elfland的個人專頁

飯後想食個甜品先返屋企，就試左北海道蜜瓜配牛奶軟雪糕，盛惠二百八十大元。可惜蜜瓜肉硬而且唔甜，牛奶味軟雪糕比蜜瓜甜好很多。counter 可供使用既膠匙根本唔夠力挖起啲果肉。。。整碟東西，除左影相呃like之外，別無其他可取之處。。明明寫住係北海道蜜瓜，口感比平常超市買到的更差。。。…查看更多

午飯時間去到見大把位，本來只係諗住間舖響角落位置所以先咁小人去食。。點知食過一次，伏過之後係唔會再有第二次。。。同事一行4人，其他人點左乜我唔評述喇。。淨係講我自己份餐。。餐湯: 清淡無味近乎稀; 主食: 慢煮牛腩味似罐頭出品，肉質鞋口但又淋到溶;咖哩是沒有咖哩味的，反而舖面黃色的芒果味道更突出，因為，酸; 飯上面加椰菜花泥，無味; 伴碟的粟米芯和豆角，無味。。餐飲加錢轉了果茶，叫"熱帶奇園": 成壺上枱，重茶味，苦，無果味，無甜味。。借左同事的糖水溝埋反而仲飲到兩啖。。倒左一半落杯，先見壺入面原來浸住一塊罐頭桃加士多啤梨幾粒。。今餐最正常係: 一球朱古力雪糕。。。…查看更多

這只是一間日式雜貨店, 有日本生果, 杯麵, 清酒, 急凍食物等出售。沒有簡介中的壽司刺身等可以即時食用的食品。嚴格來說, 基本上絕不可以當成是一間食物外賣店或餐廳看待。…查看更多

想打邊爐，見呢間響屋企附近又無試過，即管試試。。試一次，無下次。openrice 介紹的資料已不update，自帶酒水要收$30，本來比$30無問題，可惜間舖又無冰又無冰桶就話要收$30。。我叫啤酒算數。。海鮮無乜好簡，話宜家係休魚期咁無計。。。打邊爐料又無乜好簡。。。想落單叫啲姐姐又無乜反應。。。唉！！！草草食完就算。。叫左醉雞鍋，肥牛，桶蠔，魚皮餃，啤酒。。埋單六百。。抵唔抵食自己衡量。。。。。😑…查看更多

一人晚餐，試試沒有去過的舖頭吧。。牛肉麵舖頭就試試招牌的豐盛牛肉麵，再加杯熱肧芽奶茶。。牛肉麵的確大碗，湯味濃，很有台灣牛肉麵的風味，餸菜包括有牛肉牛肋墨丸牛丸&菜，牛肉入味夠淋，牛肋入口即溶，墨丸牛丸就沒有特別，菜兩大棵不過略硬。肧芽奶茶加半包糖已夠甜，極多肧芽（沉底佔了三分一杯）。總括來說，這個麵是不錯的。。…查看更多

原本想去吃個甜品做午餐的（我吃甜品是沒有時間所限的），可惜要15：00之後才供應，唯有正正經經食個午飯。點了set lunch 紅酒燴紅尾，包餐湯，飲品&甜品。我見到塊“四方飯“果刻，嚇到個心離一離😅好彩飯是軟熟的，牛尾味道不錯，不乾不"un"。小甜品是焦糖燉蛋，表脆內軟，吃過後令我更期待嘗試他們的甜品。。。下次weekend再去過吧。。。…查看更多

雖然是午餐set，但怎可以做得如此難吃。。。點了滑蛋鰻魚飯配辣加州卷，紅豆椰奶冰，另再叫了一客炸軟殼蟹。。加州卷的飯微暖且軟爛，配上室溫的配料，令人。。。食慾大減；紅豆椰奶冰有半杯是冰，味道只有色沒有味，不用眼看著是完全想像不到自己在喝甚麼；軟殼蟹上檯一刻已覺中伏，兩小塊炸到不似型的物體，咬一口，又是無味。。。鰻魚飯是唯一覺得“可供食用“的，有鰻魚有蛋有洋蔥有飯，見識過其他已沒要求，只求有丁點應有的味道。。飯後的結論是：沒有下次！！！…查看更多

