loklai88的個人專頁

好耐冇出街食飯, 難得約左朋友, 梗係要食返餐好喇~之前係九龍城都見過呢間鋪頭, 原來CWB都有~海鮮蒸氣鍋叫左個$449 套餐~海鮮都未到, 已經來左每人一份秘製原隻南非乾鮑, 口感嫩滑彈牙, 平時真係好少機會食到成個sets 有8款新鮮海鮮加拿大野生海虎蝦🦐, 得1隻, 真係唔夠候呀😆韓國釜山蠔🦪, 個蠔冇得輸, 勁鮮甜韓國釜山野生鰻魚🐟, 肉質好嫩滑野生奄仔蟹🦀, 勁多膏，好後悔無將d膏加落個粥到🤤最後個粥底, 配埋本來有既豬骨、栗米粒、芋頭粒, 超級鮮甜, 我仲食左2碗添真係要讚下一直幫我地處理蒸海鮮既員工, 全程幫我地搞點所有野唔洗自己落手, 真係坐係度等食就得, 仲會提點我地每款海鮮應該配豉油定wasabi, 又或者就咁食已經食到好鮮味…查看更多

呢間餐廳次次行過都好多見人排, 咁岩朋友話想食西餐, 決定去試下我地叫左烤美國豬鞍芥茉汁配薯條 + 芝士磨菇意大利飯 + 酥炸單骨雞翼個豬扒好大塊, 肉質鬆化而多汁，味道濃郁另外, 佢D薯條係新鮮炸出黎, 所以好脆 (加分加分)單骨雞翼個份量都好多, 餐牌上仲寫左特別推介, 果然冇令人失望, 非常脆口, 來到又熱辣辣芝士蘑菇意大利飯risotto咬落煙韌，充滿芝士既油香, 口感非常軟滑飲品揀左茉莉茶和蜜桃茶, 可以順便去一去油膩…查看更多

觀塘嘅工廠區成日有好多隱世餐廳今次來試牛霸王，見到賣相都已經好吸引招牌手打和牛漢堡蘭王蛋飯 $128來自澳洲手打既和牛漢堡，加上日本蘭王雞蛋，秘製漢堡汁，配料揀咗日式泡菜初初以為配料係另外一個小食， 原來係放喺和牛漢堡上面，仲有層蘿蔔溶解膩，橙紅色嘅蘭王蛋黃，蛋香非常濃郁，秘製漢堡汁甜甜地，有小小柚子味，都幾開胃，泡菜唔會係韓式個隻甘濃味，但有少少微辣，再配埋日本米，簡直一絕手打芝士安格斯漢堡蘭王蛋飯 $118安格斯肉味較重，配白味噌汁，芥辣青瓜青瓜唔會好攻鼻，白味噌汁係味噌加忌廉調製而成，所以唔會太咸，漢堡入面有流心芝士， 鐘意食芝士既朋友一定要試下全晚不停有客人來食晚飯， 所以最好book定枱先漢堡每日限量供應，今晚8點10分嗰陣已經聽到買曬了，所以如果想食嘅話記住早啲去幫襯呀…查看更多

今日同同事一齊去APM lunch,發現新開探魚, 即刻衝入去試下, 叫左蒽蒽蒽聰明烤魚呂, 囂張冰桔桶, 棒棒麻辣口水雞, 另外加左蒿荀和海帶 囂張冰桔桶, 超級大杯, 4個人都夠飲, 平時飲開少甜既我, 本身仲有D 擔心會好甜, 點知口味剛剛好, 夏天飲真係一流等左10分鐘左右, 主角終於出埸我地揀左回魚, 魚肉質香滑, 最正係冇咩骨, 唔洗怕啃骨，小辣唔算太辣，鐘意食辣既朋友可以食中辣另外肉丸都好有驚喜, 本身以為平平無其, 但我地都覺得好好食, size剛剛好, 一啖一粒加埋蒿荀和海帶吸晒D湯, 好好食, 而且價錢都唔貴, 只係$30一碟最後因為太飽, 食唔落佢既冰粉, 唯有留返下次再去試.…查看更多

