iris_foodie的個人專頁

Coffee art隔一排就會想去食，今次食佢嘅煎魚柳南瓜飯，個魚柳表面煎得好香，而佢個南瓜飯係我最鍾意嘅，我個人好唔鍾意啲濕粒粒嘅飯，但呢個飯唔會太多汁，每啖食落都會有陣陣嘅南瓜香味，我朋友係沖開咖啡嘅，都讚佢嘅咖啡好香呀！…查看更多

本人同身邊嘅朋友都好鍾意食beans，尤其是佢平時啲下午茶真係好抵食，最鍾意就係佢地嘅粗薯條，今日試咗呢個包都好正，望落以為會好乾，但入面夾住肉有好多肉汁，所以食落好juicy, 佢嘅份量連男仔都覺得飽㗎。…查看更多

譚仔就成日都食，佢啲小食真係好正，尤其是啲辣由，真係好想可以買一樽返屋企。最鍾意佢嘅麻辣豬耳，無論去邊間分店食都好爽口，次次除咗食碗米線之外都會嗌啲麻辣豬耳過下口癮。…查看更多

今日去開沙田，終於有機會試到呢間朋友口中評價好好嘅餐廳。叫咗個Pizza同埋1份豬肋骨，兩樣都好好食呀，尤其個豬肋骨上面嗰張好香口，不過略為偏鹹咗少少。但下次泥開沙田有活動都會再嚟食。…查看更多

今日約咗一班朋友去食泰國菜，順便慶祝兩位朋友嘅生日。叫咗都幾多嘢食，當中我哋覺得最出色嘅係個串燒同埋泰式辣鳳爪，用嘅香料好惹味，鳳爪亦都做到好似泰國嘅風味咁樣，我哋帶個蛋糕嚟佢仲幫我哋畫碟添。…查看更多

今個月有幾個朋友生日，我哋喺荔枝角食完飯見到附近呢間蛋糕店，見到好似好好食，買咗幾款返屋企試下。個人感覺朱古力嗰隻最好食，唔會太甜，好有朱古力嘅香味，食完都唔會覺得好膩，以呢個價錢來講都好抵食呀，以後有朋友生日要買蛋糕又多個選擇啦！…查看更多

朋友生日都一定會買蛋糕，但有時得兩三個人買個大蛋糕又食唔晒好浪費，有朋友介紹呢間蛋糕舖適合我哋， 50幾蚊細細個但係味道真係好唔錯，唔會好甜偏清新嘅味道，以後生日慶祝又多個好選擇啦。…查看更多

咁多間牧羊少年嘅分店來講，最鍾意就係去呢一間，個人認為佢嘅環境最安靜，衛生亦都滿意。今次試咗佢呢個小食拼盤，每樣都好唔錯，最緊要係唔使話等好耐先有得食，環境好清新係好適合閑聊休息嘅地方。…查看更多

本人係一個超級芝士控，今次嚟到呢度叫咗個芝士炸雞，佢係開着個爐啲芝士唔會話凍哂或者乾晒，如果揀唔到食邊一種口味嘅雞，呢款就啱你啦，因為啲雞仲有唔同嘅口味俾你一次過試晒！…查看更多

平時泥ocio係食開佢嘅下午茶同埋蛋糕，味道都好唔錯。今次就嚟試吓佢嘅晚市套餐，選擇都有好多，咁今次就試佢嘅鴨髀，都煮得唔錯，能夠鎖住肉汁，調味都係我鍾意嗰類好入味，下次會想再試埋佢其他晚市套餐。…查看更多