我地5個人食，餐廳環境有酒吧氣氛，同班朋友食住野，飲下酒，感覺非常放鬆，食評如下，係到贊下餐廳值得推介原因先，好多餐廳係唔會次序咁上比你食，咁樣就食唔到個層次感，但The sky bar 呢點就值得讚，我係點餐同時同職員講下出菜次序，點知佢話放心，我地會跟次序出菜，聽到呢句之後，我就放心左一半，相信質素一定唔差。總共叫左5道菜，之後叫啤酒飲分別 1. 黑青口配法包(白酒忌廉)問餐廳職員餐廳有咩必食，佢就介紹左呢間，咁道菜有兩個汁比你選擇，我就揀白酒忌廉，真心到位好味，酒味唔重，忌廉唔算太濃，最後仲可以當湯咁飲。2. 烤雞胸配牛油果沙津首先講下賣相先，平時其他餐間只會將配料撈咪一碟咁上比你，但呢間餐廳絕對有誠意，排到靚靚仔仔，個汁係餐廳自己調出尼，咁樣咪叫食到餐廳特色，唔通我同你講間餐廳雞肉好鲜甜咩，傻豬尼。3.美國肉眼扒配巴黎牛油10安士本身對食牛有要求，小小心得分享下食牛排我個人口味+推介大家可以叫5成熟。1)可以食到肉質既口感，2)可以食得出牛味香唔香（如果你同我一樣係日本食過生牛肉，你一定明我講緊咩），3)從廚師身上睇得佢煎牛扒既功價，無論係色香味我都收貨架喇，好老實講句，係人都知有質素既扒，點煎都好味架啦，除非你玩野姐。$288既肉眼尼講絕對係交足功課啦4. 酥皮焗黑松露忌廉海鮮批開頭我地誤會左呢道菜係pizza,因為佢餐牌備註左需時20分鐘。不過唔緊要味道都一樣有驚喜，首先佢口感似係濃湯質感，用湯匙不起酥皮同配料一齊食，係好味，因為道菜赢在用料新鲜。其實係外國好多家庭都中意咁樣煮一道菜，感覺似我地香港既雜茶煲咁5.野菌西蘭花黑豚忌廉意大利飯配鮑魚聽個名都架勢啦，由第一道菜講到最後都係果句，用料唔馬夫，兩隻新鮮鮑魚，真心有誠意做道菜。本身我自己對意大利米係冇要求，亦食過好多餐廳既意大利飯，$300一個只有菌飯又食過，都可以煮好不知所謂，但今次the sky bar 既意大利飯，係米方面煮出水準，所以本人誠意推介。…查看更多
