小kitkit的個人專頁

經過多次，終於鼓起勇氣跟朋友到此員工飯堂試一試。店內沒飲品販賣，歡迎自攜飲品，此處為傳統食堂模式，地方大眾化，會有人搭檯。牆上貼著食物的名稱，或者你想食咩講，煮到就有得食。 仲有是日蒸選，姐姐會同啲熟客仔介紹有咩蒸魚食，再加一兩句閒話家常，令人感覺人情味濃。此次叫了咸魚雞粒炒飯及咖哩魚炒米，份量十足咖哩為黃色茶記咖哩，唔會太辣; 魚肉為白身魚塊，炸粉薄薄一層; 配以煎至香脆的米粉，完全感受到鑊氣十足。咸魚雞粒炒飯，感覺一般，咸魚可能去了找尋夢想，所以只餘下一丁點兒在碟內; 火氣夠，飯炒得夠乾身; 雞肉雪味甚重，但咸魚味又不夠，令到食之無味。看到同桌的椒鹽豬扒吃得滋味，如果有機會想再來試試。…查看更多

係搵宵夜之時，係openrice見到亞坤係銅鑼灣開24，當然非常興奮啦，話曬個時係新加坡食左好多份炭烤咖央，但尖沙咀咁多人，新開又半夜去，唔曬排喇掛半夜真係唔駛排，因為佢好多野都無得賣。 有幾款麵無曬，沙冰機壞左無得試椰漿沙冰。 唔夠人手，所以無人收檯，地方好亂又污糟。揀無可揀，淨係食左吐司套餐a。 咖央牛油多士配糖心蛋同凍yuan yang。 盛為四十五大元。其實應該叫水煮生熟蛋會比叫糖心蛋好，畢竟糖心蛋同生熟蛋個蛋白有分別。 個蛋黃煮得剛好，夠傑身，加豉油同胡椒粉味道夠夾。個咖央多有些許失望，唔夠熱所以個包係脆面但韌身。 咖央味夠香，無失到水準，牛油夠厚，唔搶咖央味。 如果個多士熱啲，如果可以用返炭烤有返個炭香味，就好喇。個凍鴦，無咩茶味，咖啡味幾香同飲到媡奶個甜味。間舖地方幾大，但人手就得兩個，兩個係包括廚房啦，出餐啦，落單啦，清潔啦，雖然呢兩個超人般既工作人員都好親切同好勤力咁做，但半夜都有唔少人來食，再勞力都做唔切啦，希望佢地快啲請到人咁可能可以快啲送到份熱吐司比客既。其實我唔敢試laksa，畢竟唔係亞坤本行，個咖央多同其他其他，有待改善啦。…查看更多

話說一間茶記都收你五十蚊一個常餐時，不如揀間差不多價錢但更多款式既餐廳今次叫左兩款食品，椰汁雞湯雞絲金邊，雞湯酸甜，開胃又清新，雞絲唔韌，金邊粉份量十足咸魚芥蘭炒飯，咸魚份量剛好，芥蘭爽脆，咸香搭菜甜飲品係桔仔水，泰國梳打加柑桔蜜同酸桔仔，消暑解渴，酸甜潤喉。泰好食唔算寬敞，但夠位坐，姐姐又熱情，食物質素穩定，價錢合理所以食泰菜多數都來呢度。…查看更多

爭鮮終於係香港島有堂食分店，一有時間即飛去食人比想像中少，十分鐘就有位，地方比去過既幾間鬆動，而且有半個場未開，相信再多人排都唔駛怕等太耐。當然爭鮮既茶包有質素得來，又唔會怕比人收多錢啦，想濃啲都可以加幾包。我鍾意去爭鮮，當然係因為佢平得來唔係比差既野你，而且又多款，仲有爭鮮歌仔聽，但呢間店就無爭鮮歌仔，令我有少少失望。職員服務頗有壓迫感，企正係我倆背後，令我食得無咁放。今次去有隻似粽既甜品，拆開係水晶包咁樣，外皮透明軟糯，內涵係custard，唔太甜但奶香味濃。仲有我男友摯愛，蛋皮卷，出面係薄薄既蛋皮入面係醋飯，青瓜蟹柳，蛋香十足。其他都好正常，三文魚壽司刺身，三文魚子軍艦。雖然得50分鐘，但其實每次食頭廿分鐘都開始停手，如果背後個職員唔係監視住我地咁會仲好。…查看更多

