RitaCheung7014的個人專頁

又黎食lunch , 佢哋嘅lunch set做得真係好食。雞皮好脆，雞肉又唔嚡，仲要兩大嚿。薯條份量絕對唔少，加埋少少嘅蔬菜沙律，我就覺得好夠飽。至於杯嘢飲，都係保持水準，好味。…查看更多

同朋友黎食，間餐廳坐得幾舒服，枱又夠大。佢哋嘅燒肉都好唔錯，本身已經醃好咗，食嗰陣完全唔使點汁都好夠味。至於泡菜薄餅就不過不失，佢嘅價位係比較偏貴，但係計埋環境都值。…查看更多

第一次嚟食lunch，佢哋嘅天婦羅丼飯都幾豐盛。天婦羅炸得都非常鬆脆，都少炸粉，個人覺得幾好食，啲料又唔算太差，係飯就略為少，以我女人嚟講都覺得少，同埋有我最怕食嘅洋蔥，其他都算不錯。…查看更多

Pizza Maru 真係好好食，佢哋啲pizza冇得輸，一上好熱，啲料又足，非常推介。此外，蜜糖薯條夠脆，小朋友至愛。另外呢個墨魚汁飯好好食，佢既飯軟硬到處理得恰到好，汁又夠濃，我覺得都係必點。…查看更多

第一次黎，估唔到間餐廳都算有驚喜。個餐都算豐富，又有豬紅，塊雞扒又大又厚，滷肉飯又夠多汁多肉，仲可以免費轉飲台式飲品，味道仲要唔差，中午時間又唔算多人，非常推介。…查看更多

之前都食過，咁多年後，覺得越嚟越差。螞蟻上樹味道非常普通，又多油，肉粒非常少。水煮牛，d牛唔多，唯一好處係有粗薯粉，但係又係極油。要多個炒薯仔條，埋單六百幾蚊，性價比極低。…查看更多

諗住結婚周年食返餐好，點知中伏。餐廳其實啲嘢食都唔錯，首先上網預約咗個二人餐，野食其實都算多，刺身都算新鮮，串燒除咗個五花腩我覺得OK，側邊都算脆，其他我就覺得好一般。我哋張二人枱勁細，叫佢換大d話已經被預約晒，食咗一個鐘到就走，仲見到好多檯冇人坐，埋單total 千幾蚊，下次我就唔會再去啦。…查看更多

第一次黎呢間餐廳，估唔到啲拉麵咁好味。叫咗個海鮮拉麵，粒粒蜆都勁大粒，湯底非常濃郁，拉麵份量算多，而且爽口彈牙。此外，餐廳入邊廚師同收銀都講日文，感覺置身日本咁，非常推介。…查看更多

第一次嚟新城市食拉麵，諗住試吓新嘢，但係得出都係普普通通。麵質比較幼，湯底算濃郁，但份量真係比較少，食完都覺得好似唔夠飽。此外，價錢亦唔平，我覺得性價比唔高，唔會想再試。…查看更多

菠蘿炒飯得個樣，一般好食。其他點心仍然非常出色，d料非常足，淡淡蝦肉，好似炸雲吞同雪茄春卷等，推介。至於，煎堆入邊嘅綠茶流心，我就麻麻地，非常濃綠茶味，綠茶控應該鍾意。另外，冇晒糯米飯荷葉飯，我覺得有啲失色。…查看更多

好差，當日同朋友慶祝生日，座位與座位之間好逼，同隔籬枱極近，叫咗個牛肉鍋，同埋刺身壽司，張檯根本都唔夠擺，野食今次質素都係一般，除咗牛肉比較好食之外，完全諗唔到有咩出色。仲要坐到咁上下就趕住叫你埋單想趕你走，講真冇下次。…查看更多

今日同朋友過嚟食lunch，估唔到間餐廳質素都幾高。龍蝦燴飯用左新鮮龍蝦，龍蝦肉就夠鮮，但係個燴飯就太漏，味道唔算好出。黑松露薯條唔錯，有醬加埋黑松露碎食，好正。蜆肉粒粒飽滿，個醬汁非常好味。另外再叫咗生蠔，好鮮，非常出色。…查看更多

之前嚟過呢間餐廳食lunch，覺得質素都高，今次試吓食晚餐。叫咗個牛肉拼盤，芝士拉絲雞，另外仲叫咗個餐，質素冇午餐嘅好。炸醬麵非常一般，牛肉拼盤的肉都還可以，芝士拉絲雞應該係最好食，而甜品，因為有啲玉桂味，本人不太喜歡。…查看更多

第一次嚟食，估唔到咁好味。叫咗個迷你佛跳牆同埋蕃茄蛋牛麵，湯底非常濃郁，料非常足，迷你佛跳牆係真係食到花膠海參，個碗蛋牛麵，湯底好濃蕃茄味，牛肉又夠真，非常推介。…查看更多

今日過海，特登搵吓啲咩特色嘢食，點知中伏。啲嘢食真係非常普通，叫咗個吉列牛飯，啲吉列牛一啲都唔好食，又硬。個咖喱烏冬反而係最好味，味道還好。至於個鍋，味道好一般，味道偏淡，整體真係好一般。…查看更多