今日終於在香港食到一餐正宗嘅Omasake 無論係性價比，材料都好高質素 ！位於半島酒店地庫嘅釧 Kushiro開業大約有兩年，朋友移民在即，真係要食返餐好嘅！前菜營光魷魚仔 配蓮藕莖，沖繩水雲，水雲係海葡萄啲friend，好爽口北海道鮫蝶魚 又稱右口魚 肥美又爽口用煎酒做汁配紫蘇花茶碗蒸法國藍龍蝦 日本菇配黑松露蘑菇口感似肉，大大粒，配搭黑松露汁，口感非常豐富壽司類甘目魚 又稱深海大眼雞分佈於日本南部鮮味肉嫩，味道濃厚Mahata 真羽太 又稱日本石班煙煙韌韌，咬耐啲，魚嘅鮮味就出哂嚟北海道帆立貝爽口鮮甜，柔軟，肉質豐厚手釣池魚原來用不同的捕捉方法，外表和肉質都會有分別，捕捉時魚冇咁緊張，肉質也更鮮甜。牡丹蝦蝦肉香甜極富彈性，甘甜濃郁，餘味悠長。醬油漬鮪魚肉質纖細，好有好感北海道毛蟹蟹膏甘香滑溜且豐富，蟹香味濃郁鯖魚新鮮的鯖魚十分清甜，享受到鯖魚的鮮味馬糞海膽入口即化，底蘊甘甜，海味鹹鮮的海膽, 一定要即刻食中吞拿魚顏色粉紅，非常甘香，肥瘦適中。吞拿魚手卷脂肪比例較高，魚香持而恰到好處的魚油脂。湯白麵豉湯 白玉菇三種白麵豉做成嘅湯玉子燒布甸淡淡鹽味，唔太甜，超滑！甜品招牌日本豆腐福袋京都嘅自家制豆乳，腐皮做福袋配黑芝麻朱古力比較甜，但幾特別!📍釧 (尖沙咀)尖沙咀梳士巴利道半島酒店B1樓Bw1, Bw3 & Bw5號舖…查看更多

2:45分用code落單，code寫3:05分有，但最後等左半個鐘先來我落完單隔離台先坐底，但上食物就快過我我即刻同職員講，我果份仲未到，可唔可以幫我追一追，佢就答我要分先後但本身就係我落單先，佢check都無check過就甘答我之後我話係我落單先，佢先幫我望望完就答我，我叫個碟係意粉來甘即係咩意思？眼見水吧都企左4，5個人，都未計廚房，無理由出碟意粉都甘慢已經所有野都係自助形式，落單，自己羅餐具，我見有其他客人都係，唔知係自己攞餐具，完全冇人提點過，要客人問佢先叫客人自己去攞之前食過其他分別唔會有呢個現象，變左自助就差晒以後都唔會再幫襯了…查看更多

今日同幾個同事去飲茶, 有人推介左盈苑, 來到好好彩唔洗等位, 而且呢度地方都幾大, 坐得幾舒服 員工服務態度都好好叫左椒鹽魷魚鬚 $68炸得好脆口鮑汁燜鳳爪 $68燜得好入味, 重要好淋身, 食到個口都有d膠豉蒜虎皮尖椒子 $58虎皮尖椒size 好似筷子咁長, 好誇張鮮蝦燒賣 $36.8 (特點)燒賣大大粒既，加辣椒油食最正百花釀魚肚 $36.8 (特點)黑金流沙包 $33.8 (大點)流沙包真係會流沙, 但記住要襯熱食呀姬松茸灌湯餃 $36.8 (特點)好抵食丫，之前出面食一個都要5,6十蚊架有姬松茸味啖湯都好飲d薑蔥牛柏葉 $33.8 (大點)鮮蝦菜苗餃 $33.8 (大點)而家好鍾意食菜苗餃, 唔會只係得蝦咁單調，而且蝦既份量都唔少架香港街頭布拉腸 $30.8 (中點)同事介紹想知道酒樓既腸粉好唔好食, 一定要試布拉腸先知~呢度都算煙靭透薄, 可以一試午茗茶 $12/位…查看更多

