devilelf的個人專頁

年初八無無聊聊由北角行去銅鑼灣，行到炮台山時諗起之前行過有間叫半島的冰室排隊排到打晒蛇餅 。今次行去見少咗好多人所以排隊試吓 。排了大約半小時就可以入內 。因為排隊時已留單，所以坐底無耐就上餐了 。本人點了個午餐-紅酒燴牛配意粉 。牛尾份量都大份，意粉反而我覺得可以大份小小 。牛尾炆得好焾好係味 ，合格 。餐飲叫了個凍忌廉咖啡，香滑不算太甜 。午餐價錢算拆食，難怪咁多人排隊 。排半小時我覺得可以接受，如要我排一小時我要不了 。同區可以很多選擇 。…查看更多

午飯見新開又唔洗排隊，看過午餐餐牌後點了個喇沙 。$88連一杯飲品 。喇沙看似幾中，油麵加米粉兩溝，連份量都很正中——即係少 。加上數隻蝦肉、豆卜、半隻半熟蛋及少許芽菜都好適合OL減肥食用 。可惜味道很一般，沒有蝦味、少了椰香味 。講到服務評分我比0分 。不是服務不好，只是除了帶位、落單、上菜外，是沒有任何服務的 。連攞餐具及埋單都係自助的 。但收咗我10%服務費即$9 。今時今日仲收加一服務費但比咁嘅「服務」都幾離地 。如果食品是好食（可惜不是）我情願你收貴少少我會好過啲 ，所以我不會再幫襯了 。隔離嗰間越南粉應該係同一機構 ，裝修及收費模式都一樣 。 …查看更多

由細到大都聽過，食過樂園 。唔係係唔係同一間 。今日行去好運中心見開咗好多新食肆，見到樂園，食牛腩牛雜的 。餐牌同旺角阿旨老街那間一樣，咁應該唔會太差 。點了個牛雜米加個$18的炸魚皮 。牛雜很香有牛味，份量都不少 。炸魚皮很大片，有五至六片的 。整體牛雜味道不錯，米粉份量足 。加埋炸魚真的飽到上心口 。食的中途聽到有食客點了崩砂腩，下次一定要試 。在新城市中心周邊，很難找到不用$40的一碗麵，相信這間樂園將會成為我的飯堂了 。…查看更多

好耐無食過酸辣粉又好耐無去過雲貴香，所以今日lunch去食食。點了個重慶酸辣紅薯粉，三餸、中大辣。上菜後立即渴了一口湯試試那種重慶口味。咪住，啖湯咁淡嘅？又唔酸又唔辣，係一啲辣都無。我再望一望點菜紙係唔係我叫錯咗唔辣，點菜紙真係寫住中大辣喎。於是我問店員姐姐係咪攪錯咗。姐姐諗都唔使諗就同我講，「不如我比麻辣醬你自己加啦！我拎返入廚房都係加麻辣醬比你架咋！」呢句說話令我記憶返返黎。原來我咁耐無黎係因為上次碗粉都係無辣味要自己加。是但啦自己加就自己加啦！廢事拎入廚房比人加料。但我前後加咗6匙麻辣醬都唔辣，無錯，係6匙。就算我幾食得辣都無可能6匙麻辣醬都唔辣！算！再加都唔係原本嗰件事。唯有再三提醒自己，「唔好再黎呢間了」。我真係唔知係我問題定咩雲貴香口味港式化咗。總之我面前呢碗唔係酸辣粉。anyways, 唔會再有下次。…查看更多

版規不能寫真實的負評，唯有修改一吓。特登到東大街看看有沒有新食店。見到這間唯一豬什麵。近排好興豬什麵就試試看。叫了個招牌鮮豬什麵，等了大約十分鐘終於上菜。大大碗的上海湯麵。先來一口湯，是清湯一啖。試試加少許胡椒粉，似乎好味些。再試豬腸，保留了「腸」的那種澀味道，其他的食材如豬肉、豬潤等都是經過清湯的洗禮。到這裡已沒有什麼心情食下去了。唯有加辣椒醬完成這碗麵。論價錢$38大大碗如對口味沒什麼要求，只是填飽肚的，可以說係抵食的。本人考慮會不會再光顧。…查看更多

