費迪南的個人專頁

今日收工同朋友去咗尖沙咀「Fifth Element ShoKudo」食日本野餐廳位於The One 3樓，一上電梯就見到，位置方便餐廳裝潢風格偏向輕工業風，灰色水泥牆配木系傢具，甚有格調，打卡able📸Menu主打日式西餐，款式種類都幾多淨睇圖已經覺得好吸引最尾我哋點咗3道菜- 輕食/丼/ PIZZA：⭐️南蠻風炸雞（$78）作為輕食，但份量一啲都唔細賣相非常吸引炸雞外層香脆，但內裡仲好 juicy 嫩滑加埋個醬汁，整體一啲都唔油膩作為餐前小食一流⭐️燒日本九州A4和牛丼（$128）餐廳絕對大方以哩個價錢無諗過會有咁多和牛和牛煎得剛剛好，每舊都keep到靚靚粉嫩色，唔會overcook而且牛味十分濃郁，配埋炸蒜一齊食，更惹味真心推介⭐️五芝士要素味噌麵團薄餅（$98）哩個薄餅相當有驚喜！食完一啖，同朋友都忍唔住講「好好味！」芝士極多！但出奇地一啲都唔漏。仲有最正嘅拉絲環節五款芝士味道配合極好，身位芝士控嘅我，真係滿足哂我嘅願望而且餅底都值得一讚，口感香脆，內裡鬆軟，麥味香濃 ［必點item]我同朋友都飽到差啲食唔落但食到咁豐富，埋單都係3百幾，大部分菜式$100以下，以尖沙咀商場地段，CP值極高，絕對超值！另外服務質素都好好，餐廳好貼心咁準備左信封俾我哋裝口罩，但我哋眼大睇過龍睇唔到，準備用紙巾包好口罩個陣，外藉侍應好貼心即時提我地，非常細心 下次一定再同朋友Encore…查看更多

得知大公館最近取消了會員制所以就決定帶家人前來品嚐大師級中菜內裡裝潢古式雅致，環境舒適。⭐️清香柚子凍鮑魚 （$148)一上枱，就被整個擺盤震懾到！！！有如置身仙境般的景象大家立即舉機～瘋狂打卡！除了賣相矜貴十足，味道同樣非常出色。鮑魚十分爽口，配合柚子的清新酸甜，兩者非常配合。（推介）⭐️龍井煙燻黃花魚 ($118)很喜歡這道菜在味道上的處理，沒有丁點腥味細嚼下還滲出清幽的茶香 及淡啖煙燻的香味～ 有驚喜連平時較少吃魚的我，也停不了口⭐️黃湯海味羹 ($138/位）高湯色澤金黃，賣相吸引細味品嘗下，濃縮了的雞湯精華鮮味十足而不膩素翅混入竹笙，整體口感很豐富，彷如真翅⭐️陳年砵酒焗美國生蠔 （$68/位）生蠔肥大飽滿，如手掌般厚肉外層粉漿厚薄適中且略帶酥脆，蠔肉質感炸後仍保持嫩口juicy！！陳年砵酒醬汁調較得很好，味帶酸甜剛好中和當中的油膩感，色香味俱全，十分出色⭐️大公館秘制稻草肉 ($78/位)味道非常濃郁，選料上乘的五花腩。肉質軟熟細嫩，入口即時溶化，齒頰留香，超有滿足感另外也特別欣賞旁邊伴著的杏脯。留在最後吃，剛好作一個中和，清新味蕾⭐️西班牙火腿琥珀米皇浸時蔬 ($158)配合晶瑩的桃膠，賣相十分精緻西班牙火腿咸香味十足索盡湯底精華的娃娃菜好惹味！⭐️蜂蜜黑糖糕 / 懷舊芝麻卷 ⭐️黑糖糕： 口感煙韌Q彈，細嚼下滲出清香的蜂蜜味，甜度剛好⭐️芝麻卷： 驚喜十足！芝麻味超超超香濃！層次分明，質感有如奶凍般非常幼滑！令人想一食再食！絕對是必試的甜品！…查看更多

淘大可算係一個小型美食街，餐廳種類多，中/西/日/韓/泰都有～～ 今晚啱啱喺淘大睇完戲，就行前少少，入咗一間日式餐廳- 「Domon 居酒屋 」醫肚餐廳座位間隔寬敞，內裡主要採用木系裝潢，配上和式圖案～燈光明亮，簡潔舒服睇睇menu，食物款式都幾多樣化有前菜/米飯/燒物/水產/鍋物/卷物等⋯⋯⭐️醬油川海老 （$58）蝦炸得非常香脆，加入大量蔥花同蒜片，咸香味十足之餘，仲非常惹味！食唔停口！⭐️黑松露牛拖羅卷 （$98）賣相非常吸引！牛肉表面微微燒香～原來牛肉同黑松露出奇地夾～整體味道有驚喜⭐️原條蒲燒鰻魚 （$98）好大條！鰻魚燒得好香～而且口感軟林又無細骨，煮得好入味！⭐️濃厚醬燒黑豚丼（$78）豚肉份量十足，密鋪整個丼面！黑豚肉味道香濃，醬汁味道剛好，不會過咸。撈埋洋蔥&蔥花～送飯一流⭐️極上牛小排壽喜鍋（$128）材料豐富，份量亦比想像中多。除了主角牛小排，仲有各類疏菜同菇類。湯底滾起時，再加入雞蛋牛小排脂肪分佈均勻，又大塊。配上咸咸甜甜嘅壽喜湯底，好香好好味⭐️蘆薈洋甘菊果茶（$32）好多果肉味道酸酸甜甜，好fresh⭐️巨峰葡萄蘆薈梳打（$35）好濃巨峰提子味仲好多蘆薈總括而言，餐廳整體性價比不錯另外，亦值得一讚員工服務態度都非常有善良好…查看更多

