beepbaps的個人專頁

今晩去咗蘇豪區食墨西哥菜🇲🇽位置方便 就喺中環扶手電梯隔離餐廳好好氣氛 晚上坐滿晒 建議要訂座當然要嗌杯酒先喇～我就點咗杯Mango chilli margarita ($98)好有驚喜，簡直係味蕾嘅衝擊！除咗有芒果嘅甜，仲有辣椒嘅辣，但又好夾，一定要試下！另一杯Prosecco ($58)都唔錯Muchos Nachos ($176)Nachos 勁大份，適合2-4人share。我仲加咗雞肉，加埋牛油果醬、salsa、紅腰豆同好多芝士，真係同nachos勁夾。Baja fish taco ($128) 🌮Soft taco 入面包住鬆脆嘅炸魚，點上salsa非常美味。Fajitas prawns ($208)呢個鐵板燒蝦熱辣辣，夾住tortilla再加滿滿嘅酸忌廉、salsa同牛油果醬真係大滿足呀！如果有多幾塊tortilla 就好了🤩…查看更多

呢間上海嘢好勁，中午12點已經排晒長龍！不過啲人都走得快，等咗十分鐘左右就有位。價錢非常合理，有套餐嗌，仲有豆漿送，唔怪得知咁受歡迎。招牌生煎包（$20）一定要嗌，係鎮店之寶！一咬落去，啲肉汁爆曬出嚟，非常之juicy。蟹粉小籠包（$80）有好香嘅鮮味，同埋真材實料，蟹肉好多，呢個都大推！雞排蔥油拌麵（$42）麵條有驚喜，粗身偏好彈牙，好味～雞排份量唔少，性價比好高。招牌擔擔麵（$42）呢個都ok，我覺得如果再辣啲會惹味啲😆 不過呢個價錢就已經好高質了。…查看更多

ilBelPaese喺香港成立咗好耐，我本身認識佢哋係因為佢哋賣意大利食材，但餐廳就真係未試過喇。今個weekend嚟到佢哋位於尖東嘅餐廳，我哋嗌咗兩個set menu，$268 包前菜、主菜同甜品，價錢可接受，食物份量都唔少。🥗前菜係牛油果沙律同埋吞食魚沙律，兩款都好fresh🍕主菜嘅pizza 最有驚喜，即叫即烘餅底脆口得嚟又有咬口，質感鬆軟。有蕃茄芝士同黑松露蘑菇兩種口味。🍝 另一道主菜係蜆肉白酒意粉。意粉煙韌彈牙，食得岀同岀面嘅西餐唔同。而蜆肉都好鮮甜，份量都唔少～🍨🍰 甜品係蛋糕同gelato 👍🏿…查看更多

今日嚟到荃灣嘅臨家麵館食晏以為只係普通街邊嘅麵店，冇咩特別點知有驚喜喎！價錢親民，仲有唔少選擇。蕃茄崩沙腩扁麵估唔到勁多鮮蕃茄，令到湯底好鮮甜。湯底仲加入咗肉碎、野菌、旺菜、非常足料。崩沙腩仲係用本地嘅新鮮牛肉，食落又淋又入味。台南扁麵夠爽滑，同湯底好夾。紅酸湯崩沙腩扁麵呢碗賣相有啲似蕃茄麵，點知個味完全唔同。除咗有鮮蕃茄嘅甜味，仲食到酸菜味，但兩者比例好夾。個湯底好開胃，越飲越上頭，一定要試下！仲嗌咗兩個小食，就係鹽酥雞同埋麻辣牛展前者炸得酥脆，後者就唔會太辣。…查看更多

