winniepekkle的個人專頁

個人好喜歡食漢堡飽，上網搵到呢間漢堡飽店咁啱嚟開佐敦就嚟試一試！下午茶時段有8折，今日嚟到好多款漢堡已經sold out，由於第一次食所以揀左最熱賣的經典牛肉漢堡🍔（$63），再加漢堡套餐（$25），套餐可以選番薯條或薯條及一罐飲品；下午茶時段有8折，折後套餐為$70。漢堡包即叫即做大約需要等10分鐘左右，漢堡包皮焗脆了配以新鮮生菜，牛肉非常之Juicy充滿油脂，漢堡包非常之厚一口未能咬到整個漢堡。番薯條長幼適中，比起其他漢堡包店的番薯條更為美味。餐廳座位比較少，環境乾淨整潔。…查看更多

每次入西貢行山前都想入去科大酒茶，但是科大酒樓的營業時間很遲，今次選擇的路線比較短，所以我們先到科大飲茶後再出發去行山。對上一次到科大飲茶已經是10多年前的事，估唔到咁多年後再到科大校園依舊，今日是星期日酒樓的人流不算太多，坐得舒適座位，職員服務殷勤，經常會過來收拾食完的點心籠。南北小廚是美心集團旗下品牌，食物質素有保證，估唔到佢有咖喱魷魚好有兒時的味道。今次點了五款點心🥧最推介咖喱魷魚，其他點心不過不失，科大飲茶價錢大眾化。有機會嚟開科大可以嚟飲啖茶食個包，五款點心連茶位及+1只係$127。…查看更多

行完山終點起布袋澳路，反正嚟到布袋澳我又未嚟過入去布袋澳行下順便搵食布袋澳保存住漁村嘅感覺，面積唔大入面有幾間餐廳，因為只想輕食所以就揀左間有炒粉麵嘅餐廳。嚟到都已經3點餐廳都要準備落場，所以好快咁點左野食。選擇唔算多，求其點左個豉油皇炒麵及咕嚕肉。我地被安排坐在海邊的位置，天氣開始涼吹住海風真係chill。等左一陣第一碟拎到嚟嘅食物係咕嚕肉，拎到嚟出晒煙熱辣辣好有鑊氣；但食落口完全唔係嗰回事，咕嚕肉應該有嘅酸甜味佢係完全食唔到，炸得亦唔夠脆，肉質夠嫩滑，份量都多。之後嚟左個豉油王炒麵，賣相好靚，味道ok但就好多油。因為都幾大風啲食物好快吹到凍晒整體嚟講起布袋澳食飯都係食個風味呢個低糖石榴汁好飲，係同罐裝汽水一樣價錢。…查看更多

沙嗲牛肉麵係普遍香港人的例牌早餐，但一間食店能把一個早餐賣足全日，仲要咁多人排晒隊等位真係唔講得笑。今日慕名而來親嚐出晒名嘅沙嗲牛肉麵，下午4點嚟到唔駛等位，餐廳枱唔多但坐得都舒服，雖然餐廳都有其他食物，但眼見個個都係食沙牛麵，一個麵餐另加兩款餸包冷熱飲品$50。我點了沙嗲牛肉麵+榨菜肉絲+炒蛋及凍檸茶。麵煮出來嘅時間剛好，煙韌彈呀麵質爽口，雖然佢只係一個普通嘅大光麵，但控制到個時間剛剛好。先飲啖湯，湯底比一般茶餐廳嘅湯底要濃，再食一件沙嗲牛肉，嘩！好味到呢！濃厚的沙嗲醬食得出好香的花生醬味，牛肉淋且掛上沙嗲醬的香味，真係好好味；再試下個榨菜肉絲，呢個榨菜肉絲係自己炒，肉絲份量唔多，有淡淡的辣椒及蒜香味而榨菜更加係無得頂，完全無鹹味，榨菜爽口仲要有蒜香，呢個榨菜肉絲整得好好味，炒蛋無乜特別加左奶落去炒好滑。成碗麵真係無得挑剔，唔怪之得咁多人排隊都要食啦。…查看更多