想西餐但又想特別啲？ 今日朋友就帶我嚟奧海城一嚐正宗西班牙菜！餐廳位於奧海城3期地下 ( 玩具反斗城斜對面 )店內面積寬敞，Sofa椅子坐得好舒適。店面裝潢以紅黑為主調色，燈光柔和配以特色磚牆及酒架，整體頗有歐陸式格調⭐Nachos ($40)一坐低，侍應隨即送上一碟Nachos重點：係可以「無限Refill」架！帶香辣嘅粟米脆片再配上酸甜沙律醬，真係好惹味食到停唔到口！⭐西班牙香燒乳豬仔 ($98)賣相有如迷你三文治～！ 乳豬皮非常香口脆身，肉質細嫩！底層嘅小法包有烘過，同樣好脆，再伴隨小番茄及青瓜片一齊食，好Fresh～口感更有層次之餘，剛好中和乳豬油膩感覺，整體配搭有驚喜！⭐西班牙炒辣肉腸 ($82)份量都幾多，而且煮得好入味，又香又辣，非常惹味‌！如果食食下～ 覺得太濃味，仲可以沾少許沙律醬一齊食～yummy！⭐西西里海鮮Pizza ( $108 )賣相非常吸引～材料十足！海鮮密鋪整個Pizza表面，有大大粒帆立貝肉、魷魚、紅/黃椒，仲有超濃郁嘅芝士！最期待嘅拉絲畫面出現了！餅底非常薄脆，Pizza表面仲灑上了一層香粉，味帶微辣～ 越食越滋味！⭐西班牙海鮮炒飯 （$168 - 半份)海鮮炒飯好足料，有大蝦、青口、魷魚及蝦仁。雖然只係半份，但都好大碟！大蝦煎得好香且肉質彈牙，青口新鮮爽口。 特別欣賞炒飯味道調得啱啱好，香濃而不會過咸，飯粒炒到粒粒分明又夠鑊氣～ 有水準推介⭐西班牙燉蛋 ($58)有別於平時食到嘅法式燉蛋，西班牙燉蛋質感較為企身，而且蛋味更濃郁又唔會過甜～⭐西班牙吉拿棒 ($58)炸得非常香脆，上枱時仲係熱辣辣架！ 好鐘意哩種脆口又帶點煙un嘅口感。灑上糖粉，再沾上朱古力醬一齊食，好好味為今晚劃上完美句號。…查看更多

今晚去尖沙咀買完野後，就去左厚福街搵食見到有間門面細細， 但都幾有特色，而且係香港新興嘅立食壽司 –【 翔壽司】， 就一於去試下喇！一入到去雖然空間唔算多，但勝在設備齊全。店員隨即遞上熱茶、纸巾，並提醒枱下有小掛勾俾顧客放袋，好貼心。走廊空間尚算寬鬆，雖然係企位，但都相當舒服。仲可以近距離欣賞師傅手藝！最後我哋2個人叫左上壽司盛合同精選刺身(二人前)。⭐️精選刺身(二人前) ($138)包括有三文魚, 带子, 池魚, 甜蝦和油甘魚。每件刺身都好厚身，色澤亮麗！油甘魚相當新鮮，唔單止好肥美，而且好鮮甜美味！因為我本身都好鍾意食油甘魚，所以都食得出呢間真係特別出色！另外，甜蝦都好難忘～ 唔止蝦都有咁上下大隻，而且唔知係唔係我哋比較好彩呢，蝦頭仲有少少蝦膏，食得好滋味！⭐️上壽司盛合 ( $180) 我哋食完刺身一陣，壽司就隨即送到。師傅有留意顧客進食速度而安排下一道菜，相當貼心呢個組合有8件壽司：分別有三文魚籽、带子、赤蝦、灸燒金線鯛、吞拿魚、池魚、油甘魚同魴鮄其中最令人難忘係灸燒金線鯛 同 魴鮄！灸燒金線鯛以火灸燒過後，魚油味更為突出，食落仲入口即溶，相當美味！魴鮄哩種魚係第一次聽同試食 ( 初時連”鮄”都唔識讀上網一搵，原來音讀”fat1”) 其肉質紮實爽脆，味道相當清甜聽朋友講，原來哩種魚喺古代時係一道好貴價嘅食材今次能夠初賞，真係有驚喜！另外，最特別地方，壽司飯全部都加入咗有醬油，所以就算唔沾鼓油，都已經有充足調味，同一般大型連鎖店絕對不同。總括而言，餐廳性價比頗高，材料非常新鮮又唔貴！抵食之選！下次要再同朋友嚟Encore！…查看更多

