koalaishungry的個人專頁

今日同朋友嚟咗灣仔呢間新開嘅台風~ 同旺角同荃灣嗰間唔同, 呢間新分店多咗新口味嘅拉麵, 加上之前個日本師傅仲過咗嚟坐陣, 梗係要嚟試試佢今晚嚟唔算太多人, 喺門口等咗一陣就入得, 排喺我哋後面仲要係日本人, 睇嚟質素應該唔差~ 除咗平時做開嘅魚介豚骨拉麵, 新menu 仲多咗蟹蝦豚骨味同墨汁黑松露味嘅拉麵~ 我同朋友今次就揀咗蟹蝦豚骨味, 墨汁嗰個就留返下次再嚟試啦濃厚蟹蝦豚骨拉麵($88)一開始見到碗嘢就喺度諗, 啲肉係咪生嘅? 究竟係牛定豬肉? 後尾望到枱上面嘅說明寫, 其實係低溫煮熟嘅豬肉, 就即刻安心返lol 食落去肉質的確比較軟熟, 而且夠入味, 都幾特別 湯底真。濃厚~ 有濃濃既蟹蝦味 幾特別 拉面亦夠彈牙, 掛湯能力佳 但如果加左蒜落去既話, 個湯底同深水埗間海老名幾似😂 不過台風個湯底個人覺得比較濃🙈 所以都值得一試, 建議大家唔好咁早落蒜, 咁就可以食到兩個味既湯底haha配料方面我揀左荀轉蛋, 唔食荀既朋友都可以寫底轉 蛋方面煮得岩岩好, 夠曬溏心, 可惜唔太夠入味 希望下次嚟會變得更加好食啦~ 總括嚟講, 個湯底幾特別, 食完都好滿足, 而且唔收加一, 值得一試…查看更多

今日我同朋友都想食烏冬, 就去咗淘大花園呢間丸龜製麵食烏冬 我哋差唔多八點左右到到, 個場大約七成滿, 都可以直接入座 今次我叫咗個大嘅熱醬油烏冬, 明太子同炸魷魚, 嘢飲就叫咗coke zero 醬油烏冬個湯底味道啱啱好, 唔會太鹹 烏冬質地夠彈牙 都幾高質 鍾意嘅話可以自己加配蔥, 七味粉同炸天婦羅碎, 口感會比較豐富啲 因為好掛住日本嘅明太子, 所以就叫咗明太子用黎餸烏冬食 明太子夠曬鹹香 味道同日本食嘅差唔多 而且份量夠多, 可以每啖烏冬都配到明太子 鍾意明太子嘅你都不妨一試 另外炸魷魚夠入味, 外皮鬆脆, 都幾好食 下次有機會黎都會再嗌 總括嚟講, 食物質素高, 賣單都只係$70, 價錢ok, 想食烏冬個陣都應該會返黎encore…查看更多

今日同朋友係深水埗食完飯, 想黎個飯後甜品, 就黎左西九龍中心食呢間勁抵食雪糕十二蚊五球雪糕今次叫左呢個十二蚊五球雪糕, 十二蚊就可以買到五隻唔同味既雪糕, 真係勁抵食 我點左菠蘿, 咖啡, 芝麻, 曲奇同綠茶 菠蘿, 咖啡同芝麻味道都ok~ 但個人覺得曲奇同綠茶係最好味~ 又唔會太甜~ 值得encore 間鋪仲有好多其他唔同味既雪糕, e.g.荔枝, 榴蓮, 百香果.... 仲有創新既wasabi味&金莎味雪糕, 大家下次黎西九龍中心都可以去試下…查看更多