正所謂行過路過唔好錯過，行過鳳鳴居竟然無人排隊，我有無眼花呀？拎左張飛原來係要排一張枱，一張枱應該唔會等好耐，總比起之前話要排一個鐘慳返唔少時間，等左十分鐘左右就有位。餐廳唔大，座位有點迫，勝在冷氣夠涼，職員態度友善又貼心，餐廳內有陣陣的酒香味。入到餐廳職員問我哋想坐打直定打橫的二人枱，有位情況下可以比我地揀位真係貼心。餐廳人氣持續高企嘅醉香雞湯麵係必試，麵底可選米線、油麵、米粉、公仔麵、出前一丁加$6、讚歧烏冬加$10，除左麵可以揀飯。醉香雞湯米線$52店員拎嚟時會跟一碟辣椒豉油，雞嘅份量都多，我碗麵有6大件雞，雞好嫩滑，個湯底直情係個麵嘅靈魂。雞湯底有一陣藥材味，入口偏甜，淡淡酒香味。麵加$8可以有一杯凍/熱飲，我點了凍百香果，唔會太甜百香果味濃。…查看更多

上次係假日嚟到無點心優惠，趁今日星期六又嚟飲多次茶，睇下早茶有乜優惠先。同上次嚟一樣茶客唔多，坐得都舒服，職員依然唔多，都係要叫幾次先拎到豆辦醬，職員見我地枱面有兩碟腸粉甜辣醬放低豆辦醬時態度好唔友善問我呢兩碟醬係咪唔要，乜豆辦醬同腸粉醬都唔同，點解比碟豆辦醬要咁無禮貌依加只係得孖寶，孖寶選擇唔算好多，孖寶$33.8星期六要加$2，茶價$9/位。今次只係點了兩個孖寶，試上次無食過嘅點心而已。鴛鴦燒賣燒賣入面嘅豬肉好大粒好鞋及un乾蒸燒賣就係牛肉球包左個燒賣皮，牛肉有好香的陳皮味及芫茜味鳳爪排骨飯個蒸飯就好細份，味道ok蝦米腸粉腸粉煎得唔夠香口，粉漿過厚，口感七彩炒米粉炒米粉很多配菜，包括西芹、椰菜、韮菜、紅蘿蔔、火腿，米粉炒到好乾身見枱上放左午餐單張，影低埋比大家多個參考早上巿點心孖寶優惠…查看更多

一碗被譽為全港最好食的沙嗲牛肉麵，起關注組一直討論。聽人講不如自己落場試食，下午3：15分左右嚟到，排左約十分鐘就有位，餐廳比較細，枱與枱之間好窄，坐就一定坐得唔舒服，但冷氣就開到勁大勁涼爽餐廳嘅姐姐落單時比我有一份好唔耐煩嘅感覺呢碗就係大名鼎鼎嘅沙爹牛肉麵，就咁睇已經見到個湯底好濃，沙嗲湯濃到好似平時打邊爐用嘅沙嗲湯底咁，先飲啖湯底試下味，有少少偏鹹沙嗲帶有花生醬的香味，的確同平時茶餐廳嘅沙牛係唔同味道，牛肉份量多，牛肉醃得剛好，唔會太鞋亦無鬆肉粉嘅味道，整體上都係偏鹹，麵底可以揀福麵$28、配出前一丁$30、配蟹王麵$32。叫一碗麵加$14有一塊豬扒，豬扒分開上，脆漿恰到好處豬扒好淋有一陣好香嘅蔥油味…查看更多

本來係去永順食沙嗲牛麵，嚟到呢間鋪聞到一陣好香嘅花生味，見到有人排隊當時唔知排緊乜，越行就越多人排，最後先睇到原來係賣即制花生糯米糍。因為今日係預左嚟食麵所以都無唸住買，點知食完碗麵出嚟見到條隊短左好多，基於唔好蝕嘅心態，無心插柳下又買到一盒爆餡糯米糍我地嚟到咁啱4點，排排下老闆娘不斷問排隊嘅人要幾多盒糯米糍，原來老闆娘開始計數截龍，續個問每人買幾多盒，遲嚟嘅就無緣了，雖然人龍短了由於是人手即造所以都等了半小時，糯米糍係由每日10：30 - 16：00有售，一盒6粒糯米糍$36。呢盒糯米糍皮薄軟糯，花生餡爆多，花生好香，唔會太甜下次在再嚟元朗一定會再買嚟食老闆娘現場包糯米糍…查看更多