今晚朋友相約觀塘食飯聚聚，上openrice一搵～就搵到哩間人氣頗高嘅日本餐廳 「丼瀛」即刻異口同聲話「好！」GO!GO!GO!餐廳位置都幾方便，位於apm後方榮昌工業大廈內。一出Lift向左轉，就會見到餐廳大燈牌裝潢走簡單日系風，中間有個大型壽司bar，可以觀賞師傅悉心製作壽司。牆上亦掛滿日式燈籠及和風旗幟，頗有氣氛⭐一口和牛 (＄38) & 大蔥燒黑豚肉 ($24)一上枱，就已經閒到好香嘅肉味！🔸一口和牛：表皮微微焦香，牛味非常濃郁，無筋且口感軟腍～ 好Juicy！🔸大蔥燒黑豚肉：脂肪比例適中，肉味香濃，唔會好un，配埋吸收咗肉汁既大蔥一齊食～ 滿足！個人喜歡落少少檸檬汁，酸酸地，味道提昇之餘～ 仲可以中和油膩感⭐菠蘿燒 ($28)菠蘿燒得好香，一咬落去，啲汁就咇哂出嚟～非常Juicy！！！味道非常清甜，廚師仲好貼心咁切開一舊舊，方便進食！ 【推介】⭐胡麻手羽 ($28)雞翼炸得非常香脆，但內裡肉質好嫩滑，又多汁。調味做得幾出色～ 富咸香，好惹味！⭐忌廉芝士鰻魚卷 ($68)估唔到忌廉芝士同鰻魚都可以咁夾！鰻魚香味同芝士味無縫配合。芝士入口即溶，口感特別，整體有驚喜！⭐築地壽司杯 （ $168)餐廳好有創意咁利用平時裝shot嘅小酒杯裝壽司架上共有七個小杯，杯底放了壽司飯，而上方則擺放不同魚生包括甜蝦、三文魚、吞拿魚蓉、黃金魷魚、海膽及蟹肉手卷等。賣相非常精緻又吸睛！每杯份量剛好可以兩個人share～ 每樣刺身都好新鮮！當中特別欣賞海膽及吞拿魚蓉～真係好鮮甜，一啲都唔腥！入口即溶，好好味～～！必點之作！今餐性價比十分高！好滿足～！ 而且店員非常親切，知道我地想影合照～仲即刻拎出大光燈幫我地補光影相～！下次定必再encore！…查看更多

上次同另一半講起太子有間人氣專食吉列牛嘅居酒屋，一直都好想搵機會試下！ 今次咁啱就去到旺角買嘢～～ 晚餐就一於行過少少⋯⋯嚟到哩間位於太子嘅日式居酒屋 － 琥酌， 一嘗吉列牛！！！【期待】餐廳門面充滿和式味道。入到去，整體裝潢貫徹其日系風。店內亦設有小bar檯，放滿各類型清酒，好有居酒屋Feel！牆上掛著和風畫布及貼滿粗豪日文毛筆字，配以微黃昏暗燈光，別有一番風格！食品種類都幾多，有主食、刺身、燒物、炸物、鍋物....... 當然唔少得主打嘅「吉列牛」！⭐琥酌吉列盛合 ($108)當中包括 吉列廣島蠔、吉列大蝦及吉列和牛薯餅即叫即炸～ 熱辣辣！炸粉厚度啱啱好，薄薄一層咁包住食材，非常鬆脆！ 廣島蠔好肥美，食落一啲唔腥！大蝦好新鮮～爽口彈牙！和牛薯餅外脆內軟，口感綿密，味道濃郁好惹味～⭐角切魚生飯 （大盛 - $118)賣相好吸引！非常足料～ 啲魚生密鋪哂成個表面～ 而且魚生種類都幾多～ 有三文魚、三文魚籽、帶子、油甘魚、吞拿魚等。款款都好新鮮又肥美食落好鮮甜。 價錢都好實惠～整個大滿足呀！⭐安格斯牛吉列盛合 (＄368)最期待嘅主角－ 吉列牛終於出場啦！配有3種調味料分別係芥末醬、岩鹽、鹽燒汁炸皮薄薄一層緊包圍住牛肉，唔會一夾就散哂。而且牛肉份量都幾多，店員提示將牛肉放上烤爐每邊燒15-20秒便可。生熟度可以自由控制～ 個人就比較偏好燒到大約7成熟～再加少少岩鹽，就最正！牛味非常濃郁～ 肉質細嫩無筋～口感軟腍～ 肉汁豐富帶少少油脂香味！最後，再燒啲蕃薯仔、翠玉瓜、南瓜片， 剛好中和油膩感～ Refresh平衡下SO YUMMY！【必點！】被譽為人氣餐廳，真係名不虛傳‌！食物質素非常高～ 價位合理，且環境舒適，下次要再帶埋朋友過嚟～ 再encore！…查看更多

