homeofficeboy的個人專頁

好耐都冇番竹園邨探婆婆喇，見今日放假就上去探下佢，唔想去太遠就係附近搵間餐廳簡簡單單坐低食少少野，見到有間環境光猛企理，門口重有做斜台方便老人家出入，值得一讚!就揀左入去喇 車仔麵我通常都有揀開幾款餸: 冬菇同雞翼尖，但見到佢有個個名好得意嘅豚爽肉，叫嗌埋試下。 見到個豚爽肉泥到都幾大份，重有切開埋方便食，一咬落去，咦乜咁得意嘅，咁似平時食開嘅豬頸肉，唔知係咪同一樣野呢? 但又幾好食喎! 佢炸粉唔會落太厚，薄薄一層已經做到脆口嘅效果，肉又唔會炸得太乾，重保留到啲肉汁同好爽口，唔錯!小花菇十分入味，滷水味道滲晒入花菇之中，而且小花菇很香滑，亦都夠腍，婆婆食左粒都覺得非常唔錯。雞翼尖同樣非常入味又大隻，用瑞士汁煮過味道好香，甜甜地咁。開左呢間新嘅車仔麵，咁我下次搵婆婆開飯都有著落喇 …查看更多

自從上次食完之後，今日又再訪民華餐廳，一個人最方便，三分鐘內已經可以入座，今日晚餐食飯好似太多，所以我叫左呢到嘅招牌常餐，即係港式all day breakfast。落單後冇耐已經上餐肉炒蛋多士，我最鐘意食佢地嘅多士，真係唔係間間餐廳多士好食，唔係太乾就太薄，但呢到多士烘得啱啱好，唔會話過火，而且厚度非常之好，再加埋牛油搽滿成塊麵包面，食落去啖啖都有牛油嘅滿足感真係非筆墨所能形容!!跟住黎嘅鮮茄牛肉通都係我心中都佔一席位。蕃茄通粉的湯底不錯，顯然是用了唔少的新鮮蕃茄黎製作，真係好濃郁，好有口感，食到一啖啖蕃茄蓉，酸得黎好開胃，唔會只係加茄膏個種盲酸。始終都係呢個常餐最得我歡心，搞到我成日一支公都心思思想黎食。（今日電話唔夠電無影到相，下次先補番，哈哈！）…查看更多

與同事到附近做野,剛剛搞掂個客,有d肚餓,鼠入去食d野,見隔離檯嘆近個西多士，同事提議試下，我冇反對.就叫一個。我叫左杯柑桔蜜,同事叫左熱檸茶。說實個西多士幾有質素,特登影比你地睇下,冇話滲哂油入,夠乾身有水份,外面炸得金黃帶有蛋香，用練奶牛油伴上。亦沒有用花巧野，花生醬在中間搞到甜到溜!說到冬天我叫個杯柑桔蜜好正,好潤...滿足離開…查看更多

食再興,的確有保証，叫左個叉鴨飯,叉燒例牌半肥曖叉,燒得有小小噥邊,很香口,半肥係好味叉燒既靈魂,燒鴨亦好正,很有鴨香,加埋熱辣辣白飯,真係下午返到公司做起野上黎都快過人!!…查看更多

今次第二次入到大埔傾野來這裡食早餐，來個腸粉+魚蛋+牛丸，只需14大圓豉油: 我鍾意多豉油半浸腸粉，唔使提亞姐佢會自動加到夠，其它醬就自助任加魚蛋: 彈口好味牛丸: 很有牛根丸feel，很多牛既tissue組織係粒丸到，正到呀腸粉: 上次比夠好，今天可能流轉比較差了.有點over cook...很淋身，主角係唯一敗筆…查看更多

2、3知己來陳漢記食野，叫左排骨+雞+臘腸煲仔飯、炸兩、蝦米腸粉:排骨+雞+臘腸煲仔飯:排骨好正，很滑、有彈性，有微粒豆豉，很香很好味，雞肉就鞋了一點，屬一般貨，臘腸都ok，飯底做得乾爽，唔錯，仲有少少燋都幾好蝦米腸粉:蝦米整到很細粒，很香平均的蝦米味...可惜粉皮太淋了...失準.之前唔係咁既炸兩:敗筆之選，佢令我知道老油條的討厭既地方...又堅又un....…查看更多

最近忙公司presentation conference，都無上黎寫食評，終於完成工作。可以同2位靚女同事過來食野，我叫左雲吞麵、馬拉糕。雲吞麵麵底明顯行貨，係交貨貨素，但走鹼過度，引致彈性不足，而雲吞亦太散，蝦就不新鮮有點梅淋。馬拉糕都可以夠鬆口，令人滿意。取了靚同事的咸水角，小巧但皮厚得令人難以置信...出名店令人期望太大…查看更多

聽了太耐話佢係由澳洲裡請人的，去到叫個早餐時我認得有個後生仔侍應係澳洲的，挖角傳聞似真有其事。Anyway...這些story都與他的食物質素無關，不過那後生仔侍應比起係澳洲時真的改了不少，有禮貌得多...不過都不太好個種看回食物質素火腿通: 沒有澳洲的濃厚金寶味，通係可以不淋多士+炒蛋: 多士係內軟不過內唔夠脆...炒蛋唔夠香又不夠熱凍檸茶: 個人喜觀濃d個隻...ok 收貨$26早餐的食物質素只算是好一般啦…查看更多