起雪糕關注組見到The Farmhouse有自家制雪糕，平時食自助餐提供的雪糕多數是Häagen-Dazs或者Movenpick，為左個雪糕就嚟到The Farmhouse食個lunch buffet。餐廳分凍食及熱食兩區，lunch buffet 都無期望會有好多回本海鮮食，原來無希望都會有失望，以自助餐嚟講，體驗都算差海鮮只有青口及凍蝦刺身就有希靈魚，吞拿魚、三文魚、𩶘魚，刺身質素一般，拎左一轉食完都會再拎食物種類唔多，熱食區的食物選擇又少，仲要一開始比人拎晒fill唔切啲食物，要行幾轉先fill到食物，感覺真心差。lunch buffet 提供了點心包話珍珠雞、燒賣、蒸包好小酒店buffet 會有蒸點心提供，味道真心係唔好食。湯類無論中湯及西湯都有好稀，中湯比起茶餐廳的例湯還要差，可以用湯水嚟形容。扒類及串燒味道唔錯，唔會太鞋口或太乾熱食個椒鹽豬扒，又乾又硬又鞋呢個即撈嘅沙律係成個自助餐我最滿意的食物。呢個就係重點食物，雪糕由職員筆，每球都好細，雪糕真係有驚喜，味道特別，絕對比得上某大品牌的雪糕。…查看更多

見呢間酒樓食評唔多，而刊登的食評都是源自相同嘅人，基於好奇心就搭車嚟試下，坐輕鐵於景峰站落車，過條馬路就嚟到酒樓。之前睇食評見到呢間酒樓星期一至六都有特價點心及孖寶，而公眾假期及星期日的價錢就無食評提及，恰巧今日係公眾假期，所以酒樓只做正價點心亦沒有孖寶。嚟到酒樓係完全唔須要等位，酒樓面積好大，今日食客唔多只開了部分枱，可能酒樓地方隔涉加上今日無特價點心，所以食客少之又少。安排左枱號去拎位，酒樓職員嚴重不足，叫了好幾次先拎到壼茶嚟，叫職員拎辣醬都叫左幾次先有時間拎比我。酒樓的坐位間隔濶落，冷氣就偏弱完全唔夠涼。開左茶再睇下點心紙有乜點心食，睇完之後有啲驚喜，現今嘅大酒樓已經好少有咖哩蒸土魷及蜂巢炸芋角所以即刻點了。蜂巢炸芋角：落左單好快就送上嚟，芋角是微暖，但蜂巢係完全唔脆，芋泥內有少少肉，但就唔夠香，整體上比較油膩，味道就中下。 潮州粉果：個皮比較厚，餡料唔算多，沒有沙葛又沒有菜甫，口感一般，花生亦其夠香口。咖哩蒸土魷：咖埋味比較淡，用了白蘿蔔墊底，白蘿蔔煮得唔夠入味，或者係個咖哩汁本身太稀有關。山竹牛肉平，個枝竹有少少油益味，牛肉球偏細粒，沒有加入陳皮，肉質夠滑。還點了一個梅菜肉餅飯但忘了影相，份量好細，無驚喜。街坊茶樓嚟講，就算係正價都叫做其他大集團平少少，但未道就一般。正價點心紙就只有呢兩頁…查看更多

睇食評見到生日月份有9折即係免加一，咁啱係生日月份，所以透過open rice 訂左個午巿串燒放題。去到餐廳同店員再次確認是否有生日月份9折，職員話生日優惠只做晚巿，咁大張poster 印住生日月份有9折，如果只就晚巿應該寫清楚囉，對我來說是取巧。既然山長水遠咁嚟到，無生日優惠都食啦，因為有種被騙嘅感覺，無論好唔好食都唔會再嚟串燒食物選擇都多，見職員不斷都有補充食物。呢個懶人燒烤真係正，將所有食物放在爐上，會自動轉動，唔會咁易燒燶，涼拌區有蜜糖及各式醬汁，可以用來燒烤時搽在食物上。串燒肉類都大串，醃味一般，個爐好夠熱，肉串好快熟，兩個鐘絕對夠時間燒。燒緊串燒時可以拎啲熟食食住等，約有十款冷盤，味道ok，唯獨個涼拌木耳比較差用了太多辣粉口感有點苦。現場只有這四款熟食味道好一般呢個湯無乜湯渣似以為係例湯但又出奇地好味桌面放了三瓶調味粉，可以自行灑在串燒上，但個粉已經硬到好難才可倒出來。…查看更多

