kalokwong的個人專頁

是日同女友去完海洋公園, 玩到入夜先走我諗大家知啦 主題樂園入面既食物係幾咁貴而且一早講好左食euro go go 既雞翼, 所以即使幾肚餓都搭車去到沙田先食晚餐!一到沙田二話不說衝上連城去euro go go, 其實時間都唔早, 接近九點, 但店內仍然有唔少人, 僅僅有一張二人枱咋!拿拿聲叫左蜜糖雞翼, 鮮茄墨魚意粉, 同埋菠菜芝士龍脷柳意粉第一次試既菠菜芝士龍脷柳意粉, 都唔錯架, 幾夠芝士, 夠香, 菠菜唔會太老, 太"鞋"主角龍脷柳都有三大塊, 味道ok意粉就不過不失, 唔會過稔!另外雞翼我自己都係第一次試, 女朋友之前就試過整體感覺唔錯, 少少蜜糖味, 隻雞翼又香香地, 正鮮茄墨魚意粉之前都試過lu, 無咩驚喜, 因為都係好味其實我自己就好怕酸, 不過佢呢隻鮮茄我接受到墨魚有咬口, 唔錯!都幾抵食!------------------------------27-8-2011是日去go go下午茶撐枱腳 周末既沙田真係非常非常多人 行步路都好辛苦...... 去到go go亦都等左十分鐘先有位坐低今次叫左三樣食物: 恨食好耐既"芝士焗青口"加六蚊配個"蕃茄湯通粉" 同埋 "百寶pizza"半份先講下青口先, 一盆六隻, size都ok, d芝士好香囉!mad香噴噴芝士配落隻青口度好好味, 我地不斷將盆入面既芝士放上青口度一齊食, 正呀!lol百寶pizza 其實係ok既, 不過有d奇怪係我未試過pizza上面有一大塊蕃茄肉唔係話唔好食, 但個蕃茄好濕呀, d汁流出黎令pizza濕左, 變得唔脆唔知係咪店面客人多既關係, 焗既時間唔夠, 令水份多左呢??呢餐最大驚喜非呢個價值6蚊雞既通粉莫屬原本諗住6蚊一個通粉, 佢比普通貨色你都算係咁 點知係幾好食囉!蕃茄湯唔會太咸太酸, 較得岩岩好, 通粉熟既程度剛好而且通粉係有坑紋果隻, 正正係女朋友鐘意既通粉lol6蚊一碗通粉, 仲想點??tongue------------------------------唔同時間幫襯都唔可以分兩篇食評出?ok..... 我放埋同一篇囉…查看更多

隔離雞蛋仔無開門, 諗都唔洗諗過黎時新tea一tea其實唔係第一次食時新, 不過之前都係女朋友買外賣比我 所以今次算係第一次到訪時新之前已經食過雙層芝士蛋漢堡, 所以今次想試d新野望住牆上既menu諗左陣, 唔想食飯面, 所以都係揀返包, 最後決定係豬扒包 女朋友仔就揀左炸雞脾買完飛唔洗等好耐就有得食!第一個感覺就係塊豬扒好薄, 真係薄過m記塊豬柳味道就同普通茶餐廳雜扒飯既豬扒一樣, 無咩特別面包同埋個沙律醬都ok ge, 不過塊豬扒就真係唔係好得!隻炸脾都係正正常常, 夠熱, 唔算多油到爆果隻下次黎都係食返比較出名既漢堡算lu~…查看更多

本身諗住去火山石食烏冬 點知撞正休息 就行返轉頭去沙嗲王啦兩個人叫左三樣野 其實有d多但係又想試軟殼蟹, 再加個白咖哩豬扒飯又好似唔夠飽 所以再嗌多個卡邦尼煙肉蘑菇意粉意粉係ok既, 係咸左少少, 呢個汁"杰"既程度唔錯椒鹽軟殼蟹 - 標準份量有兩隻蟹, 斬開四位, 大大件, 啖啖肉不過唔知點解d蟹炸完完全唔脆, 但係又好夠熱, 食落又唔似入過微波爐.......雖然係標準份量, 但我同女朋友都估唔到有咁多茄子茄子唔會太油, 夠熱, 味道淡淡地, 用黎中和濃味既蟹係唔錯白咖哩豬扒飯豬扒唔"鞋", 份量又多, 有三大塊白咖哩味道ok, 唔會辣, 又唔會好咸白飯份量就真係非常足夠!最尾呢餐食唔哂豬扒飯同茄子 浪費........…查看更多

