mimilovemeow的個人專頁

估唔到搬到嚟錦田，可以遇見「海圖」今晚嚟到食個Early Dinner,認真！如果唔係喺其他社交媒體知道佢哋喺度開舖頭，我哋唔會專登行過嚟😌今晚我哋食咗：黑松露烤菇燕麥白汁意粉🥹對於有乳糖不耐症嘅我，真係好感動，終於有餐廳會照顧到我哋嘅需要，唔知係咪因為用燕麥奶去做白汁，感覺有啲淡淡甜味，但又唔係加糖果種甜，但係都好好味嘅。西西里紅汁大蝦意粉☺️大蝦是彈牙的，喜歡意粉入面嘅配料都有小蝦喺入面😁兩個意粉比想像中大份，但因為太好味，偏向細食嘅我哋都清哂😋飲品方面，嗌咗兩杯凍飲Apple Rose 同埋 Orange Earl Grey正常發揮，反而唔知係咪橙漿太搶味，蓋過咗Earl Grey 嘅茶香對於整體食物質素評價好滿意，服務也很貼心😊真係好開心喺錦田搵食終於有選擇😊…查看更多

PHI 分店都唔算少，但係我都去過好幾間，yoho呢間真係印象最深刻😡因為yoho呢間喺屋企附近，之前都去過其他分店，確實出品都唔差，服務態度又好，呢間分店我去過3次，今次真係最後一次😡第一次，啱啱開張，上菜慢，我都體諒佢第二次去，明明間舖開朝早9:30，我都已經11點幾先至去，成間舖得一個樓面，然後有8成檯都未執，個女侍應安排我坐咗張二人檯，佢執完上一位客人食完果個餐，但係佢無重新比套餐具我，話知道上一個客人無用過，我真係無言，然後我坐咗10分鐘，都係無人幫我落order ，所以我走先⋯⋯然後尋晚，我同仔仔去食，只係食咗一個鐘都未夠，個侍應已經過嚟問要唔要上埋個班戟，大姐啊！細路仔食得慢是常識吧！我都算，諗住幫吓手等你返檯返快啲，生意難做，點知我叫個店長可唔可以幫手換過啲新碟比我哋食班戟，佢竟然：「得啦！一陣就幫你換啦！」 心情唔好，可唔可以唔好發洩喺我哋身上？唔知PHI嘅管理層可唔可以改善下呢間舖嘅服務態度？…查看更多

幾個同事仔，期待咗差唔多成個月嘅gathering ，結果未食完已經失望到極點。我哋4位女仕，每人最低消費係要叫一個餐，份量係幾多嘅，仲要送咗份西冷，我哋其實真係食得幾吃力😥呢個咁一人一個餐嘅policy，真係好屈機掠水😑入到去其實無咩可以比你揀，因為只係得3個餐，唔太肥，幾肥，同好肥嘅和牛，因為好肥果款無貨，所以只能夠揀剩低果兩款落完單，唔知係咪佢哋太得閒，張檯又細，啲侍應仔又係咁上菜，我都唔知點執比佢好🙄，喂呀！大家都知食呢啲真係要啲時間，佢哋唔應該將限時交枱就set得咁短囉，食餐飯都趕頭趕命咁。我哋4條友，得一個咁細嘅pan ，真係要唔停手咁煮先趕得切，由於實在太油膩，我就問個女侍應可唔可以換過個新pan比我哋，因為我唔想啲菜都索哂果啲油，結果個女侍應反咗我白眼，仲要係一句說話都冇講，我問佢係咪唔得，佢繼續唔出聲，果種笑容好似笑緊我哋低B咁，另一個男侍應行過嚟就正常態度，我先覺得我哋唔係有問題。整體來講，食物質素尚可，服務態度好差，價錢方面就……我覺得呢個價可以再搵到間好食好多囉！…查看更多

