josephinelai2000的個人專頁

第一次光顧純粹貪方便及睇食評應該不太差吧不過星期六都唔爆枱⋯又好像有點⋯是是旦旦啦，反正試了再算我地訂了3位6點半，每位$328，再加每位$48任飲生啤首先是送上冷盆「涼拌青瓜雲耳」及「刺身拼盆」跟著再送上「椒鹽雞軟骨」，隨後再來湯底及火鍋配料，包括海鮮（一次性，但毫不吸引），雲吞、水餃、蔬菜、手打丸，其實可以選擇的火鍋配料唔多（大概不超過15款），食材正正常常，不過不失⋯反正都只想飲下啤吹下水，又難得入黎時問左店員說是沒限時的，去到8:45分左右我地每人大約飲了5-6杯生啤（每杯300ml左右)，當時有位男性店員疑似經理物體（何生）同我地講「幾位我地限時兩個鐘架」嘩我O晒咀問「你地頭先職員話無限時架喎」佢就話「我地野食無限時，但生啤限飲兩個鐘，呢round last 就jump埋俾你地」講真我地食唔多野，亦都諗住飲埋呢杯就走，不過好不滿生啤加錢$48我地都睇到，但你邊度寫住限時兩個鐘？我話「你地有邊度寫住限飲兩個鐘？如果有限時點解唔一早講？」佢就話「其實openrice有寫，不過可能你睇唔到，我地都會再同open反應下」大佬呀，你間舖冇寫！你店員都話無限時！openrice都無寫！你無啦啦話限飲2個鐘，野食就唔限時，你同詐騙集團有咩分別？如果覺得我地飲得多（其實飲5-6杯，食唔落野都係條數啫，而且我地要加錢架，如果咁小家就唔好做任食啦）好唔好食係一件事，被騙又係另一回事！嬲爆！無下次！…查看更多

今次係第二次黎幫襯，忍唔住要幫佢寫返個食評，已經好耐無遇見過令我手指大動的小店，希望keep住水準期待第三次、第四次⋯⋯⋯呢度既串燒真係好高質，每一串都燒得剛剛好，唔乾唔柴，非常juicy超讚 ...係我目前最喜愛的串燒店兩個人飲左6杯生啤（8點前happy hour) 加16串串燒，埋單9百幾，雖然略貴，但食物質素對得住個價錢對於鍾意飲兩杯既朋友，呢度最適合不過，一邊同朋友吹下水、嘆下串燒、飲下啤酒，人生一大樂事也…查看更多

見社交平台「食在屯門」有組員講呢間小店好食，食完頭round就諗住過來食下串燒飲下啤酒，點知店員話「唔好意思，啤酒未雪」當下真的想調頭走，不過一場黎到支持一下小店！我地點左：《燒豬頸肉》及《青木瓜沙律》，飲品全店就只得「青檸疏打」及「椰青」（但椰青賣晒）即係無得揀，店員俾左兩隻碗我地，碗內都有污積，枱面叉及筷子亦不太乾凈，但無提供食水俾顧客清潔碗筷⋯等待食物期間觀望四周，發現門口有一枱食客，枱上面有一盒沒有蓋好的醃肉食物（未煮熟的），食客如果打個「乞痴」口水可以直飛那盒醃肉中，而直到我用膳完畢果盒醃肉，依然沒蓋放在枱面，天氣咁熱肉類不用冷藏的嗎？！食物方面：豬頸肉 - 味道偏甜，但還可以😌青木瓜沙律 - 沙律中有3隻蝦，但都唔新鮮，青檸榨完汁，其實係咪應該拿掉，而不是連青檸皮也撈在沙律中？！其次豆角是生的，有草青味（據我所知豆角不能生吃，會中毒的）希望店主注意‼️有一點值得讚的，是老闆見我地好似唔太岩口味，會過來問下食物有咩問題還主動話送兩隻雞翼俾我地食，但因為連飲品都無得選擇，亦唔想等，所以無要！希望你睇到食評，能有所改善…查看更多

未試過咁難食既盆菜，簡直不知所謂又貴又難食（屋企人訂的）咁既價錢大把選擇成煲野無鮑魚，無瑤柱，無花膠，無鵝掌，無海參，無蠔豉髮菜，豬手都無最貴材料得雞同蝦，12人份量賣$1400，咁既價錢大把選擇，而且至少都應該有鮑魚貴都算啦，最慘係連d雞都鞋，蝦又唔新鮮「梅」，d腩肉又炆到梅梅爛爛咁⋯低下一大堆白蘿蔔⋯好彩當日訂左兩個盆菜，另一個有齊鮑魚、花膠、海參、鵝掌、蠔豉、豬手、鹵水鵝，雞、蝦⋯8人份量都只係$1080⋯⋯最怕貨比貨…查看更多

好耐無寫過食評，如果唔係太伏都唔想再寫，因為好忙…不知哪裡來的好評首先場內座位唔多(估計大約十個左右)，環境及裝修一般(未覺舒適)，我地3個人被安排坐吧枱位置，共點了3杯500ml生啤及5串串燒，生啤$78一杯，價錢還可接受(但6點幾那個時間大部分食店都有happy hour)，而且這環境及格局賣呢個價錢有點…至於串燒就真的有點不知所謂，價錢貴，賣相差，size極細，味道真的好普通，最離譜的韮菜雞皮卷$36串/3條，雞皮幼到幾乎斷開-和牛串$46，牛肉鞋口兼有根，燒五花腩$38-偏咸的兩片腩肉，仲有雞肉串及大腸……一般貨色飲完杯生啤，食完5串串燒，即閃，前後唔使30分鐘，一句講晒【唔會有下次】…查看更多

