kitiff的個人專頁

❣️荔枝角新開貓cafe❣️之前都去過觀塘同旺角分店，見今次開咗新分店就過嚟試下新分店係木系風格，空間好大，亦有好多比貓貓休息嘅地方，舒適休閑。場地都好乾淨，唔會有異味👍🏻👍🏻食物味道都唔錯，特別推薦封門柳，火候控制得幾好，肉味香濃，另外仲有松露汁同奶香薯蓉伴碟，味道配合得幾好。甲羅燒長通粉都好唔錯，意粉熟度恰到好處，醬汁味道濃厚，有埋蟹殼一齊上碟，打卡一流👍🏻👍🏻但甜品就差少少，叫咗個伯爵茶蛋糕，冇乜茶味，而且偏甜，雪糕都係一般，大家唔洗專登叫🥲新分店一樣有好多可愛親人嘅貓貓🐱😻貓貓全部都肥嘟嘟，毛毛都好順滑。想同佢哋有更親密接觸仲可以問店員購買乾糧或者濕糧，親自喂比貓貓食🥰🥰整體表現ok，有貓玩，嘢食質素都唔錯，甜品麻麻哋，經開呢頭都可以試下…查看更多

好耐好耐無出街食過飯啦所以同朋友搵左間任食既打邊爐見佢無負評就試吓！因為我唔食得辣所以對唔辣既雞煲都無咩期望但係估唔到呢到就算唔辣都好好食食落係甜甜地 而唔係得濃味同咸味！好有驚喜呢唔知大家食唔食雞腳佢啲鳳爪好入味 好好味叫第二轉雞煲時仲叫左多鳳爪🙈有啲雞煲啲雞好多骨但呢到唔係 啲肉仲好滑添我哋食得太投入完全唔記得咗仲有個火鍋等緊我地火鍋就叫左清淡啲既皮旦芫荽配料方面有分出去攞同畫紙種類唔算好多勝在基本想食既都有！因為食雞煲都食到好飽火鍋方面就無食太多食物啦！二百幾數食到咁既質素 真係不錯不錯！不過下次要記得仲有個火鍋唔好係咁食雞…查看更多

今日同朋友出到港島食晚飯搵到呢間好似環境唔錯嘅餐廳而且位置於扶手電梯旁邊10分容易搵到啱晒我呢啲路痴餐廳個招牌都算大塊所以都非常易認到！餐廳裝修以黑色為主但係加上音樂都令人覺得舒服食物種類都好多完全唔知食咩好有飯有烏冬飲品種類都幾多㗎有酒精/無酒精都有而且甜品都有㗎唔使煩去邊度食甜品最後我哋叫咗一個銷魂飯呢個飯賣相相當吸引啦而且呢份量都唔少塊豬肉燒得相當吸睛！ 同埋一個麵豉湯嘅烏冬烏冬好彈牙但係個麵豉湯覺得鹹咗少少而且唔夠熱啲蜆食落都好有鮮甜唔錯！連啲炒菇都有味㗎最後叫咗一個豆腐味嘅甜品估唔到有咁大份好有豆腐味而且唔係好甜正…查看更多

今晚去到一間質素好高嘅居酒屋決定要推薦比大家首先呢間居酒屋嘅裝修都相當用心一樓仲係私人度更加高嘅地方可以同朋友暢談心事！而我哋就選擇咗坐喺地下個層因為可以睇住廚師煮嘢食首先會有前菜味道幾開胃份量都唔算少刺身方面就有油甘魚/立魚同池魚除咗油甘魚之外其他都係第一次食估唔到咁有魚味！大讚再嚟就係啲燒物喇估唔到會有雞皮食燒得好脆口好惹味燒物既種類都幾多而且時間把握得好好基本上食完一樣下一道菜就會準備好另外我哋都叫咗一杯酒店主對裝酒嘅器皿都好有研究㗎一啲都唔兒戲最後就係甜品水信玄餅好有黑糖嘅甜味甜到剛剛好岩哂一啲唔鐘意食甜既朋友！…查看更多

食完正餐又點少得食甜品呢！所以同男朋友轉場去食甜品自助餐！甜品既款式唔多但勝在高水準$200有找確實係唔錯！餐廳落地玻璃透光度十足枱與枱之間既距離好寬躺私隱度高！完全無焗促既感覺最得我歡心既係呢個綠茶蛋糕綠茶味道十分濃郁但係一啲都唔苦澀架！如果綠茶唔岩口味仲有巧克力/芒果味或者栗子蛋糕總有一款岩你！煎茶芝士杯略厭茶味不夠濃但芝士味卻做得相當出色！另外呢杯奶凍亦係我另一喜歡既甜品軟硬適中口感亦好滑口！除左甜品之外都有雜果供應食落都算新鮮！呢到既甜品貴精不貴多對食物有要求既朋友不妨一試！…查看更多