今日朋友想食炸野, 就帶左我黎吉豚食炸豬排 咁岩我唔太想食飯, 就決定叫個韓式泡菜烏冬黎試下吉列豬柳泡菜湯烏冬鍋 ($75)食落去泡菜湯烏冬有驚喜! 個湯有好濃既泡菜味, 辣辣地, 幾惹味 配菜有泡菜, 豆腐同蛋花, 同個湯都幾夾, 唔會太寡~ 烏冬口感煙韌, 唔會太淋, 唔錯 成個鍋食落去熱辣辣, 如果冬天黎食應該幾正吉列豬柳有兩大塊, 兩塊都炸得好鬆脆, 入面仲幾juicy, 正 點埋個酸酸甜甜既豬扒醬食會更加開胃~ 豬柳旁邊仲有好多生菜絲做伴菜, 唔想浪費既都可以加d芝麻醬撈埋一齊食, 都唔錯嫁 飲品叫左杯凍既椰果荔枝茶, 夠曬甜, 超好飲 (可能因為我鐘意飲甜野) 入面仲有唔少椰果可以𡁻, 超幸福 如果想試下鬆脆既日式炸豬扒, 呢到值得一試…查看更多

平時係繁忙既旺角都好難係coffee shop搵到位坐 但好神奇地super sandwiches總會有位 今日同朋友行攰左就黎左呢到買杯咖啡, 坐底傾下計Rose Caffelatte ($44)今次點左呢杯凍既rose caffelatte, 咖啡入面有淡淡既玫瑰味, 唔會太甜, 都ok 不過之前飲過熱飲版好飲d (比較香), 建議想試既人點熱版既rose caffelatte會好d值得一讚既係呢到點餐都幾方便, 只要scan枱上qr code就可以落單&俾錢, 之後店員就會送野過黎, 唔洗排隊 同埋餐廳環境比較大, 坐得舒服, 幾岩同朋友坐低慢慢傾計, 飲杯咖啡chill下…查看更多

之前聽朋友講過cheesecake factory啲嘢食都好大份, 今日終於忍唔住同三五知己一次一齊嚟試下 今次夾埋我有四個人~ total叫咗四款菜式, 但最尾都食唔曬 因為真係好大份 依家就講下我哋叫咗邊四款菜式啦餐前面包 ($0)正式上菜前, 侍應送咗啲餐前麵包嚟, 食落去口感比較硬, 黑麵包比白麵包香甜, 外脆內軟~ 最尾我都係食黑麵包多 不過由於麵包分量都比較多, 最尾都冇食曬水牛城香辣雞翼 ($178)首先嚟到嘅係呢個前菜 水牛城香辣雞翼~ 雞翼去左骨, 方便進食 雞翼味道微辣&入味, 但有陣酸酸地嘅味, 就咁食個雞翼會覺得普普通通 但點埋個藍芝士醬就好食勁多 因為個藍芝士醬好香好好味 同個雞翼好夾~ 建議鐘意藍芝士既你一定要點醬食燒烤風味雞肉田園沙律($216)呢碟沙律一嚟到大家都嚇親 因為真係好大碟! 個沙律好似成座山咁高 咁嘅份量都真係幾抵食~ 個沙律真係勁足料, 有炸洋蔥,粟米,黑豆,牛油果,生菜, 番茄同雞肉~ 雖然聽落去好似好齋好多菜, 以為食落去會好清淡無咩味, 但食落去感覺好豐富 因為個沙律醬份量夠而且好好食, 調味出色, 同啲食材都搭配得好好, 係我食過最好食既沙律 十分推介 (可惜最尾都食唔曬)烤蒜雞肉蝴蝶粉 ($188)呢個蝴蝶粉都超好食~ 十分足料~ 食落勁香蒜味~ 鍾意食蒜嘅我表示滿足 十分推薦大家試黛安牛扒拼香草三文魚(310)有朋友想食肉所以叫左呢個組合~ 可以揀配薯蓉或者薯條 呢個set幾方便share食, 因為d肉都切好曬 不過肉既分量就唔算太多 牛肉好食, 香草三文魚幾香 可以一試 但如果想食多肉建議都係直接叫牛扒應該會滿足d~Typhoon punch($88)野飲方面面我自己叫左typhoon punch, 味道ok, 中規中矩~ 飲左啖朋友既oreo milkshake發現佢個個好飲d, 下次黎應該會試返milkshake系列總括黎講, 野食大份, 質素唔錯, 有機會會再黎試下其他菜式 (建議多人聚會先黎, 會試到多d野&無咁浪費食物haha)…查看更多

