fatjoyjoy的個人專頁

點咗海南雞配焗黃薑飯餐，食咗上面嗰層海南雞都冇乜嘢，係淡茂茂冇乜雞味。但食到下層嘅時候，發現近雞翼脾位附近嘅雞肉係生嘅！！！😤😤用佢餐廳嘅鋸齒餐刀🔪切都到切唔開。同個男待應講，佢第一下反應係話：「近骨位置可能係唔熟，但依舊依舊(手指指住啲雞話俾我聽）都係熟。」我同咗佢講：「唔熟就係唔熟！唔會再慢慢同你揀邊夠熟，邊夠唔熟。」（我心諗我個叉都掂到唔熟嘅位置，唔通要我不斷換叉，以免生同熟嘅交叉感染？）我諗住佢係會換過俾我，點知佢Offer話：「我俾多杯嘢飲你？！」😠虧佢講得出，我點嘅係套餐，已經包咗杯嘢飲，我飲咁多杯嘢做乜鬼？！之後佢想收走嗰兩嚿生雞，佢話換過俾我，我就俾佢收走。(冇諗過要影低相，諗住佢都話肯換）我仲加句話叫佢俾返兩嚿俾我就得。轉個頭聽到佢話：「啲雞全部切好晒一份份，所以冇！唔好意思！」即係佢完全冇心換俾我！出爾反爾！不負責任！🤬🤬🤬🤬🤬我叫另一個女侍應收埋我哋食淨嗰啲雞，費事篤眼篤鼻。到埋單嘅時候，我係俾足錢，當然佢亦收足錢，完全唔覺得有問題。食物質素差！服務態度差！處理手法更差！…查看更多

前幾個月同朋友嚟過一次，覺得都OK。所以今日去開科學園，帶屋企人試吓。結果食到一肚氣。😤點左餐之後，我哋就去搵位。我去攞餐具位置嗰度攞匙羹、叉、餐刀、碗仔。攞嗰一刻我有諗過，我係咪攞錯咗人哋用過嘅餐具？！直至有位先生響我隔離，同我一樣係咁揀，然後忍唔住講咗句，「有冇搞錯呀？！啲餐具咁污糟點用呀？！」我走去同個女侍應講：「唔好意思，啲碗好污糟喎！係好多飯漬，你可唔可以攞兩隻碗仔俾我？」佢叫我自己去餐枱下面有櫃桶，響櫃桶攞。我返埋位睇完我哋張餐枱，搵埋隔離張餐枱個櫃桶，都冇碗囉！所以我不恥下問咁樣再同嗰個女侍應講：「冇碗喎！你可唔可以攞兩隻碗仔俾我呀？」佢極其不耐煩咁話：「你等等啦！等等呀！」(等佢等到啲飯都凍）我見佢洗咗兩隻碗仔擺喺出餐處，我就自己行過去拎。一睇好扯火😡，佢洗完嗰兩隻碗仔仲係好多飯漬。我同出餐處嗰位男職員講：「個碗好污糟下喎！」佢好有禮貌咁講唔好意思，立即幫我洗乾淨。餐具方面，好難揀先揀到四隻匙羹，一隻叉，但都唔係好乾淨。餐刀就真係揀唔到，把把刀都有漬。唯有我自行用水同埋紙巾清潔。之後我見到個男職員響攞餐具位置嗰度，收返晒啲餐具入去再洗過。之後啲客人就用膠嘅餐具。終於可以開餐，當我哋食咗一半嘅時候，隔離枱嗰三個男人叫咗個男職員埋去講咗兩句，然後個男職員就攞走碗麵問：「唔好意思，我換過俾你。」但個食客話唔使喇！當我仲未知道咩事嘅時候，食一啖花雕醉雞，味淡淡，自己問自己：「係咪有少少餿味呢？定係啲酒味呢？」正當我想食件豆腐嘅時候，一攞起，都未放入口就已經聞到酸味，就肯定啲豆腐餿咗，我立即叫我屋企人唔好食。然後聽到個男職員同隔離枱話退返錢俾佢哋。我真係忍唔住問隔離枱：「你哋件豆腐係咪有問題呀？」佢哋話：「係呀！肯定佢哋個雪櫃唔夠凍，俾啲餿嘢人哋食。食咗啲餿嘢可大可小，會食物中毒⋯⋯」心裏面已經萬句粗口，利申：我冇叫佢哋退錢，亦冇話俾啲職員聽，佢哋啲食物有問題。因為我覺得佢哋已經心知肚明。最後，帶着戰戰兢兢嘅心情離開，一直諗緊今晚返到屋企，我哋會唔會爭廁所。啲餐具咁污糟，頭先裝飯嗰隻碟，唔慌佢洗得乾淨就用。攞埋張單，如果遲吓睇醫生都可以有證據我食咗啲乜。…查看更多

以前間唔中都有幫襯吓，上個星期六再去，我應該以後都唔會再去。1）人手唔夠，冇人執枱。其實只係坐滿半間餐廳，竟然要等人執枱，落單又要等。2）我做媽媽，基本上都會用濕紙巾抺吓張枱俾小朋友用，但我用咗四張濕紙巾，都依然抺唔乾淨，難聽d講句，我鞋底會乾淨過張枱。3）我明明order咗柚子芝麻蝦沙律(唔太記得全名)，但就黎咗個平20蚊嘅蝦沙律，問個waiter, 佢話check吓，check 完之後竟然話係啱㗎喇！係依個！我咪食咗一舊蝦，再liu吓睇吓有冇柚子同芝麻，都冇嘅！堅持吓再問個waiter, 另一個waitress 答我係錯嘅，再整過俾我。如我冇追問，咪食平咗，又要俾貴價錢？4）食物質素差咗。以前個清酒煮蜆都幾好食，依家個味唔同咗。個加州反卷..... 唉！冇眼睇:(…查看更多

下午一點，唔使等位，我媽咪話如果入面冇位就走人，因為坐出面好熱喎！但亞姐安排我哋兩個人坐入面卡位，咁我哋就order lunch set!  西湯 - 紅湯，ok!中湯 - 青紅蘿蔔味精湯凍檸茶少冰兩杯 - 唔似有少到冰！1）西班牙海鮮扁意粉意粉煮得太耐太軟，個汁係食薯條嗰d蕃茄汁。魚柳食唔出，用炸粉99%魚柳1%，(我即時諗起賽螃蟹都冇蟹啦！嚟安慰自己！) 所以西班牙海鮮？in 賽螃蟹version。我媽撩開哂d炸粉唔食！2）焗芝士椰香咖喱雞扒飯雞扒有酸味，已經放棄咗！唔知係變壞咗定係唔知用d乜去醃d雞扒。不過D飯一粒一粒，幾乾身吓，好chewy, 幾好味！個汁都ok! 正當我想讚好味時，（頂！）竟然有條毛响飯裡面？！！！其實之前媽媽會已經有媽咪話佢帶個一歲幾嘅BB到香港達人用膳。餵bb食到地下都有d飯，waitress亞姐除咗黑面外，更大大聲同收銀亞姐話「痴線㗎！食到周地都係！要我抹！」我諗住我冇帶小朋友一齊嚟，我又唔驚你服務態度差，但宜家，我驚食炸粉，酸味雞同毛囉！…查看更多