MLCHW的個人專頁

同行4人 book左7點鐘準時入坐帶位店員一句無尾音「限時90分鐘」就行開左，已經覺得有點突兀。-叫左一個4人餐 野食黎嘅速度唔慢但佢張枱唔算大張 所以野食開始黎齊，其實唔係好夠位放。最神奇嘅地方黎喇上菜嘅店員拎住碟食物企係枱邊望住張枱無位 佢唔出聲 亦都無動作 仲poker face咁？？？過左5秒到 我地咪幫佢整理下d碟 等佢有空位擺低 佢擺低完一句唔該都唔講就行開左。-跟住另外叫左個甜品 係窩夫黎，餐牌顯示要入座半個鐘內落，但我地落完佢好快就上左個甜品，但主菜嘅野食都未食完 所以搞到窩夫上面嘅雪糕溶，我地迫住一路食主菜 一路食甜品。亦都重複發生多一次枱面唔夠位 侍應唔出聲嘅問題…-漏單情況都有出現有兩個餐湯去到尾聲都無黎我地先醒起（用餐時間仲有三個字）就同侍應講聲 果個侍應亦都無講任何野，正常應該會講聲幫你跟下/睇下出左未？佢聽完就行開左 而個餐湯去到最後終於黎到同埋個侍應終於有講野「用餐時間夠 幫你埋埋單」-總結成個用餐過程睇得出員工之間相處係好因為佢地會係出餐區附近有講有笑-只係去到食客果到就無曬笑容 同埋係最基本嘅溝通都無講真 4個人食左1300蚊到係差唔多價錢但野食嘅質素真係有待進步都好努力諗有邊方面值得讚下冬陰公湯係幾好飲嘅門面同埋裝修係幾特別嘅不過如果有人餐我食多一次我都唔會再考慮食呢間。-同埋呢間鋪有間姊妹店叫The old book store by the so lonely club希望果批員工會比呢間好少少🤏真係唔洗多 識得基本溝通就夠…查看更多

終於！終於試到安平燒肉喇😍因為今日早收工 卜左5點半果輪時間食（係優惠時段）入到去覺得地方都好寬敞我地兩個人都有張卡位一坐低落order(係用電話scan QR code落）食左小食同埋叫左d牛醬料方面都有好多選擇其中有個係黃金醬幾特別原來係用左蔬菜汁加麻醬整成用黎點牛同菜都出奇夾咁難得黎到就緊係試最貴果個餐係澳洲M5和牛任食一開始仲有1份牛舌芯送兩個人有4條好珍貴 因為無得再order好軟腍而且好夠味 好好食再黎就到主角出現當然除左和牛 都要試下佢其他款嘅牛安格斯算係厚切但燒完唔會咬唔開極黑牛個牛味重過安格斯 而油香都好好主角M5和牛最出色油香同牛味都最濃而且佢切出黎唔孤寒 算好大塊同埋值得一讚嘅係上菜都好快唔會拖你單 同埋質素都keep到每碟都咁靚（已經唔記得左呢碟係第幾碟）呢到仲有個櫻花蝦飯可以任裝紫菜，櫻花蝦，同埋滷水汁任你按比例加用黎送牛肉係一流另外仲有樣野值得食就係佢個海鮮！大大隻虎蝦同帆立貝都好新鮮（係飲品櫃見到有apple cider 試左罐 好似無見出面有得賣同埋個中文名幾得意😂）一人一杯雪糕做結尾最後想講下d侍應勁好禮貌個網燒到咁上下會主動過黎提我地話燒完呢個可以主動揮手叫佢地過黎換網收碟上菜速度都好快…查看更多

想試好耐嘅其中一間韓國菜餐廳每次去都排曬長龍 望入入面唔算細樓面可以坐40人到 但晚市一定滿曬座入到去坐低發覺佢嘅裝修真係好韓國feel有種真係去左韓國嘅感覺見到有個必食系列嘅熔岩炒飯緊係想試下就點左泡菜蛋漿熔岩炒飯店員直頭會去你張枱到燒好快就食得 睇住d芝士熔食落好好味 夠熱 芝士好多 成個口感都好豐富另外仲點左炸雞同埋魚糕湯炸雞都炸得好好 好夠熱同脆入面都好夠汁魚糕湯比想像中好味 個湯都重胡椒味好似真係韓國食嘅味道咁由於得兩個人都食唔到太多 因為份量都夠食值得一讚係原本諗住叫一份炸雞店員黎到有提醒我地一份有差唔多12隻半份就有8隻所以我地叫左半份 但都已經好飽下次要再試埋其他野食…查看更多

