ceciiiiiiiiii的個人專頁

喺紅磡睇完戲10點幾發現附近基本上都閂晒門，難得呢間開到11:30就入去試下，仲有個姨姨喺門口介紹叫我哋入嚟試下🙈🙈我哋叫咗個二人餐包兩個主食，兩個小食同兩杯嘢飲，估唔到又幾好食。兩個小食係炸蝦同埋皮蛋豆腐，正常發揮冇乜特別，但係自己整跌咗一隻😂😂鹽酥雞炸得幾香，冇油味，牛肉麵湯底都幾濃郁。另外嗰個叫咗紅燒牛肉麵，湯底唔錯，牛肉都幾嫩滑。而家夜晚越嚟越難搵餐廳食飯，有時見冇乜人都會唔夠膽行入去驚中伏，但係今次係意外驚喜！二人餐加埋$168，合理價錢，經過不妨一試~…查看更多

喺九龍灣嘢食嘅時候又唔想食太多野，偶然發現咗佢嘅下午茶好平，仲平過茶記。茉香綠茶免費 珍珠奶茶加$5溏心蛋手撕雞肉燥撈麵 $35肉燥都幾香，分量十足，溏心蛋都整得幾好麻辣撈嘢 $32味道啱啱好又唔會太辣，不過如果多啲手撕雞就更好😎😎涼拌皮蛋豆腐呢個小食好好食，主要係個辣汁條配都幾好，蔬菜春卷就正常味道，冇咩特別，講真可以咁平都冇乜要求，仲要真係幾好食…查看更多

睇完YouTube節目都好想試吓雞白湯拉麵，星期日外賣就試下佢！雞白湯拉麵幾濃郁，甜甜地又唔會話太咸，掛湯能力都OK 而黑蒜拉麵個湯底超香濃，令人忍唔住都想飲幾啖😂用外賣平台買真係好抵，整體物超所值…查看更多

聚會喺紅磡揀咗呢間餐廳，朋友話lunch set 都幾抵食所以一齊再嚟試下晚餐雞翼真係得表面有味，入面就唔係太有味道，唯一嘅好處熱辣辣啱啱炸起雖然賣相感覺上一般，但係新鮮炸起真係好好食👍🏻肉眼扒五成熟，都幾嫩滑，最好食係隔離嘅薯仔🥔唔小心食左好多全晚最好食係呢個豬手，外脆內軟，仲問我哋使唔使影張相先切，所以就可以影到呢張相啦👍🏼之後店員仲會幫我哋拎返入去切，好細心！最後一行四人每人都唔使$200，cp值幾高。…查看更多

同朋友唔係好肚餓又想食啲嘢就去咗呢間居酒屋，水母刺身口感幾得意，柚子味甜甜酸酸芝士玉子燒真心好食，個蛋整得好滑，樣貌都好適合打卡😂申子卷幾特別，入面包住嘅係魚皮，感覺好香港嘅菜式🙈幾值得支持嘅餐廳！…查看更多

喺將軍澳想試下啲唔係西餐嘅嘢，所以就揀咗呢間餐廳🍴入到去佈置好有feel，感覺上好適合談心嘅地方咖喱雞唔辣，咖喱味偏印度嘅感覺，極適合點呢個餅食！最後又叫多咗份🫶🏻原味同牛油味都好食😋呢個蝦米紙就略嫌有啲失色，唔係太有味道呢個蠔餅感覺好有趣，即炸同埋好鬆脆👍🏻同朋友仲叫咗杯嘢飲，味道正常，如果想食下泰國菜呢間都唔錯，不過就唔係九龍城個種感覺…查看更多

難得放寬限聚令就同屋企人出去食飯，屋企人一直都好鍾意食唔同類型嘅cafe，今次揀咗呢間比較日式feel是日精選海膽忌廉蟹肉意粉 $168絕對對得住價錢！調味唔會太單調得忌廉味，各樣都配合得幾好好嫩既牛肉，最特別應該係Wasabi味嘅薯蓉，唔會嗆口，感覺幾特別👍🏼👍🏼👍🏼雞翼柚子味太重，屋企人嫌佢太甜😂全日早餐好有誠意，冬菇上邊應該係有啲酸忌廉，有紫薯餅同埋菠蘿都好特別上面三個甜品都好好食，tiramisu略嫌苦味重咗少少，期間限定嘅草莓戚風蛋糕勁好食，證明蛋糕的確易學難精！另外芝士蛋糕都唔錯，不過冇戚風蛋糕咁深刻😍😍屋企人都好滿意今次嘅午餐，大家星期六日都可以體驗下🤙🏻…查看更多