之前經過見到用 Tiffany Blue做主色已經覺得好靚，好想入去打下卡，今晚同朋友2個來到試一試佢，入到去，店員就俾code我地係電話落單姚姚酸菜魚 $288叫咗一份(二人份量)唔好以為二人份量就好細碟，來到份量超多，選用左鱸魚片，魚超滑身，仲要一條骨都冇我地叫左少辣，辣度正常，叫左少鹽少油，食落真係唔會覺得好重味同油膩，餐牌寫明呢度既魚係有身份證，可以令大家食得放心，覺得唔夠食仲可以加配菜，碟底仲有幾個蠟燭仔暖住，令到酸菜魚可以保持溫度， 真係好貼心順帶一題，呢度酸菜魚可以揀雙拼，有多款選擇麻辣香鍋（至少選5款）揀左田雞，脆皮肥腸，萵筍，蓮藕，花菜呢個款式都有少鹽少油嘅選擇， 岩晒想食辣但又怕唔健康既我地，平時出面食田雞一碟份量都唔會好多， 呢度份量係好多，我地食極都仲有， 走過油嘅田雞整得好好食， 仲要好多都係肉脆皮肥腸，炸到好似出面嘅炸大腸甘，食落去真係脆口兩樣嘢都好大碟，我地兩個人都爭啲食唔曬新鮮水果烏龍茶 $48真係有好多生果好足料， 西瓜菠蘿奇異果熱情果青檸， 食完熱氣嘢飲返杯凍嘢舒服曬同埋呢度好岩我呢d唔會北上既香港人，又乾淨，價錢都公道…查看更多

平時假日經過見到好多人排隊，今次閒日無甘多人就可以來試下，點知入到來都係全場爆滿，仲keep 住爆場蒜香甜辣秘製炸雞 $118/6件我見到好多枱都係食呢款，就知一定無叫錯韓國炸雞🐔真係無得輸，雖然甜辣汁加左落雞到，但雞皮依然保持脆皮，內裏雞肉嫩滑多汁，甜辣汁非常開胃韓國烤肉pizza $148Pizza係呢度必叫菜式，來到韓國店當然要試反個韓國烤肉味，都係蕃茄醬底，除左牛肉，另外仲有火腿，蘑菇，燈籠椒，芝士，紫洋蔥同香芹牛肉望落烤到好似好乾身，但食落有驚喜，入口好鬆軟， 雖然係薄批， 但個批底唔係餅乾脆底， 口感煙煙靭靭， 仲鋪滿曬芝士，係我鐘意既批底蟹肉飛魚子意粉 $185表面有一堆蟹肉，另外仲有蟹棒， 蘑菇洋蔥走唔甩，濃厚忌廉汁令到意粉好掛汁，好creamy，重加左火箭菜落去， 如果平時食沙律火箭菜我一定唔食， 但咁樣撈埋一齊又好似唔同左個感覺，加埋個飛魚子一齊食，口感好豐富Pineapple Flora Iced Tea $48好清新既感覺，淡淡既茶味，下次會再來試埋其他口味…查看更多

