NJ的個人專頁

見有唔少食評話藍芝士蘋果pizza好食，就黎試下😃我地叫左黑椒雞翼，外面香脆，但雞翼可能醃得較耐，肉質較實同嚡….到期待嘅藍芝士蘋果pizza，真係失望😞我地兩個都食唔到藍芝士味到，蘋果只有少少酸甜味，一齊食就覺得無乜味囉😥反而個批底我地就覺得唔錯，比較似餅乾，批邊同批底都較脆😋我地見到好多枱都有叫…但都未必會食晒個批囉如果真係再黎食，就唔會再叫藍芝士蘋果😅最後食埋tiramisu ，味道略為失色，咖啡味較淡，加上太甜，整體唔太好…查看更多

因為朋友唔食辣，所以酸菜魚($198)揀左小辣。魚夠滑唔腥，酸、辣、麻味都有。配菜略嫌唔夠，只有萵苣同大豆芽，食到最後先搵到一條薯粉🤦🏻‍♀️都唔知佢係俾少左我🤔定係”贈送”俾我🙄?另叫左桂花土豆絲($68)，桂花味欠奉😥但蛋味出奇地香😋一黎到就聞到🤤…查看更多

無得去旅行就食野黎回味昔日去意大利開心回憶🥺....我地叫左一個set，再散叫左青口、野飲同蛋糕黎試下。整體主食做得比較好，但味道個人認為再咸少少會好d😝，但更出食材鮮味。反而甜品有少少失望，係意大利食嘅tiramisu 😢係滑同輕身d，later比較少d，不過蛋白檸檬撻比想像中好😋，所以對佢地嘅甜品仲有興趣想試😁佢地咖啡選揀唔太多，如果可以多幾款選擇就好d😅同埋份量大少少會好d，就自一人食一個set都未乜夠飽🥲…查看更多

行過見到舖頭有唔少人排隊，入去睇到d撻款幾靚，咪買左個伯爵茶撻兩個人share，但非常失望，淨係得cream同芝士，無乜茶味。個樣係整得幾靚，不過味道要再改善下。…查看更多

一直都喜愛食素，見此店新開張，當然去幫襯下。無須等位，直入自行揀座位，裝修還好，始終係新店。有兩款dinner set, $128 & $168，我同友人選了$168另散叫一個飯。$168餐 (以下名稱是記憶中大概叫法)中東米沙律 - 一般，無乜味，散叫要$50但唔值，不值一試西湯 - 好怪，似中湯加忌廉海鮮意粉 - 料同意粉分開上，d汁好水，唔難食凍檸水 (另加$2)甜品：素撻 - 好甜，唔推介散叫：野菌雜菜意大利飯$65(不包飲品) - 好差，無味，d菇有up味我同友人第一次咁一致決定係以後唔會再幫襯，服務還可以，但食物無一可取，收費又貴，可能係我地唔試叫掛！…查看更多

無諗過真係咁好食！麵質夠彈牙，不過要快食，唔係就淋。湯底夠濃，但又唔會漿住個口，最緊要夠熱。叉燒就差左少少，瘦左d。餃子肉甜多汁，唯一不足係煎得唔夠香口。…查看更多

本人係灣仔返工，次次行過都有好多人排隊。竟然朋友話生日想食拉麵，我就捉佢一齊試下。我覺得拉麵最緊要夠熱，湯濃得黎唔可以太杰，拉麵要彈牙，神虎將以上幾點都做到，係唯一可改善係叉燒，好瘦，太淋，有少少咬口好d。另外，煎餃子也都不錯，肉汁多，皮薄，有葱味，若果可以煎得耐d，個底再香口d會更好；…查看更多

唔想成日幫襯麥記，所以返學前去mos burger買個鰻魚米堡，其實同鰻魚飯糰無乜分別，只係多左d生菜。米堡size同我個拳頭差唔多大，一睇就知會唔飽，佢貴過豬柳蛋3倍，但我食豬柳蛋會飽，可能係多肉同脂肪掛。個米堡味道唔錯，因鰻魚同汁都係現成買，飯唔會太乾，偶然食一次都幾好。…查看更多