去完係會展舉辦，一年一度既美食博覽之後，覺得今年比往年失色左........原因係，我同女朋友都唔係抱住滿肚食物已經離場!既然未滿足，我定決定坐巴士過海，去搵媽咪醫下肚點知繼上星期係火山石摸門釘之後，再摸多一次失望之下唯有去隔離時新解決啦…查看更多

雖然夏日炎炎, 依然無損我同女友搵食既興致~諗起兩間食店, 因為火山石比較就腳，所以放棄左萬豚屋!興致勃勃想去食返個石窩烏冬, 結果撞正休息想去食烏冬既朋友記得唔好揀星期日呀…查看更多

女朋友發現呢間新開既拉面店，初初我都不而為然，直到女朋友仔話佢係日本黎既舖頭，我先提起興趣。當晚六點半去到，要等七十張枱，等左個半鐘有多先有位，八點鐘時拎飛要等二百張，幾誇！兩隻餓鬼即刻柯打兩碗面同叉燒角包，角包外形幾靚，叉燒肥瘦適中，生菜令肥膩感覺減輕，好味。白丸湯底味道無咁濃，一舀湯送面食簡直一流，赤丸就濃味啲，但唔係咸，飲落喉嚨會有d麻既感覺，幾得意不過個人喜歡白丸多d面條係用比較幼身既，咬落唔林，煙煙韌韌，配埋兩塊叉燒十分唔錯，好快就食完！份量唔算好多，女仔應該夠食，男仔就未必啦，其實我食埋個角包都開始飽，不過見咁正，忍唔住追加左個面底，送埋碗湯食，正呀不過有一個疑問，我聽到侍應幫隔離位order時問客人拉面想要咩硬度，點解我落單同埋追加既時候都無人問我既呢???…查看更多

今年好高興有機會一遊日本關西，試左三間地道既章魚燒，令我同女朋友仔回味無窮！所以要會一會久違了的富久保！其實之前都寫過富久保的食評，本身一向鐘意佢既章魚燒，去完日本比較過後，發現富久保同日本既質素都幾接近。富久保既章魚燒比較大粒少少，足料程度都唔錯，醬汁份量一啲唔孤寒，章魚既味道好似日本當地做得比較出色。總括而言，富久保係個可以一解我倆章魚燒之渴既好地方。相就無影啦，佢d章魚燒個樣都係咁既姐…查看更多

一間好既餐廳總有一啲地方令我留下好既印象，例如陳漢記既美味食物、fat angelos既大件夾抵食、銀杏館既情調。今次黎到好評如潮既勝香園，實在搵唔到一個令我比笑臉既理由。係上環行上去唔太遠，轉入歌賦街就見到排哂隊既九記，勝香園就未見排隊情況。去到剛有兩個空位，叫左檸蜜脆脆、鮮茄鮮牛肉通、鮮茄腿蛋面、咸檸七。先黎既係飲品，咸咸甜甜，幾得意，係三十幾度流哂汗既情形下都唔錯既。 之後就係通粉同面，兩碗既蕃茄量差天共地，而蕃茄既味道一啲特別都無，火腿、蛋、面、通粉全部係想像得到既味道，鮮牛肉差，食過廣成牛肉通就覺得完全唔夠鮮。最後輪到脆脆，算係全餐最好既食物，檸蜜幾香，面包脆脆地，不過有兩啖好鬼酸！雖然一早知果度係大排檔比較熱，但為左呢餐長途跋涉又捱熱就真係唔值啦！…查看更多

