JennyCheung1998的個人專頁

中環隱世日式串燒居酒屋🏮1. 梅子蕃茄 $58酸酸甜甜幾開胃 作為餐前小食一流2. 雞皮餃子 $60皮脆多汁 餡多皮薄3. 煮牛筋 $75有好多舊 都幾腍 冬天配酒食好暖胃4. 免治雞肉棒 $58雞肉打到均勻 仲有少少軟骨嘅咬口 點埋個蛋汁食 口感豐富5. 雞橫隔膜 $35幾特別嘅Texture 有啲似食雞軟骨 但係又冇咁爽口6. 雞翼 $45幾juicy 雞肉幾滑7. 豬頸肉 $48豬味幾出 油脂分布均勻8. 九條蔥豚肉卷 $48蔥香味十足 豚肉味幾突出9. 牛舌芯 $68牛舌肉質幾厚嫩 有咬口10. 蜜柑鯛 $138刺身好新鮮 食落肥美又鮮甜11. 果汁梳打汽水 $32嗌咗蘋果味 同埋蜜瓜味 甜甜地幾fresh 幾好飲📍星橋居酒屋 中環嘉咸街35-39號嘉豪大廈地舖…查看更多

上環英式經典fish and chips🇬🇧1. Fish and chips all day set (Halibut) $143揀咗比目魚 個肉身非常之嫩滑 個外皮炸得好香脆 食落咔嚓一聲 入面嘅魚肉有非常之厚身 肉汁非常之飽滿 食落啖啖滿足 鍾意食滑身魚肉嘅朋友一定要嗌 個餐仲有薯條 同樣炸得好脆 份量十足 呢個價錢有一個all day set算係幾抵+ Crab Croquettes Salad個炸蟹波波入面滿滿嘅蟹肉 外皮又好香脆 再加埋啲新鮮嘅沙律 食物非常之滿足 + Iced Sparkling Peach Tea飲落幾fresh 有啖啖蜜桃嘅清香味 好啱配啲油炸嘅嘢食 非常解膩2. Roasted chicken all day set $108除咗炸魚薯條之外 另一個鎮店之寶就係呢一個燒雞 有半隻 食落都幾大嚿 燒得啱啱好 個調味有燒汁甜甜地嘅味道 個皮薄薄地又燒得微微燶嘅香 而個肉都好滑好嫩 仲保留到肉汁唔會太乾 配埋個粟米食 啱啱好 可以解一解膩+ Fried Mushroom Salad幾特別 好少見有炸蘑菇 個沙律菜同樣非常之新鮮 個汁仲要係特別調配嘅 好味+ Passion Fruit Soda非常清新 酸酸甜甜 中和咗啲炸物嘅油膩感📍Fish & Chick 上環禧利街27號地下F號舖…查看更多

銅鑼灣韓式刀削麵推介🇰🇷1. 花蛤刀削麵 $78份量好多 蜆嘅數量都好多 食落雖然唔大隻 但係都鮮甜嘅 湯底係簡單嘅清湯味 而麵呢係比較粗身嘅麵條 咬落唔係好韌 亦都唔會好腍 係幾特別 食落真係有種自家製個種舒服嘅味道 配料都好多 有紫菜蛋絲青瓜菇等等2. 雞髀刀削麵 $78雞髀都幾大隻 已經炆到好腍 雞肉可以一絲絲咁挑出嚟 個湯底比較平實嘅 鹹鹹地嘅清湯 仲有好多配料 包括紫菜 蛋絲 青瓜 薯仔 同菇 呢個價錢呢個份量食到韓國嘢都叫幾抵 個麵嘅份量都好大份 冬天食一碗暖笠笠又飽肚3. 海鮮韭菜煎餅 $68佢係好傳統嗰隻厚實嘅煎餅 煎得都幾脆 入面都有蝦有韭菜等等嘅餡料 作為小食配麵食啱啱好📍自家製韓國刀削麵 銅鑼灣駱克道397號金禧大廈地舖…查看更多

中環蘇豪新開韓式打卡cafe🇰🇷1. HAUS YOGHURT PLATE $128賣相好靚 成個配搭好簡單 有Yogurt 中間有藍莓醬 仲有啲新鮮嘅無花果肉 食落好清新好fresh 輕食之選2. BANANA CRUMBLE TIRAMISU $65細細杯 但係個賣相都幾靚 好啱喺中環行完街覺得攰過嚟飲杯嘢食個甜品嘅feel Banana係有個焦糖喺面 所以食落幾甜 而佢個底係用咗Tiramisu蛋糕 食落好Creamy 都有啲咖啡味 再加埋啲Crumble 層次分明 口感豐富3. JASMINE TEA LATTE $50呢杯幾特別 用咗Jasmine tea做茶底飲落相對Vanilla Bean latte冇咁甜 有種茶底嘅回甘 但同時又有咖啡嘅味道 偏濃偏苦 而且飲落好smooth 個人幾喜歡 飲耐咗都唔會覺得膩4. VANILLA BEAN LATTE $50雲呢拿味好香 飲落甜甜地咁 簡單嘅咖啡 非常大杯 可以坐喺度飲返一兩個鐘唞吓📍Haus Coffee Club 中環士丹頓街32號地舖…查看更多