路過筲箕灣電車道，見有間叫歲月冰室話，走進去點了金牌豬雜炒河和招牌沙嗲牛筋腩炒河，兩道招牌菜都是份量足，絕對能夠滿足飢餓的胃口。金牌豬雜炒河的味道鮮美，而且不帶任何腥味，各種豬雜的味十分濃郁，尤其豬腸，讓人食得十分過癮。招牌沙嗲牛筋腩炒河則是口感豐富，牛筋腩炆得十分淋及入味，加上沙嗲的香辣味道，令人回味無窮。除了這兩道招牌菜之外，老闆還送上了兩碗燉湯，足料而且沒有味精的味道，非常可口。整體而言，歲月冰室的食物都很有驚喜，口味十分正宗。總的來說，這是一家值得推薦的港式餐廳，我一定會再來的。…查看更多

幾天年假兩個人到了旺角食個午餐。見食評大多正面所以來到旺角店試試。見店內有數張吉枱應該不用等太久，大約十五分鐘後就有店員帶我們入內，比起嗰啲排兩個鐘嘅壽司店快很多。點了一碟薑蔥鮮牛撈及炸醬撈麵。很窩心地個薑蔥無走油或用油爆過，保留到薑蔥的原有辛口風味抵讚。鮮牛用疏打粉清潔過夠乾淨。幼麵沒有梘水味，亦沒有其他味，難得。整碟薑牛肉撈夠清淡。炸醬撈的炸醬一點都不油膩，不甜又不辣沒有食完口渴的感覺。好適合小朋友或老友記的口味。整體口味清淡健康，不膩不滯。…查看更多

一直都幾鍾意食沾麵，可惜香港很少有沾麵的食肆。偶然係OpenRice見到這間係火井附近的小店就去試試。叫咗個蝦味噌黑胡椒沾麵，份量都頗多，但一夾就散，好易散。個沾麵汁都幾鹹得少少蝦味。最大問題係個汁太稀，根本「沾」唔到上麵，攪到要好似食湯麵咁。一般食沾麵都係在食完麵後叫店員加湯落個汁變湯飲。但這個「汁」本身都稀過湯所以我放棄再加湯了，再者個湯真係好鹹😵‍💫加上由我踏係舖後一直都唔覺呢間係一間日本食店，服務態度我不予置評。我只可以講，你度買嘅係「湯麵-湯同麵分開上」而唔係「沾麵」。最後，我想問店主及廚師食過沾麵未？…查看更多

與友人飯聚，因各人口味不同所以選可以各人一份的餐廳食。又突想係年前在台灣嘗過臭臭鍋而心掛掛，決定去這間8鍋試試看。本人點了個中辣的臭臭鍋跟粉絲，而友人點了個芝士牛奶鍋跟粉絲。芝士牛奶鍋上菜時聞到濃郁的芝士味，而我那個臭臭鍋都充滿濃烈的香辣味，不過都是不及台灣吃的惹味。可能因為要適合香港人的口味，我點那個中辣的臭臭鍋其實是不算辣的以這個價錢來說可說是抵食，又可以與友人慢慢食慢慢暢談。唯一不足是店員服務不太專心，希望改善。…查看更多

因工作關係，每星總有一、兩次到荃灣午餐。由於本人喜歡吃辣的粉麵關係，又不想到連鎖餐廳進便在街上尋找心水店子。結果這間其貌不揚的店子吸引了我。這店子舖面與大陸的一般小店裝修相似，店內只有幾張枱。好處是客人不算多坐得都頗舒服。熱撈紅薯粉配大腸，辣腩肉及雞絲。果然味道很有四川風味不像一般連銷店的港式化口味。秘製醬汁又夠惹味。真的一試難忘。之後我每次到荃灣都會再到這店子回味那撈薯粉。店子都算整潔，店員友善，價錢划算。值得推介。…查看更多