silverbelly的個人專頁

唔知做乜事，成間餐廳各方面都差咗勁多嚟得都唔係為服務，但間餐廳嚴重understaffed。樓面得兩個人，兩個人要包辦落單、傳菜、斟茶、收銀甚至蒸小籠包，十幾張枱根本做唔切..... 個男侍應會被叫入廚房勁耐都唔出返嚟，得返嬸嬸喺度，結果全世界都等勁耐先落到單、斟到茶、埋到單。由於我地唔想食湯羹，所以冇叫二人套餐，散嗌以下食物：小籠包8包 (兩隻check in送嘅)、雞火炒飯同擔擔麵。首先奇怪嘅係，menu話冇嘅嘢佢有，menu話有嘅嘢佢冇 (原本想吖雞絲煨麵，但佢冇；擔擔麵寫住星期一至四供應，佢又有...... 仲要佢專登走埋嚟同我地講(指住擔擔麵嗰頁)呢頁都冇。)食物方面，小籠包塊皮厚到呢...... 好厚，但都穿喎！D湯汁冇特別。如果仲有下次，係完全唔會有意欲想check in要多兩隻。雞火炒飯：極差　　D飯係黐埋一舊嘅，然後有四五舊室溫雞件 (同個飯唔同溫度...) 、頹火腿同雜豆...... 大佬呀，喺茶記叫雞火炒飯我會接受到有雜豆，但你唔係茶記，你係川菜館呀 我接受唔到囉！！擔擔麵：個湯出咗事，得辣味，冇花生／花生味，好稀...兩個字：失望！…查看更多

長沙灣好多茶樓同點心舖，但好多都陸續執笠，站得住腳嘅一係就連鎖店，如果唔係都有返咁上下水準！而照龍我食咗好幾次依然保持水準！佢一般點心都好足料而且味道好，我最鍾意食佢嘅鯪魚球！個蜆介疑似係自己整，因為唔會好似外面嗰啲咁鹹，好好食！個雞扎係有魚肚喺入面 (有時係會細舊咗少少==)，好多酒樓已經用豬皮代替了！各樣都好食，除咗鮮蝦菠菜餃，味道一般，如果d菜係豆苗應該好味好多XD…查看更多

信我，尖沙咀有好多嘢食，但都唔係星林居。我食咗星林居都有五六年，真係睇住佢大，睇住佢壞！我上一次食大約係半年前，嗰時已經覺得唔掂咗好多，今次去多次係因為覺得質素差過都可以好返，但嚟埋今次真係最後一次囉！！1. 食物質素-以前大大碗，又抵又好食，最鍾意食佢嘅涼拌米線。依家份量一次少過一次，今次我嚟得返三啖。老實講，我寧願你收貴我十蚊八蚊，畀返正常份量我，好過$24畀丁多我。(佢係有得加底，但我女仔食點會expect要加底？？)-最近幾次食，我要「小小辣」都辣到火屎，「小小辣」已經係加辣嘅最低級，但都辣都咁，初頭以為我味覺有問題或者我唔食得辣啦，但最好笑係同行朋友要「小辣」，食落都冇我嗰碗咁辣，咁即係佢個廚房好有問題啦。而我經過幾次觀察發現，如果叫咗嘢飲，好似會冇咁辣，但冇叫嘢飲就辣啲，令我覺得佢係咪想整辣啲令你叫嘢飲。-朋友叫嘅，新出嘅米線，盛惠$43。拎住張紙問個阿叔每樣料有幾多粒，佢話「有啲一粒，有啲兩粒」;果然係語言偽術，只得凍豆腐係兩粒，其餘都係得一粒，算；米線都係得四啖，都算；但連肉碎都係得幾粒仔，個湯又同我剔嘅唔match，咁你憑咩收我$43? 如果我地知呢款只得五粒配料，就一定唔會嗌囉，我就咁嗌一個普通米線$24，加三個$5餸都係$39咋。都係嗰句，我情願你收我貴少少畀足料我，好過你喺度話自己又平又抵食，又經濟乜乜乜，但原來偷工減料，貨不對辨囉。2. 服務質素-仲記得N年前我第一次嚟食時，咁啱見到呀廚神老闆喺度，佢仲教啲員工點樣掃地，如果唔係會掃起啲塵，但依家係零服務可言。所有員工都係唔會正眼望你嘅，你叫佢佢第一下會完全唔應你，你以為佢聽唔到，點知佢轉個頭又會返嚟，證明佢地係純粹冇禮貌，唔係聽唔到。其實我只係想要正常人類溝通，你叫佢佢會應你囉！！3. 環境-環境愈來愈污糟，啲枱又抹得唔乾淨-裝修已經用深色，但都見得到污糟雖然佢質素已經跌到咁，但都好多人架，因為佢成日話自己又藍帶又咩廚神又盛，喺大陸同旅遊書又有文，所以係好多大陸人識共上呢間樓上餐廳食米線架。…查看更多

