riveriverrr的個人專頁

觀塘好多cafe，呢間係我其中一間會encore❤️係一間運動主題美式餐廳食物質素好之餘仲可以睇波，我同老公都鐘意去，burger 餐大碟到每次要老公清碟😆今次下午去，我叫咗一個安格斯牛肉漢堡（$128），漢堡份量好大，亦有好多配料，每次都要切開先至食到，唔係好失儀態🙈麵包皮亦有少少烤過，牛肉食落口唔韌，都算juicy，而薯條亦有驚喜，係用新鮮薯仔整，沙律菜都新鮮，而且食完咁大個漢堡食沙律感覺好refreshing 🫶🏻味道：8/10環境：7/10消費：中上…查看更多

「一碗由上水吃到旺角的雞麵💛」呢間店我每次去上水都會食，就算要等好耐我都會等💕以前我會介紹佢係小店，但係佢而家已經喺旺角開咗分店，唔再係一間「小」店，知道佢開咗分店我好開心，去咗旺角幾次都要食佢雞麵！佢嘅雞麵有多唔同種類，男朋友每次都會食麻辣雞麵（$52），如果食得辣真係非常惹味！唔好睇佢個湯咁紅，但係麻香更多過辣味，每次男朋友食完都無咗半碗湯😆我今次就試芫荽雞湯麵（$56），本身我就係一個芫荽怪，但都會驚出街食會洗唔乾淨，而我所見佢嘅芫荽係非常乾淨而且份量好多！食完都無肚痛呀～芫荽份量多到見唔到雞（右面張相有雞😗），食完成口芫荽味！正呀😏鳳鳴居嘅小食都好出色，蜂巢春卷（$30/6條）係即叫即整，又熱又脆口，我差唔多次次都會叫😋。呢段時間，大家都支持有💛嘅小店，一齊同度難關！💪🏻…查看更多

กินดี！好好味呀！呢個海南雞飯令我呢個下午好滿足💛我好鍾意食泰國菜🇹🇭第一次嚟呢度好多選擇，有雞、牛船河，又有青咖哩飯，最後我揀咗海南雞飯👩🏻雞肉係超滑，價錢只係$46，環境亦好乾淨🥰我一定會再幫襯！…查看更多

甜品時間🍮嚟到佐敦，當然唔只得松記啦！我推介大家一間性價比高嘅甜品鋪💛，今次去到食咗兩款甜品，分別係「黑糖芋圓仙草凍（加雪糕）」（約$45）同埋特別限定「玫瑰🌹桃膠蛋白」（約$45），兩個糖水都非常足料，前者黑糖味好重同時唔會太甜，芋圓亦非常煙韌。後者玫瑰🌹味超級香濃，啖啖桃膠，食完感覺好滋潤。經過佐敦可以一試🧚…查看更多

經過「茶芝味」好多次，次次都好多人等，今日終於買到啦🥰左邊嘅係「阿華田芝士奶蓋」（$30），右邊嘅係「招牌水果茶」（$29），佢嘅芝士奶蓋係我飲過咁多間最好飲，口感豐富，芝士味濃🥰水果茶就相比之下無咁出色，但我鍾意佢可以常溫，啱晒女仔🧍🏻‍♀️飲，不過我叫小甜都非常之甜，大家可以因自己喜好叫甜度。…查看更多

好開心又食到一間平時好多人等，終於俾我試到嘅泰國🇹🇭餐廳🧒🏻我哋食嘅都係「冬蔭公車仔湯粉」（$78），因為我本身唔食得好辣，所以叫咗小辣都係有啲緊張😆，點知！點知惹味得嚟真係唔算好辣，仲有好多餸選擇，我一路食一路讚個湯底，最後食到見晒底🤣！全日套餐係包熱檸茶檸水同可樂雪碧，都算抵食👍🏻下次我會試下佢嘅海南雞飯😍…查看更多

晚餐時間🧒🏻呢間餐廳🍴我已經食過好多次💛係一個大家都唔會陌生嘅半自助素食餐廳！今次叫咗兩個餐，前面嘅係「手工特制雜菌薄餅」（$128），後面嘅係「無肉食七彩蔬果沙律」（$98）。其實我好怕食pizza因為我堅持唔多食澱粉質，不過呢個pizza食完唔會好滯，同埋每一啖都係茹🍄😽，好正！而後面嘅沙律我覺得可以分幾餐食咁滯，份量非常多，而且水果好新鮮，我食完覺得自己變咗隻羊😂除咗主菜，外面嘅自助餐有幾款熱食，有湯有菜有紅豆糕，我食完飽到晚上12點🥱鍾意素食嘅朋友仔一定會去試試，記得要book位呀！…查看更多