由於今日臨時約左朋友食晚飯所以無搵到餐廳係登龍街行左個來回發現呢間餐廳嘅傳單係一間新開嘅羊腩煲+火鍋就決定試下佢上到去 可能因為新開Walk in都可以直接有位一坐低店員見我地兩個人就主動介紹我地可以叫一個二人份量嘅羊腩煲 食完再加雞湯打邊爐！（值得一提嘅係佢啤酒買一送一 幾抵飲）等左5分鐘到就上左個羊腩煲 滾起左就即刻食得比想像中好食！羊腩本身炆得好林 好入味而且件件都好大舊 加埋本身煲入面嘅冬菇 馬蹄 支竹🤤仲有無限嘅腐乳（呢到d醬料唔洗加錢）食完羊就到打邊爐，到牛做主角一黎到果下嚇親 兩個盤加埋成半張枱咁大而且份量都係成正比上面細盤係牛小排，下面係牛舌芯同埋封門柳3碟都好有驚喜首先牛小排食落好滑 而且脂肪分佈都好好每啖都好有口感跟住封門柳，平時好小食 比起牛小排更加重口味 而且有咬口得黎又唔會韌最後個牛舌芯真係好好食 平時好鍾意食牛舌但呢到註明係牛舌嘅中間位 食落同平時普通嘅牛舌明顯有分別 好嫩滑 而且爽口呢到嘅萵筍亦都幾有份量平時打邊爐係薄d無咁厚身 咁樣厚食又幾好食佢嘅日本蠔都好高質 好飽滿 滾耐左都仲大大粒 而且好有鮮味手工餃子，幾得意 滾完再用月見嘅方法食呢個炸響聆係即食嘅 糖醋響聆感覺幾新鮮總結呢間新鋪嘅野食全部都好高質打邊爐最緊要食材鮮！同埋佢主打嘅羊腩煲都有水準最衰係今次得兩個人食 食唔到太多野仲有好多其他款食物想食 但飽得濟無叫等天氣再凍d果陣再黎幫襯不過可能到時出左名就要卜定位PS:值得一讚嘅係兩位樓面都好有禮貌而且開始人多果陣都有主動留意每枱洗唔洗加湯/特別需要…查看更多

其實Godiva呢隻朱古力飲品要沖得好飲係好難有時唔夠水 就會太硬 飲唔到太多水就會好稀 會影響口感有時係唔同分店飲 都飲過沖得唔係最理想其實自己本身對白朱古力飲品係麻麻地因為一向佢地嘅50%，72% dark係信心保證而今次女朋友想試下其他就決定飲呢一杯比利時餅乾配白朱古力比利時餅乾係當地嘅一種傳統小食自身帶有小小肉桂味而今次嘅呢一杯就沖得幾好每一啖都會飲到有小小餅乾碎同埋淡淡肉桂香亦唔會飲到有粉 打得幾均勻…查看更多

限聚令關係 所以約人出黎食飯都得4個人朋友生日食放題 所以諗住買個迷你嘅蛋糕仔去慶祝呢間鋪有賣細細個 而且好精緻嘅戚風60蚊到一個 賣相非常討好買左個迷你玫瑰 味道比想像中嘅好如果下次諗住食餐飽嘅正餐又唔想食咁大個蛋糕呢間鋪係一個好嘅選擇…查看更多

去親沙嗲王我都會叫白咖喱食好多年無食過喇 對上一次食應該係裕民坊鋪仲未執之前😂今日心血來潮想食下閒日無咩人等位幾好坐低左就點左好耐無食過嘅白咖喱豬扒飯可惜 份量好似比以前小而且白咖喱個味道同以前有分別無左以前好香果陣椰味而且豬排質素都差左其實味道唔差架 但可惜唔係以前隻味…查看更多

呢間紅茶係工廠區入面嘅係大地鋪所以坐位都好夠午餐時間長期都排長龍 不過宜家症情就無喇而佢嘅早餐係我其中一間成日食嘅最鍾意佢個丹麥多士其實係丹麥酥同多士嘅合體好酥軟同埋夠牛油加埋一個沙嗲牛麵基本上佢嘅早餐都有質素…查看更多

