TungWong529的個人專頁

雖然呢間甜品鋪對於我來講唔係咁就腳但見到佢d甜品咁吸引🤭於是特登過來試一試係門口已經俾佢個雪櫃d甜品吸引住好多款式都想試，見價錢又合理👍係琳琅滿目既選擇下終於揀咗$39牛乳蓮子燉雪燕唔係太甜好啱我，估唔到仲食到一條條雪燕😋感覺好足料(明知唔係咩貴價嘢😂)$48芋泥鮮奶桃膠小丸子芋泥俾到驚喜我👍有綿密既感覺小丸子就一般般總括來講，街坊價錢，足料既份量如果咁啱經過附近值得一試搭車專登過來就可以考慮下。…查看更多

呢間位於太子大埔道唔起眼既泰歡美食行過你可能會錯過咗但當你願意停下腳步，望下菜單👀你會被佢既價錢吸引住👍食物種類多，口味正宗，但價錢超親民👍👍👍令到你好想試多幾樣唔同既菜式舖頭由正宗泰國媽媽主理👍女幫手接單，包裝及收銀一家人細心經營，好溫馨😊食物價錢平，食材新鮮，份量足，味道正宗平均$38就有一個海南雞飯炒雜菜都係$28本人最愛呢類型家庭式小本經營既小店滿滿的人情味😊又接受食客既意見👍👍本人已收藏做私人飯堂🤭“圖中燒鵝係加料美食”😂…查看更多

呢間唔起眼既日本餐廳，行過佢絶對吸引唔到你行入去😂祇要你入去幫襯過一次，你會想返來再食😋咩原因吸引到我？首先當然係價錢啦！五，六十蚊既價錢，包埋飲品，我可以接收，仲要無加一服務費👍其次份量係夠飽既(男士都應該夠)😂所有食物即叫即煮，上枱熱辣辣。推介滑蛋🥚叉燒飯👍😋叉燒厚切，入曬味，雞蛋濃香，滑捋捋，唔會過熟，時間控制得啱啱好👍最後味道食材普通入得口，唔難食，咁既價錢可以接受，會再幫襯。…查看更多

之前已經聽聞呢間梳乎厘好掂，掂到開分店。前2日咁啱經過，決定試一試係咪真係咁掂由於店舖無乜足夠位置供食客堂食，於是決定外賣，返屋企慢慢歎😋份量，價錢完全可以接受，現場即叫即整，超級新鮮👍口感鬆軟，似空氣，但味道就欠缺咗一些梳乎厘應有既順滑及綿密。但勝在有多款口味供食客選擇。試一次就夠！…查看更多

呢間食店真係好難book位book唔到尖沙咀，唯有book西環分店雖然遠少少，但點都要食到為止😂以下重點講食物，睇下係咪真係咁full，咁值得排隊食$268 + 10% $300有找/一位(星期一至四)首先食咗雞煲🐓先雞肉唔肥，算嫩滑👍有埋計時器就唔怕煮到老過頭啦之後上蒸海鮮，人頭份計因為d海鮮落咗大量蒜蓉同葱，食唔出新唔新鮮最後打邊爐，d牛肉🐂係溫體牛，並不是急凍肥牛👍以咁既價錢，食咁既牛肉，豬肉，本人覺得可以接受汽水果汁任飲🥤最後仲有甜品食，每人一碗椰汁燉雪燕😋難怪同佢類似既舖頭，X哥執剩一間啦😂咁既價錢，食物又唔差邊夠佢做呀🤣…查看更多

沙田區來講，質素算係咁，好食嘅但價錢就略為貴咗少少喇沙蝦湯配豬頸肉摻摻 $108湯底ok，正宗就配不上，但份量足夠👍沙嗲串燒(豬，牛) $78仲有雞肉可以選擇一份上枱有6小串，啲肉醃得都幾入味😋配埋嘅沙嗲醬就完全唔掂，好唔夾d串燒建議唔使點醬就咁成串食，已經好好味生炸白咖哩香茅豬扒飯 $88炸完d豬扒居然唔韌 , 有驚喜原來白咖哩同香茅係咁夾架👍最大驚喜就係隨碟附送一份開胃既小沙律😋以上價錢加一服務費…查看更多

