y2kbb999的個人專頁

送完仔仔去學嘢就好想揾個舒服嘅地方坐低食下嘢，歎杯咖啡等，無意中發現依間餐廳就上去睇下。間餐廳樓底好高，感覺好舒服，最適合我依啲媽媽坐下歎下等仔放學！餐廳員工有禮，笑容都好好，好耐心解答我嘅問題，讚！至於食物，我叫咗個卡邦尼意粉，另加咗個炸魷魚同咖啡，依個餐係有跟湯的。先講下個紅湯，第一碗有啲燶咗嘅味，所以員工幫我換了另一碗，換了之後就好多了，湯辣辣的，如果唔係有啲燶咗都幾好味。炸魷魚就太油，魷魚本身冇乜味，所以我後尾自己加咗黑椒同鹽就好味啲，但食完有啲飽咗，因為太油。意粉外表是好的，但是冇乜味，加咗鹽同辣椒仔都係冇乜味，依個唔會再試。咖啡係好飲的，還有可愛的圖案啊！整體嚟講環境，員工，咖啡都非常好，但食物有代改進，但我下次都會再來，可能試下個buger睇下會唔會好啲，因為見人叫都好似好好味。…查看更多

囡囡每次考完試我都會帶佢同埋我媽媽一齊去食自助餐慶祝一下，今次就揀咗我想試好耐嘅The Farm House。先講下環境，環境舒服，枱夠大，食物分開咗两邊，右面係熟食，左面係甜品，咖啡，冷盤同魚生。另外有一個Kid corner 比小朋友食完嘢玩，需然入面唔係好多嘢玩，但依個idea我覺得幾好。魚生唔多款選擇，得三文魚，北寄貝同鯛魚。因為依三款我都唔食的，所以比唔到意見，但媽媽話三文魚都好新鮮，其他佢冇食。冷盤大蝦好爽好味，蜆就冇乜味，藍青口因為大部份都冇開口所以冇攞，至於翡翠螺都好爽，但有少少沙，所以一隻起两隻止了。熟食方便比起其他酒店唔算太多選擇，但味道係唔錯嘅，天婦羅啲粉厚咗啲，可能我攞時唔係炸起即攞，所以有少少淋咗。咖喱好味，好香，味道幾好，如果再辣啲仲正。燒三文魚，牛仔骨，椒鹽魷魚圈都好好味，燒味方面都燒得好好食，整體上熟食雖然唔多但味道都幾好。甜品方便係我最緊要嘅之所以揀依間餐廳係因為見到佢個雪糕櫃，所以先講下啲雪糕，雪糕超級好味，我最鍾意椰子味，椰子味好濃，仲可以自己加椰絲，榛子，脆珠，啲榛子超級香同脆，好正！另外芝麻，綠茶，焙茶，士多啤梨，荔枝都超級好味，好滑，所以全個自助午餐我最欣賞就係個雪糕！至於其他甜品就不過不失啦，綠茶蛋糕偏甜，櫻花杏仁豆腐好味杏仁味好香，千層糕就冇乜味，蕨餅都可以，士多啤梨大褔都幾好，軟軟的士多啤梨都甜，但紅豆就甜咗啲。水果都好新鮮，橙好甜好味。…查看更多

同奶奶慶祝生日，所以揾間酒家食。第一次去食，估唔到酒樓都幾多人食。酒樓不算太大，坐位有少少迫，但環境都乾淨，服務員態度有善，樓底比較矮，所以比一般的酒家嘈一點，但是是可以接受的。燒肉很好味，皮是脆脆的，但肉質沒有乾。蝦就一般，沒有特別好味，但是價錢相對比較貴。糯米飯比較濕咗少少，但味道是好吃的，如果可以再乾身一點就更好。咕嚕肉都好味，不會過多粉漿，也不會太酸太甜，味道剛剛好。炒牛柳粒好好味，牛肉有口感，味美可口。芋頭南瓜煲都好味，但感覺清咗少少，如果加埋臘肉，臘腸，油鴨肶可能更好味。見好多人叫湯，手撕雞同小炒皇，下次去試下。我哋叫咗9款菜，加二個白飯，埋單一千三百幾，價錢合理，整體味道幾好味，仲有幾款菜式留待下次再去試。…查看更多

之前成日都想去試下，但因為冇時間所以冇去。噤啱今日送小朋友去學嘢就同朋友去試下。餐廳環境都唔錯，想打下卡嘅都ok，但就有少少舊噤。衞生情度感覺一般，見啲椅好似唔太乾淨。服務員態度好有禮貌，但可能餐廳太大，好多時要叫幾次先聽到。食物方面。。。味道一般，唔難食，但不至於好好食。先講下個咖喱牛，個汁係好味的，但咖啡汁稀咗啲，牛唔夠滑同淋，有少少湯渣feel。蕃薯條好脆好味，但佢比茄汁同沙律醬配就有啲怪，如果配黑糖漿應該會更好味。炒金邊粉就冇乜特別，味道都可以的。沙嗲串燒係幾好味的，但最後两塊有啲'un'。至於價錢因為我lunch時去食，所以唔算太貴。整體嚟講就。。。試過就ok，可以留返啲quota食第二間…查看更多