白糖糕，甜中帶酸香，入口咬落鬆化軟糯以上係我對一件白糖糕應有既期望不過。。。。。。。今次買左件硬到一忽忽甩出來，乾身一入口吸曬所有口水既所謂"白糖糕"味道又唔係好甜，但無香味總之係我想要既背道而馳，因為有期望所以失望…查看更多

去到深水埗，當然唔少得一訪公和一個人，天氣熱叫三寶就夠曬飽無糖豆漿，甜味無左，豆味更香豆卜，豆味比豆腐更重，但而家無煎完再浸一浸上湯，所以油味比以前重，但上面既魚腐一樣正豆花，叫阿姐走糖，自己加豆漿，變豆腐豆花，豆味超重，又滑又軟轉眼間就清曬即使地方唔太乾淨，員工好似無聽但好快咁比到你要既野你呢啲就係由細到大既一份錢一份貨，食物有質素，服務街坊化食豆品，與其比貴貴都無豆味唔香滑，不如等得閒來公和…查看更多

想平靚正食日本餐，首選午飯時間食經濟套餐。多數日本餐廳既午餐刺身，來來去去都係三文魚吞拿魚八爪魚同甜蝦，了無新意所以有假期，就過來楠食好味又精緻既刺身定食今次選擇左壽司刺身定食同季節刺身定食壽司刺身定食有沙律、茶碗蒸、烏冬同飲品季節刺身定身有沙律、茶碗蒸、麵鼓湯、飯同飲品兩款都有甜蝦-大隻甜，唔腥天使蝦-爽口，彈牙火炙松皮造金目鯛-脆皮，肉厚而爽甜，陣陣鮮味海膽-顆粒分明，海水味甜，香味遊用在舌齒間久久不散季節刺身仲有帶子同三文魚壽司刺身定食有海膽拌魚，帶點酸甜味，魚爽無腥味油甘魚，肉厚，但水份過多，甜味不足三文魚子軍艦，細細件，三文魚子堆到高一高吞拿魚腩蓉軍艦，味甜，入口即溶帶子壽司，甜味十足左口魚邊壽司，油份十足，邊位煙韌有咬勁火炙三文魚腩壽司，油份與三文魚香混位一體，微焦表面，芳香十足壽司所用醋飯酸甜度剛好，而且唔會扼得太實，入口即散但如果可以多返少少白身魚，唔係款款都咁油同重口味就仲好兩款定食都份量十足，唯一美中不足係甜品出雪米糍，最難食係呢個。其他包括茶，washabi等等，以最貴二百幾一位來講，物有所值。…查看更多

上次去咖啡弄時已經想試，今日比wired cafe 係無通知情況下cancel booking就過來試試。坐低就比袋仔同圍巾，以防你會整污穢，仲有員工詳細介紹餐種。因為係walkin所以無得食要預定既特大牛肋骨扒，但食左一本青瓜，一條揸住咬，點味噌，清新爽口魚胃忌廉芝士，爽口彈牙魚胃，泡菜味加cream cheese，意想不到咁夾一口涼麵，湯汁酸酸甜甜幾開胃，配有泡菜同雞蛋，麵身彈牙futago玉子飯，有泡菜溫泉蛋，飽腹之選牛小腸，皮燒到脆，加香軟脂肪，味濃香口牛脥肉，煙韌有肉味，帶少少辣鹽燒黑毛和牛，有油香，鬆化既牛肉海膽牛肉，雪花牛肉輕輕燒下，再放上甜美海膽之上，紫菜同紫蘇葉，多重香味夾埋，更能散發海膽鮮牛味香極上牛併盤-特厚牛舌，加檸檬汁，多汁有咬勁，檸檬令油香更清新特厚牛腹肉，有washabi同蒜片放面，肉味濃，如果唔係燒得熟左啲，有少少血汁會仲好味。特厚牛肋肉，有咬勁，肉汁同肉味香濃飲品有靚仔啤酒，大大杯生啤futago highball, 薑片whisky soda, 酒味同泡泡唔夠，薑片味都幾出埋單時送乳酪同粟米茶，乳酪質感十足，解除油膩店內唔迫，又無油煙味。大部份都有員工幫手燒，仲會同你傾下計，對又想食燒肉又唔想自己燒既朋友，係一個幾好既選擇p.s.食滿十次會送店內專用黃金夾，仲會刻埋名，令我再想去試佢其他食品呢…查看更多