今日約咗朋友去新蒲崗食lunch，之前都幫襯過一次，但今次真係好難食🤮我哋入座嘅時候係11:45 ，得返lunch set嘅餐牌，睇啱食乜就開始落單，馬尾冇四眼嘅女侍應負責落單，我哋問佢今日餐湯係乜嘢，佢話唔知….我答佢「咁你去睇吓啦」，佢返到過嚟，竟然同我講落單要15分鐘之後先有得食，我話唔緊要，咁餐湯係乜嘢啊？佢好似如夢初醒咁，話要再睇睇，落完單，我哋足足等咗30分鐘先有得食，首先嚟咗兩杯嘢飲，感覺上係全餐最好㗎喇！餐湯係甘筍湯，我諗鮮榨一杯甘筍汁都仲杰過佢，我好似飲緊甘筍水咁😵⋯⋯主菜係蕃茄煙肉蘑菇意粉，我一片蘑菇都搵唔到，味道係超咸。我朋友叫嗰個係忌廉黑松露雞肉意粉🍝⋯⋯侍應擺到上張枱度就已經同幅相一樣，好似俾人食過咁。多謝佢呢間嘢，令我咁想寫一篇食評，服務差質素差，以後都唔會再幫襯。…查看更多

住喺錦田，食完lunch 經過，見無咩人排隊，咪同朋友仔入去嘆個啡，hea吓😌環境算係舒適嘅，店員安排我哋坐和式嘅位置，呢啲位，真係啱哂啲只求打卡，而並非對食物有要求嘅人，我哋分別嗌咗杯Mocha 同埋 一杯 Long Black.似乎呢間小店，都係sell 食物賣相、sell打卡位而並不是食物/飲品嘅質素😒嗌咗兩杯熱飲，但係一飲…….好似已經放咗好耐咁已經是微暖，口感好差，Long Black入口是酸的，可能有人會喜歡這個口味，但自問不懂欣賞；至於Mocha⋯⋯拉花係幾好嘅，不過而家仲有邊間咖啡店拉花係唔靚㗎😌面果層係冰凍嘅奶，底下的咖啡一樣是微暖，連朱古力碎都溶唔到，仲係可用匙羹畢到一粒粒☹️整體來講，應該去一次就夠🙁…查看更多

今日同同事去呢度食lunch，一向都有去開呢間食lunch，因為選擇多，價錢合理之餘質素都算唔錯，環境又坐得舒服😌但因為自己想食輕lunch ，所以就只係叫咗個蛋治烘底，同埋一杯熱華田少奶。😌雖然只係一份好簡單嘅蛋治烘底，但係堅有質素，塊包厚薄適中，仲烘到外脆內軟😋😋，個蛋炒到全熟但超滑，啱晒要食熟蛋嘅我🥰，對於一向鍾意食包嘅我，真係好難得搵到一間整份蛋治都咁好味嘅餐廳😌至於杯熱華田少奶，除非你係同我一樣飲咗十X年，如果唔係真係好難明白我講乜😅華田少奶，可以沖到唔駛加糖飲又唔會太淡，又唔會少奶到好似齋用華田粉開之餘，又唔會太濃或太淡，其實真係好巧功夫，但呢度真係沖到😎整體來講，呢間餐廳大部份嘢食都好有水準，希望一直keep住咁好😄…查看更多

星期二下午，約咗朋友去沙田食飯，睇見呢間餐廳門口個open kitchen 嘅salad 菜好新鮮，相信入面啲嘢食應該ok啩。環境都算闊落，我哋被安排坐喺收銀機隔離張檯，不過呢度張張檯個地下都有個拖板，用嚟插電爐個插頭，真係好容易click 到🙃希望餐廳會注意下⚠️套餐都唔平，介乎160-200，午餐嚟講係偏貴我朋友就叫咗個吉豬套餐，我就叫咗個鱈魚餐。吉豬大大件，米飯都好味，麵豉湯有啲怪味，沙律菜🥗好新鮮，咖啡就差啲啦⋯⋯至於我果份鱈魚餐…….個沙律菜佢竟然用咗豉油嚟撈😖😖😖咸到喊，鱈魚柳新鮮，無油膩感，麵豉湯一樣有怪味，綠茶係一壺上，唔錯。服務就唔好有期望啦，我哋坐喺收銀機隔離張檯，個男侍應就全餐喺架機前面唔知整乜，又係咁整啲單，仲有紙碎飛落我哋杯嘢飲度，叫佢換過杯新，連「唔好意思」都無講，一粒聲無出就收走杯野，然後粒聲唔出又放低杯新嘅🙁⋯⋯我諗唔會再幫襯呢間啦，呢個價錢，可以有更好嘅選擇。…查看更多

