Let Eat Bee的個人專頁

每次去九龍城都會食泰國嘢，今次都唔係例外。但今次食完泰國嘢就好想食下糖水，之前次次都食乜乜館，覺得有啲悶，今次去咗朋友介紹嘅清心丸糖水館。非常有驚喜喎！一去到就見到門口勁多人排隊，仲驚又有排等，但係竟然一話兩位就有位，見到入邊都坐滿囇人，但係啲姐姐服務都依然好好，見我心大心細都冇催我。最後我揀咗綠豆邊清心丸，嘩！第一次食清心丸的我覺得好特別，我之前完全未食過咁樣嘅口感，即刻覺得自己發現得太遲。食完就知道原來呢間野好出名㗎！咁出名都各方面keep到質素， 10分抵讚！…查看更多

時不時會食下芽莊，因為既就腳又幾好食！最鍾意食蕃茄蟹肉湯檬，暖笠笠又好味。湯頭好多蕃茄蓉，但飲落會甜甜的，檬粉同平時食開的不一樣，口感好好多，彈牙得來又滑身，正！芽莊炒飯都不錯，尤其啱啲鍾意食臘腸的人士，因為都幾多下😂今次試咗新嘢，燒乳豬！肉質好嫩好juice，做到外脆內軟的口感！值得一讚👍而且份量不小，兩個人好大機會食唔曬😂蒸粉卷就正常嘢，皮有少少過熟，一夾好容易爛，但個餡都算不錯的！會再 encore 呢間餐廳…查看更多

食過好幾次了~~~~~~~但是一知道尖沙咀就即刻再食！之前次次都特登過cwb 食😋😋嗜辣的我當然食辣子鍋，自選餸勁正！薯仔、蓮藕、午餐肉、脆骨、萵筍、四季豆等等，呢啲差不多次次都會食。一大鍋咁，勁正！😍😍😋除咗主角辣子鍋，配角小麵都好好食！麵的口感好好，爽得來又不硬，炸菜、花生、芫茜同肉燥放在麵面，成件事就似去了地道食當地麵咁。好正😋😋😋😋😋尖沙咀鋪裝修好靚，啲位比較闊，所以相對靜啲！不錯👍一定會再食😃…查看更多

未去過三聖的我，好似發現新大陸咁對周邊的海鮮檔表現得好興奮！每檔都勁多海鮮！仲要非常生猛。瀨尿蝦大隻到不得了，同行朋友即話非食不可！鮑魚又大大隻，仲好新鮮！買完一輪海鮮，再次發現新大陸咁對周邊的加工海鮮店驚訝！又有好多間~ 我們行到都幾入下，搵到近住屋邨附近的南記！除咗自買的海鮮，我們仲order咗燒鵝，脆皮好正！海鮮之後整咗幾個煮法，薑蔥蟹👍椒鹽瀨尿蝦👍👍豉椒小聖子👍👍👍好好味又豐富的海鮮餐！！如果不揸車就一定要🍻啦！…查看更多

好少過來中環食飯，普遍來說我都覺得貴得來又無特別。但平民百姓的我終於食到間好好味的！滑蛋叉燒飯，簡單平凡卻非常好食！滑蛋滑，叉燒稔，重點！重點是豉油！不愧是精粹，咸甜非常適中！一食就覺得不得了！好少吃飯又吃菠蘿包，點知！一食菠蘿包竟然有鳳梨酥的味道，有種食緊真菠蘿整的菠蘿包！有趣又好食！不過純猜測，不知道是否真有菠蘿。連午餐時間都引來一大堆人等，可見係幾值得食！一定會再encore ！仲希望越快越好添！…查看更多