銅鑼灣和牛丼推介🐮1. A4 日本和牛丼 $168和牛粒嘅份量都唔少 每一粒都燒得幾好味 一咬開啲肉汁就係咁咇出嚟 仲有啲和牛嘅油香 肉質厚嫩 個熟到啱啱好 唔會太嚡 亦都唔會太生 本身已經有啲甜甜地嘅燒汁味 再加埋個招牌紅酒照燒汁 食物特別惹味 再加埋個蘭王蛋 同埋炸得好香脆嘅蒜片 撈埋個飯食 好滿足2. Slow Cow 招牌 $104呢個招牌個set本身只要$88 加咗$6個蛋同埋$10嘅沙嗲醬 今期個沙嗲醬係同浩銘記合作嘅 食落好有港式嘅沙嗲香味 花生同甜味都比較突出 醬汁偏傑身 所以成個醬汁都好香濃 突然之間覺得有啲日式MIX港式嘅風味 個牛有大概五至六大塊 燒得都啱啱好 側邊有少少燶邊 但中間又唔會太熟 有啲牛嘅油脂香 加埋隻蛋 同埋秘製嘅忌廉 撈埋個日本米食 都幾和味+$12 汽水📍牛丼新造 銅鑼灣軒尼詩道500號希慎廣場B2樓B217號舖…查看更多

灣仔珍姐姊妹店之邊爐推介😆1. 招牌豬骨蜆湯 $298呢個湯底十分之足料 個豬骨超大嚿 一定補到你嘅骨膠原 顯有非常之多 粒粒都好鮮甜好入味 個湯底就咁飲已經十分濃味 好少見打邊爐湯底有呢個選擇2. 豪牛拼盤 $358有幾款牛 個人最鍾意係封門柳 相對肉味會出啲 兩個人嗌個細嘅份量已經非常之夠 賣相都非常之靚 睇得出係新鮮食材3. 花雕雞翼 $78好少見打邊爐又得食花雕雞翼 仲要煮完之後個雞味同個酒味都非常之突出 仲保留到雞汁 係幾特別4. 白鱔片 $158食得出係新鮮嘅靚料 魚味嘅鮮甜好出5. 即炸魚皮 $78食得出真係炸嘅 薄薄地 但係好香脆 有啲試食魚嘅薯片咁 食到停唔到口6. 黑毛豬頸脊 $138豬味幾濃郁 薄切 所以煮落好嫩口 唔錯7. 牛胸爽 $88口感好特別 咬落好爽口 鍾意啲特別口感嘅朋友可以一試8. 雜菜拼盤 $58有好幾款雜菜 有生菜 娃娃菜 皇帝菜等等 兩個人食份量非常之舊9. 菊花蜜 $88呢個價錢有一渣 大概斟到四至五杯 甜甜地解渴又解膩 啱晒打邊爐飲📍豪牛 灣仔謝斐道303號地下2號舖…查看更多

中環鬼馬chill chill酒吧餐廳🥰 1. Grilled Angus Ribeye 280g $348呢個牛扒幾好食 賣相都幾靚 嗰個熟度啱啱好 個牛嘅厚薄比例非常好 食落又好腍身 表面有輕輕咁煎香咗 牛味又出 而且幾juicy 仲有啲沙律菜同埋薯條 薯條好香脆 仲有個焗香蒜 呢幾個配搭啱啱好 好滿足2. OX Tongue Hummus $118個牛舌粒粒好腍身 鷹嘴豆嚟個份量好多 食落飽肚 配埋個包食 意外地幾夾 作為前菜嚟講幾唔錯3. Cauliflower Taco 3pcs $128好少見有椰菜花嘅taco 啱曬啲素食者 食落有個調味又幾惹味 4. Chicken Skewers (2pcs) $88雞肉燒得啱啱好 食落幾滑嫩 又有嗰種炭燒嘅香味 好啱送酒5. Juice $58叫左一杯西瓜汁 一杯菠蘿汁 兩杯都幾fresh 唔飲酒都可以坐係到chill📍好易食 中環蘇豪伊利近街23號地舖…查看更多