本身係觀塘返工, 朋友過來食飯叫我介紹, 睇左好耐都睇唔岩, 之後係OP搵到牛頭角原來有間日本餐廳, 未試過的, 雖然地址係寫牛頭角, 但觀塘放工再行過去其實都好方便最鍾意食日本餐時坐BAR台, 因為可以欣賞到師傅既刀工 今日同朋友都唔算太肚餓, 所以點了串燒, 刺身同壽司拼盤, SHARE一齊食特上壽司拼盤 $298拖羅、牡丹蝦、赤貝、銀鱈魚、深海池魚、白身魚、金目鯛、鯖魚、海膽、三文魚籽樣樣都好新鮮, 特別讚下拖羅壽司, 好厚, 入口即融,脂肪非常豐富, 赤貝平時我唔會食的, 因為之前有試過一次食完覺得好腥, 有恐懼, 但今次再試既時候就覺得勁鮮甜, 口感爽脆特上刺身拼盤 $428大拖羅、深海池魚、金目鯛、牡丹蝦、赤貝、海膽大拖羅真係好正, 超肥美, 大家一定要試下海膽係鮮甜個隻, 冇苦味隔住個MON都會見到有幾新鮮, 顏色又夠鮮艷最後叫多3串串燒, 就岩岩好了鹽燒牛舌, 脂肪比例高, 燒完可以逼出油份, 而且完全冇腥味雞翼, 黑豚五花腩都燒到岩岩好, 五花腩食落都唔會覺得太肥膩總結來講新鮮就唔洗講, 最重要係刺身都係有厚度的,唔會馬虎, 絕對物超所值…查看更多

幾年冇嚟過鼎王打邊爐啦 每次嚟到一定會叫呢度既鼎王麻辣鍋 + 酸菜白肉鍋（鴛鴦鍋），又可以揀辣度同酸度，選擇自己既口味呢度最令我驚喜係可以90分鐘內無限添加鴨血同豆腐（只限鼎王麻辣鍋），而酸菜白加肉鍋則可以添加酸菜，亦都因為甘，佢地係會加反本身個湯底，唔會好似出面甘加水，唔會愈食愈淡，而我最想讚既係，呢度既店員係非常主動幫手添加，絕對可以食到你唔想食為止濃香豆皮店員介紹呢款要碌三至五分鐘，佢有啲似炸咗嘅腐竹，索曬個麻辣湯超好食，而且店員話佢係台灣直送到港，個人覺得係必食推介牛拼盤 （4人份）好可惜無2人份量，只有4,5,6人拼盤有黃喉，碌8秒就食得較深色既就係封門柳，另外就係牛邊爪同牛頸脊個人最喜歡就係封門柳，因為肉味較濃，而且脂肪唔會太多爽脆白鱔片比起之前出面食過既厚身，唔會太薄手打花枝丸朋友超愛，非常彈牙，而且真係有花枝在內原來食酸菜都夠下次菜都可以唔叫不停refill出面有d醬汁可以加，但其實湯底已經好夠味了飯煲入面既白飯係任裝架…查看更多

之前得一間分店喺新蒲崗嘅時候已經食過 嗰時好多人已經要排隊等位，終於等到開分店咁啱今晚去朋友家食飯 就叫咗幾個小菜上去加餸一入到舖頭就見到靚靚鹵水鵝唔記得預先打電話落嚟叫定外賣所以唯有喺門口等，好彩門口都有凳畀我哋坐落黃油烏頭 潮州特色係凍食，就咁睇都可以見到啲黃油黃金雞軟骨幾香口比平時出面食嘅大粒，可惜外賣凍左鹵水鵝片食潮州嘢一定要有既，砌到厚薄適中 鹵水入味 肉質又唔會柴脆蛋拔絲咕嚕肉 無骨嘅咕嚕肉食落去啖啖肉，肉質鬆軟，食落好開胃潮州蠔餅 蠔餅都係唔可以唔叫既可惜外賣凍咗，令到蠔餅冇咁脆口 但要讚反，呢個豪仔偏大粒，重料糯米釀大腸 就係呢個餸令到我哋外賣等耐咗 要叫呢個餸嘅朋友要預早少少叫了，店員有解釋因為呢個大腸要有蒸同埋煎，多功夫，所以煮嘅時間會耐d叫咗兩款燉湯 五指毛桃無花果燉烏雞功效: 去濕，降火，降三高蟲草花雪耳燉雞功效: 增強免疫力，抗衰老，潤肺，養顏…查看更多