唔講唔知原來旺角開咗一間好出名食牛肉嘅火鍋店咁啱今日約咗個火鍋怪當然就要來試吓啦餐廳位置於西洋菜南街所以都非常易搵我哋今日比較早嚟食所以暫時都唔係太多人但係過咗一陣就差唔多全部滿座啦呢度可以揀套餐再加$68任食或者揀湯底再另外散叫食物我哋決定最後叫套餐因為覺得比較抵食而且包埋任飲飲品添朋友揀咗牛拼盤而我就揀咗海鮮拼盤海鮮拼盤有大蝦元貝青口等等以呢個價錢來講有咁嘅數量都算唔錯朋友揀咗呢個牛骨湯底非常之重牛肉味一啲都唔假大蝦仲要有蝦膏嘅添好耐冇食過螺肉啦其實食完呢個海鮮拼盤都飽飽地㗎啦所以加$68任食就食多少少野就夠特別推介大家飲荔枝烏龍茶佢有荔枝味之餘都真係飲得出烏龍茶味唔係有好多餐廳都有麻油呢種調味料其實加咗麻油真係香好多㗎大家可以試吓…查看更多

今日黎到好出名既涮涮鍋係門口已經可以簡好湯底呢到除左火鍋之外仲有刺身同熟食更有女士最愛既甜品食物既種類真係多不勝數唔知食咩先好話咁快刺身就到喇大家記得唔洗點刺身住因為每人都一定有得食唔夠先再點呀！始終唔係刺身專門店所以都唔會太高期盼味道當然唔算十分鮮甜但總括黎講個人覺得可以接受海鮮都有幾款出門有好多自助既火鍋配料包括幾款菜食完一款會再換另一款菜保持新鮮呢樣做得幾好其餘食物包括午餐肉 /雞蛋/等等花多眼亂主角當然係今既肉同行友人都覺得呢間肉既質素真係唔錯唔肥之餘又有肉味會不斷再叫！要用手機點既墨魚滑都唔錯飲品種類同其他放題/任食差不多就唔係到多講友人點左清酒同梅酒評價不錯有興趣可以試下呢到既食物真係好多每樣食少少都唔覺意地食左好多今次好快就飽左啦！…查看更多

鐘意食點心既人最開心係咩事呢？當然就係點心放題啦！🥰可以唔睇價錢係咁叫自己鍾意食既點心！爽呀今次叫咗好多唔同嘅點心十分之開心一於就等我分享下今次叫咗啲咩點心啦！鮑汁鳳爪啲鳳爪好林 好重鮑汁味！🤩蝦餃啲皮好薄而且有好大隻蝦有水準！😋由於呢度係可以自己選擇點心嘅份量所以我哋每款腸粉都叫咗一條個人比較喜歡食鮮蝦腸👍🏻原隻鮑魚酥一啖過鮑魚好有咬口😆花膠灌湯餃有水準鹹菜豬肚雖然細細碗但係估唔到都有好多豬肚正唔經唔覺都食咗好多嘢好飽好滿足雖然係放題但係份量都好足有誠意…查看更多

今次去到山林道搵嘢食不過呢次既餐廳入口就比較難搵入口係條小街嘅中間就咁望係見唔到希望可以加多少少標示啦！我地想食得重牛味d所以就簡左美國頂級牛小排套餐$208 加一湯底方面可以簡兩款如果只簡一款就要加$15啦我地最後決定係蘿白豚骨濃湯同木魚昆布除咗肉之外其他食物都係自助形式可以自己出去攞放出嚟嘅食物唔會好多可以保持食物嘅新鮮估唔到呢度會有咖喱飯同埋炸雞翼仲要係單支嘅添炸得好好味！仲係暖架食唔停口呢度嘅豆腐好滑鍾意食滑豆腐嘅朋友唔可以錯過蝦滑好彈牙推薦飲品都有好多選擇仲要有自家煲嘅涼茶唔會太甜又唔會太淡非常足料最重要嘅係有哈根雪糕而且係任食嘅添非常之吸引味道仲會轉㗎最後仲會問吓啲食物質素如何有咩改善地方真係好有心啊…查看更多

呢間小店竟然無喊喊令我十分驚訝所以相約男朋友黎試下呢個屋苑第一次黎環境感覺都比較寧靜但餐廳總類都幾多架去到餐廳估唔到都幾多人店內環境裝修得幾似日本既居酒屋好有格調而且係開放式廚房可以見到廚師準備食物既過程都幾開心架！鍾意飲茶既我見到呢到用茶包加左好多分係玄米茶嚟架啲職員都好勤力幫我地加水除咗裝修之外呢度嘅杯杯碟碟都好精緻充滿日本風味前菜酸酸地不過不失啦食物方面我哋就帶咗一個魚生飯同埋鰻魚飯再加多左個壽司魚生飯其實唔加豉油都已經好好味本身既飯都有調味架喇！鰻魚飯 鰻魚唔會好苦以前試過有餐廳燒到好苦兩個飯都整得好好味但係我同男朋友都覺得飯嘅份量比較少可能當晚比較肚餓壽司每款都好新鮮！食完就明點無喊喊啦！希望之後都可以維持到呢個水準…查看更多