唸住支持下小店，點知坐低左就聽到店員嘅說話......如果做唔掂任食就唔好做，何必咁辛苦呢入到去店員放低左將QR code 紙比我地點餐，但我地只係食任食，店員講左句又係放題，咁多點做，其實當時餐廳都唔多人，我唔係好明做乜要咁講。餐廳面積唔大，枱亦唔多，我地兩人獲安排4人座位坐得舒適。任食係要填紙仔，選擇唔多，有船麵、串燒肉/丸、沙律、生菜及幾款汽水。價錢星期六、日及公眾假期$108無加一 （平日$98）由下午2：30開始，餐廳只收現金。船麵每碗只可選一款餸，船麵配上炸豬皮及炸蒜，麵碗雖細但麵嘅份量一啲都唔少！船麵的湯底帶有一點藥材味，湯底味精都多，每碗麵的餸嘅份量唔多。雞絲河香茅雞翼泰式公仔麵（只有一隻雞翼）肥牛金邊粉任食包的串燒及沙律，我全部都點了來試食，廚房好細心將同一款肉類放在同一個盒內上枱。串燒好大串，但係佢唔係燒，應該係炸好再淋啲沙嗲醬起面，沙嗲醬有啲花生粒，但整體味道一般，最後order嗰三串牛肉可能肉粒太大未完全熟透。全部丸類都係炸嘅，炸到太乾，味道一般。至於沙律的醬汁因為落左太多魚露所以又喊又酸。串燒雞肉、雞肉丸、雞翼撕殺沙律串燒豬肉、豬肉丸、豬頸肉沙律串燒牛肉、牛丸、扎肉沙律蠔油生菜…查看更多

喜歡食印度咖哩嘅朋友可能對石崗咖哩屋一點也不陌生。而我只係咁啱有一日搭車經過元朗見到呢間門面平凡又不起眼的小店而上網搵資料。石崗咖哩屋座落元朗超過二十年，而主廚更是前英軍御廚，主理正宗印度咖哩，就係呢點真係唔試唔得餐廳面積唔算大，假日午餐時段座無虛席，店員親切有善。假日都有set真心唔錯，仲要個set嘅份量都唔少，出面的餐廳多數都係比你揀白飯或薄餅其中一樣，但石崗的餐就係兩樣都有。餐入面包左兩個小食-春卷及洋蔥圈，春卷味道普通，個洋蔥圈比較特別，口感係豆溶，完全食唔出有洋蔥，印度小食都會跟個醬汁，但呢兩款醬汁與平時食開的印度餐館嘅味道完全唔同，比較稀及有點草青味道。咖哩牛肉，咖埋好香，但牛肉好鞋咖哩羊個羊肉好淋，有羊羶味，羊肉嘅羶味混合在咖哩汁內，即時令個咖哩味道升華了餐跟左白飯一碗及薄餅，白飯係印度米，薄餅係勁大塊，咁大塊薄餸仲有一個白飯，一定夠飽。另外點左個小食印度咖哩角，我自己好鐘意食印度咖哩角，不通佢個醬汁唔太啱我口味，配上咖哩角就未能提升咖哩角嘅味道。切開左個咖哩角呢杯奶茶真無得頂，茶底有香料嘅味道，奶嘅份量恰到好處，可惜的是太細杯唔夠喉…查看更多

MoMo 蒸豬肉餃$20/6隻尼泊爾餃子都幾大隻，送到上枱時是微暖，尼泊爾餃子有好多香料（蒸餃另外有一個醬點的）而香料的味道比較近似咖哩味，必試MoMo 芝士雞肉湯餃$25/6隻這款餃子包法與蒸餃不同，外型有點似小籠包，湯餃要加$5，個湯偏向有點草青味Tandoori kick $25雞脾有一種獨特的味道，有點像是用乳酪醃制過，雞脾炸到太乾身，雞肉好鞋MoMo Truffle $50黑松露長通粉配3隻炸蔬菜餃，黑松露醬非常之多，炸餃子就比較細粒，炸到有啲乾水，呢碟長通粉份量就唔算多，味道普通。Smoky Hot $55 / 松露薯條$35嘩呢個漢堡包真係無得輸就咁睇個漢堡已經呆一呆！齋睇外表呢個包起出面餐廳食一定唔止$55，食完就覺得超值，塊牛肉真係好juicy好好味個松露薯條本來叫漢堡包可以加$15做combo set 但店員誤會左當我散叫，所以比左一個正常份量薯條我，呢個薯條唔食無損失，薯條冷冰冰有啲松露粉味道唔突出，因為凍左所以更加唔好食。唔知係咪尼泊爾人喜歡食放涼左嘅食物餐牌…查看更多

最近先知道傷心酸辣粉部份分店推出任食放題，而且價錢相宜，已經好多年無食過傷心酸辣粉，一於去試下啦。餐廳坐位比較少，枱與枱之間的距離都非常之窄，坐得唔算舒服，餐廳冷氣亦唔算好涼。今次揀了麻辣烤魚，二人份量的魚都大條及新鮮，今次點了小辣，個人覺得完全無辣味。至於打邊爐的食材及飲品選擇很多，以$88任食（無加一）90分鐘確係無得輸放題是自助形式，湯放在調味料區，要加湯就可以自己去拎。丸及牛肉質素都係一般，食完之後好口渴，味精較多。…查看更多