mujibbt的個人專頁

呢間新嘢係米之蓮? 特登叫咗一個粢飯外賣。晚上叫外賣，都真係要等好耐 20+ 分鐘等一個粢飯, 預咗堂食都應該要等咁耐. 啲staff 都有預告俾啲walkin 知會耐啲. 我嗌咗薄粢. 即係唔要咁多飯，但係嚟到嘅都好大嚿, 壓得唔夠實. 咬一啖... 感覺就係某啲位啲飯太濕喇! 影響咗整個粢飯嘅口感。內裏啲料冇咩特別都係差唔多。最後食晒啲料就算, 掉咗半舊飯. 係失準定慣常都係咁？ 啲嘢食唔貴, 但係粢飯就可以不試, it's not good.…查看更多

嚟試個開心果奶昔. 成$64... 我叫咗走whipped cream. 好甜... 好滯. 好杰撻撻. 一球雪糕, 好多碎碎嘢, 好似有nuts 同麥皮咁. 唔識欣賞熱狗好在可以加蕃茄, 生菜, 酸瓜. 但嚟到覺得唔夠熱.all beef 硬咗啲. 味道還可以. 不過$36 食個m 記包會係更好嘅選擇. …查看更多

話說我都幾鍾意蘇山雞呢間小店，平時鍾意嗌佢個海南雞飯，佢仲會有一碗雞雜湯都唔錯。另外亦都鍾意食佢個啲摻摻麵. 但係冬天嘅來臨，佢出咗隻椰子雞鍋. 記憶中佢係有酒味嘅，咁當然想一試啦，因為佢啲雞係唔錯嘅。但係點知食完係完全相反! 啲雞唔係海南雞嗰隻滑雞.隻雞完全係嚡嘅，啲肉似走地雞嗰隻又老又嚡。 而佢個煲下面嗰個小蠟燭真係得個樣。 湯係有椰子,酒, 雞味嘅，但係真係要自己隔咗啲油先好飲。啲雞要點豉油先有味, 同免強食得落. 同自己屋企烚雞肉差唔多. 呢個價錢淨係啲湯可取，差評。勉強食完啲雞之後，我個朋友問我.. 你覺得好食呀？我話唔好食，下次一定唔會再嗌. 佢咁問, 因為係我話試嘅. 最衰我唔記得影相，因為都已經好耐冇出過食評，但係真心想話俾大家知依個椰子雞煲，啲雞真係好難食，仲要唔平! 去第二度食個麻辣雞煲好過!…查看更多

我係食上海菜長大嘅. 呢間小店我成日經過有時都見到都有人排隊，但係我就從未食過, 今日心血來潮又仲放緊假，所以就試吓. 叫咗幾樣嘢: 第一樣係燻魚麵, 可惜魚就得三塊咁多, 味道好甜，啲肉又乾晒! 可以話係魚乾! 咁都要60幾蚊，omg!另外見到有好多人嗌嘅糖醋排骨小食, 唔肥之餘, 味道唔錯. 甜酸度啱啱好, 而且排骨仲係鬆脆內嫩. 呢個可以試.另外叫咗兩個小食一個係烤麩，佢係有埋黑木耳嘅另外一個係毛豆白頁呢兩個係20幾蚊，所以size都預咗係咪你嘅？烤麩黑木耳正常，但係都有少少偏甜。毛豆百葉真係少得可憐, 而且啲百葉好碎好少。 味道亦普通. 食返個 $20 牛雜籮白冇咁嬲...試一次夠喇:(…查看更多

點解我要叫檸檬雞翼..... *後悔中*呢碟嘢..啲雞翼嘅賣相都呃得下人. 但係食落就... 得一粒星果隻!雞翼應該㷫熱咗好耐, 返熱再返熱,.. 啲肉已經又嚡又乾.. 輕易骨肉分離!亦唔好期望有咩檸檬雞翼嘅酸甜清新嘅味道.似.... 煮咗好耐嘅豉油雞翼...另外啲麵過生... 煮多一分鐘都得啩! 重有啲麵餅嘅感覺 . 一丁都冇用啦 隻碟比較細, 好難撈!! 呢個茶餐唔平, 加埋凍飲要 $48.仲要係得個麵同飲品...需然有幾隻雞翼, 但係咁嘅質數唔得囉!性價比超低, 冇下次!…查看更多

