Angelina嬰兒的個人專頁

本來係fb已經見到佢有賣廣告, 我呢個海鮮痴已經心思思都試下, 但係次次經過都見到好多人排隊,又話唔知要book到幾時先有d食, 所以一直都食唔到,終於有一日大約6點半經過,諗住試下問下有冇2位,點知又有wo, 一坐低就有人介紹個menu要點叫, 海鮮類可以要5種, 我地要左貴妃蚌(1人1隻), 白蜆(1人4-5隻), 白蝦(1人3隻), 肉蟹(1人半隻), 大花甲(1人2隻),下面肉, 菜類可以選8樣, 一開始佢比個粥水鍋底我地煮海鮮, 再食肉同菜, 食到差不多佢會比南瓜粒+芋頭粒用黎煮粥,再過一陣會問係鐘意食杰粥定稀粥, 佢地會比1大碗爛飯比你整粥食, 佢地仲有個三寶:豬油渣,蔥粒,沖菜粒,我因為之前要左炸魚皮,油條, 所以全部落哂落去, 再加上之前食ge海鮮同肉ge味道,真心好味,個粥食唔哂仲可以打包!!!!2個人400蚊, 你話抵唔抵?我就覺得唔洗我洗野已經抵返哂 …查看更多

佢最出名ge梗係蔥花雞蛋腸la,10幾蚊真心超大盒, 份量計好抵食, 但係我就嫌佢d腸粉有d糊口,如果佢d腸粉可以整得爽滑d,咁就完美la,佢仲有個碌鵝粥, 我想試左好耐架la, 但係一次過要買8碗, 點食ar?????haha…查看更多

我相信一講金利應該冇咩邊個澳門人會唔識佢,除左諗起佢個杰撻撻ge雙汁(咖哩雞汁+腩汁),貴到離哂地ge價錢, 梗係佢個個正到不得了ge辣la, 以前讀緊書ge年代冇咩錢,中午通常都係去金利叫個細淨米多辣,想當年先$4.5,已經覺得好味到不得了, 當然而家都仲覺得係好味ge, 但係就多左少少味精味, 雞都仲係keep住好淋好淋, 淋都可以話係有d梅梅地咁,雖然講到咁, 我都係會間唔鐘都會去報到, 叫返個雞米多辣回味下....…查看更多

由中學食到而家, 一開張就有ge黃色呍呢嗱雪糕,或者已經冇左ge白朱古力味雪糕,近期少少ge薑味雪糕,最近期我食過最有驚喜ge鹽味花生雪糕,佢實在有太多味可以簡,而且佢仲可以比你試食, 食到係有1個味覺得ok先order, 佢都算係澳門第1間可以試食ge雪糕店,呢個service我真心鐘意!!!!…查看更多

講明先, 我係1個好鐘意試新野食ge人, 所以我前後去過2次, 第一次我已經見到個menu有腐乳意粉, 礙於第1次去係同我朋友去,佢唔敢試, 所以我試左個白汁菇菇意粉,都唔錯, 淡左少少, 第2次我就係同我屋企人去食,去到第1樣野梗係要試個腐乳意粉la,仲叫左迷你漢堡同肉餅意粉(個名好似係咁),迷你漢堡都ok, 1份有3個, 1個係牛肉, 1個炸魚柳, 1個應該係豬肉??我都唔係好記得,肉餅意粉就似似地肉醬意粉, 冇咩特別,輪到個腐乳意粉la,其實佢都有d似白汁, 腐乳味唔係太濃, 食個陣好似食緊腐乳炒通菜咁!!…查看更多

世記d樽仔奶茶, 我呢d鐘意重奶味ge人就略少左d, 花生奶油方塊係我每次經過都會買皈食,但係一定要share, 一個人食真係會有d'漏',不過又會忍唔住走去買, 佢仲有佢ge厚蛋包,鐘意佢一咬落去d蛋就會湧出黎,打緊呢篇野ge我已經係度流緊口水la................ …查看更多

次次去新鴻發, 炒牛通一定係必叫, 黑炆炆ge牛肉加上香口ge洋蔥, 再加上濃濃老抽同'擭lo'味,正!仲有佢個菠蘿蛋豬扒包, 豬扒雖然薄薄地, 但係唔係出面醃到鬆哂, 又冇哂味個種, 不過就乾左少少蛋又唔係得一片野, 有少少似炒蛋, 加埋個塊乾乾地ge豬扒, 成件事balance哂!…查看更多

呢間葡國美食天地唔係我表姐同我講, 我都唔知有呢間好野存在ar...表姐話好彩佢識人可以book到位, 如果唔係我地就食唔到呢度架la...(因為我地都係即日先決定要出街食ge)一入到去, 全部都係d外國人, 都有幾個旅客, 個餐牌都有中文, 我第1時間就叫左2個sangria, 1個係白酒, 1個係紅酒, 佢係用個葡式水壺瓷器裝ge, 平日ge sangria應該係用幾種生果整ge, 但係佢只係用橙...食物方面, 最好味係葡式燒乳豬, 皮脆肉香, 其他我地仲叫左沙律, 白酒煮蜆, 燒牛扒, 燒羊架, 燒魷魚, 白烚椰菜, 馬介休炒飯等等,燒牛扒:要左7成熟, 因為我係食5成熟ge, 所以我覺得有d鞋...冇醬汁跟ge...食原味都ok燒羊架:呢個我幾鐘意, 不過唔食得騷味ge人就要諗下先叫la, 因為都係冇醬汁跟ge...食原味燒魷魚:好咸...本身個隻魷魚已經有d咸味, 燒個陣仲落, 就算加左d檸檬汁都仲好咸白酒煮蜆:好味, 我本身唔鐘意食洋蔥ge, 但係佢個d洋蔥入哂味...d汁又有酒香, 正!!!!!…查看更多

