sunshine kitty的個人專頁

約朋友到尖沙咀午餐, 不想飲茶食點心, 於是揀了上海老飯店, 是薄有名氣, 但估唔到離地鐵站有段距離, 而且要上樓梯. 吃過之後就覺得值了.沒有想過要吃什麼, 所以揀了些平日少吃的, 例如牛展, 沒想過普通的牛展竟然會這麼好吃, 薄薄的一片, 有牛肉和麻油香味. 叫了芝麻蝦多士, 切開了细塊, 每一塊都嚐到芝麻蝦的香味, 和鬆軟的多士. 我們叫了蓮藕夾, 薄薄的蓬藕中間夾住蓮藕, 十分好味. 就算普通的小籠包都十分好味, 好香的肉香味又多汁, 另外叫了鍋貼和蒸餃都好味. 美中不足的是薰蛋比其他餐廳遜色.侍應生都好似上了年紀, 但服務十分好.…查看更多

而家阿拉斯家蟹當造, 價錢平了, 肉質肥美, 於是相约到海港吃蟹. 我們幸運的揀了一隻7斤的蟹, 後來聽到有人說他們揀到4斤幾的, 早到酒樓早揀是精明的. 我們加$100做花雕蒸蟹, 更帶出蟹的鮮味, 之後加$100用蟹羔炒飯, 味道ok. 吃蟹前我們叫了半隻燒鵝, 吃蟹後叫了兩碟菜, 我們一行6人食物份量剛好, 好満足的一餐.之前看食評說厕所污糟, 有點擔心, 去廁所時果然污糟, 嚇得我即刻退出來. 怎麼可能這年代, 在北京道一號的餐廳, 有這麼污糟的厕所. …查看更多

朋友話搭巴士見到這餐廳好想嚟, 於是约我. 好遠來到這在土瓜灣的餐廳. 這餐廳沒有令我失望, 餐廳裝修十分日本化, 有去咗旅行的感覺. 食物水準不錯, 我尤期喜歡它的薯仔沙律, 和牛蜜瓜, 和那蕃茄漬物. 和牛蜜瓜的和牛軟滑, 蜜瓜多汁和甜； 蕃茄漬物酸酸甜甜.近江牛飯的牛肉軟滑, 不過我覺的要落少少鹽好味些, 飯是日本珍珠米.…查看更多

约朋友吃午餐, 朋友提議去這間餐廳, 心想外出餐酒店做買一送一, 二, 三百蚊一個自助餐, 一般西餐廳怎樣經營. 但在Openrice 有七百幾個like吸引了我去. 午餐是意粉和意大利飯, 羊架有3塊$118, 我就叫了羊架, 味道是出奇地好, 怪不得有那麼多like. 我們6個人叫了4個加錢的頭盤, 味道也十分好, 埋單每人$138. 今天可能因為下雨, 沒有其他客人, 我們在那裏很愉快和悠閑地一起吃了一顿美味的午餐.…查看更多

前幾天約朋友到尖沙咀吃午飯, 想起好耐冇去這間老店. 好耐冇去是因為這店經常爆滿, 有點嘈, 唔會平. 今次到訪, 有七成滿, 所以唔嘈. 夥計好忙, 他們多數上了年紀, 但應變都好快. 食物味道幾好, 醉乳鴿和芋泥鍋餅有驚喜.…查看更多

做完gym去搵食, 經過這餐廳, 朋友問是否ok, 見餐牌差不多二佰蚊一個set lunch, 有點貴, 都係入咗去. 餐廳出面有個小花園, 好relax, 上去二樓, 驚喜不斷, 裝修十分漂亮, 好似入了古堡, 食物也十分好味. 服務員問我們主菜好吃嗎？是他們剛轉的新menu, 十分好味, 我們真有福氣. 不過是日餐湯是凍湯, 我們沒有試. 甜品要加$38, 我們二人只加了一份, 十分好味, 鬆化可口, 像一陣風.…查看更多

