Michele323的個人專頁

嗰日係Lee Garden 附近,諗住同個女坐低食件cake, 見未試過呢間cake, 去到有個比較資深嘅職員好無禮貌咁話佢哋就黎收舖，咁我買上車食啦，問嗰位資深職員比隻叉，佢趕住收工，唔想做生意咁樣。結論係，啲cake貴又難吃，唔會有下次…查看更多

上次去大埔諗住試三多，點知無開，見到旺角開左，即刻襯星期六放假去試下先。去到原來得企位。叫左三多雞翼，因為雞脾太大份，辣肉炒腸粉，沙嗲撈公仔麵。全部都好好食，好香，食過會想再去食。就係太美味，掛住食唔記得影相。…查看更多

上星期五天氣凍左，就想食煲仔飯。諗住去四季煲仔飯，7點左右去到，已經好長龍，見到興記有煲仔飯，都見到好多人排隊，諗住應該ok 啩。等左一陣有位，叫左一個煲仔飯，菜，生炒骨和椒鹽魷鬚。煲仔飯有飯焦，但太「焦」，煲仔飯豉油無味，只有顏色，其他小菜無特別，下次都係試四季。…查看更多

係利園二期泊車，見到呢間未去過，咪試下囉！首先服務員國語唔正，不如講東話好過。魯肉飯好求其，味道麻麻。擔仔麵，好似食緊廣東麵加腩汁。三杯雞，雞肉好「鞋」。菜甫蛋，算係最好味。檸檬愛玉，一D甜都冇，要另外問糖水自己加，蜂蜜綠茶，最正常。好失望，唔會再返去的一間餐廳！…查看更多