好多人講開時香, 都會話時香d花生好味, 我都覺得好好味, 但係佢仲有好多其他野賣架....第1梗係話梅王la, 唔咸甜甜地, 佢當然唔可能同百幾蚊一斤個d比la,但係以佢$20一包, 真心抵食, :)佢仲有好多零食, 蝦米春卷, 沙嗲魚柳等等...岩哂我呢d零食怪...haha…查看更多

而家打緊都已經開始流口水la....我試一次堂食, 不過佢個鋪位有d細, 得一行位, 所以我通常都會叫外賣返屋企食....不過佢d野食真係ok....只係你要有d耐性...佢得3~4個人做野, 即叫即做,佢有一個好特別ge, 叫牛肉刺身, 一聽個名我以為係全生ge牛肉, 原來佢係一個好似牛肉沙律咁架, 底下有d生菜同蕃茄, 上面係d外面已經燒熟左ge牛肉(大概4成熟la), 因為我係打包返屋企食, 所以要開黎食ge時候d菜已經比d牛肉汁浸住, 佢仲會跟1盒仔黑椒青檸汁, 當然佢d牛肉唔會係咩和牛la, 但好有牛味, 我問過老闆, 佢唔係日日都有牛肉刺身,要返到d質量佢覺得ok ge牛肉, 先會做, 佢d檬粉有d好有特色, 好似蟹檬, 咖哩鴨檬都好味, 佢仲有凍春卷同凍蝦(好似係呢個名)都好味, 我覺得老闆對食物好有heart, 佢覺得唔ok ge, 佢唔會比客食, 呢d咪係良心lo.....…查看更多

講起檸檬車露...我會即刻諗起佢嘅白朱古力味雪糕,可惜佢幾年前已經冇出la....因為我只係見過檸檬車露出呢個味嘅雪糕...不過而家我又有個新歡la...就係金莎味la...我好鐘意食榛子味嘅野...而佢個雪糕係極濃榛子味...食落真係好似金莎...我係一個麻麻地甜野...但係我就好欣賞佢d雪糕...因為佢d雪糕唔係好似出面賣個d 咁用d香精整嘅...事關我有fd以前係入面做野...所以知道佢係用咩材料整雪糕!!!!!…查看更多

祥記聽佢個名就已經聽左好耐, 但係次次都食唔到, 因為佢個邊比較難泊車, 上上個星期行開個邊, 就同男朋友入去試下,叫左一個馳名ge蝦子撈麵, 一個姜蔥魚皮, 一個冰糖雪耳; 個個撈麵好細, 真係好細, 我用左6啖就食哂, 不過真係幾多蝦子ge, 姜蔥魚皮就只有2個字形容--難食, D魚皮唔爽ge, 仲好腥, d汁又唔咸唔甜咁, 好難食!!!冰糖雪耳得d糖味, 其他咩味都冇, 真係好一個冰糖雪耳ar!!!!…查看更多

佢一開張就已經食過幾次, 都覺得o幾好...又抵食...仲介紹左好多朋友去食,個個都話好食!!但係佢越多人食d食物質素就越差, 次次去親, 叫個個2人套餐, 次次都唔同樣ge, d雞所謂雞件, 全部都係d骨...可能佢地又唔係好夠人手la, 每次想加d粥都要叫2~3次先會有人應下你, 而且d粥又好稀, 食到最後成肚都係水....不過佢d蜆芥鯪魚球都幾好食, 不過蜆芥就唔係人人都鐘意la!!!…查看更多

四哥係我成日都會去食ge食店之一, 而我覺得四哥3 d 野係最好味, 尢其是佢d 小菜...我鐘意食佢d 燉粉條, 佢d粉條好煙韌, 好彈牙, 好味ar!!!佢d燉土豆(薯仔)都好好味, 好鬆軟, 好入味, 煎韮菜餃都好味...一咬開佢係有汁架...食個陣要小心ar...…查看更多

北京水餃...真係又抵食, 又好味!次次去我同老公都會叫1個炸醬麵餐或者麻醬雞絲撈麵餐, 一個豬骨湯加一打煎底鍋貼, 炸醬麵餐或者麻醬雞絲撈麵餐係佢地ge推介, 一個餐有一杯豆奶或者一碗細ge豬骨湯, 一大碗麵, 同埋5隻水餃, 盛惠$13豬骨湯 - 佢係用d燒豬骨煲ge...所以好好味...盛惠$9煎底鍋貼 - 味道一流, 好抵食! 盛惠$182個人飽到不得了..一共MOP$40....你話係咪抵???…查看更多