巨胃善的個人專頁

今日MegaBox返工，到咗食lunch嘅時候真係頭都大埋，唔知食咩好。諗來諗去，都係去茶木穩陣啦，冇得輸。入到去，見到佢出咗個新嘅三文魚茶漬飯，睇落都幾吸引。我呢個人鍾意試新嘢，就膽粗粗叫咗嚟試吓。點知一食落去，真係一般般咋喎。比起平時嘅日本茶漬飯，個湯唔夠濃味，冇咗嗰種香濃嘅感覺。個三文魚都一般般，唔係話難食，但係都冇乜特別。反而朋友叫嗰個手工麵就正喎！佢俾我試咗啖，個麵夠彈牙，真係食到我有啲後悔。下次嚟一定跟佢叫手工麵，佢真係食麵正啲。總結吓呢餐嘅體驗，都唔算太差啦。雖然新嘢唔係咁hit，但都算試過。下次返嚟都係食返啲老字號嘅嘢。不過都要讚吓茶木夠膽出新嘢，希望佢繼續研發，等我哋有更多選擇啦！…查看更多

回憶返晒嚟，以前讀Poly嘅時候成日食嘅肥婆雞，真係勾起咗好多回憶。曾經為咗食佢等咗兩個鐘，今次好好彩，一嚟就入到去唔使排隊。今次啲味道都仲係一樣，冇令我失望。蛋炒腸粉，超級無敵好食，香口彈牙。一定要叫個淨米線，個湯係足料靚湯，好正好令人懷念。其他串燒都係正常嘢，性價比超高，絕對抵食。唯一係燒茄子冇之前食嗰啲咁Juicy，有啲可惜。不過總括嚟講，依餐飯真係好正，滿足一百分！雖然而家畢咗業冇咁多時間嚟食，但一定會搵機會再嚟，帶埋啲同學仔一齊回味下當年嘅青春味道。…查看更多

朋友係銅鑼灣呢間日本料理店嘅熟客，佢帶我去食廚師發辦。估唔到咁抵食！$490就食到10幾道嘢，連$500都唔使。因為朋友係熟客，廚師仲送多咗一兩件添。15道菜入面以壽司為主，都有少少煮物，夠晒豐富。最好食嘅係鯖魚海膽壽司同埋吞拿魚蓉海膽豆腐，兩樣都超級好食，調味做得超好。最令我驚喜嘅係佢個飯，做得好好食，完全唔使加豉油。配埋新鮮材料，真係絕配。呢間店啱晒想食廚師精選又唔想洗太多錢嘅人。又抵食又方便，真心推介大家去試吓！…查看更多

真係有排排長龍嘅實力。平時去食基本上都要等好一陣子，但今日竟然冇咩人，等咗冇幾耐就入到去，真係好彩。佢哋啲餸料選擇多，有四十幾款揀。我叫咗個脆香魷魚，香脆可口又唔會太乾。至於個魷魚好食，但係對我呢啲唔係好食辣嘅人嚟講太辣。湯底我揀咗個特濃蕃茄薯仔，香濃又唔會太鹹，叫咗個響鈴朔晒啲汁，超級正。個湯飲晒，不過食唔晒啲薯仔實在太飽。雖然今次冇機會試到佢哋嘅花甲，但聽聞都係好評如潮。希望下次可以早啲嚟，趁未賣晒試吓。環境就咁啦，都係普通車仔麵舖咁上下。但係都唔係話好差，最緊要食物正啦。總括嚟講，唔使排隊我可能會日日食。…查看更多

好少去北角 既然去到嗰頭就搵啲嘢食見近近地有間丼飯就試吓一個人最適合食呢啲套餐個蟹吞拿魚蓉丼飯真係幾好食。個碗嚟到檯面已經睇到好豐富，蟹肉同吞拿魚蓉鋪滿成碗飯面。兩種海鮮夾埋一齊食，再加埋蟹籽同三文魚子，鮮味十足。出邊好多時啲蟹肉都冇味，但係佢呢間個蟹肉好新鮮好有味。佢個麵豉湯都好好飲，前菜都好食，但係有個啫喱狀嘅前菜就太濃味。份量啱啱好，我清晒一粒飯都冇剩。價錢中等，我覺得都算抵食嘅。如果鍾意食日式丼飯嘅話，呢個丼飯真係值得試吓。…查看更多

九龍城壽司得嗰幾間，見有新野即刻試😌非常高質！ 非常好味！而且員工態度好好！外賣自取，去到餐廳見到一個人都冇，覺得好可惜🥲 特登上嚟寫食評推一推，值得試！赤貝壽司用咗活赤貝！好正～推介大吞拿魚壽司，其他果六件都好正😌…查看更多

我好鍾意食韓點嘅壽司以前住附近日日都食今日出黃埔為咗食佢 大熱天時行過去 再行返紅磡搭車去到個姐姐問我要一條定兩條 我已經打晒問號我指要圖片個set$28 壽司佢話係2條 點知比錢個陣先知$28條我懷疑佢聽唔明廣東話，因為佢操普通話口音😂我堅持我係要一set佢仲要鬧返我轉頭態度奇差以前老細人好好 韓國人依家呢位姐姐令我O咗嘴唔緊要 如果野食好 我可以忍一睇 size細咗 以前大大舊好多料一食 d飯硬嘅，d料無味嘅唯獨是個辣醬同以前嘅一樣仲難食過7仔個d韓式手卷我真係想喊出黎因為我的最愛韓點壽司已不再😭…查看更多