之前有見過啲什麼古早蛋糕要成五$60/$70一件，雖然份量都大。但總覺得未試過就要買一件咁大而且又唔平嘅蛋糕, 賣相又唔討好, 所以一路都冇試過。有日經過古早記見到有人排隊買蛋糕而蛋糕又香噴噴，建議同同事兩個人share一個蛋糕。食落其實有啲似紙包蛋糕但比紙包蛋糕實啲同埋蛋味比較重初時食又冇話覺得非常好食而值呢一個價... 咁大件食唔晒就將有剩嘅蛋糕放入雪櫃...有試過放入焗爐Reheat, 冇咩特別, 但驚喜就在我冇reheat 過嘅蛋糕!! 我反而覺得有啲凍凍哋嘅蛋糕& cheese 更好味!! 更帶出芝士鹹鹹嘅對比! 我覺得凍嘅仲好食過新鮮出爐嘅時候. 佢嘅芝士同蛋糕嘅texture我覺得好食過附近另一間古早蛋糕. 因為食過一次之後有啲上癮, 試埋另一間. 但都係覺得呢間嘅流心芝士好味啲, 不過, 佢嘅芝士都唔係好流心.... 唔好expect 會流心.最後, 缺點就是芝士真係唔夠多, 睇下幾薄嘅一層! 有時啲邊位會多啲芝士. 但係呢個價錢希望可以加返多啲芝士! 好似佢哋張相咁...最後個盒靚但有啲弱... 水氣會整濕個盒, 跟住個盒會有啲軟咗扣唔實... 雖然佢已經俾多咗個膠袋.…查看更多

上OpenRice先知原來尖沙咀嗰間已經關門大吉. 試咗土瓜灣呢間,主要係想試佢嘅芝士燒骨。出到嚟覺得份量有啲少... 係西式餐廳ribs半排 or less嘅份量. 雖然係鐵板上但係芝士已經唔係好熱已經硬硬地，有啲難包住舊骨。過咗陣啲芝士已經硬晒啦。燒骨味道還可以吧。但ribs 嘅份量唔係好值呢個價同埋個芝士如果一路燒住先至會一路食都仲有拉絲嘅效果。另外要講嘅係部隊鍋餐牌上嘅圖片係正常size嘅部隊鍋份量見亦都好似幾大! 本來仲驚會唔會食唔晒。但點知出到嚟似係一人嘅份量... 應該係只得一包麵. 佢餐牌上有賣單一嘅辛辣麵好似係＄40幾蚊而呢個部隊鍋(有麵)係要$130(大概)，一個辛辣面多咗啲啲芝士腸多咗幾塊午餐肉加埋少少年糕就變成百幾蚊？一定唔值囉！比盡$68我都嫌多。呢個嘅標價真係有啲過分！ 原全唔抵食!再去嘅話, 淨係食佢嘅炸雞算喇....…查看更多

呢間嘢嘅位置有啲偏。 餐廳係半開放，去果日好熱，但佢啲冷氣都仲算足。要留意佢嘅 lunch 時段係到2：30，之後會落場。激氣》》我哋叫咗2個 set lunch， 已經包埋杯凍嘢飲，可以揀泰式奶茶／咖啡／啤酒。叫完嘢之後，個manager 好似好招呼咁問我哋要唔要杯水。個friend 已經好小心咁問有咩揀，個manager 話有 sparkling or still，咁佢就答 still。覺得 still 係普通水。 雖然見到佢係喺個 bottle 度倒出嚟，但有啲餐廳都會咁㗎啦！鬼知佢最後收我哋 $45！！  話免費果啲係 tap water，水喉水！！講真，其實set lunch 都已經有嘢飲，做咩要誤導人哋叫佢嘅支水！！ 如果唔識細分，一定俾佢坤咗，我覺得好唔老實！ 唔好上檔呀！！REMEMBER TO ORDER "TAP" WATER WHEN YOU ARE THERE, THAT'S THE FREE ONE!!Wagyu Beef boat noodleset lunch 126蚊 包埋嘢飲，價錢還算可以。但份量有啲細。 湯係濃味啲嘅牛肉／牛滑湯。鐘意佢啲炸豬皮，啲粉彈牙，但份量少！果幾片和牛其實冇乜特別，豬肉丸正常。其實80幾，90蚊，我寧願食個火車頭越南粉！ 大大碗之餘，料又多, 湯又好飲好多！哈～～ Pad Thai with tiger prawns啲蝦幾大隻，但係唔算好彈牙。呢碟粉量多返啲。唔覺特別好味，唔會令人回味想去食返囉。入面嘅環境有啲懷舊feel，夜晚應該幾好mood。但我就一定唔會再去。 去嘅話，叫水飲要小心啲！haaa…查看更多

