mic.lam的個人專頁

韓國豆腐湯飯真係好正！味道超鮮，豆腐又滑又嫩，湯底有點辣，非常開胃。最重要係價錢平，絕對適合任何預算的人。配埋白飯，簡直無得輸！如果你想食好又唔貴，真係唔好錯過呢道菜！😋…查看更多

晚市食物選擇好少，想嗌湯又話冇晒，但係我已經7點就落order。叫左個椰汁芋頭南瓜煲，食落麻麻地，一夾就散，而且份量唔多。我又試左個片皮鴨，個片幾脆嘅，但係冇咩鴨肉，總之失望啦! 衛生方面可以改善吓，啲杯冇洗乾淨嘅。There are very few food options for dinner. The food quality was not expected. Likewise, the hygiene aspect should be improved as the cups were stained. 🤢 …查看更多

第一次去釣蝦，工作人員好詳細解釋點釣蝦，雖然我最後只係釣到3隻，但係有包底送多幾隻蝦。一開始會俾啲細蝦仔俾你做餌，不過我覺得好難穿啲蝦仔喺個勾度。價錢唔算平，因為平時冇咩機會釣蝦，所以可以值得一試。如果太耐釣唔到蝦，工作人員會不時倒啲蝦落水增加釣蝦嘅機會。仲有，玩緊嗰陣有播背景音樂，多數係啲近期好hit嘅韓文歌，成個氣氛都唔錯! 釣完蝦之後，工作人員仲會即時燒蝦，啲蝦熱辣辣，都幾大隻，鹹鹹地幾好食! …查看更多

聖安娜有好多唔同嘅麵包/西餅種類，價格係可接受範圍之內，係唔少人嘅早餐首選。另外，新推出嘅偏牛角酥做得好鬆脆，又夠大塊，仲有三種口味擇，其中開心果味就最好食。啲麵包都幾鬆軟，選擇又多，又係獨立包裝，夠晒衛生! 不過，某啲麵包數量比較少，有時嗰日根本冇入貨添，有啲失望，建議本身多人買嘅麵包可以入多啲貨。仲有值得讚嘅係，我次次去親聖安娜都有個女收銀職員態度好好，就算有幾多客都依然保持笑容。👍 另一點都想提嘅係喺聖安娜買完野有附上優惠券，吸引到我再去幫襯!…查看更多

試左個豬扒肉燥飯，但係啲飯好乾、肉燥又太少，豬扒骨多過肉，成個份量比較少。凍蘋果綠茶又得個甜字，飲唔到有蘋果味，反而開頭坐低免費嗰杯茶仲好飲😂 以呢個質素黎計，價錢唔算平，而且座位唔多，不過環境算係咁，都乾淨嘅。整體黎講，比呢間好食嘅餐廳有好多，唔會特登再去。The portion was small, and the rice was unfortunately too dry. Based on the food quality, I think I may not visit the restaurant again. …查看更多

每次外賣話要走乜走乜都冇走，明明個員工落單嗰陣都跟我講一次要走啲咩，但係張單最後都唔啱😅 check完張單同佢講話佢漏打走乜野，之後佢又話得員工人工唔夠，唔得閒幫我改單。我返去自己挑走冇問題，但係擔心其他食客可能又遇到同樣情況。另外，有次我叫左3餸自選，但係碗麵撈埋三舊牛肉係入面，明明我都冇叫牛肉。如果有客對某啲食材有食物敏感或者有宗教問題唔小心食左咁點算，所以希望員工要注意。多單多外賣都唔可以用咁差嘅服務態度黎對客架…查看更多

燒味質素參差，叉燒、燒腩仔、紅腸、燒鵝、切雞，呢啲全部我都食過，但每次食質素都唔一樣。叉燒有時好柴好乾，我都尚可以接受嘅。叉燒如果燒得靚又多汁嘅話，可以好好食。至於燒鵝同切雞就認真麻麻，燒鵝好多骨好多油，啲油多到有浸油係底，而且冇乜肉，個人黎講唔太接受到，食左一舊就放棄左。切雞都係多骨少肉，不過好過燒鵝。燒腩仔啲皮唔脆嘅，呢樣就有啲失望。🥲 紅腸就最穩陣，每次都可以一舊接一舊咁食。The quality of the siu mei is uneven, including char siu, pork belly, red sausage, roasted goose, and chicken. I have eaten all of these before, but the quality varies every time when I eat them, a bit disappointing. …查看更多

入面得好少位，等候時間耐，見個個都要搭枱。用餐嗰陣好易撞到隔離位，如果想坐得舒服啲就唔建議黎。同埋啲員工有少少趕客feel, 有種迫你食快啲嘅感覺。另外，網上啲人吹捧得好勁，所以我係好期待黎食的。可惜，食物質素比預期低左少少，冇啲人講得特別好食。嫰雞煨麵就係得大碗呢樣野可以值得一讚，啲湯、麵同雞係同其他餐廳差唔多質素，平平無奇，冇咩特別。上海餐廳黎計可以有其他更好嘅選擇，不過整體黎講還可以，但係唔會特登再黎。…查看更多

啲烤雞都幾大隻，肉質唔錯，薯仔幾好食，但係菜太多油，好似灌油落肚咁。成個餐配埋飲品嘅話，價錢尚可。不過堂食就冇咩位，舖頭比較細，座位少，枱同枱之間好近，郁一郁好易撞到隔離枱嘅客。lunch time時間多學生幫襯，等餐時間長，有排等，lunch就唔建議去呢間食。另外，衛生情況十分需要改善，啲枱長期有食物殘渣，根本冇人清潔。員工態度都麻麻地，不過食物價錢唔貴就由佢服務態度差。可以考慮下次再幫襯，但只限於外賣。…查看更多

外賣要等好耐，有時仲會跳number。員工嚴重人手不足，好多時煮好又唔包出黎。有時叫蕃茄湯底，但係啲湯好稀，好似溝左水咁， 叫雞肉又得兩三舊細嘅。有時夜晚堂食啲枱又冇人清潔，仲有上手食完嘅殘渣係枱，衛生情況有待改善。😅😅 仲有，電話落order外賣自取，啲野永遠都唔啱嘅。上次食過橋話米線話要走啲乜乜乜，結果又冇走到。呢間係我食過最差嘅譚仔，其他譚仔米線分店都冇咁嘅問題，好失望，希望各方面都有改善。😭 …查看更多