想食高質法國菜？ 唔一定要好貴～之前聽朋友介紹中環蘭桂坊附近有一間樓上法國私房菜餐廳，質素頗高之餘仲價錢相宜～適逢Happy Friday～ 一於同另一半去試下～～【 食。好。西 】！一入到餐廳，裝潢偏向簡約風，燈光柔和微暗，牆上掛滿法國國旗及大量不同類型畫作舖位雖不算大，但座位間距舒適且環境幽靜，再配以枱上燭光，頗有格調，好適合情侶或朋友聚會！⭐️焗古也芝士洋蔥湯 ($68)一上枱時，香濃洋蔥味隨即撲鼻以來～ 先嚐一啖湯，洋蔥嘅甜味充份融合湯中，味道非常濃郁且香甜‌～ 好好味！而法包亦烘得非常香脆，吸收了湯汁，再配上香濃古也芝士～食落一脆一軟～ 口感特別～ 仲有微微拉絲效果～ 洋蔥味及芝士味～兩者配搭得恰到好處～ YUMMY～！估唔到第一道菜已經充滿驚喜！⭐️煙三文魚牛油果沙律 ($118)煙三文魚同牛油果份量十足～ 沙律菜亦好新鮮。配上酸酸甜甜嘅沙律汁及千島醬一齊食～ 好清新好醒胃～！啱啱飲完咁濃郁嘅湯，再食哩個沙律，剛好可以中和返同埋幫味蕾重新refresh！為下一道主菜作好準備～！⭐️法式地道鴨腿配鴨油煎薯仔 ($189)鴨腿表皮烤得非常香脆 鴨身肉質則非常酥軟、肉理分明，輕輕一切，肉就能輕易撕下。鴨味濃郁且鹹香無比～ 而旁邊嘅煎薯仔亦值得一讚！ 廚師特別用鴨油煎香～ 食落份外滋味！整體烹調得非常出色！我同另一半都食得停唔到口 ！【必點之作】！⭐️海鮮墨魚意粉 ($168)一上枱～ 第一反應就係「好足料！！」海鮮鋪滿整碟意粉上。蜆肉好鮮甜又無沙， 帶子大大粒又肥美，鮮蝦爽口又彈牙！墨汁意粉烹調得啱啱好，軟硬度適中有咬口。最特別之處係墨魚汁能夠鎖入每條意粉中，而唔會食到成嘴都係黑色～ 食落仲慢慢滲出當中嘅鮮味～另外廚師仲加入左番茄、蒜蓉、香草等一齊炒香，令整體味道更豐富又惹味。⭐️朱古力心太軟配雲呢拿雪糕 ($78)食心太軟最期待～ 當然就係切開餅身，睇住內藏嘅朱古力一湧而出嘅一刻！睇相就知～～ 流心效果非常成功！ 好治癒呀～～～～～朱古力味非常濃郁～但唔會太甜～ 再配上雲呢拿果仁雪糕一齊食～一冷一熱口感～ 大滿足～！ 為今頓晚餐劃上完美句號。 今晚的確有驚喜！估不到喺一間樓上小店都能夠食到如此有水準法國菜。價位亦非常合理～！！ 老闆娘同廚師感覺好親切～加上餐廳環境舒適又幽靜～ 下次一定要再臨試埋其他菜式！…查看更多

位於K11 嘅「野玩田店」，貫徹商場特式，餐廳裝潢同樣別具特色有心思。之前行過時，已經好想試，曾今晚又喺附近睇完戲，一於帶埋另一半嚟試下。一入到去，就被個種大自然氣息吸引餐廳樓底頗高，座位間距寬敞，餐廳以木製傢俬為主，小清新風🌱🌿配合多種不同花草植物/禾草作點綴，田園氣息非常濃厚，尤如置身於大自然之中，予人非常舒適的感覺。⭐️餐包 (*Free)一點完餐，侍應隨即送上餐包，餐包共有3款，烘至微暖，包表面有大量芝麻及果仁碎，配合軟熟嘅包身，不錯⭐️芝士蘑菇釀雞翼 ($88)賣相非常吸引，每隻雞翼都脹卜卜，而且外皮煎得好香脆。雞翼入面放咗大量芝士及蘑菇，一咬落去，相當Juicy～好濃郁嘅芝士味！ 整個配塔超夾！⭐️蟹肉美國露筍闊條手造意大利麵 ($178) 蟹肉份量十足，好鮮味！露筍新鮮且口感爽脆。醬汁調整方面～ 香味濃郁，就算食完，都唔會好漏嘅感覺另外亦特別欣賞店家手造闊條麵，好彈牙～同時掛汁效果好好，每啖都滋味無窮～我哋兩個好快就食哂成碟喇！！！⭐️韓式和牛配韓式牛肉汁 ($358)牛扒份量很多～ 配以韓式煮法烹調，味道有別於一般西式牛扒， 味道偏向帶甜～外表雖平平無奇，但咬落相當驚喜～ 肉質出奇地軟冧，肉汁完美保留～好juicy另外，旁邊嘅蜜汁焗蕃薯都好好味～ 甜甜哋～ 就算飽飽地～都忍唔住要食哂呀！！！喜歡食牛嘅朋友，又想試下新煮法，絕對可以一試～餐廳環境食物都頗出色下次聚餐或約會～ 又有好地方～！…查看更多

