Mochavin的個人專頁

那天，又到揾食既時間。走著，見到依間不常開既日式店營業中！(及後至知道，原來營業時間有啲特別既。。。)午餐選擇多，既然第一次試，就選一個最多款魚生既啦！魚生飯來之前，先上個小食同麵豉湯湯不錯！有蜆的！👍另小食正正常常。👌魚生飯到了。。真的不錯呢！各式魚生片，又有蝦，仲有海膽！雖然唔係Poke Bowl咁大碗，但份量還可以。食材都好新鮮！😋食店電視播放住流行曲，啱聽，邊吃邊聽歌，心情不錯！…查看更多

喺附近幾條街兜左幾轉，想試試我既SSP“心水”以外既其他咖啡店，見依間人少少，感覺靜靜既，就行左入去。依然係Mocha，另多點兩件甜點。。滿心以為可以有次選吧，結果又再次失望了。。拉花靚，但奶泡打得唔靚，一放上枱，杯邊就好快出大泡泡了。飲落口口感好單薄，稀稀既感覺，然後拉花就漸漸化成泡沫。。。😪失望了。。。不會有下一次了。。。甜點味道不錯。抹茶卷抹茶味濃而不苦(👈我既SSP心水🤣)，檸檬撻酸酸地，如果伯爵茶味再出啲更好。不過，性價比就低了，個人覺得頗貴呢！有啲肉赤。😂環境都ok既，見到有人捉棋，有人玩塔羅，略嫌座椅坐得唔係太舒服。。…查看更多

難得既私人時間，想找個不遠地方靜一下。好耐都無再踏足中大了，感覺環境又變了很多。cafe位置好近大學站，唔洗搭校巴，行幾步就到。還未吃早餐，所以選了ADB，正常應該加杯Mocha，但心又想有點抹茶口感，結果選了Matcha Latte。可能始終係campus，ADB價格都比較經濟，份量多。配菜正常，因為都係大多ADB有既野。而香草包都好好味，包上有蛋沙律，一齊食好夾。Matcha Latte 一般，泡沫打得唔夠細滑平均，味道尚可，有抹茶味，唔甜，可惜吸引唔到我返兜。由於係上課時間，所以店內食客唔多。食完早餐，就靜靜做下野。直到午飯時間，人開始多，我亦係時候離開，臨走點了杯Mocha，唔嗅下咖啡味，始終唔心安咁。我有帶隨行杯習慣，所以外帶到店外露天位置坐一陣。Mocha味道亦係一般，吸引唔到我。。。環境食物都令我可回頭，如果咖啡質素可以有所進步就更好了。…查看更多

都係為打卡而來吧😅星期日，瞓到自然醒，仲未食野就出沙田買野🤣星期日都唔洗等位喎。。。叫左一個主食 + 打卡甜品黑松露醬炒鮮雜菌寛條麵要留肚食甜品，無肉就啱喇。。好鍾意食寛條麵，一上枱，松露味好香，醬汁都好多，不過唔夠掛麵，而且食到尾，麵質會變硬。。招牌鮮雜果麻糬窩夫配雪糕及棉花糖大大既棉花糖，的確吸睛，難怪幾乎每枱都叫，連我依個超齡兒童都被吸引了🤭棉花糖下有四件窩夫，窩夫下有吉士醬同原味蛋糕，周圍伴有雜果同一球雪糕，我揀左楓糖合桃味😊打卡為上，味道尚可🤣反而杯咖啡要講講其實我係有諗過要唔要咖啡好，喺依啲打卡cafe叫咖啡會唔會嘥左我既飲咖啡quota呢？結果出乎我意料喎。。當咖啡遞到我面前，我真係有啲surprise：咦！唔係係咁易既心形拉花喎。。咦！奶泡打得好綿密喎。。咦！有油光喎。。依個係最surprise的👍無嘥我quota!味道方面，中規中矩，有咖啡香，夠熱，朱古力唔算好出坐左個幾兩個鐘，拉花都無散🥰另值得一讚既係當甜品上前，侍應會換上新餐具👍…查看更多

每次去食捌哥，都係依個配搭。Tea set牛油咖央多+蛋🥚加牛油真係好食好多😋配拉茶(少甜呀)跟Tea set加碗蝦麵，必轉狗仔粉，粉可連湯一羹羹食，正！再加個肉骨茶+飯茶任添，滿足！如果藥味可再重啲仲好！員工話要切合返香港人口味喎。。。…查看更多