好耐無飲湯，就去蛇王二飲燉湯。燒味飯有碟同碗裝，碗裝已經好飽，但次次見加少少錢就多啲飯，就要碟裝再迫男友食埋佢∩__∩!!!今次係豬肺燉菜湯同叉燒燒肉飯，豬肺有返咁上下size，啲湯清徹香甜，飲完無口乾。但叉燒係瘦叉，乾硬左啲。係鬧市想飲有質素又物有所值既湯，蛇王二不二之選…查看更多

一行到附近就見到長長既人龍，好在等左15分鐘而已，每組排隊既人都有餐牌可參考。叫左期間限定- 三色窩夫，焙茶、抹茶同牛奶雪糕配紅豆白玉。 味道唔太甜，食落口有茶味，但cream味略重，有啲漏。龍貓抹茶牛奶，隻公仔肥左啲，但外形吸引。抹茶味比奶味略蓋過，如果可少甜多茶味則完美。雖然人多，但員工都細心又快手咁協助客人，我要多隻匙羹，一講即到。 地方仲幾精緻，全店有一個千秋位，坐住食甜品，更心甜。下次如果唔駛排隊，都會再來的…查看更多

即係麥記你可以有咩要求同期望?我為左有包熱同唔咸死人既薯條，會好煩地去叫人薯條走鹽，平時啲薯條會燶啲同等超耐，今次竟然係金香鬆脆，而且見trainee hilda妹妹好有心機咁拎個新薯條剷出來，抺乾先落無鹽薯條，仲要唔係hea加，認真咁加落去，感覺到原來麥記唔一定係hea架。講真，近來係呢間麥記買宵夜感覺好左好多，至少工作人員唔係黑口黑面，個包返到屋企都仲係完整，唔駛再砌返埋一齊。加油，保持水準呀^^…查看更多

一直想試，而且見ocio開左幾間分店應該有返咁上下水準，點知……因為係附近既分店爆左，問職員話兩間一樣，就來左呢間。menu唔同已經有啲失望，仲要連個甜品a餐都可以做到我無心機食既><想我有下次都難啦。甜品a餐有焗到燶左既apple crumble，無咩味既chocolate cake同厚燒焦糖燉蛋(不過menu話係creme brulee)，食到我典曬地咁滯朋友個white chocolate waffle個皮脆，味道okmint lime soda有驚喜，夠大杯而且味道好清新，用料幾新鮮latte，細杯，我fd笑早知去茶記叫杯多奶啡仲好可能今次係我唔好彩，但幾難有下次…查看更多

每次經過都必定睇睇有幾多人排隊，終於的起心肝係開舖前半個鐘去定排，點知都係唔可以頭輪入店。好在用餐時間係90分鐘，等多一個鐘就入到。一睇個報紙款既menu，心花怒放，結果揀左 莓莓waffle，新鮮充滿蛋香的脆脆waffle加輕巧既cream雜果茶，其實同輕鬆飲個杯味道好似，初時覺得個價錢set得唔平，但來到時見到有個壺仔裝住，都幾得意雞肉牛角包，個cheese味好濃，但感覺一般味道同服務確實幾好，令我有種去左台灣既感覺，但係如果要我再等多個幾鐘先入到去而價錢又維持一樣既，就真係多謝曬…查看更多

2歲妹妹生日，南洋餐廳有肉骨茶打邊爐又有魔鬼魚，仲要係香港仔近近地，可以舒舒服服食。由於星期日無訂到，結果打唔到邊爐。魔鬼魚，本身出來唔太夠脆，路經既經理聽到即時幫我地燒多次，結果係外脆肉嫩，脆骨香口。串燒，汁香，肉唔太乾獅蚶，份量唔太多，四個人岩岩好，無泥又鮮甜仲食左福建炒麵，like埋facebook換左杯足料薏米水食物質素唔錯，服務好有誠意。想hea得舒服，下次再來^^…查看更多

唔駛排隊而且可以舒舒服服咁hea住食鬆脆既牛角包，就應該去置地urban bakery食物慢煮鴨包，本身唔好鴨，但選食物時實在太香，最後買來試，肉香包軟，但乾左少少set lunch，有外皮脆內裡多汁肉嫩既三文魚，仲有3款side，薯仔有啲太硬有啲岩岩好鬆化peach tea，冰未溶時好甜raspeberry danish，最鍾意咁多custard既danish，甜度岩心水macalan 12 ice cream，好香軟滑服務，由於幫人叫錯左americano，拎返去加奶時好親切咁話隻杯好滿，所以比過另一隻杯仔有打起左既熱奶，好warm呢~但有啲員工好唔pro，大聲咁同同事講粗口(個客企正係隔離)，感覺有啲似係街邊茶記多過一間high quality既cafe…查看更多