Le Reve 源於法文 ， 意指【Dream夢】。由Lift門打開、踏入餐廳一刻，「夢の美食之旅」就已經開始啦！餐廳裝潢充滿格調，燈光柔和，配以羽毛、捕夢網、刻住蒲公英圖案嘅水晶球等裝飾品，有如電影場景，相當有氣氛，亦正好與餐廳名字【夢】互相呼應餐廳座位間距舒適，枱上擺切、餐具亦具有心思，未開始食，就已感到萬分期待！入座後，店員細心同我哋介紹餐廳嘅起源、主題及menu菜式。Menu內主要分為 4 / 6 / 8 道菜 ，而6 & 8 道菜最為特別，因當中包含 Surprise dish ( 即由廚師發辦)店員逐解釋道…… 發夢嘅時候係唔會知道下一秒將會發生咩事。餐廳希望帶俾客人同樣驚喜，沉醉喺夢中，以配合【夢】主題，此舉甚有意思最後我哋決定試下6道菜 -「 6 Shades of Flavour」（$890)⭐️柚子汁煮蓮藕 （前菜）前菜係一道涼拌小食，蓮藕切成小粒，方便入口，口感爽脆，配以酸甜柚子汁，非常開胃👑餐包餐包用麻布袋裝住，好特別～內含兩款自家製餐包，麵包都有烘過～呈微暖！當中最欣賞牛角包，外層酥皮非常鬆脆，內層則夠軟熟，配埋自家製牛油一齊食～ YUMMY⭐️味噌法式燉蛋配北海道馬糞海膽及蘇格蘭蟶子（Surprise Dish )蘇格蘭蟶子：炒得啱啱好～ 肉質爽口彈牙，連同三文魚籽一齊食，令整體鮮味更昇華法式燉蛋：非常驚喜！無諗過味噌同法式燉蛋可以咁夾！一甜一鹹嘅味道，層次相當豐富上方嘅馬糞海膽亦同樣新鮮又甘甜，3者配合～口感細膩，令人想一食再食！高質！⭐️鵝肝多士配栗子蓉及乳酪雪糕鵝肝煎得好香～ 表層帶微焦，咬落去如口中溶化一樣，配上砵酒汁，整體味道好濃郁栗子蓉帶微甜，質感幼滑，而乳酪雪糕味道則較清帶酸甜。店員建議我哋將三者混合一齊食，當中嘅酸甜剛好中和鵝肝既油膩感，一冷一暖，產生出一種好美妙嘅化學作用！好好味～～！⭐️慢煮波士頓龍蝦尾配芥末籽汁及三椒汁龍蝦尾以慢煮方法烹調，肉質爽口彈牙，且保持到當中既鮮嫩甜味。旁邊放上以分子料理方式製成嘅菠菜奶泡，味道清新，更增添咗不少視覺效果！另外醬汁部分亦值得一讚： 芥末籽汁 及 三椒汁（以白胡椒/黑胡椒/青胡椒打成嘅醬汁）帶微辣，好惹味！伴碟嘅炸羽衣甘藍都係一個小驚喜～ 非常香脆，咸咸地～好好味！⭐️日式磯煮鮑魚配大根及昆布高湯 ( Surprise Dish )上枱時，店員已提醒我哋要準備好相機。因為下一秒將會 上演「火燒鮑魚」。鮑魚沐浴喺藍藍火焰當中，畫面相當唯美盤子淋上了玫瑰露酒，火燒過程中，同時揮發出淡淡玫瑰香味，不論視覺、嗅覺都一大享受但最重要都係味覺～ 日式磯煮鮑魚口感軟淋彈牙～仲非常入味！燉煮過嘅大根味道清甜，昆布高湯雖說係湯，但更像濃縮咗嘅醬汁一樣，味道濃郁果然係色、香、味俱存～～～！⭐️刺身級別鱈魚配番茄洋蔥粒及番红花蜆汁鱈魚用上刺身級別，魚皮部分煎得非常香脆，肉身嫩滑無比，鮮味十足，油脂豐富！配上番茄及洋蔥粒，口感更有層次、味道有小清新，再沾取旁邊既紅花蜆汁，真係回味無窮。⭐️鹿兒島A4和牛配松露牛肉汁 （+$198）鹿兒島A4和牛，餐廳選取牛柳位置，廚師火喉控制得宜，約3-5成熟。表皮煎得脆身帶焦香，肉質呈漂亮嘅粉嫩色，油脂及筋位不多，但牛味好出好濃郁口感非常嫰滑，配上松露牛肉汁，好好味。 而旁邊雞油菌及時令菜都有悉心炒過！整體非常出色⭐️炸芝蔴球配黑芝蔴雪糕及黑白芝蔴脆片 擺碟非常精美！！芝麻球外層非常香脆，內層口感軟糯煙韌，食個陣沾取少少黑芝麻雪糕一齊食～ 芝麻味非常突出！YUMMY另外，旁邊嘅乾果粒、焦糖爆谷、黑白芝蔴製成嘅焦糖脆片等，都好好味‌！令整體層次更豐富更具特色！最後送上伯爵茶，估唔到都有一個小驚喜竟然仲有配茶嘅小茶點，非常周到，當中嘅鳥結糖好好味，好多果仁碎，味道唔會過甜，一邊品茶，一邊細味著整頓晚宴嘅佳餚，為今晚劃上完美句號由入座至整個用餐過程，就好似進入咗一個神秒夢幻角度每上一道菜，店員都會悉心介紹當中嘅食材、特色同煮法，服務態度一流！加上環境、食物等，各方面都非常高質！晚餐完結後第2日，都仲有啲念念不忘，真係唔想夢醒呀～～！下個紀念日一定要重臨Le Reve ，再次「發夢」…查看更多