一大朝早送完返學就約咗两位靚媽去歎個靚早餐。餐廳環境清靜，舒適。最啱我哋幾位靚媽傾計，員工態度有禮，我哋坐咗幾個鐘都冇趕我哋走。食物賣相精緻，美味可口，咖啡香濃，拉花拉得漂亮。餐廳食物，環境，員工態度都好好，唯一唔好就係個厠所，厠所要出去餐廳出面的大廈後面去，十分污漕，十分恐怖…查看更多

同媽媽慶祝生日，所以揾間環境一流嘅餐廳，有大海景，夜晚可以睇幻彩永香江，但可惜窗邊位並唔多，我今次坐唔到，希望下次可以坐到啦！食物味道都幾好，木瓜沙律偏辣，如果唔食得辣嘅最好唔好叫，湯粉好味，菠蘿炒飯我两個小朋友最鍾意食。手抓餅夠酥脆可口。至於甜品叫咗玫瑰荔枝千層蛋糕和椰子千層蛋糕，两款都好味。整體食物環境都好，但服務員態度就一般，態度有欠禮貌，有待改善。…查看更多

同仔仔两個去mikiki揾嘢食，行行下見到間餐廳幾靚就入去試下，我哋去時啱啱開鋪所以得我哋一枱客人。服務員態度有善又有禮。環境都幾靚，打咭一流。食物味道唔錯，Buger塊肉夠juicy,包脆脆哋好味，咖啡就一般，但整體都幾好，下次會再去。…查看更多

两位超愛榴槤的靚媽決定拋夫棄子去食榴槤自助餐，我哋期待以久未夠12點已經到Hotel Icon等，一放低袋第一時間就係攞榴槤肉食，超正！自助餐係open rice訂購$428已包加一，食物種類都足夠，環境舒服，lunch buffet 都有片皮鴨食都算唔錯，但塊皮我覺得厚咗啲，食完會有啲飽。另外海鮮有長腳蟹，凍蝦，小龍蝦等。。。泰式有冬陰公湯同粉，印度款式也有幾款咖喱同脆餅，但脆餅就麻麻，因為淋咗同太厚。日式有壽司同魚生，另外仲有沙律同其他熟食。至於飲品好好，有菊花茶，石斛竹䉀水，橙汁，咖啡有凍有熱，仲有好幾款咖啡選擇，檸茶檸水都有。甜品方便榴槤係主角，榴槤雪糕，榴槤醬，榴槤撻，榴槤芝士蛋糕，榴槤布丁都好好味。榴槤糯米糍就唔好味，太甜又黏口。除咗榴槤甜品，仲有Godiva雪糕同Häagen-Dazs 雪糕，其實食甜品都食飽。整體嚟講鍾意食榴槤嘅一定要去試下，但千其唔好食日食呀，因為好燥呀！…查看更多

難得小朋友返咗學，我哋三位靚媽梗係要去歎杯咖啡，食個lunch同歎個美味嘅甜品。之前食過美孚同中環的PHI都好好味，知道雅蘭開咗間新店就約埋啲媽媽去試下。我哋叫咗意粉同飯，再加埋勁好飲嘅咖啡，我至愛嘅焦糖脆脆咖啡，超級好飲，朋友話玫瑰咖啡都好香好味，至於甜品更加是好味到暈，又靚又好味，下次帶囡囡，仔仔去食，佢哋一定開心死另外想講下服務員態度有禮，環境舒服，好適合朋友傾計，自己relax去食嘢，食完心情開心晒!…查看更多

結婚週年同老公仔仔唔知食乜好，突然諗起依間想試咗好耐嘅泰國菜，就去試下！當日星期日，我哋冇book位，好在我哋早去都有位，之後就見到坐到full晒喇！先講下食物，食物好味又有特色，阿仔最鍾意係個金邊粉同杯嘢飲，杯飲品好味又靚，打咭一流！金邊粉甜甜的，好啱小朋友食。我至愛食辣，所以我超鍾意個冬陰公湯，超好味，夠晒辣！手抓餅超級鬆脆，我哋一家都好鍾意食，咖啡喱個味就一般，有啲似印度咖喱多啲，但裏面的材料都幾特別，有秋葵，又有茄子，仲有蓮藕同牛肉，都可以一試，埋單五百幾，價錢唔算太平，但又唔係太貴。到講下員工態度，啲員工超級有禮貌，態度十分好，好到我覺得唔好意思，整體都覺得好好，一定會再去！…查看更多