間舖頭係媒體舖天蓋地既宣傳下，終於吸引到我來幫襯 。當日星期日，book咗12點任食2小時海鮮，揸車可以免費泊係巴希雅後面，當日12點準時到達餐廳，到場時職員忙於備餐，我地屬於第一枱客，戶外坐位任坐，因為職員唔得閒招呼我地😂坐到12:40分都未有嘢食，罐頭沙律及金寶磨菇湯都未有，唔好講話任食海鮮🙈😂眼見附近12:30入座既客人枱面已經有沙律及磨菇湯，於是再一次詢問職員，未有前菜，在三催四請之下終於有嘢食😂質素一般般，如上面所講，罐頭沙律🥗，金寶磨菇湯，海洋唔新鮮，無論係龍蝦定蝦，d肉都係淋嘅，説好的任食，衹限腸仔，粟米任食🙈龍蝦上過一次之後，就無見過，問過3次，職員都話整緊😑，間唔中職員會問下有帶子及蝦，需唔需要補😂食咗個半鐘已經走得，因為大失所望👎説好的任食，原來祇係配給😂假日$318/位 + 10% 咁既質素，大家無需山長水遠入大尾督食，市區大把選擇😊…查看更多

行過經過門口，見到裡面裝修明亮，企理，算係新派既茶餐廳。當日試咗早餐，價錢合理，質素高，唔怪得日日都坐無虛席。薑絲鮮牛肉🥩米粉，配蜜汁叉燒包+黑松露炒蛋🥚餐肉粒鮮茄🍅湯通粉，配蜜汁叉燒包+黑松露炒蛋鮮茄通粉，湯底濃，多雜菜🥕，餐肉粒就一般般，普通貨色，如果煎過先加落去通粉度會更加好。薑絲唔辣，湯底鮮甜，無乜味精，牛肉新鮮，炒蛋好滑，份量足夠，出乎意料係叉7燒包微溫，令成份早餐加分唔少👍飲品就唔多介紹啦，因為都係一般貨色，無特別。見門口有曲奇皮蛋撻賣，忍唔住叫咗個，未食，見個樣己經攞滿分，Size大，有蛋香，價錢合理，有驚喜。一個美味既曲奇皮蛋撻爲一份高質既早餐劃上完美句號👍😋…查看更多

俾個舖頭名呃咗，以為來自日本，點知令人好失望👎當日試咗3款產品，3.6焦糖萄撻，3.6牛乳鮮奶撻，酸乳酪芝士撻萄撻係3款裡面最OK既，味道正常，Size同KFC既差不多大，但唔值$15/個鮮奶撻及芝士撻簡直唔掂👎當日係出爐後15分鐘買既，車程半小時返到屋企，食既時候已經發現撻底已經淋曬，所謂既3.6牛乳，完全食唔出濃厚牛奶味，又淋又無味🙈酸乳酪芝士撻先最嚇人，撻底一樣又淋又無味，撻心既芝士得個酸字，完全無芝士味。行過俾個樣呃咗，總之可一不可再。…查看更多

喜歡貓既朋友又多一個聚腳既地方啦，位置又方便，位於彌敦道既樓上舖食物就一般般，不過入得去既都係爲貓而來，食物其次，限時90分鐘，對於愛貓🐈人士來講，有d趕😅當日叫咗個二人套餐，南瓜餐湯夠熱👍食到一絲絲既南瓜纖維，沙律一般，🧀芝士松露雜菌意大利飯有驚喜👍😋黑松露夠香濃，芝士一點都唔吝嗇👍在煙韌彈牙既意大利飯上鋪滿濃香既芝士，一啖接一啖，食唔停口😋燒豬肋骨就令人好失望👎燒到燶曬😑全部都係骨，少少肉都無🤦‍♀️如果唔介意食物質素一般嘅話 , 係呢度同貓仔玩下坐下都ok嘅，係一個唔錯嘅地方👍…查看更多

