ching_jai的個人專頁

侍應態度好好，一坐低會俾水你，另外仲有一杯for洗餐具用，食物質素好好，價錢亦算合理。冬陰功湯帶少許辣味，唔算食得辣嘅我都接受到，芒果蟹肉炒飯味道幾好，只係略嫌啲芒果一般，冇芒果香味，串燒好食，雞牛豬各兩串，最後仲送咗兩個椰汁糕做飯後甜品，整體嚟講可以再食😃…查看更多

試咗二人餐，可揀兩款餃子，餐跟幾款串燒，連兩杯野飲。餃子味道還好，但肥豬肉偏多，同埋啲椰子湯俾勁少，啱啱浸過餃子就算。再講串燒，可以唔試都得，基本上都係急凍野，唔好期望太多，燒雞皮硬到唔知自己食咗乜。二人餐$299冇加一但全部唔值。如果經過試下餃子還好，但串燒真係不了。最唔滿意係本身俾四人枱我哋，之後因為有人要抽起一張枱俾隔離，搞到張枱放埋食物之後好迫。明明眼見其他都係兩個人都可以用四人枱偏偏就係要我哋郁。…查看更多

明明話炸豬排，黎到明明係煎豬扒😵‍💫，店員話有炸過，um。。炸粉呢？呢杯野寫左固定甜&凍 但都唔係常溫掛😓落啲冰好難咩🤨本身都幾期待杯野，但唔凍真係好難飲…查看更多

第一次試呢間野，原來都幾隱蔽下👀，呢間嘢嘅質素值得多啲人認識，希望大家都可以去支持下，以下係食外賣得出嘅食評✨嗌🍍雞粒炒🍚：🌕🌕🌕🌕🌖菠蘿幾大粒又甜，啲雞好滑唔似出面炒到好乾🍤仁炒金邊粉：🌕🌕🌕🌗🌑啲蝦一般，似係用生蝦刺身黎炒，但勝在炒得夠香，都唔錯小食拼盤(s)：🌕🌕🌕🌗🌑蝦餅x1 炸蝦x2 春卷x2 魚餅x2(一分為二)蝦餅最好食，最衰得一舊🥺，炸蝦春卷都OK，係魚餅一向自己都覺得麻麻～生🥬包豬肉碎：🌕🌕🌕🌕🌗菜好新鮮，唔似小x谷，肥豬肉都多，但唔肥邊好食😏泰式豬頸肉：唔肥但好好食，好香炭燒味👍🏻 $50起碼有12片👍🏻👍🏻馬拉盞炒芥蘭：🌕🌕🌕🌗🌑大份，香口但辣👍🏻泰式奶茶☕️：🌕🌕🌕🌕🌕一個字，好好飲！！係甜左少少，最後可以沖多杯😹椰汁冰：🌕🌕🌕🌕🌕都 係 好 好 飲 ！ 好 香 椰 汁 味👍🏻通常野飲都係冇乜期望但呢個真係有驚喜💛太好食咩相都唔記得影😹😹…查看更多

次次經過都見到門口有好多人等位，今次終於的起心肝就算排隊都要食！😍鋪頭唔算大，得20個位左右，裡面播Viutv唔播Cctvb非常抵讚👍🏼👍🏼介紹吓食咗啲咩先🤓✨招牌松露卡邦尼意粉(+$2天使麵)✨白酒忌廉汁帶子意粉拌蟹子(+$2天使麵)✨炸蕃薯條 配 黑松露蛋黃醬👍🏼👍🏼仲飲左...🤓🥤白桃檸檬梳打🥤荔枝椰果梳打天使麵整得好好食😋好多汁食落口完全唔會覺得乾😍炸蕃薯條不得不讚真係好_好食🤤加左砂糖係上面食估唔到又幾夾🤪然後講下嘢飲呢就不過不失啦😉特飲黎講$18又唔算貴嘅😛要特別讚下出嘢食速度幾快 嗌左冇耐就煮好仲要熱辣辣👍🏼👍🏼下次一定會再黎幫襯(p.s其實已經幫襯左外賣幾次🤪)#黃店#黃色經濟圈…查看更多

