Catlai171的個人專頁

因為朋友生日，同埋見食評話幾好，所以喺呢度訂咗枱食午飯，打電話嚟book嘅時候係一個男人聽電話，其實一開始佢啲態度已經唔係咁好，態度大啲囂張，不過真係想試吓係咪真係咁好食，所以我同朋友都照去我哋訂枱當日準時去到，但係服務態度都係莫名其妙地差，唔知係嗰個男人心情唔好定係佢平時都係咁，我哋心諗係咪因為真係唔優做？其實我見佢keep住都係同其他人用呢個態度溝通，唔俾人投訴我哋都覺得好出奇🫨成餐飯d嘢食，我哋都覺得一般般，人均消費大概$200一個人，喺元朗嚟講其實可以好多選擇，完全唔明白呢間小店點解會有咁多好評，食物質素又一般，最緊要係態度好差，因為成餐飯個男人都係用啲爛係有禮貌嘅態度同你講嘢，但係實質係好冇禮貌！！！絕對唔會有下一次呢間嘢🤬今次信錯咗食評…查看更多

過年嘅時候叫個三千幾蚊嘅套餐，8個人食，魚翅海鮮湯竟然用冰鮮海鮮嘅帶子同蝦🙁飲落口好腥，炸蟹鉗唔夠熱同食落去亦唔新鮮，冬菇炆鵝掌，一啲都唔入味，汁同啲材料好似分開咗咁，個炒飯竟然嚟到嘅時候係一啲都唔熱，超失望！😩套餐亦都冇包嘢飲，真係同幾個朋友食完大家都講三千幾蚊唔知食緊啲乜，真係難怪啲人唔留港消費😓以後都唔會再去…查看更多

之前行過見到呢度有間新裝修嘅Pizza店，因為兩個小朋友都好鍾意食pizza ，所以今日帶埋佢哋一齊過嚟買外賣我哋買咗一個原味經典pizza同埋雞翼，買嘅嘢雖然唔多，但係老闆好好人，笑容滿面態度好好，仲送咗兩個冬甩俾我嘅小朋友🥰至於食物方面我覺得性價比高，價錢唔貴，味道都唔錯喎☺️👍🏻最鍾意係pizza跟咗兩個松露忌廉醬比我，第一次試咁樣食，點咗嚟食我覺得味道仲好🍕酸酸甜甜帶啲松露香味，食落冇咁漏…查看更多

見經過成日都好多人，所以今日放假同屋企人諗住試吓，去到嘅時間都係見到好多人，之後大概等咗20分鐘左右入得，晏晝嘅時間等有啲辛苦，因為企嘅位置比較曬同冇嘢遮頭🥵不過見佢菜單啲嘢都幾岩食，我哋叫左兩碗米線、半隻豉油雞、兩款醉小食同酸辣鳳爪,醉小食偏甜左少少，但幾入味，酸辣鳳爪幾好食，連配菜都入味，小食味道整體不錯😌反而滿懷期待嘅招牌花膠雞米線，雞肉質偏淋冇乜味，湯底亦唔夠濃郁好飲😅另外一碗叫左砂鍋香辣台山蠔花甲雞米線+一隻醉鮑魚，價錢偏貴少少$110，但諗住好食就冇乜所謂，嚟到嘅時候見到花甲同台山蠔好細隻，而雞同招牌米線嘅雞一樣冇乜味，香辣嘅味道亦令唔到配料入味，湯底香辣，但花甲、蠔同埋雞都入唔到香辣味，最失望係花甲同台山蠔質素一般般，應該唔係太新鮮，所以食唔到海鮮嘅鮮甜味，本身唔+醉鮑魚嘅話米線係90幾蚊，如果呢個價位同質素嘅話真係唔值，性價比唔高至於豉油雞味道整得係唔錯，不過可惜敗筆都係喺雞嘅質素嗰度，偏淋身冇乜雞嘅味道，雖然呢度所有嘅雞賣點都係無骨雞，已經去晒骨，但係食嘅時候難免都仲係有啲骨碎🫢而坐嘅時候比較近洗手間位置嘅枱，一路食一路聞到廁所嘅香薰味令我減低左啲食慾，感覺有啲奇怪🥲埋單食咗四百多，暫時覺得性價比唔高，未必會返轉頭再食，如果湯底同雞嘅質素可改善一下嘅話，相信會更好👍🏻…查看更多

前幾日，跟囡囡學校親子旅行去咗山頂本身心情係好開心嘅，疫情下，終於可以見到囡囡可以同佢啲同學一齊玩大家遊逛之後，諗住去敏華食晏晝喺餐廳出面排隊等位排左一陣就有位入之後開始嚟料喇想叫嘢食冇人理你叫極都冇人睬你（明明都聽到😳）之後行過黎同我哋講，係用QR code落單Okay fine.等咗你咁耐，你咁樣同我講咁點解唔一早講呢？🫤隔咗一陣嘢食到有個短頭髮嘅女侍應行埋黎叫我揸住碟嘢叫我自己放好佢但係枱上面一啲都唔迫😅😅😅黑人？？問號唔知點解要客人拎住仲要態度唔好之後亦有個戴眼鏡嘅阿叔侍應拎嘢食放低嘅時候將佢嘅衫袖浸晒落我碗公仔麵度😵‍💫😵‍💫之後，我一手捉住佢隻手同佢講佢好平常咁同我講一句我幫你換咗佢～亦感受唔到佢有任何唔好意思😓之後咩心情都冇晒只係好想快啲走，野食一般般又服務差去到埋單俾錢仲要受氣等咗好耐先有人之後個短頭髮侍應去咗收銀比完錢後我想拎返張單見佢冇俾我，就問佢一句點知佢話你係咪要單!!!要單嘅話，你要講先得㗎🙄🙄🙄🙄🙄阿姐我唔係你，心裏面條蟲如果份工返得唔開心嘅話，其實唔應該繼續返要啲客人受你氣心諗唔係講求要好服務連基本同人溝通嘅尊重都冇呢間餐廳眼見其實仲有其他客人都係不滿佢哋嘅態度不過我諗好多客人都會好似我咁食完就走唔會再過嚟！…查看更多

見好多食評話好食 一家大細假日專誠黎試下👪嚟到見要排隊 我地跟住隊尾排此時出現一個傳說中食評講嘅服務態度差嘅眼鏡女人行埋黎好似好唔願意咁樣見到我哋幾個就走咗去講真你話你忙就話啫我哋見你其實都冇乜嘢做其實呢啲服務態度已經令我地想走😤😤不過可能係我哋今日唔好彩遇着佢心情唔好我同老公到最後都決定試一試🤔睇吓係咪真係咁好食等左大概20分鐘有位想叫其他人落單但除左眼鏡女人就冇其他侍應😵佢黑口黑面咁落單真係諗極都唔明點解呢啲服務態度咁差都咁多人嚟幫襯🤷🏻‍♀️🤷🏻‍♀️所以我地都好期待睇吓呢度啲嘢係咪真係咁好食食後感係嘢食係大碟嘅除左個蝦餅唔錯之外其他嘅野都真係一般過一般今時今日元朗選擇咁多真係大把有質素嘅好過佢有時食野除咗講味道 其實感覺都好重要呢間野食一次就夠食一次係想試味道但感覺係唔想返轉頭再食🙄🙄…查看更多