lsm_nicole的個人專頁

我好懷疑究竟係咪同其他OpenRice用戶去左同一間餐廳食飯, 人地讚到好好, 我就覺得中伏喇自助餐食物款式太少, 凍海鮮得龍蝦🦞,小龍蝦, 早已剪成細細舊嘅蟹腳🦀, 鮮蝦🦐同青口, 壽司🍣得2款等; Refill較慢, 乳豬只出過1次, 而且熱葷食物🥘的溫度只係微暖, 拎到返位已經凍左 （我被安排坐喺拎食物位置較遠嘅某角落😞) ; 無自助任飲, 只包一杯餐飲, 仲要最後追問職員先有, 本身有個area係職員整飲品嘅, 擺d茶包喺度但又唔俾人拎黎沖住先; 所謂嘅雪糕車只係有個職員喺後段果個幾鐘推出黎問要唔要支雪條, 要就俾支Haagen Dazs朱古力脆皮雪條, 唔要都無其他款選擇以大概$550/位呢個價錢黎講, 性價比唔高, 試過就算, 無下次…查看更多

“世紀豪雨”過後, 我見外面無落雨就出去行下, 順便搵野食去到洪記, 當時未夠5點, 下午茶時段就唔多人, 得幾個客坐喺度堂食, 樓面2個, 足夠應付有餘我睇完餐牌諗住買個炒麵外賣返屋企食, 個樓面幫我打完單, 後面又有個客買油器 (夾完就走得), 我等左大概5分鐘就攞到盒外賣走, 當時樓面阿姨無對我單就俾盒外賣我 (咁得我一個買啫)點知返到屋企打開個盒變左蝦米腸 (唔知兩者價錢有無分別, 但份量好少), 我唔特登行返去換喇, 唯有照食算啦, 但係腸粉皮偏厚, 食落唔夠滑, 敗筆之作!建議店舖改善食物味道及其服務質素, 否則留返個舖位俾其他有心做嘅食肆😌…查看更多

嚟到店舖嘅時間大概已經係18:00, 舖內麵包嘅選擇淨返唔係好多, 所以揀咗一袋特價$30/5個餐包(香草芝士? x1 pc, 朱古力x2 pcs, 綠茶紅豆 x2 pcs)第一個梗係試個淡黃色嘅包先, 呢個應該係比較淡口嘅, 切開見到有十幾粒芝士粒, 都幾真材實料, 但個人唔係咁鍾意嗰陣香草味綠茶紅豆除咗有陣人造綠茶味, 紅豆餡都幾滑, 驚喜嘅係有1粒白色嘅小麻糬, 如果有多幾粒就可以營造比較煙韌嘅感覺以為朱古力係有朱古力粒做餡, 原來入面係朱古力醬, 亦係最空心最甜嘅一款, 如果配埋杯咖啡飲就好總括嚟講, 整體味道都唔錯嘅, 希望麵包師傅睇到我篇食評之後會再改良下, 整得更加好味😋…查看更多

今日同男朋友行淘大, 見到呢間食海南雞飯嘅專門店, 又唔駛點等位, 就想試下...先睇餐牌, 有''皇牌客飯'', 一人套餐同二人套餐選擇, 睇左一陣就覺得一人套餐 ($55) 同二人套餐 ($152) 無乜分別, 兩者分別在於四餸揀一同固定海南雞半隻+三餸揀一, 最後諗住兩個人梗係揀二人套餐啦, 價錢貴d, 份量點都多d掛......結果當然係中伏了! 😓😓落單時問個女侍應''元蹄''係咪燻蹄咁款架, 佢答係就梗係叫啦, 點知黎到份二人餐好似份一人餐x2咁, 唔係, 應該話仲衰過一人餐, 至少有多一碟油菜, 碟雞點睇都無半隻, 仲要個''元蹄''成舊炭咁, 完全中伏了 😢😢味道方面, 元蹄太肥, 雞翼雞尖就無雞味, 例湯就真係例湯feel, 無網上講嘅''老火湯''咁正, 唯一係碗油飯幾ok環境方面, 諗住無人就坐張4人枱, 因為可以坐梳化, 點知上左菜擺多2個盆, 張枱已經差不多full左, 感覺有點迫總之呢間野麻麻地, 或者其他分店好d嘅 😅…查看更多