一直都知XX Debit Card有咖啡買一送一，但以為店只集中喺九龍港島區，想唔到原來近在沙田都有間，仲要係COVA，啱晒我依個朱古力/Mocha控。買一送一優惠仲要唔限相同飲品添，正!點左一杯Mocha一杯Americano 。Americano試下豆既原味。聞落感覺好深焙，可接受，唔係好fruity，我唔識品啡，只係我個人感覺。另水温好高，我未飲過咁熱既Americano。另一杯當然係我最愛既Mocha。一飲就飲得出同其他Mocha分別，相信係用朱古力粉而非朱古力漿，朱古力味好出，好均勻，唔會好似其他咁，經常飲到底都有朱古力沉底。依個口味同我喺南丫島飲既一杯Mocha幾相似。。。Debit Card keep住有優惠，下次經過再飲!哈!…查看更多

是日往荃灣，毫無計劃食咩，一心諗住行到見到啱心水就食吧！拉麵店，好呀！我愛湯麵，尤其湯可以飲既麵☺下午茶尾聲，未到晚餐，店無乜客人。店面裝修幾有心思，雖然我不愛貓😅拎起點餐紙，：啊！蔥山拉麵😍我雙眼發光了🤩平時叫湯麵，例叫多蔥，今次竟然唔洗，仲要係蔥山，真係別無他選！🤭嘩。。。開心到呢。。。食落啖啖蔥，可以話蔥多過麵😋豚肉用火槍燒，唔鞋😊溏心蛋入味👍湯唔算好濃，不過都ok👌美中不足，如果湯可以熱啲就好，蔥香會出啲。。。🍜朋友叫左黑蒜油拉麵，對我已經毫無吸引力了🤣拉麵一碗唔洗一百蚊。我會再黎嫁！…查看更多

是日喺明愛上堂，無意中見到依間cafe，當然唔可以錯過！cafe裝潢不錯，同附近食店相比，相對吸我睛😂有lunch set選擇，配沙律菜或湯。要專心飲咖啡，所以配左沙律菜🤪。沙律菜無咩特別，唔多講喇。揀依度食晏，最主要係想試杯咖啡，Mocha走唔甩。Mocha一上枱，啊？咁“淺”色既？會唔會無咩朱古力味嫁？試下先！咦，又ok喎，朱古力味同咖啡味都出，飲落口感都厚既。而且拉完花都仲好夠熱，咖啡熱係好飲好多😜。見啲奶泡有少少粗，以為會好快散，結果又唔係喎，飲左啖試左味，食完個主食再飲，飲到尾，奶泡都唔係好散ja wor...👍主食我揀左帆立貝意粉。為左激勵我考試要做好啲，所以一於食飽啲！😊以為細碟啦，但原來隻碟都幾深嫁，份量好足呢！個汁好好味，又煮得夠熱，好好味呀！唯獨帆立貝唔太有鮮味，有啲啲“霉”。如果爽彈啲就好喇。食完意粉，飲埋杯咖啡，見到杯底朱古力沉澱同平時飲開有啲唔同，於是問下店員。原來係再加有可可粉既原因呀！Good!👍cafe支持醫護，有9折呢！巧開心！多謝呀！美中不足係，食物上得都幾慢。。。😅…查看更多

寫開一個食評，就寫埋下一個吧！之前食早餐既經歷留低非常好印象，於是又來了！噢！早餐餐牌轉左呀！😲無左煙三文魚牛油果酸種包配沙律菜既？咁。。。試煙三文魚egg Benedict 多士吧。。。味道，普通啦，份量就。。。少了。。加上多士比較乾身，無左之前“嘩”既感覺。個人口味問題吧！咖啡，仍然係Mocha😂唔再多講了唯一想反映下既係：可唔可以拉下其他花呢？🤣🤣🤣…查看更多

“不苦“係少數一間我選擇返兜既店。咖啡真不錯，可選fruity / nutty豆👍。今次來食晏。朋友點左帶子意粉，我選擇左船麵。意粉正正常常，就唔多講。反而船麵值得一讚😋。原以為咖啡店做既船麵應該無咩特別吧，但食落又好合我口味喎！可能係九層塔同湯底發揮作用吧！以後又多一個返兜原因了！Mocha依舊正！奶泡打得綿密，豆味出，唔酸唔澀，相信會繼續返兜！但還未取代到我心目中第一位呢！上次買左豆，今次無買，下次吧！…查看更多

