喺IG知道佢哋新開就諗住去食個lunch試吓叫咗前菜小食香炸墨魚滑釀油炸鬼配黑松露蛋黃醬，油炸鬼應該係用特別嘅手法去做，口感鬆脆之餘一啲都唔油膩，感覺幾特別. 主菜叫咗安格斯外腹牛扒配金華火腿上海菜飯、炒滑蛋，有一小碟類似XO醬菜圃嘅配料跟上，撈埋啲飯一齊食好有口感又惹味，驚喜嘅配搭.是日，甜品係焦糖燉蛋，份量細細個啱啱好唔會太漏甜度亦都適中，焦糖燒到脆卜卜.本來我最後叫咗咖啡，但因為主菜嘅菜飯賣晒用白飯代替，店員就表示為咗補償返將咖啡送俾我. 其實喺點菜嘅時候佢哋已經話咗俾我聽冇菜飯，我係表示同意嘅，所以餐廳呢杯咖啡真係特別福利.…查看更多