呢間位於將軍澳南嘅串燒店好有特式，主打經典同獨特口味，唔止食材好高質，連個環境都好有氣氛。以下都係我哋嗌嘅嘢食，人均大概$350。每一枱都會有個小爐，咁就唔怕啲串燒凍咗唔好食，可以放心慢慢食。記得記得要嗌海鮮，因為係每日新鮮直送㗎，所以好鮮甜！仲有佢個黑松露烤飯都好有驚喜😍 有好香黑松露味，仲配上脆身嘅紫菜畀你包住啲飯食，口感同味都好夾！牛舌芯雞肉串台灣香腸燒雞翼花枝丸烤小牛肉蒜蓉烤茄子烤韮菜蒜蓉粉絲蒸扇貝墨西哥烤粟米李姐臭豆腐年糕燒黑松露烤飯元氣森林水果茶我係喺星期六大約6:30pm到餐廳，都已經full house。想去食嘅記得要訂位呀…查看更多

來自新加坡嘅人氣豆乳品牌Jollibean終於嚟到香港喇！賣嘅健康吐司、豆乳飲品同甜品都主打高營養同抗氧化😍爆餡芋泥吐司 ($38)即叫即整，吐司勁鬆脆入面嘅芋泥同肉鬆都真係爆晒餡鹹甜夾集，但味道一啲都唔怪芋泥亦都唔會太甜，必試👍🏿桃膠芋泥小丸子 ($42)超大桶，每一啖都食到啲料，大滿足🤭小丸子煙韌好味，芋泥軟綿不漏而我最鍾意係食桃膠，因為可以補充下膠原蛋嘛～木瓜雪耳雪梨豆乳 ($36)呢個味道好特別🤣除咗有濃郁嘅豆乳味，但又食到木瓜同雪梨。個人覺得有啲甜～…查看更多

放工後嚟到將軍澳飲下嘢食下嘢，估唔到呢間酒吧都唔錯，有得玩桌球，又多嘢食嘢飲揀，店員又友善。嘢飲好抵🥰Cranberry Sangria (HH: $58)荔枝味craft beer (HH: $32) 秘製手撕雞有啲辣，不過好惹味。自家製秘製雞煲，揀咗BB辣。嗌咗半隻兩個人食啱啱好。食完雞煲後仲可以加入高湯變火鍋，我仲嗌埋雪花肥牛，正呀！燒原條茄子有啲露營feel🤣 鐘意佢蒜味十足得嚟仲要唔油膩～驚唔夠飽仲嗌咗個泰式甘葉辣炒飯，夠晒鑊氣👍🏿…查看更多

Weekend 最幸福就係訓到自然醒，然後岀街嘆返個靚brunch～所以今日嚟到Times Square食semi-buffet brunch，每位$388就食到勁飽！呢度仲有調酒師，仲會base on 你口味介紹啱你飲嘅酒。我哋就嗌咗杯cocktail Lanocheluz 同mocktail Secret Garden。酒味唔算重，好易入口，最緊要係打卡一流！😍頭盤已經好豐富，除咗有自助沙律bar外，仲有cold cut、煙三文魚、烤蔬菜等美食！每人仲會有舊焗到香脆嘅sourdough、南瓜湯同海鮮拼盤，有海蝦、元貝同埋黃金螺！老老實實，食晒啲頭盤都已經飽咗。跟住輪到主菜～呢兩款都係必點！香煎太平洋紅蝦及帶子闊條麵帶子鮮甜，而紅蝦又爽口大隻！闊條麵煙韌又彈牙，完全唔係街邊cafe質素。撈埋海鮮醬汁好惹味。炭燒8安士澳洲M5和牛肉眼（+$128）牛排好淋，食落一啲渣都無，仲煮得好入味！甜品都係自助形式～Tiramisu 大推！🤌🏿跟住仲包餐茶同cookies and cream 雪糕🤣真係夠晒飽呀！！…查看更多