中環新開日本抹茶專門店 🇯🇵1. 日式芭菲 $50個賣相好吸睛 個杯上面仲印咗隻狗狗嘅圖案 幾可愛 呢個芭菲係用咗抹茶底嘅雪糕 食落去偏甜有抹茶味 奶味相對出啲 仲有唔少配料 有紅豆 抹茶蕨餅 同埋穀物脆脆喺個底度 層次豐富2. 焙茶鮮奶 $36焙茶係見着個店員係你面前整嘅 佢好認真咁將啲茶粉用熱水溝勻 然後再倒落個鮮奶度 真材實料 係焙茶鮮奶嘅味道3. 焙茶濃縮奶咖啡 $43飲落香濃嘅咖啡味 仲有啲焙茶味嘅餘韻 鍾意飲咖啡又鍾意飲焙茶嘅朋友就啱晒啦📍 豆と茶 中環閣麟街12號致發大廈地下2號舖…查看更多

中環街市必食魚生丼😍1. 三文魚親子丼最簡單嘅配搭 但係襯托出最好食嘅味道 三文魚子份量好多 粒粒都好晶瑩剔透 食落每粒都好多汁好鮮甜 喺香港食到呢個質素好難得 再加埋好幾塊厚切嘅三文魚 食落非常肥美同鮮甜 而個飯嘅份量都好足料 壽司醋比例同飯嘅硬度都啱啱好 好味道2. 火炙漁夫丼 個賣相已經十分之靚 入面好多款隻燒嘅魚刺身 每款都燒得好靚 燒得啱啱好 有少少入口即溶嘅味道 食得出好新鮮嘅出色食材 最鍾意油甘魚同埋左口魚裙邊 好有鮮甜嘅味道 個飯同上面一樣都係咁好食3. 蜜瓜乳酸 $38有好靚嘅青綠色分層 飲落有蜜瓜汽水個種甜味mix calpis 乳酸嘅味道 幾清爽4. 酔機嫌 岡山県矢掛町梨酒 $68有好多梨肉 飲落有陣陣梨嘅清香 仲有少少酒嘅後勁📍魚がし日本一 中環皇后大道中93號中環街市地下G12號舖…查看更多

太古alfalfa期間限定泡菜卡邦尼系列🥰1.韓國蠔泡菜卡邦尼意粉 $138難得見到呢一個配搭 蠔都有好幾隻 望落脹卜卜 食落幾惹味 個泡菜份量都好多 撈埋個卡邦尼意粉 食落唔會太辣 但又有啲韓式風味 意粉係平時食開嗰種粗幼度 軟硬適中 仲有啲煙肉 都幾豐富+餐湯 揀咗蘑菇湯 蘑菇非常濃郁 而且好Creamy +芒果熱情果梳打飲落好清新 好解渴2. 吉列豬扒焗飯.芝士黃薑咖喱汁 $114好少何見咖喱汁配埋黃薑飯 呢個焗飯係鐵板直出 所以食落熱辣辣 而且飯粒分明 加埋個芝士同咖喱汁咁樣食 嘅有咬口得黎又有個熱度 而個吉列豬扒都好香脆 食落又唔韌 都幾惹味 唔錯+沙律正正常常 幾fresh+鮮蘋果青檸薄荷梳打真係用咗新鮮蘋果同薄荷 所以飲落非常清新 好爽📍alfafa太古康山道1-2號康怡廣場北座M樓M2號舖…查看更多

中環度假風情墨西哥餐廳🌮1. Ceviche $138前菜叫左個tortilla chips with 個伴菜 係有啲蝦 蕃茄粒牛油果粒 食落幾重lime 嘅fresh同酸味 十分之開胃 chips都好香脆2. Cabo Burrito $168好少見香港餐廳有burrito 而且係用碟靚靚咁上菜 切開入面滿滿嘅飯 main要左雞肉 再加埋啲菜同豆同啲汁 食落口感非常豐富 而且都幾辣幾惹味3. Baja Fish Taco $128墨西哥嘢一定唔少得taco 呢個夾魚食好正 有魚炸皮嘅香脆 又有魚肉嘅嫩 再加埋啲配菜又fresh 啲 同埋個汁 有啲沙律醬得黎又有啲辣同酸 同皮嘅厚度都啱啱好 配酒飲會幾夾4. Berry Lemonade $68有啲berry味 lemonade 個檸檬味會再出啲 飲落偏酸 唔會太甜 5. No-jito (Cucumber and Mint) $68飲落超級清新 有大量薄荷同青瓜 所以飲落都好重呢個味道 配墨西哥嘢食幾夾📍Santa Monica Cantina 中環些利街9號地舖…查看更多