剛搬入錦田無耐，有日偶然經過發現原來有間好有格調嘅居酒屋，今晚專誠同老公一齊去試吓😬入座果陣未夠7:00⋯⋯好明顯啲人未返到入嚟，所以得我哋兩丁友包場咁🤗餐廳仍保留瓦頂嘅裝潢，更加突顯古舊風格，真係好似喺日本居酒屋咁🤭我叫咗個大蔥雞肉咖喱飯老公叫咗個吉列豬扒蛋蓋飯再追加咗一串茄子、一串煙肉蕃茄Order完仲同個廚吹咗陣水，原來佢真係好吹得，😂⋯⋯可惜傾唔夠10分鐘，啲客就開始湧入嚟，又堂食，又外賣咁，下次實有機會再傾過嘅.....整體來講，食物質素算係唔錯，環境好整潔簡約，下次一定會再去幫襯😁…查看更多

今日同老公一齊放大假，專登嚟呢度食Lunch，因為見到開飯網嘅食評，話呢度食品質素唔錯，尤其係個All day breakfast，所以就嚟試吓啦⋯老公叫咗個雞扒意大利包我就叫咗個期待咗好耐嘅All day breakfast 🍳 兩個餐都令我哋真係好失望😞首先，值得讚嘅係餐湯，南瓜湯確係幾好味，仲配咗塊好似餅乾咁薄嘅多士😒，所以特別脆，仲以為我果份All day breakfast 嘅多士會好啲⋯⋯點知🙁🙁份All day breakfast😭有：兩塊超薄方包整嘅多士，半隻無乜味蕃茄，兩片只係輕煎嘅肥膏（其實係烟肉），兩隻半生熟太陽蛋，一小篤暖嘅茄汁豆，兩片超級普通嘅漢堡扒，一塊炸到就燶無薯味嘅薯餅（老麥仲好過佢），一口沙律菜一條豬肉腸仔一小篤磨菇同埋一小片薄過紙嘅煙三文魚，真係要好細心先搵到。份量係大，但質素好差，好唔值呢個價，我寧願比多二三十去隔離街果間食😑至於果份大雞扒意大利包，個包硬到好似隔咗幾晚夜，無焗過就淨咁拎出嚟比您食咁，塊雞扒除咗大之外，茶餐廳嘅炸肶仲好食過佢，成碟嘢最好食，應該係薯條。成餐飯，真係物非所值，我諗唔會再有下次…查看更多

今晚忽然好想食拉麵，上開飯網見到元朗有間新拉麵，仲有唔錯嘅食評，咁就試吓啦！裝修主要都沿用返上一手嘅裝修，店員都好熱情介紹一下佢哋嘅拉麵👍🏻👍🏻老公要咗個原味湯拉麵我就叫咗個辣味噌😋湯拉麵（其實有沾麵揀，不過我哋比較喜歡湯麵）配料有一粒糖芯蛋，木耳，好嫩口嘅雞胸，大蔥&洋蔥湯底係好濃嘅雞湯，麵是粗麵，每一條拉麵都沾滿雞湯，好好味😋雞胸亦好香雞味又唔鞋😎😎老公個原味湯底，濃濃嘅雞湯味而我果個雖然係辣味味噌，但亦無蓋過濃濃嘅雞湯，好正。呢間小店的確唔錯，多謝佢哋令到元朗有間好味嘅拉麵店😙…查看更多

大年初三，錦田真係無乜食店會開門，經過双喜，都有啲猶豫，因為開飯呢度都算幾多人比劣評😌但因為太肚餓，所以都係決定坐低試吓。點餐紙又唔算好難處理，我仲覺得好清晰添😗呢度做街坊生意就梗架啦！呢啲先係小店嘅特色嘛，環境都算乾淨企理，坐得舒服，店員服務質素又唔錯呀🤔又唔算差，叫咗兩份早餐，無論煎蛋，豬肉腸，多士，細緻到果舊牛油都覺得呢間小店係喺食物上有用心的，間餐廳都坐得爆爆哋，但上菜都超快🤨整體嚟講，我都好滿意呢間餐廳😋…查看更多

