psycho_foodiehk的個人專頁

呢間餐廳以前喺屯門啟豐嗰陣已經食過，原來開咗分店喺Wet Land，餐廳主打食牛角包之外，仲有其他西餐食。晚市雙人套餐 $358🥗是日餐湯 及 田園沙律 各一餐湯係黑松露蘑菇忌廉湯，creamy好好飲！🍖BBQ醬燒豬仔骨 配炸薯角 +$28薯角鋪滿底，Ribs醃得好入味，鋪上BBQ醬，啖啖肉好滿足！🥐牛魔王餐廳主打牛角包就梗係要嗌嚟試吓，牛角包焗得好脆，入面夾有蘑菇炒蛋、芝士、牛肉漢堡等，呢個組合係無得輸勁夾！🍾白酒忌廉煮藍青口 +$28食到好香嘅白酒香味，有洋蔥同忌廉做醬，攞青口肉點埋個醬，好味🥑煙三文魚牛油果蟹肉他他 $98牛油果喺底，蕃茄同埋煙三文魚切粒鋪上面，仲有拆殼蟹肉喺頂，食到有少少青檸味，酸酸地做前菜幾開胃！🌸凍芝士奶蓋桂花茶 加 愛玉 +$24愛玉隱藏左係茶入面，芝士奶蓋厚厚一層，搞混左就見到愛玉出返黎，飲落啖啖愛玉同桂花香🍋凍鮮檸冬瓜茶 加 愛玉 +$18檸檬厚切，酸酸地配冬瓜茶唔會太甜，幾解渴，推介！…查看更多

晚市只需要$158食到威靈頓牛配鵝肝套餐‼️呢個價錢真係好抵食啊，套餐仲包沙律、餐湯同埋飲品呀！提早預訂可以坐window seat✨落地玻璃窗望住出面街景。黎緊聖誕節開party仲有到會優惠，門市自取高達85折，仲有贈品送添套餐包括是日餐湯/忌廉龍蝦湯、巴馬火腿沙律/奇異果蕃茄沙律、主食、熱飲/凍西柚蜂蜜綠茶，仲可以用$12-28加配各款小食同甜品，真係好高性價比！🥩威靈頓牛柳·香煎鵝肝伴時令蔬菜 $158威靈頓賣相好靚，酥皮包住香嫩嘅牛柳，鵝肝都煎到好香，呢個價錢食到極高性價比！🍋檸檬海鹽焗澳洲三文魚柳伴時令蔬菜 $138三文魚外皮煎到好脆，魚柳充滿三文魚油，就算唔洗點個醬都已經好好食！🥭熱帶火山 套餐轉配+$19呢杯熱情果沙冰加入左菠蘿、芒果等水果，酸酸甜甜，好開胃，入口充滿香熱帶水果味，好fresh🍓雪沙草莓 套餐轉配+$19香甜嘅士多啤梨沙冰，上面有一粒草莓做點綴，整體幾好飲！🍰自家製巴斯克蛋糕 加配$24見到蛋糕加配咁平就加一件試下，芝士好香好濃郁！…查看更多

有無諗過日式嘅西餐會係點？今次試咗間主打抹茶嘅餐廳🍵餐牌入面無論係飲品定係甜品都好多抹茶嘅選擇，真係眼花繚亂🧀明太子大葉豆乳芝士意大利飯賣相簡潔，一嚟到已經聞到好香明太子味，撈勻佢食食得到芝士香味同明太子好夾，但又唔會太heavy!🫖鮭魚昆布絲柚子胡椒茶漬飯 配鰹魚湯將熱辣辣嘅鰹魚湯淋落個飯到，一定要加放係調味碟嘅柚子胡椒，層次即刻升華左又fresh🍵凍抹茶牛奶雲呢拿軟雪糕朱古力脆脆主打抹茶嘅餐廳無理由唔叫返杯抹茶，賣相幾好啲漸變分層好靚，抹茶好濃郁，唔會太甜，上面有雲尼拿雪糕，加埋朱古力醬同脆脆，口感好豐富！🍹凍焙茶牛奶忌廉黑蜜果凍餐廳另一個主打嘅就係焙茶，焙茶撈埋忌廉後入口好smooth，個底有果凍，幾好飲！ 🫘抹茶蕨餅芭菲芭菲勁大杯，層次分明，有好多雪糕同埋粟米片脆脆，配埋紅豆蓉同埋喺底嘅果凍，真係好吸引好好食，啱晒鐘意食甜品嘅大胃王！🍓抹茶草莓忌廉芝士芭菲呢個係期間限定，芭菲擺得好靚，好似聖誕老人🧑‍🎄咁，勁可愛，上面鋪滿咗好濃厚嘅芝士醬，配埋新鮮嘅士多啤梨，幾夾！…查看更多