放題真係好耐無食啦！今次決定試一試新野始終年紀大左就唔會再係好似以前咁瘋狂叫刺身所以今次要嘅份量都唔係好多食落都幾新鮮而且冇雪藏味呢度好特別會有凍盤同埋甜品可以自己揀係自助形式估唔到佢仲會有中式湯飲呢度嘅壽司都幾新鮮而且塊紫菜仲係脆嘅添另外天婦羅都值得推介食落唔會好多粉炸得岩岩好飲品方面特別推薦呢個烏龍茶因為佢嘅茶味好回甘大推呀！ 最重要係呢個雪糕全晚既重點！呢度嘅漏單情況唔算嚴重而且食物種類都比一般放題多所以都推薦大家可以去試吓…查看更多

樂天皇朝係青衣城都開左一段時間係開業初期試過之後覺得性價比低所以好耐無再黎食今日朋友話想食8色小籠包！咁就再比次機會佢啦前菜方面我地點左撈拌海中寶有蝦 海哲 魷魚味道酸酸地 少少辣超級開胃！皇朝小籠包有8種唔同既味道款款都有佢既味道 淡淡地 唔會太假蒜蓉炒波菜炒得超夠火喉好香蒜蓉味菜肉雲吞豬骨湯好重豬骨味 飲完一啲都唔口乾皮薄 又夠土火雪菜黃魚煨麵啲魚好鮮湯底好好味鐘意食魚既朋友唔可以錯過呢餐真係食得好開心味道好好改變左對樂天皇朝既印象！以後要多多黎食！呢個優惠都好吸引！平日放假可以去食下！…查看更多

呢一間麵店如果唔係住係附近相信都好難發現佢既存在位置真係好隱世食物質素又如何呢?唔知會唔會係正宗日式拉麵呢?餐廳裝修都相當日本好多方面既設計都用木黎制作小食方面叫左列脆口餃子同炸雞炸雞同係日本食開既炸雞有分別味道好特別餃子相比炸雞 煮得出色餡料唔算十分少可以一試我地點左兩款拉麵1）豚骨叉燒拉麵湯底味道幾重2）雞湯叉燒拉麵呢款湯底比較油膩腸胃敏感既朋友就避免叫啦叉燒屬於薄切肥膏唔多拉麵黎講唔算十份正宗而且價錢不算親民但抱住支持小店既心感還可以一試…查看更多

譽發廣場有唔少餐廳黎左幾次後都覺得地點幾方便所以都幾鍾意黎呢到食飯於是又約左朋友黎呢到食飯啦！今次黎到既餐廳係專食西餐環境好舒服😌有小食/意粉等等最後我地點左兩個一人餐再加價將餐湯轉為龍蝦湯（加$15）！😋龍蝦湯好快就上到喇呢個湯唔單只湯仲有料添！仲要有好多舊肉好喜出望外呢！意粉方面要左：北海道全蜆忌廉意粉墨魚黑汁燴飯每人都分到兩三轉！🥰啲蜆都幾多 但係有少少沙飲品就叫左個榛子特濃朱古力好重朱古力味！正正呢到環境好舒服同朋友傾計傾到唔知時間店員都唔會趕我地走有啲餐廳見餅食哂啲食物就好快收走哂啲野感覺好似想趕你走咁但呢到唔會推薦比大家…查看更多

今日去到安定村探完朋友就決定喺附近搵嘢食上網就搵到呢間食越南野嘅餐廳最近天氣都好熱所以諗住食啲酸酸地嘅食物開下胃都幾好原來呢間餐廳同別府加上甘味係同一個集團自己本身好鍾意食甘味嘅烏冬唔知呢到水準又係點架呢？價錢方面我覺得比起別府同甘味係經濟一啲裝修方面都行簡單風 都算坐得舒服估唔到呢度有類似車仔麵嘅嘢食點男朋友點左6寶大碗面簡左喇沙湯底加沙嗲醬有蘿蔔 魚蛋 金錢肚 魷魚 豬大腸 等等男朋友大讚湯底好味而且金錢肚等等都好入味話咁快就食哂！我自己就叫咗生牛肉湯河啲牛肉切到好薄一點肥膏同筋都無所以覺得值得推薦小食方面揀咗酸辣鳳爪可能好耐冇食啦所以真係好開胃而且係冇骨添所以食得好方便出面好多時啲牛肉食落都會覺得硬又或者好多筋但呢到無咁既情況飲品就要左青檸梳打正！兩個人$200左右仲有小食同埋嘢飲添我都覺得唔錯經過既朋友可以試下…查看更多