灣仔特色牛骨湯拉麵推介🍜1. 牛骨白湯拉麵 $98坊間好少見牛骨嘅白湯底 飲落好厚身 好Creamy 非常足料 牛味好濃好出 食得多雞白湯都可以試吓牛嘅白湯 係幾特別 而個拉麵係幼身嘅 軟硬適中 非常掛汁 仲有一片和牛 食落幾嫩口 同埋叉燒甜甜地 又淋身 幾好食2. 牛骨麻辣叉燒拉麵 $108食落幾香幾麻 鍾意麻辣湯底嘅朋友可以一試 同時個牛味都好出 每一啖拉麵都掛到個湯汁 佢個麻辣好惹味 後勁都幾強 叉燒好腍身 燒得幾靚 3. 餃子 $45煎得幾靚 望落幾吸引 食落熱辣辣 煎得啱啱好 入面都幾juicy📍無限ラーメン 灣仔皇后大道東130號地舖…查看更多

中上環荷利活道地道泰菜推介😍1. CHICKEN NOODLE CURRY (KHAO SOI GAI) $118咖喱味好香濃 個湯底比較濃稠 所以啲麵非常之掛汁 每一啖都食到咖喱嘅香味 唔算太辣 鍾意濃味嘅朋友可以一試 二個雞髀都好大份 煮到好腍好滑嫩 唔錯+ WATER CHESTNUT $48好特別嘅甜品 有啲好爽嘅馬蹄 椰子同芒果肉咬吓咬吓咁 2. SEAFOOD FRIED RICE $136炒到非常之香 材料都十分之足料 有魷魚 食落好彈牙 又有蝦 同蟹肉 食落幾甜 個飯仲有好多菜 啖啖飯都有料 幾惹味+ PAPAYA SALAD $58作為side dish嚟講都幾大份 食落好開胃好fresh 有少少香辣 青木瓜絲好清甜好新鮮3. MANGO COCONUT SMOOTHIE $68芒果味幾出 椰子味都有少少 飲落透心涼4. PASSIONATE FRUIT PINEAPPLE SMOOTHIE $68飲得出係新鮮即整嘅 熱情果啲籽都仲喺度 酸酸甜甜咁幾開胃幾解渴PS lunch set 仲包左沙律 📍耀華力 中環荷李活道108號CentreStage地下C號舖…查看更多

中環屹立多年嘅拉麵店🍜- 霸媽二人前 $248包兩碗拉麵 一碗叫咗最傳統嘅炙燒豚肉拉麵 一碗叫咗雞白湯雞叉燒拉麵 兩個拉麵湯底都非常之濃郁 同厚身 雞白湯飲落會相對比較清啲 而斷骨就有非常之濃厚嘅豚肉味 隻燒豚肉都好香好好食 雞叉燒食落就比較滑嫩 拉麵都非常之掛湯 軟硬適中 個餐仲包咗兩款小食 一個係枝豆 如果叫埋酒嘅朋友就可以送酒 另一個就叫咗餃子 係好典型類似大阪王將嘅餃子 佢仲可以加多個拉麵嘅配料 同埋包埋兩杯嘢飲嘢 呢個價錢喺中環嚟講 算幾抵食📍霸嗎拉麵 中環蘭桂坊德己立街22號地舖…查看更多

太古難得一見嘅韓國菜代表🇰🇷1. 橡果黑毛豬卡邦尼意粉 $102呢個意粉都幾特別 用咗黑毛豬取替Bacon 食落有種特別嘅香氣 豬味都十分之濃郁 個白汁都好Creamy 個意粉好掛汁2.韓式炸雞（無骨半份）$108叫咗柑橘味 食落有啲橙嘅香味 甜甜地咁 幾Fresh 夏天食一流 個炸雞個皮都好香脆 食落啖啖肉 仲配咗啲薯條同年糕3. 醬油黑毛豬白切肉配大醬生菜 $182黑毛豬層次分明 肥肉同瘦肉嘅比例啱啱好 再加埋埋個醬油鹹鹹香香 用生菜加大醬再加泡菜一齊食 口感十分豐富 韓味十足4.Banchan & Cook 提拉米蘇 $68好特別嘅Tiramisu 入面有紅豆餡 仲有啲咖啡香 酒味就冇咁出 食落有啲似咖啡味紅豆嘅蛋糕 5.白桃甜蜜梳打（凍）$46好清新 有甜甜嘅白桃味 飲落好解暑 好解膩 幾舒服 6.溶化朱古力 （凍） $42好Creamy 有啲朱古力味📍반찬앤쿡 Banchan and Cook 太古太古城道18號太古城中心2樓222A號舖…查看更多