其實近期係呢度食過兩次自助晚餐 (有d奢侈) 不過時間有限 就一次過總結下兩餐既情況啦計埋加一 埋單要400蚊一位 對於我黎講確實係奢侈 不過洗錢洗得值得既話 都無咁肉痛判斷呢度值唔值400蚊就要睇你個人口味啦 先講下d食物先正:即開生蠔 - 有人話生蠔好細隻、無肉、太咸 的確係事實 不過我反而幾鐘意佢好夠fresh長腳蟹(鉗) - 雖然個鉗比較硬 難開少少 但拎住隻大蟹鉗大啖咬真係正到痺鵝肝多士 - 即煎鵝肝放上多士 鵝肝入口溶化 多士夠脆 必食 不過比較"漏" 食得多容易滯甜蝦刺身 - 新鮮好味焗蠔 - 如果唔鐘意生蠔細隻同埋咸 焗蠔應該會岩你 除非你唔鐘意食蠔牛奶布甸 - 滑滑布甸 奶味好香!燒牛柳粒沙律菜 - 呢個我無食 但媽媽話好好食好新鮮朱古力慕司 - 朱古力味夠香濃 唔會太甜 口感幾好ok:心太軟 - 其實係好味既 不過水準較飄忽 唔係每一個心太軟都可以控制得岩岩好海膽 - 睇運氣 第一次食係好新鮮既 encore果次就腥木槺布甸 - 正常和牛 - 味道ok 不過好似肥左d同有d筋 咬唔爛野菜天婦羅 - 炸得好好味 一定要岩岩炸起先好食豬腳凍 - 正常差:macaroon - 我唔識欣賞..... 好甜仲有少數甜品都唔好食我覺得比400蚊 可以任食我覺得"正"同"ok" 既野 都算抵既不過食呢兩餐飯 有一個人令我印象深刻 佢就係甜品師傅(唔係企係心太軟位果d後生仔)第一次幫襯 食到尾聲個個都排隊拎心太軟 當時負責心太軟既係兩個junior staff佢地做得太趕 結果唔少心太軟都爛左 呢個時候師傅出現 搞返掂個爛攤子鬧左兩個junior幾句 就埋頭苦幹整心太軟 整好左之後好誠懇咁同每個客道歉 話要我地等咁耐 又整得唔好...etc第二次幫襯係同女朋友去既 我想係心太軟隻碟上面寫d字送比佢 點知個心太軟counter無staff係度一個人拎住隻碟on居居 呢個時候師傅又出現 問有咩幫到我 之後就好有心機咁幫我寫 寫得好靚!好欣賞師傅認真同誠懇既態度!!…查看更多

tea time時間造訪聞名已久既澳洲牛奶公司 遠道而來都係想一試佢既炒蛋 多士 同埋 叉燒意係門口企左唔夠30秒侍應哥哥就叫我地入去 其實個場都幾爆 不過d檯好快食完一轉坐低發現d侍應哥哥全部都好忙 行得好快 好似永無停手咁 真係未見過咁既情景 有趣可能因為佢地掛住周圍走 我同女朋友有充分既時間睇下餐牌 最後都係叫兩個30蚊餐啦好快野食就黎到火腿 - 正常多士 - 真係好厚 夠暖 好香口 好味炒蛋 - 口感好好 夠滑 雞蛋味好香 但係衰在咸左d 落盬重手左意粉 - 正常熱奶茶都係正常呢個餐30蚊 我覺得試一次ok 或者行過附近都可以食下 但唔會特登走黎食囉不過 好戲在後頭睇餐牌既時候見到燉奶賣20蚊一個 睇落覺得好貴 但諗諗下係澳門食義順雙皮奶都係咁上下價位本身我地走左架啦 但係女朋友提議買個外賣試下結果無令我地失望 燉奶滑一滑 而且奶味好香 又唔會過甜不過係街邊行邊食就狼狽d 所以無影到相呢個"笑"係比燉奶既…查看更多