因為預約左11點參觀M+，所以要揾間有早餐食既Cafe!是日雨天，到達Cafe時已經全身濕了，Cafe哥哥好貼心，遞上熱水，Thank you!😊怕食唔晒Big breakfast，所以點左煙三文魚牛油果酸種麵包。份量好多呀！好大碟！好多片三文魚，下面有半大個牛油果，仲有一大塊包包。因為真係太好食，即使咁大份，都食到一條菜都無留低！😋至於咖啡，就要左Cappuccino(叫Mocha無得跟餐無咁抵🤫)，豆可以揀nutty or fruity，我當然要nutty啦✌奶泡打得唔錯呀！拉花keep得到，仲無咩大泡泡“蒲出”😂味道都好好，好有咖啡味。另一杯Americano要左fruity，好少何飲Americano咁“濃”，睇杯咖啡色水都唔同啲，抵唔住買埋咖啡豆添！依個早餐好美滿！…查看更多

其中一間bookmarked，去開北角就去試下。天氣尚好，雖陽光欠奉，但未至天陰。Carbonara🥓，只有蛋黃作汁，加上bacon炒得較乾，配埋？芝士脆？， 色香是有的，味個人鍾意一般多汁版😅還點了三款Croffles。每份有兩件Croffles，份量夠。👍🦞Lobster Salad巧味🥑Avocado 有半個，配芥末醬夾呀，但就熟左啲。Truffle mushrooms egg正常，兩件Croffles之間有片Cheese，底有蜜糖🍯，咸咸甜甜，又ok喎。😆Budae Jjigae，感覺唔太夾，配午餐肉怪怪的，個汁係咩來我都無去研究了。我哪來既勇氣去叫依個既呢？😅Dirty看來一點都唔dirty，都已經融合了。嗯。平時99%飲熱Mocha既我身痕嗎？還有杯凍Mocha既，但不是我杯茶😗環境都不錯，有我愛既outdoor😊。可能時間尚早，加上母親節大家都係偏愛去飲茶呱，所以無人等枱，可以無壓力咁坐多一陣又一陣👐扣分位：職員態度怕要改善一下吧！聽到前面男女點餐時，那位哥哥有點厭惡既語氣，都幾趕客。Outdoor枱無人坐，但一個放左唔知幾耐內有煙頭既杯，要客人自己拎走至可以坐低，um....🙄…查看更多

好耐無食ADB了。。。是日 lunch time，等左唔夠5分鐘就有枱，好彩。。。先到cashier 落order俾錢，然後就有人將食品送上。ADB份量足，啱晒空肚既我🍴煎蛋🍳係流心燶邊蛋，👍，仲有兩隻，正!另有兩條腸，薯角，蘑菇，蕃茄。。。正常配搭，味道唔會有咩差錯吧！仲有兩片包，脆脆的😋喺蛋下仲藏住其他食材：有幾條露筍，好嫩👍。一片煙三文魚，估唔到喎！又有兩三片煙肉🥓，好咸呢！要伴包包一齊食先得。最底係沙律菜，因為煙肉煎得好熱，又被煎蛋蓋住，放喺沙律菜上，令沙律菜變得熱左，熟熟地，油油地。。。跟餐加錢配配左杯Latte，咖啡味唔太濃，奶泡打得不錯，慢慢飲，飲到去尾個拉花都未散☕總結：可以有下次，試埋其他食品，尤其甜點同飲品🤪…查看更多

bookmark 左好幾年，終於喺偶然機會試試FAMA到達時仲未開門，因為位處喺工廈，唔睇清楚都唔為意就係依度地方大，座位闊落，有梳化，餐椅，靠窗好櫈，任君選擇有boardgame,書借。。。亦有打咭位。叫左個pizza同熱mochapizza因為即叫即製，等左半個鐘，薄脆既pizza底，好香口mocha好大杯，抵飲，用紙杯serve都仲有拉花係一個加分位，味道就一般，咖啡味唔出，價錢反映質素當日係週日，比較多家庭客，熱鬧左啲。如果平日順路既自己黎坐下都唔錯。…查看更多

唔係第一次飲清玉，之前都係喺店面即叫即付。原來OpenRice有預訂自取，仲有首單優惠減$20添！點左兩杯飲品402珍珠奶茶🧋🥤(半糖，少冰)奶味唔錯，有茶味，滑，不過由於唔係黑糖珍珠，加上係細珍珠，所以味道口感扣左啲分。蘋果冰醋🍎(微糖，少冰)因為飽飽地，所以叫杯醋消消滯。無得去冰，好在少冰都唔會太凍。可能係微糖關係，飲落有啲啲嗆喉，不過都可接受，解渴又唔heavy。自備飲管減塑，杯洗淨回收♻️…查看更多