喺西環做完運動搵嘢食, 朋友帶我來她常到的餐廳. 在門口入內, 侍應十分好招呼. 入到裏面, 地方十分寬敞, 裝修漂亮, 有點去了歐洲的感覺. 可能是平日中午, 沒有太多人. 侍應奉上兩杯暖水, 十分貼心. 我被$88優惠午餐吸引入內, 原來是包餐湯, 十分美味, 優惠午餐味道也不錯. 如果不要湯可揀沙律, 是他們自家製的水耕菜, 很新鮮. 朋友叫烤雞, $145, 雞肉又香又滑. 加了$10要了杯咖啡, 十分好飲. 這兒真的是一個很舒適, 適合相聚聊天的好地方. 埋單時同一侍應很貼心的叫我們記住再次光臨, 我估她是老闆.…查看更多

聽說元朗有好嘢食, 行完元朗公園便去搵食. 這間小店內裏好逼, 但配合今天的陽光和微風, 坐在外面好舒服, 見到有人帶來寵物坐在外面. 小店價錢十分親民, 食物好味, 相信店主是個很好的人. …查看更多

睇咗餐牌好耐才發覺有名的“龍蝦湯泡飯”是不包龍蝦的, 於是便叫“龍蝦泡飯”. 同行共4人都不是大食的人, 本想叫兩份龍蝦泡飯算了, 但餐廳規定每人要叫一份餐, 餐牌冇講. 侍應生叫我們加多一份花膠雞湯和一些小吃. 花膠雞湯是好味的, 但有名的龍蝦湯味道卻一般. 叫了這麼多東西吃, 當然吃不完, 想帶走, 侍應生卻說不可以帶走. 真的很奇怪, 既規定每個人要叫一份餐, 明知道吃不完, 又不可以帶走, 多麼的不環保. “龍蝦泡飯”有幾個價錢, 雖然我們晚上六時到達, 但就只有貴價錢的“龍蝦泡飯”, 十分奇怪. 貴價的“龍蝦泡飯” 只是多一些材料, 不明白為何會少些材料的泡飯會賣完. 在小店坐的當然不會舒服, 吃的不是特別好味, 花人均$150吃的一餐真不知是如何的感受.…查看更多

今天老公wfh, 疫情又稍為缓和, 打齊針可以入餐廳, 相對安全, 去海邊法式餐廳試試. 我們兩個人叫兩個餐share. 叫侍應俾多個碗我們分湯, 佢俾埋匙羹, 之後share沙律, 佢自動俾兩隻碟我哋share, 服務很好. 食物味道唔錯, 甜品好法式, 食咗法國餐當去咗法國. 心滿意足的一餐.…查看更多

今日老公 wfh, 去海邊試下新餐廳, 平日lunch比較抵食. 網上食評麻麻 , 所以不太有期望. 或許是好彩吧, 服務好好, 知道我們是分享的, 主動幫我們把湯分兩隻碗, 拿兩隻碟給我們分享其他食物. 雖然餐廳價錢略貴,但食物美味, 坐位舒適,服務好, 這樣舒適的吃了一餐, 抵. 食物推介- 青口.…查看更多

前晚去香港文化中心看表演，之前會在尖沙咀晚飯。這晚來了忠孝東路，不十分多人，一向在看表演前到ISquare 吃飯都不十分多人。其實也沒什麼期望，就是兩個人叫一碟肉，一碟菜，一碗湯。驚喜的是白飯，竟然在ISquare小店內吃到可能平生最美味的白飯，煙煙韌韌的，不硬不太軟。叫的竽頭炆雞，麵鼓酱炒A菜，味道也不錯。…查看更多

來了兩次，都沒有令人失望。店內沒有特別裝修，座位沒特別舒服，是小店一間，價錢不特別平，也不特別貴，但味道不錯。在西貢這個很多美食的地方，味道不好又怎能站得住腳。不用飛去星加坡，可嚐到星加坡美食，我覺得很抵👍…查看更多

星期五晚睇show時見到這間餐廳，睇完show 仲見到好多人，而且見到 menu 有海鮮湯，就諗住明天下午要來一試。星期六下午兩點來到，不用等位。餐廳內佈置好似去咗巴黎咁，十分舒適。因為星期五晚和星期六早上吃得很多，中午不可以叫太多，兩個人只叫了海鮮湯，炒磨菇，士多啤利疏夫利。因為有麵包，所以是夠飽的。海鮮湯，磨菇和麵包好吃，但想說的是士多啤利疏夫利，好味到不得了。微酸的疏夫利加上微酸的士多啤利汁，加上甜甜的雲尼那雪糕，好味到不得了。…查看更多