同女朋友黎到聯和墟熟食中心食lunch本身唔算好餓 有d想食早餐 見到呢間大大個早餐餐牌就坐低左不過諗諗下都係決定食lunch我自己無咩心水 女朋友想食鹽焗雞飯 又想食梅菜扣肉飯 咁我地就叫哂兩個啦 反正兩個我都食既等野食既時候再睇下餐牌 原來鹽焗雞係招牌黎架喎 有得一隻/半隻/例牌 咁叫兩個飯黎到啦d雞略為少左d 唔夠雞送飯 雞既味道唔錯 d雞油滲左落白飯 撈埋一齊食幾正扣肉都唔錯 比較好既係佢扣肉同飯既比例較好 而且有d梅菜 唔洗食白飯嘛美中不足係有舊扣肉燶左一面 不過都無所謂啦 因為我地兩個都食唔哂! 太飽!本身諗住普普通通食個飯 無影到相…查看更多

以前都會去到呢個熟食中心食下野 十次有九次都幫襯海記海記唔係話好特別 但唔知點解總係會揀佢 可能夠近掛呢兩日都去左熟食中心食野 前日見到新開左間添仔蝦餃食點心 已經想試架啦 不過都係幫襯左隔離檔琴日再去 同女朋友的起心肝去試一試 估唔到又幾好喎!落單前問阿姐有咩介紹 佢話蝦餃皇好抵食又多人食 炸兩都好受歡迎 不過兩樣都賣哂囉最後叫左四樣野: 排骨飯 叉腸 蝦餃仔 煎羅白糕排骨飯原來係用砵仔蒸 味道好正常 係ok既叉腸好耐無食過咁正既腸粉 皮薄 而且唔韌 又夠黏 唔會未夾到上碗就散 叉燒份量都足夠對上一次食咁正既腸粉 係上水街市熟食中心未裝冷氣果時 有檔專賣腸粉 唔記得叫咩名 裝左冷氣之後就無左啦羅白糕唔會煎得太燶 油就一定有架啦 無油又點會香呢 個糕本身都唔錯 食落唔會一舊粉咁蝦餃仔就唔算太特別 個皮做得幾薄本身今餐都好完滿 可惜有隻大蒼蠅飛黎飛去 雖然街市環境係差d 不過有昆蟲始終唔好嘛隔離食客都有同阿姐反映呢個問題 阿姐就話係隔離d空鋪唔乾淨 唔知真唔真呢另外食唔到出名既蝦餃皇同炸兩(事後上openrice睇先知出名) 有d失望不過全程都feel到阿姐幾好禮貌!…查看更多

一早知道ben & jerry's 會搞個慈善雪糕日只需捐十蚊就有一個單球(原價$33) 咁抵當然要試!我仲排左兩次隊 食左兩杯添呀超級紐約 - 我鐘意佢呢隻朱古力雪糕既味 唔太甜 而且仲有d果仁 幾正架可惜有d白朱古力 太甜啦 破壞左成杯雪糕另一杯就係strawberry chesse cake呢杯好正呀! 有士多啤利肉 又有餅底碎 口感一流! 不過食到尾就有d溜不過如果要原價呢 就要考慮下 始終對我黎講有d貴…查看更多

真係抵死~ 其實自己住得好近 但係一直都無試過群記 今日終於的起心肝去試一試啦入到去問阿姐先知原來要自己搵位呢d舊式鋪頭 迫就一定架啦 都係收你廿幾蚊一碗面 我唔會要求d咩 好食就得架啦!結果無令我失望之餘 仲要有驚喜! 係估唔到佢咁好食! 份量都比我想像中多大牛丸面有一打牛丸 正呀! 牛丸size唔係好大 但勝在口感好, 彈牙豬手面都幾足料 雖然自己好少食豬手 但呢隻豬手真係正! 推介另外d面都唔錯 幾好味要encore!…查看更多

女朋友話呢度d既雞翼面好食 咁我就同佢一齊黎試下啦果日有d熱 不過鋪頭好夠冷氣喎 爽我叫左雞翼雲吞面 女朋友就試牛腩面雙拼28蚊 單拼22蚊 味道唔差架牛腩就正正常常啦 雞翼同雲吞都幾正下次再黎要試下水餃先…查看更多