FeliciaF的個人專頁

壽司定食，包咗個迷你烏冬。壽司飯太硬，烏冬湯底太淡，同白烚冇分別。唔值得食，浪費澱粉質位置。安格斯西冷厚燒定食，如果你有過人嘅咬合力，歡迎一試！ 你會發現佢啲筋同埋燒到10成熟咁嘅樣，真係well done咬唔開，成碟嘢得三份一係食得，三份二係抌得。一塊咁cheap嘅牛扒都可以擺上枱，過到良心咩？完全唔值得浪費時間同金錢喺度食！！兩個lunch都可以唔食得嘅！垃圾嚟講佢都算出色！唔好試，試完之後包你食唔落！…查看更多

今日想搵間觀塘企理少少嘅泰國嘢食🇹🇭點知俾我搵到間新開無耐嘅 季稻🎑六點幾就去咗食晚飯，一入到去已經好多人😳睇落幾好生意，應該嘢食唔差嘅😛落完單冇耐就已經上咗飲品，飲住等嘢食🍻今日三個人食叫得有啲多，串燒、炸蝦餅、咖喱蟹（必食！）、菠蘿雞粒炒飯、馬拉盞炒通菜、仲有我至愛嘅芒果糯米飯同椰汁西米糕🍽️先上咗串燒同炸蝦餅，開下胃🤣三個人食份量啱啱好，每樣每人食到兩至三件✌🏻炸蝦餅🍤都幾出色，肯定啲油唔係千年油，完全冇油益味同炸燶！個醬汁都唔係杰撻撻嗰啲，好感動🥲再嚟食咗個馬拉盞通菜同菠蘿雞粒炒飯先🍚通菜份量唔算多，但係都幾惹味🌶️（我叫咗小辣，剛剛好）；菠蘿雞粒炒飯🍍正常發揮，要讚吓啲肉鬆俾得好多😄主角嚟啦！🦀咖喱炒蟹配薄餅💕充滿期待！賣相都幾好，泰式咖喱獨有嘅蛋香真係好啱配薄餅😌蟹肉結實，又入味！滿足曬我嘅期望🎇甜品竟然有驚喜‼️未有假去旅行✈️芒果糯米飯同椰汁西米糕係用嚟滿足我對泰國嘅思念😂點知！佢啲飯竟然係仲熱架！！係新鮮嘅糯米飯！！！完全意料之外❤️本身都食到飽飽哋，但都一定要食曬佢😛椰汁西米糕嘅椰香味好濃郁🥥鍾意椰子嘅你絕對唔可以錯過！總括嚟講，呢餐飯真係好滿足！原來間舖頭老闆係泰國老公🇹🇭同咗香港老婆🇭🇰結咗婚，決定同老婆喺香港定居！兩夫妻經營🥰仲要好後生添！呢間係好有心同好食嘅泰國餐廳🈵…查看更多

一個人食韓燒，其實唔係好毒，因為呢度既店員nice到一個點，你會覺得佢地係陪緊你一齊食，超好servicing。我叫左肉類拼盤480同菇拼盤，一個人食2個拼盤好似好誇咁，但份量唔算好多，最後當然食得哂。：）店員會幫你燒好，等你可以慢慢食。有兩款泡菜小碟同芝士，同埋有水可以自己fill。order嘢食後，店員係爐邊落蛋漿，可以自己加芝士，我可以落芝士落蛋度，用黎點肉食。佢仲有一籃生菜，俾你用黎包烤肉。但我發現包住烤豬皮係最夾，個豬皮係腩肉位既豬皮，所以有小小肥油，烤完之後好香，不過就咁食會油左啲所以我會用黎包住生菜食。其他肉類好夠味，中意就咁點烤肉汁食。菇拼盤每一舊都好大舊，我烤完肉先烤菇，肉既油份係爐面，啲菇烤完之後勁香！好好味呀！！！…查看更多

人越大越難約朋友食飯，何況係即興講咗好耐都未食嘅生日飯今日終於約到所以就即刻去試吓呢間係公司附近嘅餐廳主要原因係有新鮮生蠔食生蠔要睇返餐廳當日有邊幾款我地叫左3款生蠔兩款係法國，一款係澳洲我個人本身鍾意海水味較重嘅法國生蠔然後叫左雞翼再叫左半份Ribs同魚雞翼炸得好香肉質嫩口Ribs少少過熟有D乾個醬汁味道惹味下午電話訂位時已經訂左個甜品加生日字句比朋友係奶凍唔會太甜 恰到好處有驚喜…查看更多

放工放得早入去元朗搵朋友去食泰國野本來想食小茄子但朋友介紹呢間話海南雞好食😂我地兩個人叫左海南雞脾飯、馬拉盞通菜、8串串燒我覺得飯唔夠香雞亦普通炒得幾香唔會太鹹有豬牛雞 豬頸肉高度推介 豬頸肉有咬口 唔會太乾…查看更多

放工同朋友去打算飲兩杯 傾下計行左去朗豪坊 然後轉折地去左 The backyard第一次去The Backyard 搵左陣個入口係邊原來係朗豪自助餐後面我揀左坐近bar枱嘅一坐底就帶人拎nuts同tissues比你再有一部iPad 睇drinks menu1st round Peach Shore（朋友飲）$85Summer toy$85好freah 唔太酸幾好飲 但太多泡2nd roundkumquat smoothie(alcoho-free)$80酸酸地 好好飲 Elyx Flower Sensation $115有桂花嘅cocktail好特別除左有酒精嘅味道，仲帶點清香好易入口環境好舒服雖然露天，但唔熱天氣好好 帶點微風又唔會好嘈好岩幾個朋友傾下計飲下酒下次會再嚟！…查看更多

好耐之前食過一次難得有朋友陪我食雖然冇半價都照食啦是日精選係炸魚條只係＄38外脆內嫩有誠意之作🙌🏻呢個係有齊三款 burger個人比較鍾意食牛肉芝士嗰個薯條有另外灑上Pepper 幾香但略嫌唔夠脆Honey ribs and wingsRibs太燶 wings太淡味好普通但送嘅薯蓉就好smooth最後叫咗個朱古力新地上面粒車厘子好架雪糕與雪糕中間有一層薄朱古力碎幾有心思…查看更多

今日放工已經九點近近地諗住試吓開左一段時間嘅麻布茶房唔駛等位直接入得兩個人叫咗6樣嘢食好似有少少過分 冇計啦肚餓吖嘛鰻魚同豆腐嘅配搭相當唔錯值得一讚嘅係個湯味道啱啱好唔太咸整個晚餐入面最欣賞就係呢個沙律番茄同生菜完全解決左三文魚嘅油膩再加上芝麻汁入口是有多重口感十分特別串燒黎講佢算燒得唔太好牛柳的距離太近中間兩粒牛柳粒較為生冬菇燒出嚟仲有鮮味 有驚喜一向喜歡食冷拉麵嘅我覺得整體味道唔錯芽菜略嫌太生到咗甜品相對較失望黑芝麻雪糕十分普通下面果舊烤番薯食咗兩啖無食因為好似咬泥膠朋友一直話要食蕨餅最後揀咗蕨餅蜜豆沙出奇地最欣賞係新鮮嘅杏脯埋單每人共230，主菜還不錯甜品有待開發，有咩好食因為我唔太吃綠茶甜品…查看更多