ฉันรักประเทศไทย！又食泰國🇹🇭嘢啦，今次食船麵，兩款都係牛腩、牛肉片同牛肉丸麵，不過一個係湯嘅，一個就係撈嘅💛💛試下有咩唔同，最後兩個我都好鍾意，兩個都勝出😂😂我好怕食船麵個湯底係好肥好油好咸，但係呢個係一啲都唔油😍兩個麵加個通菜同飲品都係150蚊有找！性價比高！身為泰國通嘅我非常推介呢間餐廳，再次成為我嘅onlist餐廳！有時都要等位，建議大家早小小去等，唔使餓親😙…查看更多

逸東酒店地下LG樓層係我最近新蒲點😍個度好似food court咁，不過個度店舖比其他大型商場嘅food court好味好多！同埋坐得好舒服😌夏日炎炎好想食啲refreshing嘅嘢，個度除咗有性價比高嘅丼飯外，亦有高質越南🇻🇳菜。今次我就試咗香茅豬扒撈檬（$68）豬扒煎得好香脆，份量十足，好香香茅味，肉質嫩滑🥰，加埋酸酸甜甜嘅撈汁真係好開胃，佢嘅飯都好吸引，但只有一個胃，唯有下次再試😆！…查看更多

晚上無堂食，下午更要支持💛心愛餐廳！今日去咗素年同朋友相聚，好開心可以傾到雞啄唔斷，環境夠大又闊落，坐得好舒服😍我地叫咗三樣嘢食，三樣都有驚喜！✨麻辣青醬墨西哥薄餅（$128）呢個pizza好特別，有自家製青醬、辣菜脯、酸青瓜蟹爪菇同火箭菜，當佢上枱時，我見到堆火箭菜「嘩」咗一聲🤣呢個pizza最特別係有種麻香，麻辣嘅香味，同埋每啖火箭菜真係好有口感💋✨番薯條配黑松露純素蛋黃醬（$68）呢碟薯條🍟好抵食！好大碟！而且炸得好好味，配上蛋黃醬好freah，唔會好滯✨牛油果藜麥他他（$78）我最鐘意呢個小菜😘係一個好開胃嘅前菜，而且牛油果🥑好足料，每一啖都有牛油果，甜甜酸酸嘅醬汁連唔食牛油果嘅朋友食完都覺得好正！…查看更多

「心事如塵茶食亭」💕呢度係我同男朋友嘅秘密基地，當我哋想傾吓計嘅時候，就會嚟呢度飲杯嘢傾吓計。我一直都係 dustykid嘅fans，如果你都係，你一定會好明白望到佢哋嘅書同精品，會有一種豁然開朗嘅感覺。當然！佢哋嘅飲品亦都好好味😍🔥左邊嘅係芝士奶蓋四季春（$36）芝士嘅味道好濃郁，配合埋清清地嘅四季春，味道好夾之餘亦唔會好飽。🔥右邊嘅芝士奶蓋茉莉綠茶（$36）茉莉味香濃，飲完之後後面仲有一種淡淡的茉莉味💕適合係食完飯之後飲！…查看更多

難得去到荷里活商場行街，就去咗想去好耐嘅「Nuttea」朝聖🥰🥰呢間舖頭其實係喺新蒲崗，喺荷里活商場行過去要大約7至10分鐘路程，唔算係好耐，加上去到之後覺得唔會後悔😛—————————————————今次試咗兩款飲品：左邊：朱古力榛果堅果奶（$34）朱古力味非常濃郁，平時飲朱古力飲品嘅時候好多時飲完會好飽好膩，但使用堅果奶沖嘅飲品有好清新嘅感覺，而且有好重嘅榛子味，一試難忘。右邊：宇治抹茶堅果奶蓋茶（$34）身為綠茶控嘅我非常鍾意呢杯綠茶飲品，因為佢嘅綠茶帶有少少苦澀味，但嗰種苦澀味，加埋堅果奶同埋鹽鹽地嘅奶蓋，perfect！好期待佢哋開嘅分店越來越多，可以更加容易飲到呢款健康嘅堅果奶！…查看更多

好耐無食日本嘢啦！今日就介紹良心店「大勝丼」🥰🥰—————————————————店鋪係信和附近嘅旺角新城，非常易去，我大約2點左右去到，本住一個「實要等位啦」嘅心態，點知又唔使，不過店裡面都唔少人。男朋友不停同我講d飯好大碗，我望一望旁邊個枱，真係呆咗，我怕我食唔晒好浪費就叫咗自選丼飯🤩呢間店性價比幾好，我叫咗三個配料，仲有湯同雪米糍都只係$120左右😋魚生肥美新鮮，食完好想echo，而帆立貝大大粒又無腥味，都值得推介！北寄貝味道甘甜，爽脆，下次都要echo😛😛真心推介呢間日本小店，我一直會再去🥰🥰🥰…查看更多