禮拜尾都見到好多人去食！都滿場！終於去叫咗外賣拎返去食舒服啲。但因為已經好飽，淨係食咗芋頭西米露，屋企人叫咗榴槤心太軟 + 楊枝金露。哈～ 我哋叫嘅嘢好明顯唔係用來影相呃like 嘅。但我見佢當食嘅甜品有啲係擺得幾靚嘅～試咗少少榴槤心太軟覺得唔好食，有啲苦，而且熱嘅榴槤好怪！ 講返自己叫嘅芋頭西米露，俾個 dislike！西米露完全冇芋頭嘅香味，即係所有料都係之後先mix埋一齊。佢係椰汁水西米露加芋頭，因為佢亦都缺少咗椰奶嘅香味。啲西米都唔彈牙～～   冇下次！我同屋企人話一定要寫返個食評話俾人知係唔好食，幫下人！ …查看更多

星期日想喺紅磡搵間茶餐廳，見到食評係咁讚呢間嘅煎豬扒撈公仔麵，話件豬扒又大又正！所以就特登行過嚟試下！常餐B係瑞士雞翼／煎豬扒撈公仔麵加+ 炒蛋／煎蛋 + 多士／蒜蓉包+嘢飲。於是揀咗豬扒撈公仔麵。係呀，塊豬扒係好大，但我覺得佢好油膩！肉質咪係腍腍哋囉。食差唔多一半，已經唔想再食。 可能男仔食會覺得咁油係ok，女仔食嘅話不如都係揀返瑞士雞翼（雖然我未試過）。啲麵唔會好淋，但唔算好彈牙，啲汁都好普通，一啲都唔覺得好味。（我果日係非常肚餓！但都唔覺得好味）以「唔好浪費食物」咁嘅心態去食多幾啖。。。。都係放棄啦！多士同炒蛋就正常。 杏霜都ok！…查看更多

其實呢餐同分手冇任何關係…  只係好自然會諗起！當晚叫咗兩個餐，我叫咗俄國凍魚肉眼扒餐； 佢叫咗田螺牛柳餐。ME： 俄國凍魚肉眼扒餐俄國凍魚係配啲salad 菜咁上，食落好清新。俄國凍魚唔會好乾，吸收咗帶少少甜酸嘅汁，開胃！肉眼扒我叫咗 medium well，熟度啱啱好！肉質都 very good，有牛味同都仲幾嫩。洋蔥汁味道比較淡，所以我會點下「佢」果碟嘅黑椒汁（但啲黑椒汁會有啲騷）。其實啲黑椒汁濃味咗少少，足以蓋過本身嘅牛味… 我揀咗薯菜，薯塊仲脆脆哋熱辣辣～其它都ok，係啲甜豆略熟，偏腍唔夠爽。HIM： 田螺牛柳餐sor， 雖然食緊呢餐飯嘅時候都仲未嗌交，但就淨係影咗佢叫嘅頭盤。我都有食到，幾好味呀。因為薯蓉加咗芝士同埋重牛油，好難唔好食！ 啲田螺就正常囉～講埋冇影到嘅牛柳餐，佢都係叫咗 medium well。但切開所見嘅就係熟過頭！ 應該係 well done…我話不如你同佢哋講，叫佢哋整過啦，因為well done 真係好難哽！嘥晒！ 但係佢話唔洗… 睇住佢當冇嘢照哽，有啲登佢難受…本來想同佢分享下我果塊肉眼，點知佢話唔食… （一舊都唔試！） 佢份牛柳係配咗黑椒汁，好濃味，仲有少少騷味！ yuck，我好怕騷！就係咁喇，我份餐來講，幾好！而且當晚又唔洗等位，餐廳唔會好多人，靜靜哋～但佢份牛柳真係唔掂，俾著係我就會退返俾佢哋，要求再整過份 medium well。一份笑，一份喊，扯平變ok啦。…查看更多