見到朗屏站隔離嘅世宙商場呢間打邊爐有好多優惠，今日咁岩天氣得12度🥶最好就係打邊爐餐廳全部套餐都冇限時任食😳唔怪得晚飯時間坐滿曬人！趁有限時減價，我地揀左$280澳洲和牛套餐(原價$308)仲要免加一，兩個人都慳返成百蚊💯超抵食啊一坐低餐廳就準備和風雞煲！免費送架‼️食完雞煲再打邊爐，好爽！我地幫餐廳打卡後，仲送蒸海鮮添‼️送嘅海蝦一啲都唔馬虎！有鮑魚！元貝！生蠔！聖子！海蝦！真係有啲誇張！再食返兩盤和牛已經回本！牛肉都好高質，澳洲和牛牛脂比較重，肉質軟淋；牛肩胛少啲油脂，一樣咁軟淋，我比較鐘意呢款，冇咁heavy！出面自助區仲有好多火鍋配料，推介手工燒賣、雲吞！欣賞餐廳全部食材都準備得乾乾淨淨✨精緻咁擺係度任攞飲品有大量韓國嘅果汁、酒精、汽水，想養生啲有自家製冰糖紅棗燉雪耳同夏枯草🌟限時優惠推介🌟1.送蒸海鮮‼️只需要讚好專業like and share以及留言即可領取‼️每日數量有限 送完即止提早預約將會優先安排2.五週年限時減價‼️ $278皇牌套餐▶️$230$308澳洲和牛套餐 ▶️$280以上呢兩個套餐免加一(110cm以下小童不佔座位免費)3.快閃大閘蟹套餐每位只需 $358‼️尊享以下盛宴每位贈送：🦀2隻肥美大閘蟹(四兩重)🦀🦐2隻鮮甜大赤蝦刺身🦐🐟1罐五安士西伯利亞魚子醬無限時任食頂級肉類、任食牛頸脊、任食牛肩胛、任食保濕豬豚肉、任食雞肉…查看更多

放題火鍋就食得多，今次去咗間係酒店下層好高質，又搞啲花臣嘅手工火鍋店🔥佢哋仲要有房可以唱住K打邊爐🎙️隔音都做得幾好🥥火焰三椰雞鍋 $348湯底揀咗呢個，店員會將材料分開上，喺你面前煮左啲火焰雞先，然後加入，倒入椰青、椰皇同埋上湯，成件事真係幾有睇頭！滾左之後隔走啲油就飲返兩碗湯先，食完雞再打邊爐！🍆招牌惹味炒茄子 $68薄薄一層炸粉，表面淋上炸蒜，有少少似避風塘，嫩滑多汁！🥩水晶滑牛 $128手切牛肉，倒入雞蛋撈勻，食起黎更滑更好食！🦐手打鹹蛋黃蝦丸（半份） $52將鹹蛋黃釀咗入蝦滑入面再做成蝦丸，手工嘢好爽彈，食到中間有驚喜🥟自家製黑松露蟹肉餃（半份） $68呢個亦都係手工嘢，餃子咬落去黑松露香味已經湧出嚟，餡料有唔同嘅菇同蟹肉，又滑又香！🥬唐生菜 $48🥢鮮枝竹 $38…查看更多