今日同朋友想食牛 就帶咗朋友嚟佐敦呢間Confusion Steak 呢間餐廳位於逸東酒店嘅food court, 環境闊落, 坐落幾舒服~平時都會播住輕快既bgm, 有時仲會有駐場dj喺度打碟播音樂, 個環境都唔錯嫁~因為今日係平日晚上, 唔算太多人, 好快就搵到位坐~ 去counter排隊買完野食, 佢就會畀呢個嘢你~ 野食ready嘅時候佢就會響&震咁提你去攞啦同平時一樣, 今次我都係叫左300g牛柳加3倍蒜油 (因為我勁鍾意食蒜&食過幾次都係牛柳最好食 ), 再加個$18 set 揀左300g飯同coke zero~ 一如以往, 個餐仍然好有份量~ 有勁大碗飯 勁大舊牛柳 對於鐘意食肉嘅人嚟講真係相當之幸福 牛柳屬三成熟~ 有牛味~ 又大舊~ 超好食 再配上充足既蒜蓉+蒜油食~ 真係超幸福~ 牛柳隔離仲有d栗米同洋蔥, 食膩左牛柳可以用黎refresh下 跟餐既麵豉湯都幾好飲~ 唔錯唔錯 可以啖啖牛再加上coke zero真係好爽整體嚟講, 呢個牛排餐份量多~ 味道好~ 價錢都只係$117~ 係性價比高嘅牛扒餐 十分推介鐘意啖啖肉既你嚟試試…查看更多

炎炎夏日~ 就梗係想食返杯雪糕嫁喇咁啱經過麥當勞, 見到佢新出咗芒果味雪糕, 就同朋友買嚟試試~新出呢隻芒果味新地可以加配朱古力或者香蕉味脆皮 由於感覺上朱古力味同香蕉味唔太夾, 所以我同朋友都揀咗香蕉味脆皮香蕉味脆皮芒果新地 ($6.5)第一眼望落去以為佢冇脆皮, 但其實佢表面上係有, 只係佢需要少少時間去凝固 食落去個香蕉味脆皮幾香 同芒果味雪糕幾夾 又唔會太甜幾好味 鐘意芒果味or香蕉味既朋友仔都應該會鐘意 可以一試…查看更多

今日同朋友行開荃灣ikea~ 見到ikea小食部竟然多左隻新既袖子味雪糕~ 即刻同friend排隊去試試佢袖子味新地 ($4.5)原本以為佢賣$4.5, 味道會普普通通, 點知食落去有驚喜! 個雪糕有勁香袖子味 感覺清新 甜度亦岩岩好, 唔會太甜 令人忍唔住食完一啖又一啖 岩曬係炎炎夏日食黎消暑用 連朋友都覺得袖子味比上次個個紅茶味雪糕更加好食(雖然我未試過紅茶味haha) 下次大家有機會經過ikea既話~都不妨去試試佢啦…查看更多

每次嚟到無印良品， 都一定會嚟睇無印嘅零食 今次就買咗我最鍾意食嘅魷魚乾小吃 見到openrice竟然有得同無印寫食評 就係呢度推介下我每次必買嘅魷魚乾啦魷魚乾小吃 （$20）雖然佢睇落去細細包， 得42g，但其實佢勁襟食 因為佢勁好𡁻 又有勁香嘅魷魚味 咸度啱啱好 真心好食 勁啱睇戲煲劇嗰陣一路睇一路食 同埋佢只係賣20蚊，真係超值 （每次行入無印都忍唔住帶埋佢返屋企） 如果你鍾意食魷魚，又鍾意𡁻嘢食，呢包魷魚乾小吃絕對值得一試！…查看更多