42蚊大大塊豬扒加菜飯😍😍豬扒炸得黎唔會乾仲好Juicy🤤P.S店內電視仲播rthk民間記者會live!!#黃色經濟圈💛#唔好淨係幫襯大黃店#小黃店都需要大家懲罰🥳…查看更多

由佢岩岩開業吸引左好多人黎排隊食嗰陣，已經話好想試下，不過因為價錢問題遲遲都未去試，最近見佢出左個set lunch價錢都ok又唔洗加一，終於的起心肝去食試左個三文魚親子丼（$75）真心唔錯佢啲飯暖暖地，三文魚又唔係凍冰冰，平時出面食啲三文魚多數雪到好凍，佢呢間個飯同三文魚個溫度都係岩岩好。最欣賞係佢個湯，唔係面鼓湯黎，唔會太鹹幾好飲原來唔經唔覺都開業兩週年(賣廣告時間)由16/1/2019至28/2/2019凡惠顧晚市海鮮丼兩客第二客即享半價優惠決定會再去試埋晚市，質素應該會再高啲…查看更多

食過咁多次鰻魚，都未試過食一條好似橡筋般嘅鰻魚，咬極都咬唔斷。食左大半，咁岩隔離枱又係叫鰻魚，人地用刀輕輕就好易cut開佢，我嗰條就同食一條橡筋咁無分別😑😑…查看更多

話說食完呢度嘅午餐(溫泉玉子牛肉飯+餐湯)，之後翻屋企嘔左五次，嘔翻碗餐湯出黎，跟住去睇醫生話有機會係食物中毒，其實係都唔出奇，之前黎呢度食過幾次佢嘅雞排蛋包飯，次次食落都有陣鐵味，真係唔知佢個碟定啲食物唔乾淨。…查看更多

係我食過最難食嘅放題😡😡😡😡😡希望大家想試之前可以睇下我呢篇評論再考慮去唔去食事源係咁嘅... 我地出到旺角想搵間食放題試下當行到兆萬中心個門口突然俾4-5個人圍住不斷sell自己間野幾好幾好雷門嗰個人係得把口最好又話咩我地食嘅係感情又話揀佢嗰間會唔知平幾多又送啲咩咁咁好啦 見佢張宣傳單張好似幾多嘢食咁最後咪決定試下佢囉跟住佢就叫左個女仔帶我地行過去心諗:下 原來間野唔係兆萬中心(要一段路先到)上到去一出lift😨間鋪啲環境啲燈光暗到一個點😑不過諗住食物ok嘅都無所謂啦🤔一坐低就即刻攞紙嗌嘢食叫左好多好多嘢食但令成餐飯最炆嘅地方係佢地上菜速度慢到冇得再慢🙄首先黎到嘅係剌身三文魚正常好食嘅話應該會食到蛋白味但佢完全冇再講甜蝦 雪味重到之後再黎啲炸物同壽司其實唔好食仲多過好食仲有每次落單永遠都唔會黎齊我明白有時漏一兩張單係正常但你都冇理由過份到我落左三四次order你每次都同我漏一兩張單下話😑每次同啲侍應講佢地都話幫我地睇下睇?睇左去邊?求其hea應左就當冇事😑再講飲野方面其實你地都係拎罐裝飲品點解就連野飲都可以上得咁慢吹左幾次先捨得拎啲野飲過黎仲有最後嘅甜品話得叫放題 印象中唔係應該任飲任食架咩🤔佢居然同我講甜品每人限選兩款😑雪糕糯米糍係好細粒獨立包裝嗰啲拎到過黎個皮淋曬裡面啲雪糕都溶曬Tiramisu仲離譜同試食冇分別一啖食得曬其實成餐要我諗好食嘅我諗係火炙醬油燒三文魚 係我成餐食過最好食嘅食物😕跟住到埋單嘅時候 啲野食先黎😑個侍應見到我地埋左單個樣仲要黑面😑佢呢間擺明係故意上慢啲菜等你淨係等都浪費左好多時間然後坐夠兩個鐘就迫你走總之呢間野一句講曬簡直係貼錢買難受☺️…查看更多