今晚去左成業工廈呢間串燒鋪，餐廳係三國主題嘅中西fusion餐廳🪶有串燒、日式燒烤、酸菜魚、雞煲等唔同種類嘅美食，最適合一大班朋友聚會，飲返兩杯，勁E嘅店員仲好玩得好傾得😂🦑燒原隻日本(靜岡縣)魷魚 $108魷魚好大隻，新鮮Q彈多汁，配上甜甜地嘅醬好好食！🥩日本佐賀和牛配飛魚籽 $198呢個真係極高質，無敵組合，和牛燒到外脆，入面仲係粉嫩嘅大理石紋，香嫩多汁，擺盤精緻，一件擺入口食到飛魚籽嘅咸香配埋和牛爆出嚟嘅油，好夾！🦐海蝦串 $8海蝦做緊特價，店員推介連殼食，會有薯片嘅感覺，的確好脆！🍆蒜蓉燒原條茄子 $32茄子重蒜，大大條好多肉，仲可以配埋佢哋6款唔同辣度嘅調味粉！🍋咸檸碎碎七喜特飲 $22懶人版本鹹檸七，入面好多咸檸粒粒，味道更特出，每啖都充滿鹹鹹甜甜嘅味道…查看更多

係熱鬧嘅大排檔入面，隱藏住一間食壽司刺身嘅日式餐廳，吧檯設計好似去到日本居酒屋咁🏮店員推介嘅海鮮刺身新全部都好新鮮，油脂同口感都處理得恰到好處我地叫左Omakase之外，仲散叫左幾件壽司、窩物、同海膽杯，食完啲魚油齒頰留香😭值得多啲人認識！🍣Omakase(12件壽司) $19812件嘅Omakase都唔洗200蚊！醋飯味道啱啱好，廚師準備嘅都係呢個季節時令嘅海鮮壽司，相當肥美新鮮！🐚清酒煮蜆 $78 每隻蜆都大大隻，成煲生上，開火煮滾後見住佢一隻隻打開，見到肥美嘅卜卜蜆肉，超級鮮甜零沙，個湯都忍唔住係咁飲！超推必點！！🐟冰鮮大拖羅4切 $156刺身入口即溶，魚油係口腔入面化開，啖啖都係油香，好肥美好邪惡！🍧海膽杯 $148 豪華版海鮮杯，杯面鋪有海膽、三文魚籽、拖羅蓉，一啖入口好滿足，海膽creamy鮮甜，隔離台直接叫左一板海膽，伴紫菜食，見到都覺得爽！🟠三文魚籽壽司(2件) $28 籽粒飽滿，鹹鹹地鮮甜味係口入面爆出黎⚪️左口魚裙邊壽司 $28裙邊好大塊，油脂勁到爆，邊邊脆脆地，入口好香🔴火灸大拖羅壽司 $40🟤厚切蒲燒鰻魚壽司 $28：形容鰻魚好長，整條鰻魚成條鰻魚趴係度，超長 …查看更多

諗住去楊屋道買餸嘅時候經過見到呢間泰國菜，就決定今晚唔買餸試下佢！餐廳上菜速度好快，環境幾闊落，仲有啲大檯坐得落一班frd🥬碎肉生菜包 $88肉碎好香檸檬葉味，夠酸好開胃，唔算太辣而且唔油🦑濕炒海鮮河粉 $82河粉份量好多，落咗唔同海鮮一齊炒，有蝦球、魷魚、青口等等🐟泰式鹽燒鯽魚 $128鯽魚勁大條，打開塊魚皮入面熱辣辣出晒煙，魚肚放咗香茅等香料一齊燒，完全唔會腥，點埋個泰式醬一齊食好夾呀！🥭芒果糯米飯 $38做緊特價$38幾抵食，糯米飯熱辣辣，芒果新鮮，有紫糯米同白糯米，椰汁自己淋上去，甜品做結尾真係一流！🥥原個鮮椰青 $35🍹椰汁三色冰 $30…查看更多

呢間長沙灣泰菜小店原來係泰國人主理，唔怪得要排隊食，店鋪頭細細間，10幾個座位，泰國必食嘅小食、湯、炒飯麵都一應俱全，仲播住一首首泰文歌，環境氣氛泰有feel🥗泰式青木瓜沙律 $48木瓜好爽好新鮮，bb辣，又唔會好重口味，一啖接一啖停唔到，會越食越辣🦑燒魷魚筒 $118魷魚筒大大條，燒到好香好爽嫩，一定要配上靈魂泰式醬，開胃一流！🦐蝦球金邊粉 $68金邊粉炒到好香好有口感，蝦球新鮮爽口，鐘意佢唔會好甜，啱啱好！🔥泰式火車頭炒飯 $68炒飯好有鑊氣，睇住老闆炒都聞到啲香味攻出嚟，飯粒粒分明好好食！🍹龍眼水 $22🍹泰式奶茶 $22兩杯都係泰國必飲，解渴一流！泰奶茶味好香，啱晒唔鐘意太甜嘅朋友！…查看更多