屯門終於有流水蝦放題喇，唔洗再岀去甘遠每張台側邊都有個缸， 入座嗰陣店務員已經介紹檯面細兜可以出去攞冰加水，作用係要你將蝦夾落去令到佢凍暈，如果唔係蝦太活躍就好難燒架喇除左大頭蝦，岀面仲有生蠔，鮑魚，螺，沙白，花甲最重要係成條魚都有得燒，而且仲有幾款種類其中有烏頭，深海泥鯭，黃腳鱲，紅衫魚蔬菜類肉類+丸類仲有自助飲品區，另一邊有多款花茶，清酒同梅酒都可以任飲架湯，糖水，熟食，驚唔夠飽個可以煮個烏冬食下個爐2人用都ok，可以燒到好多野台面有晒海鹽，辣粉，燒烤粉，孜然粉可以加係海鮮到另外我地係岀面羅埋蒜蓉，味蒜，加落生蠔到好似以前北上食燒烤個種感覺串白蟮好肥美，好正，不過無得任食架之前睇過教學，蜆類可以放係錫紙盆，加蓋，之後放去中間個層燒，咁樣可以慳位啲，我仲加埋清酒落去煮添，好鮮甜丫，又夠大隻數唔到今晚食左幾多蝦隔離個缸如果無蝦，店員會好自動幫手加蝦，唔驚唔夠食或者有限制住食幾多最後燒多條魚就好滿足，條魚燒到皮脆肉滑…查看更多

新鋪原來搬左係瓊華，呢度環境乾淨，坐得又舒服好多，仲可以望到岀面個環境添一來到，鐵板已經準備左係度，開火，等d蛋煮熟就食得醬汁放晒岀來，可以選擇自己想要既調味，我就每樣都羅左小小反去試下另外而家變左自助形式，除左醬汁，冷盤都可以隨時羅泡菜都有2個款式，仲有芽菜，青瓜，大豆芽，蘿蔔，新鮮生菜，想食幾多就羅幾多反去生菜色澤翠綠，唔會好似擺左好耐甘其中一款泡菜較酸，各位可自行選擇韓式烤豬皮 $138Q彈脆口，我都係第一次食，燒既時候佢會燒岀到好多油份，如果驚太油膩，可以加生菜一齊食喜來烤肉 $158呢款算係招牌菜，個底有小小醬油浸住每邊燒幾秒就已經食得，呢個大家可以一試牛肋骨肉 $150係牛腹附近既肋骨位置，口感較鬆軟，會有層薄薄的筋膜護心肉 $158平時好少見，朋友話呢個係豬珍貴既部位，味道濃郁，幾有咬口豬肉泡菜湯 $80每次食韓國店都會必叫食物，唔洗多講…查看更多

疫情關係，少左好多岀來食飯，所以而家都會揀d有水準既餐廳幫襯，火鍋撚一向都唔會令我失望先來個鴛鴦湯底，揀咗麻辣鍋+係蜂巢豆腐鍋因為只係叫左小辣，唔算好辣，鐘意食辣既朋友可以揀中辣，留意反本身2邊鍋入面都已經有鴨血同蜂巢豆腐架喇打邊爐點可以少得叫反個飲品，點左渣杞子龍眼菊花蜜，菊花味比較重，分量可分到6小杯呢度每樣食物可以揀半份/1份，呢點真係大讚，滿足到我地細食既女士們，可以每樣都叫d來試下珊瑚蚌+桂花蚌跟足指示，灼10秒，時間岩岩好！又爽又鮮甜白蟮片本身唔知鍋入面有鴨血，所以另外叫左一份韮菜餃呢個新鮮紫淮山係限量架一定要叫來試下脆骨腩 +新鮮魚卜骨腩夠脆魚卜唔係度度都有架安格斯肥牛呢度只係半份份量，油花分佈均勻，肉質都好香嫩生菜+皇帝菜即炸3秒響鈴卷呢個係即炸架，隔離仲配埋個甜酸汁，就甘食又得，放落湯底灼3秒再食都得，2個味道我都好鐘意最後埋單，仲送每人1杯腐竹雞蛋沙冰設計夠晒特別，味道都好神奇，第一次試到呢個感覺，好似食緊凍既腐竹雞蛋湯水甘…查看更多