第一次食，已經覺得要再嚟喇！食咗個蝦頭海鮮河，酸辣湯底，酸辣度適中，唔會蓋過鮮味。海鮮配料有兩隻蝦、兩粒迷你帶子 (五毫子大小)同兩隻細細的青口。細係細，但都好食，蝦鮮+彈牙，帶子青口味道都好。可能係新開，所以地方都好乾淨。一碗粉由$4X-$5X不等，咁嘅價錢喺呢區算係咁啦。…查看更多

如果唔係喺附近返工, 喺觀塘/牛頭角/藍田嗰頭食嘢, 九成都去apm...但apm食嘢其實都幾貴... 即係你想食個好好睇 睇gei意粉都要around $100都未計加一 T皿T呢間餐廳一開為二, 一邊係品酒, 另一邊係餐廳佢裝修都ok, 因為開放式廚房gei關係, 成間餐廳都好香@v@初初去睇個餐牌, 全部都係 "黑椒雞扒意粉"呀, 乜乜什菌意粉咁, 好普通, 梗係以為好似茶記咁樣啦...我就叫咗個黑椒雞扒意 (叫set, $56包埋湯, 餐包同drinks)落完單, 佢先上個湯同餐包湯冇咩特別至於餐包... 我一直好驚食嗰d茶餐廳gei餐包ga, 好多starch嗰d... 成日我都未食main course已經飽咗!但佢個包唔係好大好實嗰d包, 而係一個係暖暖地, 好鬆軟gei little bun! nice one!間舖冇乜人, 但都要等10分鐘左右...個意粉嚟到, 你就知點解要等咁耐了!首先, 個意粉真係好香, 唔係就咁烚意粉然後淋d汁上去, 而係炒底ga!!所以d黑椒汁同d意粉係blend埋一齊, 而唔係分開的.跟住塊雞扒都煎得好香, 但未必人人都會好鍾意食, 因為佢唔係髀位, 所以多肉少肥, 就有些少鞋口, 但唔會好似o趙膠咁, 有肉味.鍾意食滑&肥gei雞gei人, 可以揀另外一d什麼炒雞柳意粉, which同行有人食, d雞就肥d喇.sorry我唔係d食飯前就影一餐gei人, 所以冇相睇但佢d牛扒都好靚仔, 同埋煎到好香, 味道同熟gei程度都控制得好好, $80左右就有set, 真係幾抵.下次嚟實會叫個onion ring嚟食!我地差唔多食完gei時候見到隔籬幾枱都叫咗onion ring, d ring好大個, 好香@_@但我地嗰時都食完了T__T…查看更多

凍冰冰又餓餓地, 餓o既程度食唔曬成個飯, 但只係兩點幾, 李惠珍要三點鐘先有tea食, 所以就仆落眾志食啦~ (兩點半開始)叫咗個西多士加杯熱奶茶, 13蚊咋!塊西多士好明顯係啱啱整出o黎, 自助加勁多糖漿落去另外有同學食燒味飯, 十分十分香!奶茶就都係咁啦, 喺眾志你要求啲乜?但都係呢幾樣好食囉, 佢個菠蘿油真係唔好試, 不如落美心啦XoX…查看更多