想一嘗高質多國菜 Fine Dining？精挑細選下，我哋嚟到哩間位於銅鑼灣隱世西餐廳－Notte上到去，發現哩間餐廳私隱度非常高，沒有大廳，而係一字排開的小房間房間裡以黑色為主調，只擺設2-3張枱，每張枱上都準備咗一束小鮮花，配以柔和燭光，滿有心思而最震撼就係枱旁邊嘅大玻璃窗，維港靚景一盡眼簾，氣氛一流，浪漫非常Menu共2款sets，分別為Notte 及 Tasting Menu⭐️Notte Menu ：5道菜（$588) 或6道菜 ($688)。⭐️Tasting Menu : 6道菜( $988 )。最後我哋決定兩款menu都試下！最先送上頭盤 （ *兩款均為set以外附送 )⭐️意大利麵包 (上圖）麵包有烘烤過，外皮香脆帶微暖特別欣賞餐廳自製嘅松露蜜糖及松露牛油，份外滋味⭐️巴哈馬火腿伴mozzarella芝士及小蕃茄(下圖）巴哈馬火腿鹹香十足，芝士口感煙韌帶淡香，加上蕃茄嘅鮮甜～ 非常出色嘅一道小食STARTER ⭐️Blue Tin Tuna Tartare Cucumber, Mixed Onion Chopped, Cavier ( *Notte Menu-上圖 )吞拿魚好新鮮，切碎後再混合洋蔥，味道相當清新又開胃～配埋小法包一齊食，YUMMY⭐️日式煮鮑魚配醬油汁 ( *Tasting Menu-下圖 )擺碟非常精緻吸引，鮑魚煮得非常入味又彈牙日式醬油汁唔會過咸，反令飽魚鮮味更為突出，有別於平時食到嘅味道而旁邊大根同樣有悉心煮過，味道清甜！NICESECOND COURSE⭐️Pan Seared Hokkaido Scallop with Sweetcorn Puree and Lettuce ( *Notte Menu-上圖 )北海道帶子大大粒又飽滿，表層煎到微微焦香，內裡剛好半熟，肉質嫩滑配上旁邊嘅粟米及忌廉醬汁，清甜又好味⭐️花膠配白酒忌廉羊肚菌汁( *Tasting Menu-下圖 )花膠爽口彈牙，中式食材配上西式醬汁，估唔到味道咁夾非常特別嘅一道Fusion 菜！有驚喜SOUP⭐️Daily Soup 蘑菇清湯 ( *Notte Menu-上圖 )上碟時，碟中只有磨菇粒，而湯呢？原來清湯係後上，由店員將清湯慢慢倒入碟中，與磨菇粒混和。香濃菇味隨即飄撲鼻中，湯味道清甜，配合濃郁菇味，味道帶回甘，好好飲⭐️燕窩南瓜濃湯 ( *Tasting Menu-下圖 )南瓜味好濃且清甜，口感較濃淍但如忌廉香滑而且燕窩份量十足～ 高質！PASTA＆THIRD COURSE⭐️Black Truffle and Wild Mushroom Pasta ( *Notte Menu-上圖 )上枱時，店員即場灑上大量巴馬臣芝士碎，香氣四溢意粉上鋪滿大量野菌及新鮮松露片，與芝士混合，味道濃郁醬汁同樣調整出色，質感細滑，每條意粉都能做到掛汁效果！整體非常有水準⭐️尞參伴松茸紅酒牛仔肉醬汁 ( *Tasting Menu-下圖 )賣相精美！尞參煮得好入味，質感爽口彈牙，唔會韌第一次嘗試紅酒牛仔肉醬汁，兩者配塔非常新穎又好味！我同另一半都讚不絕口～～～MAIN COURSE⭐️Pan Seared Slow Cooked Iberico Pork Loin Bambo Shoots ( *Notte Menu )黑毛豬用上慢煮方式，外皮煎至焦香，但肉質仍能保持粉嫩豬肉香味濃郁，沒有半點羶味，再配上香蒜醬汁，整體恰到好處！⭐️美國頂級安格斯牛柳配黑松露汁 ( *Tasting Menu )牛柳相當厚身，雖然無得揀生熟度，但廚師控制得非常好表皮烤得焦脆，內裡微紅，剛好5成熟～入口牛味十足，脂肪分佈均勻，肉質細嫩又腍，有水準！配上黑松露汁，更出色！DESSERT⭐️花膠蔘片白酒啫喱配雜果 ( *Tasting Menu )好好味！整體味道清甜，配上新鮮水果及乾果粒，食落好有層次感！而且剛好中和啱啱食完肉類嘅油膩感～ Refresh！為今晚劃上完美句號完成整頓Fine Dining，約需時2-3小時。 店員及廚師控制每道菜式嘅上枱時間，配合得宜。伴隨浪漫氣氛、悅耳音樂、美景 、 精緻又出色嘅美食，今晚真係一大享受，十分難忘。…查看更多

