rexfan2001的個人專頁

除咗入場時，有職員帶位，其他時間職員都係全集中唔係幾睇到我哋。1:50入場，點11款食物，已無乳鴿、咖喱魚旦。轉眼食物到齊，用點心紙畫飛追加叉燒，同多一籠小籠包，小籠包最後都無嚟。短短個零鐘用餐（限90分鐘），見到職員向另一個職員咆哮，經理叫佢低Key少少，又見到職員打爛嘢。$190叉燒嚟到，豬肉非常緊致，小朋友食完都係放低半舊喺碟，老人家見到賣相就食都冇食。成餐飯食得好開心，6個人先$1200蚊！抵食！…查看更多

點咗串燒六串，馬拉盞炒通菜，芒果蟹肉炒飯，燒鮮魷。串燒明顯係炸，不是燒出來的，連平時10分喜愛吃串燒的細路，吃了一串也就停手了。牛肉嘅底味10分鹹。馬拉盞炒通菜炒得唔夠惹味。芒果蟹肉炒飯尚可，蟹肉夠多。燒鮮魷餐牌圖片上面是一圈圈的，燒出來上枱的，切成一片片，又大塊又厚，冇乜燒烤味。舖頭嘅裝修比煮嘢食嘅功夫到家！…查看更多

平日去食，點咗set lunch，蘑菇濃湯，香辣龍蝦炒意粉（加$20），埋單$185。蘑菇濃湯，味道偏鹹，溫度只係屬於微暖。香辣龍蝦炒意粉，好多辣椒，龍蝦肉堆埋只有一隻龍蝦鉗嘅份量， 令人失望。凍檸檬茶，茶記都會好飲過佢沖。有機會，我唔會再試。…查看更多

之前次次食雙拼燒味飯，碟飯細，餸又少，但價錢平算係咁。一試與別不同的金牌四寶飯就中招，點估到你會畀豬脷同豬大腸，呢啲點會計係燒味。我又唔係食緊車仔麵。無下次。但都會間中幫襯😔因為唔多人。…查看更多

見到呢度無乜人出相，決定幫Cafe Too做個介紹，因為無乜近照，本身我都係抱住15-16嘅心態嚟食。唔知會唔會好似好多年前咁，無乜嘢食。星期日晚嚟食，成人75折，小童半價，少貴，但慶祝大女生日，值得。當晚出奇地超多種類食物。有龍蝦、蟹腳和牛、燉湯，藍旗吞拿魚。甜品仲有兒童嘅candy corner (爆谷試咗太鹹），其他薯條，糖果都係小朋友至愛。現場仲有臉繪服務、Alice in the wonderland人物、魔術師逐枱陪你玩。雖然我食咗頭圍，就繼續肚屙（當日本身腸胃炎、與自助餐食物無關）坐喺廁所嘅時間多過坐喺餐廳入面。飯後，太太離開餐廳後發現婚介不見了，職員立即幫手總動員去搵。後來發現跌咗喺小朋友食具袋入面。呢度十分感激當日嘅餐廳職員全力協助！🙏🙏🙏🫶🏻…查看更多