我是睇食評兼本住一試無防的心態而來的，所為無希望就唔會有失望，但從食評相片睇加上屬於小肥牛集團，心想應該不會差到哪裡，不過世事往往事與願遺我是徹底失望，相信亦是不會再有下次首先一進場，場內是烏煙障氣，嘈吵不堪，侍應生是零服務，沒人問我們要什麼湯底，更沒有人向我們介紹打卡送牛肉刺身，被安排坐下後，沒有任何侍應提供服務，我地需要什麼都得自己主動問侍應，場內嘈雜混亂我們訂了8:15的，進場時本打算選每位$218價錢的，門口知客說那個餐沒了，那只好選$198的，因為我們想網燒同時又可火鍋$198套餐有8款網燒食品是每個人一件的，但這些限量供應的食品，你以為應該很不錯，誰知都是很垃圾的，其餘任點的更不用說，蝦更是梅的老實說小肥牛比起這個好得多，any肥 無下次…查看更多

第一次黎感覺真係好正，舖仔細細但好舒服，食物有質素，每道菜都非常美味，連配菜都非常好吃生蠔-新鮮美味鵝肝-配多士超正羊架-嫩滑唔騷啡菇-好香牛油味，正蝦餅-又香又野味價錢雖略貴，但咁既質素係物有所值的，會再幫襯，令人太回味喇…查看更多

前兩日本來諗住食漁匠屋（聽講食材好新鮮），點知無開，咁就是旦搵間啦，於是就走左入黎。我地叫左：1）生蝦—麻麻地，唔太新鮮2）串燒—簡直垃圾，又乾又鞋3）馬拉盞炒芥蘭—完全無馬拉盞味4）糯米釀雞翼—唔好食價錢唔算貴但又唔平，衛生情況亦一般，食物質素就差，差，差！永無下次！…查看更多

人少少想打邊爐又想食多幾款火鍋料，就梗係揀任食火鍋啦黎過呢度好多次，價錢由$118加到$138，到現在$158/位，任飲任食，如酒精飲品則每位送一支大啤，雖然價錢不斷提高，但還是覺得抵食的，除了材料新鮮，更值得一讚的是，份量是因人數而分配（好像餃子如兩位就分配兩隻），每樣少少的，讓你可以多吃幾款火鍋料，而又不會浪費食物希望我寫完食評後，下次來時不會要排隊等候吧！…查看更多

火鍋任食以$168呢個價錢來講可以有好多選擇，而且平過佢，款式多過佢，材料比佢新鮮，服務態度比佢好，環境舒適過佢！第一次攞起張紙想剔第二round但唔知有咩可以encore, 一句講晒「無下次」，間舖又焗又熱，d阿姐大呼小叫，嘈吵到死！…查看更多

第一次來，感覺整體只屬一般，食物種類唔算多，魚生亦不是太新鮮，全晚最欣賞的不是食物，而是saka, 以放題來說有saka任飲是很罕有的，而且還是不錯兩個人飲了7壺saka都已回本！…查看更多

呢日原本諗住食泰菜，點知間野無開，唯有隨便喺附近搵一間試下，哈哈，總算有驚喜！我地叫左兩樣野，一個係招牌雞煲，個雞煲好香，好惹味，美中不足是我地叫了中辣，但都不太辣，吃到尾才感到有些少辣味，下次一定叫大辣另一個有創意的小炒係可以自選材配搭（包括薑蔥蒜）及辣度，亦可選清淡或濃味，選好後廚師把所有材料略炒，然後拿到枱面給食客自行炒至熟透，感覺好特別，就像自己親自下廚一樣最後，呢度既侍應都好年輕，不知是否一家人，但好親切，好有禮貌！…查看更多

自問對韓國菜不大興趣所以開業咁耐一直未試過，但見咁多好評，而又就腳，就即管試下啦先講下態度方面，由我打電話至到取外賣，店員（可能係老細）語氣冷淡，全無禮貌，黑口黑面，當時中午一時十五分左右，場內並無客人！今日叫左佢既招牌雞，同魚片串，味道真係好一般，完全唔覺得好食，原本諗住試埋其他未食過的，但咁既態度唔想再幫襯，唯一可取係價錢算是便宜！…查看更多

最近幾乎每星期都來一次，除了食材新鮮，環境舒適，呢度既經理同侍應態度都好親切！雖然價錢略為貴，但試過你會覺得物有所值，每道食材都是用心製作，而且這裡有我最愛的生啤1664，價錢也只是$36一杯！來過這裡一次以後你對什麼任食火鍋⋯你會再提不起興趣，慎重考慮！…查看更多

星期六日去邊食野都排餐死，而我最憎浪費時間去排隊，要搵一間假日唔使排隊，食物又不錯的，價錢亦大眾化的這裡應該是首選, 因為位於工廠區, 假期或紅日上班族都在放假, 所以沒有排隊這問題存在！ 呢度每個月都有抵食推介, 今個月做的是$18隻木桶雞, 價錢平,好味,又大隻, 必食!…查看更多