長期排隊的平靚正漢堡！以平嘅價錢就可以食到又靚又好味嘅漢堡同配菜，認真一流👍先講下我至愛嘅炸燒賣，比平時蒸的更加彈牙，炸完後外脆內彈，口感一流，超讚！炸薯條都好味，但我比較喜歡炸蕃薯條多啲，因為炸蕃薯條比薯條更香甜，超正！漢堡包內的漢堡肉汁夠多，肉味濃郁，麵包外脆內軟，蔬菜新鮮美味，超級可口！香辣煙肉漢堡，片煙肉就一般，因為煙肉炸到overcook 咗，所以硬咗啲，乾咗啲，但個辣汁好好味，有啲似食緊印度漢堡，非常特別，但係偏辣的，如果食唔到辣就唔好叫喇！汽水都有好幾款口味選擇！非常好！平靚正加好味！好想再去食呀！…查看更多

我同两位女性朋友約咗好耐，終於約到一齊去High tea, 本來我哋約咗去另一間到食的，但因為冇book位，去到冇位，所以我哋即刻上open rice睇下有咩好嘢食。因為我哋三個都好鍾意飲咖啡，所以我哋要揾一間有好味咖啡又坐得舒服比我哋可以傾到計嘅地方食嘢。係open rice 揾到依間Rings嘅店鋪就坐的士去。入到店內，環境都幾舒服，服務員都好有禮貌，我哋坐咗幾個鐘傾計都冇趕我哋走😆。至於食物就一般，我哋叫咗個Slow-cook chicken Breast Salad，Parma Ham Avocado Egg Benedict, Smoked Salmon Avocado Egg Benedict 2.0。先講Salad, 可能係落得太多沙律醋，所以我覺得酸咗啲，菜就冇乜特別，雞除咗醋味都冇乜味。其餘两個Egg Benedict都ok, 下面個toast口感幾特別，Parma Ham同Smoked Salmon都ok的，牛油果都新鮮。至於我哋至愛嘅咖啡就有啲失望，因為冇諗過杯咖啡會酸的，同係茶餐廳飲的差不多，可能一心諗住去飲咖啡，所以真係有啲失望！😔…查看更多

送咗小朋友去學嘢就可以一個人去tea time, 行過見到依間茶餐廳裝修幾靚，一啲都唔似茶餐廳，再睇下個餐牌，好似好抵喎，就入去試下！一入門口感覺似餐廳多過茶餐廳，服務員態度好有禮貌，我一個人坐4人卡位都冇比服務員話，（雖然之後都有人搭枱的。）有啲餐廳見你一個人坐4人卡位會唔比坐的，所以入到去見環境到坐低都感覺良好。開始叫嘢食，我揀咗雞肶加菠蘿油，凍咖啡。嘢食嚟到，眼前一亮，見到好似好靚，但食落就。。。先講下個菠蘿油，菠蘿包有啲硬，口感有啲似隔夜麵包，入面塊牛油可能吸咗雪櫃啲味，硬之餘又有啲雪櫃味，怪怪的，唔太好味，至於雞肶就冇乜特別，唔係特別好味又唔係難食。凍咖啡就偏淡同有少少酸味，我估因為係用咖啡粉沖所以有少少酸味，整體嚟講＄43係抵食，但味道就。。。我下次唔會再食😅…查看更多

第一次嚟依度食，估唔到噤有驚喜喎！星期日約咗朋友仔去打波，打完揾嘢食又唔知食乜好，行到落1樓見到有間西餐廳6前有下午茶，所以打完波就去食下午茶喇！入到去冇乜人，我哋6位大人加6位小朋友，唔駛等位即刻有位，之後睇到餐牌，價錢好抵，食物嚟到後真的好有驚喜。食物份量夠大，味道又好味，依個價錢有噤嘅質素真係物超所值！先講下牛角包，外脆內軟，入面仲有西班牙火腿，蛋沙律，食完一個都飽晒！芝士肉醬熱狗，條熱腸超大條，包脆脆的好好味。雞肶沙律同薯條，雞肶炸到鬆脆可口，味道啱啱好，薯條同沙律，沙律係雜果沙律，夏天食好正！西多士夠晒厚，自己加糖同牛油甜品自訂！凍咖啡唔夠熱咖啡香濃，熱咖啡係即磨咖啡，咖啡味香濃。員工服務態度有禮，真係食得開心又抵食！…查看更多

今日小朋友食得超開心，大人覺得超抵食，一個大人收費，可帶两個小朋友。食物款式多，墨魚丸有墨魚條係入面，又彈牙又好味。牛肉好有牛味，又滑。牛舌都好好味，豚肉都好軟好有肉味，正！菜都有好幾款選擇呀，除咗平時有的生菜，油麥菜，小棠菜仲有小麥菜，同羽衣甘藍。萵笋，蘿蔔，冬瓜，金菇等。。。對於小朋友，佢哋最開心就係有4款雪糕比佢哋選擇，仲有得自己加topping添。食完雪糕，佢哋好興奮噤要整綿花糖，每人一支綿花糖，食得津津有味。食完門口就有得洗手，洗完手就可以每位小朋友去扭波波，有得食，又有得玩，超級開心。最重要係價錢超抵，一位大人連埋加一都只係＄230就可以帶两個小朋友，超級抵呀！不過優惠好似做到31-7-22咋！期待佢快啲再做優惠！…查看更多