尋晚廿幾個人夜媽媽想食糖水, o係沙田都冇咩選擇, 就去咗沙角呢間甜品舖糖水種類都算多, 不過全部都係好大眾o既甜品, 唔會有d好特別o既款我地叫咗好多嘢, 凍熱o既芝麻糊, 花生糊, 腐竹蛋, 各款西米露等等, 各樣都不過不失啦只係我覺得有d糖水唔值呢個價錢lor, 有d好普通o既糖水都廿幾蚊最驚喜係個魷魚, 堅好食! 7蚊一串, 18一碟, 由於我地堂食, 佢都畀咗碟仔我地, 估唔到有咁多, 完全唔係一串個feel 個汁好香, d魷魚又靚, very good! 呢個最抵另外呢度都好啱一大班人去, 因為一定會夠大!!…查看更多

今日同媽咪去食tea, 本來想去隔離食澳洲牛奶公司, 但媽咪咁啱 "立" 到話有豬排包想試, 咁就撞咗入去我地一人叫咗個特價下午茶, 一個豬排包餐另一個沙爹牛肉包餐, 每個餐包一杯飲品, 我叫咗熱龍眼蜜, 媽咪叫咗杯熱薑蜜首先嚟咗兩杯飲品, 兩杯都稍甜, 但杯薑蜜薑味好香, 而龍眼蜜亦好不錯, 唔係得啲糖水咁味, 講真唔洗加錢就有得飲呢兩種飲品都有啲驚喜, 因為通常都係要加錢~個包嚟啦, 個沙爹牛肉包個汁好香好好味, 啲牛肉亦好滑好鬆, 唔會好韌個豬排包都好好食, 塊豬排煎得好香, 又大塊, 唔會好韌, 而且好多汁出面凍冰冰, 坐得嘆個又好味又熱辣辣嘅包同嘢飲真係一大享受!呢個係特價餐, 13蚊咋真係好抵~可能因為冇乜人, 所以上菜好快, 個老細同啲侍應都幾好禮貌!…查看更多

呢間皆屋cafe係完全不知所謂!我地去食晚餐, 食物難食, 服務九流, 環境差劣!如果10分係滿分, 我會畀負50分!1. 食物/飲品食物方面都幾差, 簡直糟蹋食物!-天使麵煮到好似米粉咁!-白汁sauce煮到好難食, 鹹到好似落左八茶匙鹽咁, 又好"杰", 好騎呢-粟米好似未煮熟咁, 而且明顯地比d pasta凍-估唔到花咗咁多時間煮o既食物都可以咁凍! 都唔知佢地o係廚房做咩!-咖喱味道一般, 賣相好醜-肉醬飯/意粉尚可接受-飲品選擇好少-冇諗過最普通o既飲品e.g.朱古力都可以沖到咁差, 所有人o既朱古力都偏淺色同十分淡2. 服務態度-廚房入面係一堆年輕男女, 唔多似識煮o野食lor, 成日聽到佢地好似o係度玩咁-我地等左一個鐘但一份餐都冇, 直至我地追先有, 同時其他顧客都同樣埋怨等左好都未有得食-佢地唔係特別冇禮貌, 但真係有d發緊夢咁, 叫佢地n次, 應咗我地之後又失蹤3. 環境-地板十分污糟, 黐"立立"咁, 又好多污漬-枱面同樣好污糟, 上一批顧客離開後佢地見到張枱冇明顯污漬就好求其咁抹兩下, 見到枱面有條意粉/有攤汁先抹多兩下-d梳化陳設同樣幾污糟同殘舊-播d歌太大聲, 提供唔到一個較寧靜/舒適o既環境唉, 我地以後都唔會再去呢間cafe, 成個旺角咁多cafe, 大把選擇!!…查看更多