行過見到家庭式經營既餃子店，於是入去試下手工家的味道。店內環境一般，得幾張枱，落單後，要等10至15分鐘先有食物上枱，當日叫咗涼伴青瓜🥒韭菜鮮蝦餃涼伴青瓜攞滿分👍😋青瓜好嫩，爽口，清脆，醬汁帶有微辣，好開胃。韭菜鮮蝦餃🥟即叫即淥，熱辣辣上枱 , 餃子粒粒都珍寶Size , 好飽滿，每一粒餃子入面都有大約半隻鮮蝦，爽口彈牙，算係新鮮貨👍平時食得太多連鎖集團食肆，有時候經過一些橫街窄巷，不妨光顧一下一些小本經營既家庭式小食店。…查看更多

係一個頻道見到"全香港最好食既雞蛋仔"標題，立即去試試佢位置當然唔方便，由沙田火車站行過去，快則都要15分鐘，被評為全香港最好食嘅雞蛋仔第一名，點都要幫襯下既當日試咗蘋果🍎肉桂口味，新鮮熱辣辣，即叫即整，可能期望越大，所以換來失望越大，真心講，餡料係十分之足夠既👍至於雞蛋仔應有嘅脆面就見唔到，🍎蘋果粒酸酸甜甜，幾開胃，但肉桂味就唔係好食得出😑以即整即食既出品來講，唔值得被評為"全香港最好食既雞蛋仔"😂…查看更多

近排見呢間食店在網絡上面d廣告賣到咁犀利，當日平日又在附近於是過去幫襯下12:40 現場排隊大約6 , 7名顧客，大約等咗10分鐘左右，等候時間尚可接受，店舖基本上只做外賣生意，無堂食位置提供，當日足足等咗35分鐘都未拎到外賣👎速度慢得驚人，好彩拎外賣時有當場點算份量，果然俾漏一份蛋餅🙈食物方面，一個字差(除咗蚵仔麵線可以接受外)蛋餅凍冰冰，蛋餅皮唔夠煙韌，入口有油壓味 , 滷肉飯無肉香，飯淡而無味，臭豆腐又貴，又硬，入口無味，都唔知食咗d咩落肚👎🙈蚵仔麵線可以接受，終於都有少少似地道台灣小食👍蚵仔飽滿，麵線夠滑😋鍋貼一般般，仲有飲品唔想再講………所謂希望越大，失望越大，可一不可再👎…查看更多

一直知道呢間飯店既食物價錢唔平，知道網上做緊下午茶套餐優惠價，每位$99/8道菜中式下午茶，茶芥，加一現場俾現場環境坐得好舒服，就算2人一張大枱都不會安排搭枱坐，疫情下，呢個安排真係大加分👍首先上枱既係挪威煙三文魚沙律，生菜新鮮，煙三文魚一般，唔差之後每人半隻招牌王子鴿，乳鴿上枱時微溫，唔夠入味，偏瘦👎之後店員拎咗個兩層架過來，上層放咗個蒸籠裹面有王子蝦餃，公子燒賣，下層放咗天下第一包，蘿蔔絲酥餅，與別不同春卷(每人半條) 即焗酥皮蛋撻 , 食物上枱直到食完，半個鐘左右，食物質素一般，份量更加食唔飽，香片茶唔錯，幾好飲咁既價錢，咁既環境，坐係度飲下茶，傾下偈都唔錯。…查看更多

呢間mamaday一早已經出曬名，分店越開越多，仲要好難book位🙈唔想排隊等入座嘅話，就要早啲去到啦，最好就係一開門就walk in入去😂食物方面真心種類唔算多 , 選擇又少，但係款款食物飲品都好啱用來打卡，食物質素都唔算差，但係飲品方面算細杯，價錢偏貴，舖頭入面佈置到好靚，環境好舒服，可惜得90分鐘用餐時間，有d趕，真係坐到唔想走😂建議叫多2個朋友，叫多幾款食物一齊分享，佢地d食物真係絶對no mamaday👍😋…查看更多