終於等到疫情緩和咗啲，難得約到兩個朋友仔，諗住一齊食吓好嘢，平時行過呢間餐廳，睇過餐牌好似都好多選擇，點知...........原來午餐只有5個指定餐比您揀無辦法啦，咁我兩個朋友分別叫咗一份5成熟嘅牛扒 & 一份7成熟嘅牛扒，我就叫咗份青衣魚柳。叫咗7成牛扒果位朋友，睇住佢用把牛扒刀千辛萬苦先切到一小塊食，食完都頂唔順，因為真係好靭，咁咪問吓侍應可唔可以轉囉，個侍應就好溫和咁話，因為係7成熟，所以會比較靭啲🤦🏼‍♀️其實我真係唔明點解佢講得出，好彩我仲有個朋友叫咗份5成熟，如果唔係，我哋都唔可以事實證明其實5成熟都係咁靭侍應就問咁會唔會轉過第二款？朋友本身唔食辣，但喺無選擇嘅情況之下，無奈地揀咗個香辣蒜香大蝦意粉🍝⋯⋯佢唔揀食魚柳，就係因為佢見到我果份魚柳伏味濃嘛我果份魚柳得我半塊手板咁大，仲有係考師傅刀功嘅薄，整體上我食完之後，都好似無嘢落過肚咁🤦🏼‍♀️至於個意粉就......有陣好怪嘅油益味，同埋啲蝦有一陣雪藏味咁囉個午餐價錢係包一杯咖啡或茶，+38蚊就可以升級有自助沙律吧，甜品，跟餐湯同有個小包午餐就一定唔會再有下次，晚餐就要認真考慮下…查看更多

大熱天時，爬到半山先嚟到呢間小店，果然無令到我哋失望🤓同老公出中環拍拖，上開飯網睇吓有咩好食，就搵到呢間lu😗，爬到上去真係汗流浹背💦，因為我哋6:00鬆啲就入座，所以一去到就有位，餐牌有好多嘢都想食，終極叫咗個套餐，套餐有一個湯、五選一個飯、五選二個串燒、五選二個燒物，另外叫咗條燒鯖魚😋一個套餐有咁多嘢食，我諗除非你好大食，如果唔係應該食唔晒😅每道菜都好好味，因為飲品確實有啲貴（可樂都要$48），所以飲水都好ok.，店員仲無間斷幫我哋加水，非常熱情，老闆都好親切（應該係老闆嚟😅），小店環境尚算闊落，不過唔好太奢望可以一大班人一齊坐😅整體上，對於呢間小店非常滿意，下次去中環一定會再幫襯😋…查看更多

呢間台灣小店喺OpenRice 咁高評價，難得經過又唔駛排隊，就入去幫襯一下😌疫情期間，竟然要同人搭檯，仲要好逼，感覺真係有啲唔係咁好，不過，都無計🙁嚟到呢度，梗係要試吓人人都激讚嘅紅燒牛肉麵😊⋯⋯先試個湯，食唔出果陣古早味，亦都形容唔到係咩味，麵係幼麵嚟，林到好似浸左好耐咁，口感似係overcook 嘅公仔麵咁☹️⋯⋯牛肉嚟講真係好重份量，但無乜味，真係好失望仲有叫咗份肉燥豆苗，份量好細，原來係「清水」烚完，加大概一匙羹肉燥落去，如果唔係浸一浸碗麵啲湯，真係連味都冇，咁就收我三十幾☹️最後係叫咗杯凍黑糖珍珠奶茶，可以佢個茶底實在太熱，嚟到一飲落去，只係覺得係一杯溶晒冰，室溫嘅嘢飲，無茶味，但啲糖就gel住哂條喉嚨咁☹️…查看更多

聞說呢間係新蒲崗某餐廳嘅分支，所以同兩個好朋友去朝聖吓🤨，揀咗個happy Friday 食晚餐，因為知道要排隊，放工已經急急腳去排，點知6:50pm到，足足等咗一個鐘先入到去😌⋯⋯餐廳坐位都算唔小，有廿零三十個左右，座位就麻麻哋舒適囉😐我哋叫咗買樣嘢食，「黑松露野菌猫耳朵粉」，「水牛城雞翼」，「BC All Day breakfast 」，最出名嘅pancakes.....揀咗個橙口味😋我覺得每一樣都好出色，好好味，服務態度都幾好嘅，不過啲碟就有啲油淋淋咁，好似未洗乾淨咁，同餐廳環境有啲格格不入🥴雖然真係要排好耐先等到位，但食到咁高質嘅食物，真係好值得🥰…查看更多