ekkelaine的個人專頁

週末同家人是brunch，試咗Panda Breakfast Plate，份量好足，食物新鮮好味道，附送咖啡一杯，職員溫馨提醒杯咖啡比較濃，嗌Black coffee嘅話會拎杯熱水俾我地視乎需要加水，服務好窩心。音樂播放80-90年代歐美金曲，環境舒服，抵食👍🏻…查看更多

早幾日搭巴士經過望到呢間餐廳，望落幾特別，主打四川菜式，而且有兩隻熊貓頭嘅model display幾吸睛，於是同母親相約搵日來試。行入店門，當時係非繁忙時段，店內亦有唔少位，且有兩人的顧客坐在四人卡位食飯，於是我問店員可否坐四人卡位，但店員堅持帶我遊花園咁要求我坐他指定嘅台，仲特登講咗句兩個人就坐兩個人嘅位，我心諗你唔係自己打自己嘴巴乜[因為之後我同媽媽食緊飯個陣我望到四人卡位幾乎係得兩個客坐]我只係想講，如果間鋪真係生意極度繁忙，咁2個人坐4個人嘅位係唔合理且自私，但你招呼d客就雙重標準，anyway，呢part我唔多講。落完order店員的服務亦都非常唔專業，或者咁講，店員係完全唔熟悉店內嘅運作😑我地order咗麻婆豆腐、乾煸四季豆、宮保雞丁，加2碗白飯。所有餸都來齊，淨係差白飯，於是同店員講我地有叫白飯依家起得啦，佢竟然答我唔好意思呢個唔係套餐唔跟白飯😱九唔搭八嘅服務真係令我大開眼界啊！另外，見到有其他客反映個位冷氣滴水，竟然全程冇人理會，呢種服務精神真係「冇得頂」！！食物質素一般，俾我個感覺唔係熱辣辣即炒，所有餸係暖嘅😑味道OK，但乾煸四季豆令我失望，雖然我唔係廚神，但至少我知道「煸」同「炒」嘅分別，menu寫係「煸」，但出到來係「炒」，唔多加解釋，完。除咗環境好d，其他冇一個範疇係做得好。性價比低總之中完伏，唔會再食第二次…查看更多