首先想講，訂咗枱都等咗足足成40分鐘！！嬲嬲哋真係想唔食！！ 算～用席織嘅蒸蓋好特別。所有海鮮都蒸得好好，啲staff 拿捏時間真係好，但就要逐樣蒸。不過都ok嘅。  雖然未算係 top grade， 但所有食材／海鮮都好新鮮。另外仲有食飽魚，花甲，蜆，掩仔蟹。隻和牛仲 encore咗一碟！最 last 係食個粥！粥底係蟹粥，由生米加水即場煮嘅！另外後加脆米，令到啲粥嘅質感好正！不過食唔到咁多海鮮蒸落嘅鮮味…  定係因為當時已經太飽？…查看更多

呢間私房菜喺每隔一排會轉menu，會 whatsapp 個菜單嚟confirm。我哋都冇乜點理，最主要係想試下個廚嘅手勢。同埋佢哋係唔會整小朋友份量（小朋友當大人計，勁唔抵），所以如果有小朋友嘅話就要考慮下！每人頭要300！ 入面感覺比較舊，都係房仔，可能得兩三間房？ 6餸 1湯 1甜品。  免加一送汽水。花雕蛋白蒸蟹，但蛋白完全冇花雕嘅酒香，蟹味都唔覺吖，失色！荷葉蒜茸蒸蝦飯會以為啲飯一定會好香！但係啲飯似係後加落荷葉度，而唔係包住嚟煮嘅！所以似係白飯，完全冇荷葉或蝦嘅香味… 頂多可以話係白飯底。即係拎啲蝦餸白飯咁。 蒜蓉粉絲蒸扇貝，略為過熟，老咗。鮮魚雜菌，冇咩特別… 雜菇湯。蘋果咕嚕肉，聽落幾特別，不過我都係鐘意傳統加菠蘿嘅咕嚕肉多啲。有個蒸海斑／大白菜豬肺湯／甜品冇影到。其實最滿意嘅竟然係個湯… 會唔會有啲奇呢？…查看更多

來個飲勝，加啲餸酒嘅小食先！南乳炸豬手： 炸得好乾，唔入味（另有南乳sauce ），同埋真係冇咩肉食！炸大腸：唔夠脆！ 失望蟹膏蒸蛋白：啲蛋都滑，但係滿滿嘅蟹膏竟然一啲鮮味都冇… 奇怪！唔知嘅話，可能會以為係齋蟹膏！避風塘炒瀨尿蝦／肉蟹就唔錯。啲蟹肉都好嫩～ 瀨尿蝦就聽朋友講ok。豉油皇炒麵ok，係油咗少少。鐘意佢勁多芝麻！最記得係個廚同隔離張大枱果班人好嘈，完全唔理會騷擾到其他食客，好似包咗場咁！…查看更多

話說，有親戚嚟到呢度食燒鵝／燒腩／叉燒，對佢讚不絕口！我本身唔食鵝同鴨，但係都鐘意食燒腩／叉燒！所以中午走咗嚟食午餐 3寶飯 set。燒腩同叉燒都略肥，已經大打折扣。燒腩都夠脆，但啲肉唔算好嫩。叉燒就普通啦… 我覺得太興嘅叉燒好味啲，又唔會咁肥！至於滷水大腸，平平無奇。另外我揀咗餐菜：新鮮水種菜係好新鮮，但啲菜仲有好多水，而且冇味。其實只要配返隻簡單 salad dressing 應該已經好正。我寧願要好味嘅 salad dressing， 都唔要咁滿滿嘅菜。不過不失嘅黑豆漿。其實晚餐嘅燒味係咪會靚啲㗎？？可能係我期望太高……查看更多