Happy Friday，梗係要食好西Chill下觀塘工廈餐廳一向隱藏咗唔少特色餐廳，今次就去「Little Tipsy Restaurant & Bar」食歐陸菜！餐廳位於王子大廈，係較為新式既工廈，所以大堂及樓層都很乾淨又光鮮，而且地理位置相當方便，Apm行去都係2-3分鐘入到店內，幾有驚喜。餐廳裝橫頗有格調並富時代感，燈光柔和淺色木牆配以不同鏡面及植物裝飾，營造出空間感Menu款式總類都幾多選擇，Main course 價錢由$168-298不等。最後我哋叫咗2款主菜及 1款小食⭐️24個月巴馬火腿配無花果醬多士 ($108)巴馬火腿約有8片左右，份量十足！味道富鹹香，但唔會over。而且每片厚薄剛好，油花分佈均勻，上面倒上少量蜜糖吊味，配埋甜甜嘅無花果醬多士一齊食，估唔到味道出奇地夾又好味！驚喜之作⭐️慢煮西班牙黑毛豬配大蒜伴洋薏米 ($258)黑毛豬表皮煎得香脆，中間呈粉嫰顏色因為慢煮烹調，肉質保持鮮嫩之餘，肉味亦非常濃郁近骨位部分嘅肉則較重油脂，食落肉質軟淋，充滿油香，非常美味而旁邊嘅南瓜蓉 同 大蒜伴洋薏米亦相當出色，整體配合天衣無縫⭐️烤安格斯肉眼扒配烤薯仔及田園沙律 ($268)肉眼扒叫咗5成熟，切開後，肉質顏色粉嫩，火喉掌握得幾準確牛扒較薄身但好大塊，初初以為肉質會有啲韌，但入口竟非常軟嫰表皮帶焦香，而且無筋位，如此水準，相當驚喜！伴碟薯仔香烤過，灑上少量鹽巴，好惹味！而沙律菜就可以剛好中和整體油細膩感， Reflesh！ 觀塘工廈果然卧虎藏龍，哩間餐廳食物甚有水準雖然價錢算中高價位，但Happy Friday 想食好西開心下～ 哩度不失為一個好選擇…查看更多

之前見到有page 介紹 哩間主打 「火山石燒牛扒 」嘅新日式餐廳 －「牛極」！身為食肉獸，就決定曾假日去試下啦！今日大約7點到場，幸好未有太多人，所以都可即時入座！入到去，就會發現門口旁邊有一部「自助點餐售票機」售票機上餐牌簡潔清楚，牛扒類別總共有5款，分別有牛肩肉眼、牛肋骨排、西冷、牛柳、日本和牛而且每款都提供約 200 克、300 克及 400 克的份量選擇。最後我哋就決定試下 ： 300g 牛肩肉眼 ＆ 300g 牛肋骨排！點好餐&付款後，就可以憑票據入座啦餐廳裝潢骨子，帶簡約日系風，牆上仲掛上不少和風旗幟。座位間隔得宜～幾舒適。而最特別嘅裝飾～就莫過於哩個大型金屬牛頭等待牛扒上枱前，可以先到自助bar 拎沙律、珍珠米白飯、牛肉湯及醬料。重點：全部都係【任取】！⭐️沙律菜：好新鮮～ 再淋埋柚子醋及胡麻沙拉汁一齊食，好fresh又開胃！⭐️日式牛肉湯：有驚喜！蕃茄味勁濃～ 仲飲到牛肉味～ 忍唔住Refill 咗兩次呀！⭐️醬汁：共有3份，包括 蒜蓉蘸醬、胡麻沙拉汁、自家製燒肉汁另外，餐廳仲有圍肩提供防油濺，相當貼心⭐️300g 牛肩肉眼 ($120)比想像中大塊，差不多有我手掌般大！牛扒上枱時，大約已燒至一成熟左右，其後可再按個人喜好，將牛扒切成細塊～利用火山石嘅高溫將牛扒燒至理想熟成度！（ 注：過程中，如果熱石熱力不足，都可以通知店員更換石板）牛肩肉眼，牛味濃郁，油脂分佈均勻，肉質非常嫩口又juicy，唔會好多筋！燒到牛扒表皮微焦，約5成熟，再灑上少量天然海鹽 同 黑椒調味～非常可口！ 另外，再試埋3種醬汁，當中最推介餐廳自家製嘅燒肉汁，令整體味道更豐富！⭐️300g 牛肋骨排 ($140)份量同樣大份！好厚身！肉質較結實有咬勁，但唔會太un。用熱石嘅高溫將近骨位嘅肉同脂肪煎得微微香脆，牛味非常突出之餘，油香味十足～SO YUMMY！總括而已，哩間新式扒房性價比非常高，價位合理～仲可以自主控制牛扒熟度 同埋 任食沙律、湯、白飯！ 真係好抵食！ 值得推介…查看更多