一個人的速食晚餐，最緊要輕鬆+爽快。。時間尚早（18：00），完全不用等位。環境很光猛乾淨，獨自吃可坐單邊位多人又可坐中間長檯。。服務也好一招手就有人來幫你落單。。車仔麵蘿蔔是必食，竟然有東坡肉就不如一試，豬皮魚蛋是絕配但不太餓啊唯有先試豬皮吧。。。東坡肉層肥層瘦夠味道不錯吖／辣豬皮很久沒吃了夠咖喱味下次真的要試配上魚蛋；蘿蔔可惜了點不算淋不太入味而且有渣。。。總括來說是不錯的下次會再去試其他的（因為我聽到有人說豬手亦很不錯）…查看更多

環境乾淨，服務態度好。。忘記影飲品：熱柑橘蜜&冰炭咖啡。韓國食物的味道或特式嘛就欠缺了點，味道雖普通但不是難吃的。魷魚腳帶甜味，有咬口，泡菜微辣；煎餅帶辣味，口感煙韌，我覺得最好味是這樣；燒肉拼盤的肉鞋口了，另附上大葉菜+蒜粒+泡菜+香葉用來包著燒肉食。…查看更多

突然想食小籠包，咁岩去沙田睇戲，當然要食鼎泰豐。過左午飯時間去等位，所以只係等左10分鐘。Order左醉雞，小籠包，蟹粉小籠包，擔擔麵&煎餃。醉雞：入味又夠滑，小骨之餘件數亦小。（太餓，食完先記得無影相）小籠包：皮薄多汁好味。。蟹粉小籠包：極品，味濃，好香蟹黃味，所以要先食普通既之後先好再食蟹粉。擔擔麵：花生味香濃，不過份量極小。蝦肉煎餃：皮脆，內涵就普通。味道雖好，份量比之前細碟了很多，但價錢又貴左好多，只好說句：百物騰貴。。…查看更多

新春團拜，屋主提議附近打邊爐，收費超抵，就試下啦。。Poster寫住平日$28位，心諗實有其他雜項收費既，無理由咁平。蔬菜&烏冬／麵&罐裝汽水&雪糕 任飲／食，另外可以單叫肉食或其他打邊爐食品。蔬菜菇類refill得好慢，麵係包裝韓國麵，汽水係罐裝韓國汽水／果汁（驚喜），雪糕係迷你牛奶公司。我地另外再落單叫了牛肉，芝士丸，珊瑚蚌，竹笙。。單點紙上可以選擇的食品其實不多。呢個價錢->食物質數=可接受既。。小肉多菜，健康打邊爐。…查看更多

唔知係咪轉左手，餐牌同以前完全唔同哂。。無左好味既牛仔骨窩同紫菜飯卷，餐牌幾乎清一色係雞=.=“卒之點左炸雞兩味（有骨），炒年糕，&炒豬肉石頭飯（雖然想食炒魷魚石頭飯，但新年流流。。大家利是啦）。炸雞味道係okay既，$188大大碟，仲有薯條伴下，炒年糕&石頭飯就普通啦，唔多夠味要另外加辣椒醬。。差啲忘記講，以前前菜會有泡菜比你，free的，宜家只有沙律醬椰菜絲。。想食泡菜，就要比~$30叫一碟，好貴。…查看更多

因為情人節我男友話有公事忙唔得閒,所以就提前一晚食情人節飯~佢就帶左我去呢間野~上到去, 睇落環境都ok靜下,食晚飯時間都唔洗等位,坐落就有人招呼你~之但係一到點菜,就開始黎料..."唔好意思呢樣賣哂喇...""唔好意思果樣都無喎..."唉~ 嬲嬲到我就問佢,"咁呢樣有無呀?"原本落單果陣都話有,但到最後..."唔好意思啱啱無喇..."真係... 都唔係好多款食物簡,仲要呢樣又無果樣又無,我仲可以食乜呀!!!…查看更多

唔係掛~果間野睇落就好得意o既~好似好好環境整到好靚咁...o的野咪又係咁~鐘意食o的"健康"野呀咪o岩食lor~…查看更多

初初o的野食都好地地, 粉又夠大碗, 點心都叫食得下,但係宜家就越來越難食, 腸粉o的皮厚過鬼, 碗河粉o的粉同豬頸肉好似唔想比你食咁,一筷子就夾哂~ 凡有蝦o既點心我建議你一定唔好叫,因為o的蝦真係非常十分好很極之"梅"呀!!!食多啖我都驚我會肚痛!!!雖然話做平價早茶o姐, 但都唔係比o的唔食得o既野比人食掛!!!…查看更多