今日同朋友去megabox行街，咁啱想食咖哩，就去咗10樓間coco試下日式咖哩飯 晚市去到唔算太多人，有好多空枱，我哋好快就坐低咗落單 我叫咗個牛肉庵列咖哩飯，加咗個20蚊套餐（4選2），包嘢飲同餐湯 如果唔揀嘢飲同餐湯，都可以揀甜品或者沙律落單冇耐，麵豉湯就到 可惜麵豉湯配料唔多，得少量海帶，味道比較清淡，唔夠濃，唔太推薦喺套餐嘅時候點 嘢飲就普普通通冇特別 下次落單可能會揀嘢飲加甜品，因為甜品好似幾吸引牛肉庵列咖哩飯 ($74)飲完個湯，主菜就到 賣相唔錯，同menu見到嘅差唔多 咖哩我叫咗四分辣，因為我平時喺譚仔食開小辣到中辣 食落去辣度啱啱好 唔食開辣嗰個朋友就叫咗一分辣 佢都覺得啱啱好 揀辣度嘅時候可以參考下 咖哩味道唔錯 加埋滑滑又有蛋味嘅奄列同飯食都幾夾 牛肉有8舊左右，質感柔軟，都好食，但如果煮得入味d會更好 飯有200g，都夠飽肚 如果肚餓想食多d飯，就要揀其他飯， 因為庵列飯限定咗飯量只有200g最後賣單收加一，個人覺得價錢有啲貴 但有興趣都可以一試…查看更多

今日難得同朋友黎到荃灣, 更係要黎食人氣十足既台風! 同平時一樣, 黎到台風都係要排隊 之前黎台風都係食拉面多, 今次襯時間尚早, 就試下佢地每日限定30碗既沾面入到去坐底就見到拉面既介紹同食法, 十分貼心 如果你係女仔, 店員仲會主動送上髮圈, 方便你食面 ps店入面d畫真係勁得意, 成日都好好奇究竟係出自邊個手筆🤣沾面 $83同拉面一樣, 沾面既份量都係大大份 如果平時係細食既話,可以揀細d份量 沾面既湯汁十分濃郁~ 有濃厚既魚介味 面條夠粗夠彈牙 掛湯能力佳 配料方面, 塊原片叉燒勁大塊勁厚, 仲有d切角叉燒 鐘意食叉燒既我表示幸福 溏心蛋夠入味, 夠溏心 仲有紫菜, 沙律菜同荀~ 食完覺得今餐好似健康左(誤) 唔鐘意食荀既話, 都可以落單個時寫低"荀轉蛋" 之後就可以多隻蛋食 唯一可以改善既地方係個沾汁唔夠熱, 食到尾段就凍左, 如果上菜個時個沾汁再熱d就完美啦 但總括黎講, 都係性價比高既好食沾面…查看更多

隔左一排無食沾面, 加上咁岩行開尖沙咀, 就帶左朋友黎食三田製面所既沾面到左餐廳, 個場full左九成, 所以待應都好快安排到我地入座落單亦好爽手我同我朋友都點左大size既辛辣沾面(有280g), 事因大家都餓同大食 唔係太大食既人都可以揀中size或者細size(女仔揀中size應該夠食 ) 辛辣濃香豚骨魚介沾面 ($80)等左無耐, 沾面就到 我同朋友都叫左冷面, 將冷面點落熱辣辣既沾汁黎食,個溫度岩岩好 個沾面汁勁濃郁勁香~(魚介味好濃 ) 加上三田既面比較粗身, 掛湯能力佳, 令到每啖面充滿住濃濃既沾汁食落去真心幸福 個沾汁又辣辣地, 令人忍唔住食完一啖又一啖配料方面, 溏心蛋蛋味濃, 叉燒有半個碗咁大塊 仲有d蔥同荀, 可以逐少搭埋沾面一齊食, 令感覺更清新, 亦無咁易食膩食曬d面之後, 我地叫左待應加湯, 鐘意個沾汁既話都不妨一試啦~最後賣單收加一, 每人都係$88, 咁既質素絕對值既~…查看更多