荃灣呢間餐廳，朝早係茶餐廳，見到餐牌一大版，咩都有得食，晚市化身做雞煲烤魚打邊爐🥘門口見到有19款火鍋湯底咁多，邪惡啲嘅可以食左烤魚、雞煲先再邊爐，養生啲嘅可以藥膳、五指毛桃等湯底，食左雞先再打邊爐，酸菜魚都有得食，超多種類！打邊爐係自己出去夾食物、門口位置有啲涼拌菜、咖喱魚蛋、魚皮等🥗入面雪櫃就係戲玉啦。三個大雪櫃，火鍋配料任夾，除左常見嘅丸、牛伯葉、鵝腸，海鮮、牛肉都有幾款選擇。我果晚有6款海鮮(魷魚、聖子、九肚魚、蝦、生蠔、蜆)🦑豬牛都有5-6款🥩最後食埋雪糕芒果布丁，咁多嘢食先係$188一位咋，繁忙時段7-9點就$208一位🍽️大滿足火鍋冰室📍荃灣大陂坊9-31號泰華大廈地下6-7號舖…查看更多

搭輕鐵去到大棠路落車，經過同益街市、元朗千色匯黎到呢間東北菜餐廳，中午係$58一位嘅放題，我地今晚食夜晚，叫左幾個餸，食到勁飽，東北菜分量真係唔可以睇少呀！見到隔離枱叫嘅炒菜、炒飯、炒餸都係大大份，每份都有個小山丘，小鳥胃要小心噢！🍜五香牛肉麵 $50牛展富豪，厚切仲要好多塊，炆到好淋好香，，啲麵多到食黎食去都仲有，有咬口！🧄紅油抄手（10隻） $50抄手大大隻好多餡，撈埋啲蒜泥，好食！🔥松鼠魚（龍利柳） $98呢個手工菜松鼠魚好少餐廳有做，怕骨嘅我揀左龍脷柳，酸酸甜甜勁開胃，淋上醬之後條魚都仲外脆內軟！🐷東北醬豬肘花 $76涼菜我哋嗌咗呢個豬肘花，凍食淋上秘製醋汁，有蔥蒜做配料，肉質爽彈，又係開胃之選！🫘高力豆沙 $13第一次聽呢個，見每枱都有嗌就嗌一個嚟試下，樣似沙翁，食落煙韌，大大隻抵食！…查看更多

呢間酒吧餐廳有唔同國家美食🍻歐陸風味、西餐同亞洲都有，啲cocktail又幾有創意，連京都念慈菴都出動埋😂都幾得意Menu有個二人Set Dinner都幾抵食，有沙律、小食、兩個主菜仲有甜品，不過我地怕食唔曬就散叫算啦！🌽鹹蛋黃手切粟米條 $88鹹蛋黃包裹住每粒粟米，每啖都好邪惡🦑避風塘魷魚鬚 $98估唔到食到大排檔必食嘅菜式，炸到酥脆，辣椒唔多，唔洗怕會辣🧀巴馬臣芝士薯條 $88粗薯條配芝士都係冇得輸，送酒好拍檔🍅燉牛尾番茄大通粉 $168牛味好香濃，入面嘅牛肉淋到入口即溶咁，大通粉煮到啱啱好，仲有啲咬口，呢個推介！🍸觀濱特飲 $78餐廳嘅飲品都好特別好有創意，見到個名咁fun叫黎飲下，放心係夾嘅，同朋友飲返兩杯睇場波又一晚。餐廳勁播廣東話歌，環境氣氛都好舒服，店員有禮貌又nice，隔離台慶祝生日仲有小驚喜，最適合同I人朋友慶生，仲要唔收切餅費，欣賞！…查看更多

