上新鮮番茄仔🍅 雖然係無肉 不過都算香濃 不過辣度同埋蒜味就唔算突出◤Pappardelle Pork Ragu 肉醬寬條麵 ◥呢個用上比上面既Tagliatelle更寬既義大利🇮🇹麵 肉末混合醬汁充滿住每一條意粉🍝 好香濃 同樣有番茄仔作配菜 酸酸哋更開胃 最後撒上既芝士令成個醬口感更厚更香 ◤Tagliolini Truffle松露意大利麵◥ (➕$28)聽到松露兩個字 粉絲們一定口水流 再睇睇麵上既松露片 一定開心到震 因為真係有好多片啊啊啊😍😍 今次既意粉寬度就似平時多數見到個種幼身既 松露味好出 仲有少少橄欖油既香味 簡簡單單就已經好好味啦◤Lasagna義大利千層麵◥ （➕$10）好邪惡但好好味 味道好濃郁 千層麵層次好多 一層麵皮一層肉末 仲有大量醬 不過如果一個人食曬成份一定好膩 幾個人share就最perfect啦 少食多滋味嘛🤣🤣—————————🅓🅔🅢🅢🅔🅡🅣◤Tiramisu◥其實食埋pasta已經幾飽 不過甜品係第二個胃架嘛 點可以錯過🤣🤣 個甜品唔惹少 好大杯 我覺得個tiramisu幾好味 好鍾意中間個層 有好香既酒味 醉了😜❤️◤Panna Cotta◥同樣咁大杯 奶味都出 而且質地夠順滑—————————總的來說 性價比好高 意粉種類多 而且手工製作係幾好味 😋 韌度適中 而且百幾蚊食到份量好足既頭大甜lunch 係灣仔金鐘呢帶真係算抵食 另外侍應都好有禮貌有笑容😊 呢度仲要係唔收加一服務費架 宜家好少西餐唔收加一 所以如果大家覺得nice service 可以考慮比tips 👍🏻 呢度絕對係一間值得encore既餐廳 講完可能更多人排隊食🥲😂如果要講唔好既地方就係只接受walkin 預要等 同埋侍應忙到癲 所以我哋都self-serve加水 😆 不過我哋都好明白 無咩所謂…查看更多

Dough Bros係堅尼地城開左分店 超開心 連放三日 唔想出街 於是叫熊貓外賣 送到黎仲係熱辣辣架🤤🤤 Menu唔算好多選擇 主要係九款Pizza三款Doughnuts 汽水同啤酒等—————————◤義大利特色薄餅◥有番茄 水牛芝士 西班牙肉腸 辣肉腸 豬肉肉丸及墨西哥辣椒🌶️🇲🇽等食材 打開紙盒 香氣撲鼻 賣相好得 材料豐富芝士仲係半溶狀態 餅底煙韌 餅邊脆脆哋 正 一個已經好夠兩個人食啦 絕對可以再encore—————————◤冬甩◥除左薄餅 點可以錯過冬甩 我哋order左三個既package平少少 但平均都要$33一個😯 係幾貴 不過真係好正 超級邪惡‼️ 我覺得可以一試 但唔使次次都食 因為真係好肥同埋膩 😆😆我哋要左轉肉桂糖既Nutella榛果可可醬同吉士醬 真係一咬開 裡面係滿滿既醬 食完好滿足啊🥰🥰 自己鍾意Nutella醬多d 真係好香濃 😍😍—————————聖培露有氣飲品 真心覺得唔特別 只係罐裝汽水 味道好一般 完全唔值得$25一罐…查看更多

◤開心果心太軟加軟雪糕◥首先 呢個甜品既賣相已經好打卡able心心眼出曬黎😍 仲有齊曬我鍾意既食物 心太軟就食得多 但開心果味就第一次食啦 好好味 外面焗得鬆脆 一打開裡面d開心果漿即刻湧出黎 旁邊既軟雪糕係荔枝口味 入口即溶 有淡淡荔枝味 好refreshing 不過有d太甜 另外仲有d 真 · 開心果肉 三者混合係一齊食 好正❤️—————————◤朱古力waffle 🧇 加原味軟雪糕🍦◥hubby最愛食waffle 😍 雖然要等但係值得既 waffle外脆內軟 加上香濃既朱古力漿同少少杏仁碎好好食 我哋都比較鍾意呢個原味既軟雪糕 味道無甘甜 更清新—————————另外 大角咀同埋黃大仙都有分店 大家快d去試下啦 西環店夜晚八點後長期排長龍 🤫大家如果唔想等咁耐 可以早d去食😉…查看更多