今晚咁啱要去太子附近買嘢，原本諗住行返去旺角覓食。但Openrice一search，就見到超多「好評」嘅Home sweet home！仲要喺附近，就二話不說即刻去試下啦～～～去到門口，已經被門口的小燈串吸引入到餐廳感覺更優雅～面積需要不大，但位與位之間有足夠距離，坐得舒服而且燈光柔和，牆上裝飾別緻每張枱仲有小蠟燭點綴，配上悅耳浪漫音樂非常有情調，真係好啱情侶 /閨蜜放工RELAX下！Dinner set 款式都幾吸引，所以最後我哋決定揀兩個set⭐️頭盤 (跟餐）頭盤共有3款菜色，每樣都非常精緻！1️⃣煙燻吞拿魚（左） ：肉質新鮮帶咬勁， 咬落去個陣～滲出淡淡煙燻香氣，Yummy2️⃣龍蝦菠菜湯（中）：有驚喜‌！龍蝦味道非常濃郁～ 1 shot真係完全唔夠喉呀～！好想Encore！3️⃣黑魚子蟹肉他他（右） ： 黑魚子既咸香而不腥，而蟹肉亦好鮮甜，以薄切青瓜包圍兩者，整體混合非常清新又好味！⭐️澳洲和牛牛柳・芝士烤波士頓龍蝦 ($468)整體賣相非常吸引！牛柳表面煎得微帶焦香，內裡保持粉嫩，牛味香濃！龍蝦都幾大隻又新鮮～ 濃厚芝士鋪滿整個蝦身～香味濃郁，肉質爽口彈牙！⭐️煙燻加拿大穀飼豬鞍扒‧蘋果汁 ($328)豬鞍扒份量十足！一上枱～ 以為係斧頭扒！豬鞍煎得好香，肉質嫩中帶口感又juicy，唔會有雪藏味。底下醬汁唔係平時食開嘅燒汁，而係用蘋果蓉調製而成嘅醬汁。蘋果嘅酸甜大大提升到肉嘅鮮味，估唔到兩者原來可以咁夾！⭐️朱古力 mousse cake (套餐甜品）雖然係附送甜品，但擺碟造型同樣精美。mousse cake 朱古力味濃郁，質地幼滑，係一個非常好嘅作結⭐️小野菊杞子花茶花茶用透明茶壺上，配合柔光蠋光，好精美野菊味道清香，剛好中和整頓晚餐嘅油膩感～⭐️藍莓青檸果茶平時叫藍莓飲品，會好驚有一陣怪怪「藥水味」。但哩一杯果茶絕對無哩個問題，仲酸酸甜甜～ 味道好Fresh！是日晚餐都幾有驚喜～～～下次去太子，又有好選擇啦…查看更多

今晚另一半話帶我去銅鑼灣一間特色餐廳食晚飯～～一出Lift，就俾門外嘅牆吸引住！牆上貼滿 Marvel/DC美式漫畫，再用黑框白字寫上餐廳名字【LITTLE VEGAS】 及 老虎機 / 金幣圖案，絕對係一個必影打卡位！入到去，餐廳內裡裝潢都別具風格有心思！牆上除咗有發光嘅【LITTLE VEGAS】 招牌~ 非常吸睛外仲有好多玩味十足、色彩鮮豔既塗鴉及搞笑Slogan！就連枱同碟都有精心設計。打開餐牌～ 同樣貫徹餐廳玩味風格！裡面加入咗大量有趣抵死插圖！真係好欣賞店方如此有心思嘅設計。⭐️蒜茸包 ($33)法包嘅邊位烘得微微焦香～ 又夠香脆，加埋濃濃蒜香味～～ YUMMY ! ⭐️明太子忌廉天使麵 ( $106 )一上枱，就已經聞到好香嘅忌廉味道！再伴隨麵上不停飛舞跳動嘅木魚碎，已經急不及待要開動啦～！麵質細軟幼滑，但唔會太淋，夠煙韌。而醬汁調較得非常之好～唔會太稀 或太「杰身」，每條天使麵都做到掛汁效果明太子份量十足， 同忌廉汁完美融合埋一齊，當中亦帶點微辣，令整體更惹味～夠濃郁又creamy！哩個真係必點之作！⭐️松露野菌燉飯 ( $106)材料十足，超多松露 同 野菌～！意大利飯煮得夠煙韌、有口感。忌廉汁非常creamy 但又唔會太漏，仲滲出濃濃嘅松露香味。撒少少芝士粉一齊食，味道更昇華！ ⭐️賭城心太軟 ($48)食心太軟～最期待嘅一刻，梗係切開佢個刻！果然無令我哋失望～一切開，啲朱古力就流哂出嚟！好自癒嘅畫面～！朱古力味濃郁～ 蛋糕沾上朱古力醬再加雪糕一齊食～！食到停唔到口 今餐另一半真係無介紹錯餐廳仲有其他特色食物同飲品，加埋咁有風格嘅裝修設計，下次一定要再約朋友嚟哩度ENCORE呀～…查看更多