牛角嘅燒肉唔係第一次食但平時多數都係散點多任食真係好少試今次同幾個大胃王食所以就試下任食喇大約6點鐘拎飛 等左接近兩個鐘先入座揀左Lv3 係美國SRF和牛338蚊一位雖然成場好多人 但上菜速度都好好無乜甩漏 呢方面係牛角長期都keep到嘅而呢隻牛都幾好食 同普通上級牛肉比係食到牛味重小小 而且脂肪個比例都好同埋每次食都會食好多牛舌切得唔算薄 口感幾好不過得90分鐘有d唔夠侯 而且好趕真係要瘋狂咁燒 如果有110分鐘 會好好多…查看更多

今次係第二次lunch幫襯喇上次食唔到豬手 試左佢嘅羊排同意大利飯已經覺得好好食同埋對得住個價錢！店員提醒可以卜位果陣留定一隻今次黎係一心要試到隻乳豬西班牙烤乳豬-$268（+$20多份薯條）順帶一條可以再加錢升級個餐湯真係好好飲講番個豬手原本以為佢咁大舊應該都有骨丫點知佢竟然得一兩條骨真係啖啖肉架而且佢真係皮脆，肉汁鮮嫩 杜生果個樣絕對無誇大呀真係另外佢果兩個醬，蜜糖同醋汁都出奇地夾個豬手下次試下晚市再黎幫襯…查看更多

岩岩行完山番到屯門即刻想飲杯fresh嘅凍野醒起下面有間賞茶即刻去買杯佢嘅果茶我覺得好飲過奶茶今次叫左杯荔枝蘆薈（半甜小冰）呢個甜度岩岩好 因為荔枝沖出黎本身甜d同埋佢d蘆薈飲到底都仲有 抵讚同場有義賣緊手工皂 買完杯野可以睇下…查看更多

土瓜灣呢到嘅大街小巷連鎖餐廳就一定少d所以係發掘小店嘅好地方黎今日經過果頭洗車所以順便去搵下附近有咩食！ 呢間鋪頭行過你會以為佢淨係做外賣但望真d先知原來隔離個鋪位都係佢嘅係出面tick完車仔麵紙就係隔離入座等叫名（無錯張紙上面係叫你寫名 送便佢地送餐）幾得意入面其實唔大 得大約10個位 好彩當日去到無咩人 岩岩好唔洗等位野食黎喇車仔麵5餸37蚊 加底加7蚊但真係比足超大碗你加埋兩個小食 呢度每人100蚊到而且每一個餸都唔差 油麵質地都好好行經呢頭一定要幫襯下呢類良心小店…查看更多

放工太肚餓嘅關係即刻開個openrice睇下最近會有咩食好耐無食過拉麵嘅關係就搵左間係西鐵站隔離嘅拉麵鋪食好彩去到仲要唔洗排隊就入得座佢晚市有個二人set嘅 不過一碗其實都夠左面果碗係黑蒜而右邊就係黑豚食拉麵第一個動作當然係飲啖湯先黑蒜呢碗好重蒜味（我tick左多蒜 唔洗加錢）但佢本身個黑蒜味都好夠 不過塊叉燒就細舊左d 而且切得比較薄麵質都煮得岩岩好黑豚果碗係豬骨湯塊叉塊就大塊 不過都係太薄口感唔夠個湯就無黑蒜果碗咁好飲未試過嘅可以試下但呢個價位可以再搵下其他餐廳…查看更多

呢間日本野係價錢唔算貴正路野 魚生飯 滑蛋豬排 饅魚飯都有以前有得任飲麵豉湯 夾菜不過宜家好似無左今次試左佢個饅魚蛋包飯 魚生飯 三文魚 同玉子燒所有食物都對得住個價錢但唔會話好出色咁不過佢性價比係高嘅但有個問題係 樓面人手明顯唔夠🙈…查看更多

呢一間餅店一行到入去就係一個好懷舊嘅感覺門面有透明櫃裝住唔同種類嘅麵包入到去會見到更加多嘅產品月餅，曲奇，其他種類嘅麵包放係一個個長型嘅鐵盤上面而且直望仲會見到佢地製餅嘅位置今次買左兩款抹茶口味嘅產品兩款都好好食 好夠抹茶味 唔係得個綠字…查看更多