All you can eat protein in LKF! 😝 仲要性價比極高！晚市semi-buffet 都係$418/位，唔怪之得咁好生意。前菜buffet已經好高質，除咗蔬菜沙律，仲有海鮮、parma ham、牛脷、芝士等等，就咁食前菜都食飽。但記住記住要留返個肚！主角就當然係巴西烤肉喇！店員會攞住串啱啱燒起嘅烤肉去你面前問你要唔要，要就即場切出嚟畀你。過程好有興奮，仲好期待佢會拎咩肉岀嚟。So far 都食咗好多肉，有西冷、豬肋骨、豬腩肉、羊肉、腸、雞、燒菠蘿等等。我嘅推介係燒雞、雞槌雞翼同蒜蓉薯條！薯條好食到encore，因為唔係用蒜粉，而係用嘅蒜粒! 另外嗌咗杯椰子味好濃郁嘅mojito同埋lemonade 🤪…查看更多

今晩去咗Popcorn商場食法國餐😍佢哋嘅2人dinner set ($528)性價比幾高，有四道菜。先係濃郁嘅餐湯Zucchini & basil soup 配上又熱又香脆嘅法包。頭盤嘅香煎帶子一啲都唔馬虎，帶子鮑甜彈牙，仲配上椰菜花蓉及西班火腿。主菜嗌咗法國油封鴨腿同埋安格斯肉眼牛扒（+$35)。估唔到鴨腿份量咁多，個鴨皮燒得好脆身，而肉質都可以保持同嫩身，再配上酒香砵酒醬汁同黑松露薯蓉，非常惹味。安格斯肉眼牛扒嫩滑，咬落去一啲韌感都無，另外仲有炸薯條，炸得金黃香脆好好味！甜品就係火焰橙酒可麗餅，店員會係你面前起火，做到火焰效果，好有氣氛！我覺得佢個橙味都幾重，未必啱每位嘅口味。仲嗌咗兩杯鮮榨果汁，真係好新鮮！Halo juice ($48)Gold Coast juice ($48)…查看更多

今晚嚟到食正宗江戶前風格嘅Omakase 😍餐廳大有來頭，位於銀座嘅本店係米芝蓮星級食府嚟㗎！嗌咗你好豐富嘅OMAKASE皇（$1780/位）前菜係先付三點及，非常之精緻～有菜之花配上白飯魚、真鯛白子、梭子魚配檸檬汁，酸酸地好開胃；另一個係北海道軟煮水八爪魚配芥末及柚子胡椒；而最後嗰份係鰹魚配新洋蔥同薑蔥蓉。刺身兩點有深海池魚同蜜柑鯛，好鮮甜😍燒物就係鰆魚幽庵燒，燒得好香👍🏿壽司八貫🍣 全部魚生都好新鮮～赤鯥北寄貝鹿兒島車海老熟成十日吞拿魚赤身熟成十四日中羅拖金目鯛北海道馬糞海膽醬燒海鰻江户前玉子燒，賣相及味道都似長崎蛋糕，食落好鬆軟，甜甜地帶香濃嘅蛋味。味噌湯都幾足料甜品係櫻餅配淡雪士多啤梨😋…查看更多

發現香港站開了間外賣店，主打健康穀飯飯盒，更有生酮選擇，有椰菜花飯提供。飯盒價錢大約$70-$80，不算便宜，但我下午1點來已發覺大多也賣清了，果然受歡迎～鬼佬手撕雞穀飯（$75）有兩款手撕雞，是青醬和茄醬，兩款也很惹味，而雞肉也很嫩滑。飯是紫米飯，十分煙韌好味，而且飯量很多，男生也一定飽肚。蕃茄牛腩穀飯（$75）牛腩份量不少，而且煮得腍而入味，還有小蕃茄同蟲草花等配料，健康又美味。蕃茄濃湯（+$15）蕃茄味很濃郁，絕對真材實料。質感杰身，不像溝了很多水的那種。天氣冷時喝很暖胃舒服。飯盒的菜量較少，所以我另外還點了兩款小食，也很好吃👍🏿涼拌芝麻菠菜（$20）韓式涼拌芽菜（$20）店舖名是AFK，原來是指「Away From Keyboard 」，幾有心思。…查看更多

