oviwan8888的個人專頁

今天正日生日，經理送上我最愛最愛最愛的carrot cake, 我幾個禮拜前找咗好耐都買唔到carrot cake用來生日吹蛋糕之用，竟然今日送上給我，我生日今天特別開心。謝謝! 😘🙏🏻…查看更多

咁多年新年都喺呢間酒樓同長輩飲茶，都有得泊車優惠，而家竟然話冇咗泊車優惠，咁即話趕客走啫，好唔識做生意啫，山旮旯地方搵客去都難啦！以後去隔離Apm利苑酒樓好過，唔去呢間酒樓了。嬲豬豬囉！…查看更多

佢哋晚飯後係有糖水送的，諗住叫糖水，跟住隔一陣行出嚟話已經送晒，話口未停，跟住見到前邊佢已經派緊糖水，最搞笑就係跟住有個侍應行出嚟我後邊枱係咁問後邊食咗糖水未啊？有西米露糖水送喎！如果冇糖水送咁問你係咪多舊魚？咁即係擺明揀客送啫！下次費事再嚟，揀客招呼的！😓😓😓…查看更多

諗住坐低食少少嘢。喺門口又唔話俾人哋聽有最低消費每人三百幾，仲要入到去坐咗一陣先提。簡直離晒譜。應該喺門口講明唔係入到去坐低，仲要睇咗份Menu一陣先同你講。手法不良囉！…查看更多

一心一意諗住去食蟹粉，仲要叫咗炒飯同撈麵唔食住攤到凍晒，等埋個蟹粉一齊食。點不知竟然嚟過芡汁扮蟹粉。從未食過咁樣咁難食嘅蟹粉，用啲汁整色整水，再用蘿蔔絲橙色遮掩，真係當我哋傻。幸好，酒釀丸子和炸紅豆包不錯。下一次唔會再嚟呢度食蟹粉，都係去返樂天王朝算吧！！…查看更多

打電話叫阿姐send啲套餐嚟俾我睇吓，佢竟然話你自己過嚟攞，跟住及線。今時今日嘅服務態度真係冇得頂。第一次遇到啲咁嘅酒樓。請着呢啲員工真係倒米。好心呢啲經濟環境做好啲啦！真係不知所謂。…查看更多

外買叉燒已經開聲叫唔好咁肥，返到屋企全部肥膏，剪完之後都唔知得返幾多有得食，打電話落去話佢哋，個瘦嘅女人聽電話（認得佢把聲）竟然一句唔好意思都冇，仲問我咁你而家想點啊，你依家拎落嚟換囉，仲要屈我話我冇講到要瘦。真係豈有此理，夜晚八點我哋成家人食緊飯我仲攞落嚟換？仲要落咁大雨。真係超嬲。最嬲係道歉一聲都冇仲要大聲凶我。本來我都算係佢嘅熟客，我諗以後我係唔會幫襯佢的。你哋要記住而家天后區係勁多燒味舖唔係得你一間😡…查看更多

極度不滿你公司員工，我叫杯檸蜜，因為員工落單錯咗嚟咗杯蜜糖茶，跟住藍色制服戴眼鏡肥肥地話自己新來做嗰位職員竟然審犯咁問我咁你係咪要蜂蜜檸檬水，我話總之咪檸蜜，佢話我講錯咗應該係講蜂蜜檸檬水，因為公司冇菜蜜，想問貴公司員工係咪玩嘢，我入嚟用餐，係唔需要知你公司用乜嘢字眼，佢三番四次都唔肯走要我講返係咪蜜糖檸檬水。真係食到我火都嚟！…查看更多

本人真係好少會專登在OpenRice留言，除非此間點食店真係極度難頂，令我激到憤怒才會費我時間去留言。用＄26買咗兩杯爛鬼豆漿，完全冇味談完水一般，激似洗完個豆漿樽嘅水一樣。即刻掉落垃圾桶。呢啲垃圾永遠都不會再幫襯。…查看更多

呢個垃圾下午茶，真係當人乞衣咁，收人$40 一個歺？離曬大譜，我覺得呢個餐值＄28 囉！我個仔完全唔夠食，我仲要分我份比佢先，變相既＄80個下午茶餐。超嬲，發誓下次唔會再嚟！…查看更多