同事話好耐未試過一齊食飯，講講下就話去食雞煲喇，因為我本身都冇乜所謂，都無參與討論就跟埋去食啦。討論辣度嘅時候大家得出結論係死就死啦，叫咗中級惡魔雞煲，其實都算係越級挑戰，我地幾個人其實係得1個可以食得好辣，其他都係一般。只不過次次都係叫少辣，好似冇乜挑戰精神，跟住食完又話唔夠辣，所以今次大家就試下中辣，睇下邊個頂唔順先。開蓋即係聞到雞煲嘅香味，加上好似有較平時辣嘅氣息。一食就知係辣過平日好多，食到成頭汗，好彩D飲品係可以任飲，打邊爐食雞煲點可以少咗飲料，任飲任食先夠過癮。火鍋要咗芫荽皮蛋湯底，再揀麻辣湯底嘅話應該會辣死或者肚痛。配料有好多種類，全部可以自己任攞，根本食唔晒咁多嘢。真係好抵食！串燒味道正常，有廿幾種食物可以選擇，我地點左好多嚟試，粟米燒過好清甜，豬頸肉，牛肉，多春魚都好正。咁多選擇又可以食盡雞煲，火鍋同埋串燒，每人俾咗$300仲有錢找，真係好彩有跟埋去食咋!…查看更多
