melody11132002chan的個人專頁

個日剛剛做完 facial ，去買d小食番屋企食😍😍第一次食雞翼山，買咗3隻避風塘雞翼同3隻芥末蟹籽雞翼，仲加咗黑松露薯條😋😋入去可以用點餐機點餐，方便使用，由於即叫即整，所以係等緊期間去咗買珍珠奶茶😂😂大約15分鐘就有得拎，外賣包裝整潔，個盒好實淨，膠袋設計精美，拎番屋企都好方便。搭咗2個站地鐵番屋企，食物仲熱辣辣，裝雞翼的外賣盒入面有兩格，所以叫雙拼味的雞翼唔會撈埋一齊，可見店舖十分貼心，避風塘同芥末蟹籽味雞翼都好好食呀😍😍避風塘味唔太辣，好惹味，仲有 d 脆脆係鋪係面，好足料，而芥末蟹籽雞翼，係分開醬上，食個陣自己撈埋去，個醬有好多蟹籽，芥末味適中，好夾雞翼。兩隻味共6隻雞翼都大大隻，咬落口不油，皮脆肉滑，下次會再試其他味。而黑松露薯條32蚊大大盒，呢個整法係黑松露粉撈落去薯條，薯條係粗身，每條粗薯條都沾滿黑松露粉，十分香口，最後係食唔哂 d 薯條，要留番晚餐食🤣🤣…查看更多

上星期已知今日會係觀塘食飯，就已經 search 定有咩好嘢食😂😂係 openrice 睇個陣係俾d 甜品吸引咗去食呢間餐廳😝😝今日同爸媽5點到餐廳已經有80% full 了，好誇張呀，冇諗過呢個時間食嘢都有咁多人😂😂不過都唔洗等，職員就帶我地3個入去座，坐係梳化位，梳化超腍😂，唔坐得咁腍既人士要注意一下😂職員會俾單，用 QR code落單，主食類只有飯和意粉，小食、甜品和飲品有較多選擇，我地叫咗6樣嘢食，評價如下：1. 蒜香蟹肉意粉 $136份量比較少，可能係我地三個人 share😂蟹肉份量剛好，意粉軟硬適中，味道香口。2. 炸魷魚鬚配芥末籽蛋黃醬 $78份量大份，有好多舊魷魚，口感彈牙3. 蜜糖芥末雞翼 $68有6隻雞翼，大大隻👍👍，芥末味不太重，可以加强芥末，入面d 肉不太入味，熱辣辣整起，皮脆肉滑。4. 松露薯條 $68呢個松露薯條大推！！！👍👍份量大份又多醬，薯條熱辣辣上，十分香口，除左面頭個醬，額外仲有多兜醬，好似唔洗錢咁，3個人都食唔哂 d 薯條😂😂5. Nutella 蕉糖香蕉雪糕窩夫 $86係 app 禁落單個陣，有得揀叫起 or 即叫即整，由製作時間比較耐，我揀咗即叫即整，食哂d 主食同小食就泥咗，時間剛剛好，窩夫口感特別，切落去好硬，食落去有脆口，咬個陣有麻糬的煙 un😂😂雪糕是 movenpick，有質素的保証。6. 原味溶岩梳乎厘班戟 $86呢個都係有得揀叫起 or 即叫即整，我都係揀即叫即整，呢個製作時間仲耐過窩夫，食完窩夫就泥咗，賣相好靚，打卡一之選，食落真係超梳乎，好軟腍腍，味道唔甜，好好食😍😍整體來說，餐廳食物味道不錯，甜品出色，食午餐或下午餐是一個唔錯既選擇，但對晚餐來說，主食的類型唔多，只有飯同意粉，如果有 pizza 就好喇😝，小食就想有法式焗田螺😂😂職員服務很好，食甜品個陣有主動提供碟更換。3個人埋單共食咗5百幾蚊，重點係冇加一呀！晚餐連甜品好抵食呀😍😍食到6點幾走人，門口已經有人排隊等位，目測要等3-5張枱，睇泥呢間餐廳幾受歡迎，下次有機會再試下其他嘢食😋😋…查看更多

想食呢間雪糕好耐喇終於可以食到喇同爸媽一齊 share，就叫咗 large size 四球雪糕，仲加咗榛子碎邊，雪糕揀咗椰子，tiramisu，榛子朱古力，75%黑朱古力。整體來說，椰子清新，tiramisu 咖啡味出色，兩隻朱古力口感順滑，味道一流，榛子碎邊筒十分足料，爸媽表示滿意仲諗口下次食咩味😂😂…查看更多

星期日等緊戲院入場，禁下 openrice ，睇下長沙灣附近有咩食，見到d 食物相幾靚，就係 openrice book位，book 咗6點半，睇完戲行過去就啱啱好喇大約6點3到咗，個陣時得兩三枱客人，個度坐位唔多，有d 位係 bar枱，裝修新淨，光線柔和，座位舒服。我地三個人去食，店員有介紹當晚時令既海鮮，個晚有生蠔同池魚，我地冇乜興趣就冇叫到，對生蠔有興趣既人可以試下😂😂我地叫咗丼飯，串燒，卷物同燒海鮮。丼飯叫咗 A3，有三文魚、油甘魚、帶子、北寄貝、赤蝦、蟹籽同玉子燒，成碗丼堆成滿滿的，賣相不錯，打卡一流，飯量唔多，可以免費添飯，魚生整體來說是中上水平，三文魚同油甘魚都係厚切，飯的味道亦剛好，另外自選丼飯星期日至四下午堂食有8折，下次可以試下。串燒整體來說普通，係熱辣辣，多汁 juicy 。牛舌心有點韌，羊肉串普通，一口牛正常。秘制豆卜姐係明太子燒豆卜，外脆內軟，幾好食。封門柳腍身，不錯。燒油甘魚鮫係呢餐飯最好食既嘢，熱辣辣上枱，魚肉滑身，調味適中，令人回味無窮軟殼蟹反卷正常。成餐飯大約食咗一小時，都keep住有人walk in ，有人打電話來訂位，睇嚟近排都幾受歡迎，想食就book穩陣d😆😆…查看更多