有朋友話黎開呢間食午餐都幾好，所以今次一行四人黎聚會雞翼基本上得面有味，入邊基本上都冇任何味可言🤣唯一好處就係香脆即炸卡邦尼意粉中規中矩，不過隻溫泉蛋略嫌熟d肉眼五成熟好好食，但最最最好食係啲薯仔！重點應該係因為夠淋但又唔係拎起就爛個種朋友聚會最緊要係咩？除咗傾心事仲有打卡，呢隻豬手真係好啱影相📸️仲要係咁多日入邊最好食😋咁多樣嘢最推介呢一樣！…查看更多

喺荃灣路德圍經過串燒店覺得好香，嗱嗱臨搵吓有咩串燒店可以坐低食就搵到呢間，估唔到超有驚喜！😍自己同朋友都唔食辣所以寫咗走辣，點知個湯底真心正！酸酸地跟住得好少辣味，食得好舒服！差啲因為呢咁想叫多一碗🤣肥牛同餃子正常味道芝士薯波正正常常，芝士味都出，重點係熱辣辣！叫咗牛舌，雞軟骨，雞腎，雞皮同埋豬頸肉老實講有啲我估都係雪藏貨，但重點食落全部都好好食！私心推介豬頸肉呢個雞泡魚乾貴咗啲，但真心好食。。大家好鍾意食茄子所以呢樣係必叫，完全冇燒乾，蒜味十足🤟🏻叫完之後原來買一送一，聽完心情即刻好好🤣唔飲酒嘅女仔都可以試1664，易入口老實講食串燒就一定唔會好平，都$360/2人，但呢間餐廳可以一試🤙🏻…查看更多

係中環夜夜地又唔算好肚餓，2個人就入左去打算食個米線，點知入到去個餐牌同知名米線店一樣😂無論係餐牌設計，價錢，內容都好似。。最後叫左個蒜泥白肉同埋過橋米線🍜過橋米線番茄湯十小辣講真料都算多既，但個湯底真係好一般，應該係番茄味唔夠但個辣又有少少啃。。最後同行友人食完一直肚痛，唔知關唔關事但係味道的確一般🥲蒜泥白肉啲肉幾好食，但個味道都係知名米線店好食d想食米線過下口癮都ok，但係咪好好食？就好個人口味了…查看更多

雖然由mtr行過去唔算好近，食完都覺得係值得。🌟燒春雞配炸番薯條$138燒春雞好香，肉質鮮嫩，不過最緊要個番薯條好好食😋平時都係配薯條多啲，所以呢個算幾特別🤟🏻🌟煙三文魚雜菜意大利飯$128一開始都驚啲菜會好奇怪，但之後加埋一齊都幾好食，難得creamy 得黎又唔會太濃郁，同行嘅朋友都覺得唔錯…查看更多

呢間係而家土瓜灣最出名嘅舖頭之一，最正係自己選擇任何配料😎😎今次揀咗芝士漢堡+焦糖洋蔥+洋蔥🧅後尾諗返早知加多隻蛋！洋蔥真係好有誠意，甜甜地令到成個包更加好食，肉香而厚身，拎咗30分鐘先食都冇咩問題。而家喺香港有得自己揀真係好難得，支持💛希望日後有得配薯條啦…查看更多

難得放假要去下cafe，平日人少d感覺舒服d。朋友話呢間睇落性價比幾高，所以就過黎試下~~牛油果🥑煙三文魚酸種麵包真心好食，煙三文魚一啲都唔hea！份量多而且好新鮮既感覺，又夠厚身，兩個人share又幾岩。牛肝菌黑松露雞柳意大利飯呢個飯嘅軟硬度適中👍🏼呢點已經覺得值得欣賞，味道唔會太濃。兩杯飲品可以半價，味道正常呢個窩夫好有趣係酥皮feel，有驚喜，但一定要share先得😂唔係嘅話實在太邪惡整體而言值得一試，cp值幾高…查看更多

係中海日升中心經過一直都想試，終於有機會！台灣野係一樣你成日心思思想食但又好怕膩既一種款式😂好彩今次冇令我失望材料豐富，排骨好酥脆口感同味道幾好，不過怕太熱氣都冇點食皮。個紫菜昇華左成碗食😂忍唔住食晒d飯。。好彩有菜頂住冇咁肥冇咁邪惡既手撕雞應該比較岩女仔食多d，偷食左d都覺得味道平衡，如果係返工午餐食輕便d好！每人加左杯$13豆漿，700ml飽死！不過總括而言，一定有下次，會想再試其他款~~…查看更多

成日係土瓜灣出沒都冇機會食，今日Gym完就試下佢：呢個真係幾有驚喜，入面有牛角包牛油果雞肉雞蛋，全部都係我鍾意食嘅嘢🤣所以就覺得好食！！我同朋友都覺得卡邦尼意粉就有啲酸，一開始食以為壞咗，之後同店員講佢哋好快就幫我哋換咗碟。味道好左好多，但同平時食開既都唔係幾同味，感覺上係冇咗種忌廉味🤔但好多謝店員即刻幫手處理！兩杯咖啡都正正常常，拉花ok👍🏼人均消費$150都好合理，有機會都會再試下: )…查看更多