原來半山有間印度餐廳，就係位於扶手電梯附近。佢哋嘅lunch set 包沙律、小食、咖喱、飯或印度薄餅及汽水，每個餐都係百幾蚊左右，性價比十分高👍🏿沙律係蕃茄、洋蔥、紅蘿蔔同青瓜，簡簡單單清一清味蕾。而小食竟然係一件Chicken tikka！雞肉好juicy😋主食就嗌咗羊肉 Lamb Rogun Josh（$119）。個羊肉煮得好入味，而且非常軟腍，咖喱汁都偏辣，入面仲加咗啲薑絲，啱晒我口味，咖哩非上配熱辣辣又鬆軟嘅薄餅🫓食簡直一流呀！餐飲方面我就加$30 upgrade咗做Mango Lassi，好creamy又唔會太甜（叫咗小甜），食完辣咖喱後飲夠晒爽！…查看更多

有間新開嘅手工意粉店開咗喺跑馬地，放假就梗係過嚟試下啦。餐廳位置唔多，好彩有一早訂咗位，如果唔係都未必有位坐呀😝 （張圖喺食完飯影）Zucchini croquettes ($68)呢個必嗌🔥 即叫即炸，食落外脆內軟，口感很好。炸球裡面係用意大利青瓜，加入麵粉同薯蓉整成，食落熱辣辣😋。睇相有七粒炸球唔好以為好多呀，其實每粒都係細細粒㗎，二至三人share啱啱好👍🏿跟住就係意粉喇！Homemade pappardelle bolognese ($168)讚讚讚👍🏿 寬條手工意粉好煙韌，但完全無undercooked嘅感覺，撈埋肉醬食好開胃～🤌🏿Homemade scialatielli ($158)呢個意粉睇落去有啲似烏冬，但口感偏硬身同更彈牙！有啲似我喺威尼斯街頭食嘅意粉咁彈牙！用嘅肉仲係意大利腸，鹹度適中，同意粉好夾。一定要試下呀😍 呢碟意粉嘅份量有啲少，如果熱愛食手工意粉嘅大食朋友，可以考慮嗌三碟意粉兩個人share😌。Linguine alle basil pesto ($128)呢個較普通，香草醬可以再香濃啲，而意大利扁麵都未夠以上嘅手工意粉咁al dente。…查看更多

寶琳開咗間拉麵店🍜，主打蝦湯底。餐廳以QR code落單，夠方便。拉麵湯底係自家製，毫無味精，所以飲晒湯底都唔覺得口渴。而佢哋嘅拉麵係用日本麵粉喺香港新鮮製的，賣相同岀面嘅拉麵有啲唔同，會見到一點點嘅小麥粉，而口感偏腍。蝦紅湯拉麵（$108）鐘意濃蝦湯嘅朋友一定會超愛呢碗拉麵😍蝦味非常濃郁，仲有四住隻紅蝦🦐配埋夾口嘅木耳絲同溏心蛋好美味。澳洲頂級肉眼醬油牛骨清湯拉麵（$98）推介呢碗拉麵俾鐘意無咁濃味嘅朋友。牛骨湯底好清甜，係會入得晒🤣 肉眼份量一啲都唔吝嗇，有四大片咁多，而且牛味十足，及一啲韌感都無。仲有佢個白蘿蔔索晒牛骨清湯，所以非常入味。阿根廷紅蝦雞肉餃子（$48）呢個必叫！🔥 除咗賣相吸引，仲好好味喎。即叫即煎，個底好脆口。入面有好大隻又彈牙嘅蝦肉，同埋雞肉碎，口感一流！慢煮雞胸（$28）原來係薄切雞胸肉，肉質嫩滑。估唔到個雞白湯咁濃郁，等我下次試下佢哋嘅雞白湯拉麵先～…查看更多