第一次到大戶屋食飯，見花魚未食過就試下，而另一個餐就要五花腩并牛肉。上餐速度快，但食物唔夠熱花魚定食花魚半條-肉質似鯖魚、味淡、有魚油，但魚皮超燶，味苦，就算有蘿蔔蓉都遮唔到陣燶味白飯-最好食味噌湯&前菜-一般雜菜-好凍又硬，仲要苦添蒸蛋-幾好，夠滑五花腩并牛肉定食其實佢唔算係用五花腩，得兩層，一層肥膏同一層肉…牛肉就好嚡，又硬，係有d味，但好失望當然個餐一樣有湯、雜菜同蒸蛋，但佢另外有薯仔沙律，竟然係兩個餐最好食嘅唔知間餐廳係咪想環保，碗飯好細，我地食左兩碗飯都未飽，第一次覺得自己大食，我諗無乜機會再幫襯…查看更多

睇到雜誌訪問，特意前來試食“素食媽媽”。叫了兩款午餐，第一：煎蘿蔔糕+媽媽三文治+米卷+湯；第二：蟲草花雜菜麵。煎蘿蔔糕-粉多，蘿蔔絲可以再多d，味道一般媽媽三文治-不吃也擺，似用嘉頓麥包+蛋+素肉，感覺似蛋牛治，不過味道係蛋治，蛋煎得太老，唔好食米卷-比較好味，若果大件d就更好湯-好飲，不太咸蟲草花雜菜麵-超難食，無味，麵質差最好係有草本茶飲，今日係甜菊甘草茶有緣可能會再幫襯，但唔會再有期望！…查看更多

唔想同人迫，慳慳地食個團購餐慶祝情人節。無諗過雖然係團購餐，但份量十足而且味道唔錯添！2人團購餐涼伴木耳-超好食，好醒胃滷水腩肉、豆腐、蛋-麻麻地，腩肉好硬沙嗲牛肉雜菌煲-幾辣，牛太淋烏魚粥-正，魚肉滑，夠晒熱煎蠔餅-好脆，多蠔椰汁紫米露-Ok, 好熱上菜快，夠新鮮，裝修好，下次會再試。…查看更多

諗住同朋友去開倉前叉下電。為左想一陣有氣有力去行，當然要食飯啦！首先叫左臘腸雞飯，d飯勁濕、超爛，連雞都係咁，好啱bb同老人家食，唔怪得未到一點就賣晒，因為有好多老人家幫襯。蘿蔔絲酥餅，雖然佢唔靚，但又真係好味，料夠多，不過太細件。藕餅，一般。清湯腩，唔錯，若果牛筋無咁碎會好d。水餃，好食都算足料。馬拉糕，好香，但好嚡，味淡。食品選擇唔多，又無特別優惠，下次唔洗再黎。…查看更多

今日無帶飯，可以去試下老金煎餅！今日想清清地，試下素菜煎餅（加大）。一路睇住佢整，材料唔算多，餅皮加d黑芝，醬汁，生菜同青瓜，咁就$35，真係去搶。原本個煎餅係幾好食，但佢醬汁太少，而青瓜多汁，搞到個煎餅唔夠味（醬汁似平時用來點北京填鴨）。唔知我係咪食素煎餅，就算係加大都唔夠飽。…查看更多

因為睇完跌打要戒口，唔可以食糯米飯，所以退而求其次試下功夫點心。鋪面裝修幾好，但無諗過食物質素會強差人異…我地叫左四款食物先，皆因張枱太細。1）排骨飯-最好食，排骨入味，飯用砵仔蒸，唔會太軟身2）小籠包-皮太厚，小汁3）濃湯魚肚浸鮮竹卷-得一件魚肚咁大把，鮮竹卷本身係唔錯，但入面d紅蘿蔔太粗，都未就透就俾客食，所以好硬。4）蘿蔔煎餅-哇！真失望！入面係有蘿蔔，但太多汁，搞到個包好濕，一pat野咁。個包面煎過，以為會好似生煎包咁脆，真係俾佢吹脹個煎餅係好熱，但一d都唔脆，仲要好多油。我地見叫四款，得一款較為好食，都唔想再俾錢佢賺，即刻走人。…查看更多

之前路過幾次，都見到門外有幾個人等位，心諗“係咪咁好食呀？咪茶餐廳一間！”今日終於有幾會試下啦！臘味煲飯餐（包湯同菜）原本有臘腸、潤腸、臘肉同臘鴨，但本小姐唔鍾意食潤腸，所以佢地俾多條臘腸我。芥蘭炒雞柳（包湯）芥蘭超多，雞柳數得出，得5件咁大把好菜我地唔係勁鍾意食肉，但都覺得蝕左。不過佢地服務都唔差，知我地叫煲仔飯，要整得耐，所以另一個餐都安排遲d整，務求兩個餐一齊上，好細心！所以佢咁多人等位，未必食物好好食，可能係對食客夠細心。…查看更多