lovelycuby的個人專頁

中午時行過見新開同埋睇menu 啲菜式都幾吸引，所以入去試下，點知到點餐時先話有一半menu 嘅嘢係無，飲品又冇，只得熱滾水，當時又冇咩冷氣，成餐飯食到流哂汗又得滾水，食物又冇咩驚喜，所以暫時都唔會再光顧。…查看更多

之前都堂食食過好多次，堂食都ok, 但一旦改外賣就差到冇朋友，有次賣兩個雞米線，拎到屋企，打開個袋見到入面其中一盒雞得4嚿雞胸，另一盒就正常份量，跟住拎返一盒落去，問佢點解呢盒咁嘅，佢仲好似懷疑我地偷食完拎返去咁，因為店員當時一見到盒雞話：雞胸呀？好彩當時我地有打開袋時即時兩盒雞一齊影相，比埋相店員睇，佢先話：換比你啦，啲廚房可能比錯咗，咁如果唔啱比錯，入外賣袋時都應該睇到啩，佢地個外賣盒係透明。一係諗住人地拎到返屋企都費事落返去換，一係搏大霧，慳得一嚿得一嚿，慳慳埋埋下次多一盒，所以外賣最好拎時睇一睇好啲。…查看更多