wwf_MC的個人專頁

🤍#正常味20211219搭車免費同女朋友行咗個大運 去咗西環食素食店 餐廳整體食物質素都好好 可以回頭再試其他🍽 素雞漢堡配薯條 $75首先嗰漢堡包唔係hea包 唔係嘉頓最濫嘅漢堡包 有誠意 包烘到好脆但又唔乾 好多芝麻 芝麻香味出晒嚟 素雞有兩塊炸到好脆同口感好似雞肉 漢堡包整體好好 係醬汁唔夠特別 要係用現成千島醬同茄汁 薯條方面 好脆好乾身 唔油膩🍽 南瓜素蝦松子仁意大利飯 $68意大利飯啱啱好 唔會太熟好淋或太生好硬 軟硬適中食落略有嚼口 每粒飯都吸收晒南瓜汁香甜 入口creamy 另外素蝦好彈牙 似魚蛋多過蝦 但都好好食📍素菲亞 (安發大廈)西環爹核士街28-32號安發大廈地下C號舖#20211219…查看更多

🤍#正常味店舖的裝修都幾靚好適合打卡 但環境衞生有待改善🍽 夜市拼盤 $48拼盤有鹽酥雞、炸豆腐、花枝丸同埋台式小香腸，配上千島醬。豆腐用左木魚加醬汁一齊炸，木魚豆腐感覺幾新鮮。鹽酥雞同花枝丸都不錯，但台式小香腸就未夠火喉唔夠香🍽 鹽酥雞肉燥麵 $64所有湯麵都可轉新竹米粉或乾伴麵。揀左乾拌麵，冇蔥油香同都幾油膩。鹽酥雞份量多配千島醬。🍽 牛三寶牛肉麵 $76牛三寶包括牛腩、牛𦟌同牛肚，牛肚夠腍夠入味。牛腩就比較靭。牛𦟌不過不失。湯底比較淡藥材味同辣味都唔多覺，甜味同鹹味都不足。📍牛霸小麵店灣仔安樂里1號利昌大廈地下低層D號舖#20211210…查看更多

💛#良知味🍽 糯米糍 $35大盒$35 6粒 細盒$18 3粒即叫即包 睇佢包嗰陣已經感受到佢有幾咁q彈 食落去就同睇落去一樣 又軟又煙韌 好好咬口 會令你食完一粒又一粒 因為佢係少甜 所以食幾粒都唔會膩 不過芝麻好似炒唔夠有少少澀味📍滑嘟嘟地址: 大埔鄉事會街8號大埔墟街市及熟食中心2樓CFS29號舖#黃店 #黃色經濟圈 #黃店地圖 #消費表態#大埔 #大埔美食#20210410…查看更多

💛良知味🍽 黃到金～楊枝甘露 $108刨冰頂有金箔、芒果同豆腐奶蓋 而成個刨冰淋滿咗芒果糖漿 都真係幾有黃到金嘅視覺效果 刨金唔係話好巨型 另附一小樽芒果糖漿 味道：先講刨冰質感同一般香港嘅甜水鋪唔同 唔係好粗糙嘅係輕而更綿 薄薄嘅 好似係緊空氣😂 冰頂嘅豆腐奶蓋係有豆腐味奶蓋 佢同刨冰唔係好夾 頂部外層都鋪滿芒果糖漿 糖漿較甜芒果味唔係好出 食到中部內層有椰奶味同脆脆芒果乾 中和返外層嘅甜味 層次感好豐富 最底層係楊枝甘露 內有柚子（酸同有澀味）芒果 芒果布甸 西米 都幾新奇🍽 爆檸 $33檸檬茶啲朋友 青檸同檸檬配紅茶📍甜姨姨私房甜品 (耀華街)地址: 銅鑼灣耀華街11號地舖…查看更多