今晚9點先翻到元朗，呢間餐廳無論入面出面都坐滿食客，燈火光明到唔似夜晚💡又熱鬧，餐廳營業到夠曬夜，無論是食晚餐定宵夜都岩。九點後入座每人$188😳兩個鐘任食雞煲邊爐，慢慢食完雞煲再加湯落去打邊爐都得，夠曬時間。呢個價錢除左有基本嘅火鍋配料，各款肥牛、丸類、響鈴、魚皮、蔬菜、牛柏葉、水魷、鵝腸等，仲有各款海鮮今晚有蠔🦪海蝦🦐蟶子🦑螺🐚食完雞煲都飽左一半，但係點可以停，出去行返轉攞火鍋配料，今晚啲海蝦長過手掌，新鮮爽口彈牙，好好食！最後仲可以食埋7款唔同味嘅雪糕🍨推古早味嘅紅豆雪糕，你話唔滿足啊？呢間餐廳CP值爆棚啊！🍽️撈得喜火鍋冰室 (元朗)📍元朗屏昌徑14-48號聯發樓地下9-10號舖…查看更多

作為香港最受本地人喜愛的湘菜餐廳之一，辣湘湘無疑係排隊王！今晚星期五晚飯時間黎到，門口企等位嘅人。餐廳係轉角位嘅當眼位，未入去已經俾啲香辣味吸引到，餐廳菜種類都幾多，自由辣度選擇，唔食得辣辣嘅人都唔洗怕，無論鐘意食辣定怕辣都搵到岩食嘅菜，後悔冇早啲去食，唔怪得每次食飯時間經過都排曬隊啦！餐廳入面大部分都係卡位，位置闊落坐得好舒服。仲有大圓檯添！🔥18秒爆炒雪花牛肉 $139呢個果然係招牌菜！爆炒18秒鎖住肉汁，小小辣，牛肉底有筍絲索曬啲味，必叫！🐟湘味酸菜魚 $149湘菜經典之作，魚片分量超超超多，酸酸辣辣，一定要食埋鋪底嘅粉絲，入曬味🌶️火爆紫蘇牛蛙 $89牛蛙炸到外皮香脆，同紫蘇好夾，加埋蒜芯一齊炒，呢個菜相對其他會辣小小，好惹味食到停唔到🐽膠原脆皮豬手（2隻） $49豬手都係脆卜卜，表面灑左調味粉，咬落啖啖骨膠原，仲有啲腳筋超正，一份兩隻好抵食🥟翡翠醬肉香煎包 $59兩個人叫一份，點知原來有7隻咁多！綠色嘅包表面剪到微金黃，肉餡味道啱啱好，又幾好食wor🐚涼拌花甲 $89酸酸辣辣超開胃！花甲新鮮冇腥味，而且分量度幾多，花甲單邊打開曬，食都好方便🍋鴨屎香檸檬茶 $45🍉解暑西瓜檸檬茶 $39呢兩杯巨型茶，重到要雙手攞起，鴨屎檸檬好清香，茶底香濃，兩杯都好好飲，一啖辣，再一啖凍茶，爽！！🍽️辣湘湘 小炒湖南菜📍地址 : 荃灣大河道99號99廣場地下1A-1E號舖 （營業時間 11:00-22:30）…查看更多

佐敦有間未被發掘嘅小菜餐廳 ，零遊客，全部都係街坊熟客，好多人都係為左個燒雞而黎，我地平日夜晚8點前就賣曬啦，如果唔想撲空記得打電話去留定先！餐廳$6x就有一個小炒，已經有湯有飯有飲品，唔怪得係咁多街坊嘅飯堂啦！🥔蜜椒薯仔牛柳粒 $80大排檔must叫嘅餸，薯仔粒粒都外脆內軟，優勝過唔少餐廳，係我食過數一數二好食！牛柳每粒都沾滿蜜糖汁，好好食！🦑黃金鮮魷 $82鹹蛋黃醬均勻咁包住每舊魷魚，鹹香餸飯一流！🍗皇牌脆皮燒烤雞 一隻 $160呢個係餐廳嘅招牌菜，遲啲黎都賣曬！嚟到熱辣辣，撕開好多肉汁，雞皮燒到薯片咁，雞肉嫩滑，戴上手套就咁用手食，啖啖肉，極滿足！！🍹凍檸檬可樂 跟餐+$8🍹凍鹹檸七 跟餐 +$8…查看更多