BaoSaiLa's Profile

Bookmark 咗呢間拉麵店好耐，今日去開尖沙咀就一於過去試下！本身都預咗要排隊，所以去到見到一條長長嘅人龍都唔太驚訝。最令我哋驚喜嘅係排緊隊嘅時候老闆會出嚟親自請我哋飲sake😳仲要倒到勁滿杯，睇得出佢每一位客人都好重視同埋唔會斤斤計較，有酒飲所以我覺得好快就等完位到我哋入去食了🤤醬油蝦濃湯麵 $118餐廳得一款麵，所以出餐都好快，一入到去等一陣就食得，個湯底十分濃郁，而且食之前店員仲會幫我哋淋多一圈嘅蝦油，更突出蝦嘅味道，麵條都煮得彈牙，濃郁嘅蝦湯掛住係拉麵條上面，食極唔停口呀😳😳上面有3隻大蝦，蝦肉彈牙，而且餐廳仲好貼心咁幫我哋剝哂蝦殼，對於我呢啲懶人嚟講，有人幫我剝埋蝦殼係特別好食嘅😝醬油蠔 $38/隻佢啲蠔勁大隻同超肥美，用醬油醃製感覺好fresh，有少少辣辣地但又唔會太勁，好有驚喜🤩.總括嚟講，呢間小店雖然選擇唔多，但係質素非常之高，唔怪得知咁多人排隊啦，一定要encore 再encore😍…Read More

知道兩姊妹涼皮攞咗米芝蓮必備登推介，個日專誠嚟試試佢，去咗旺角分店，裝修乾淨企理，等咗大概5分鐘就入得。首先要喺出面收銀枱買咗嘢食先，所以大家等位嘅時候就要決定好食咩🤣兩姊妹涼皮 $33 (加溫泉蛋 $7)涼皮涼浸浸爽滑，而且好粗，一啖就填滿哂個口😋湯汁叫咗個BB辣試一試個水溫，唔太刺激但又可以過下口癮，正！🌶️入面有青瓜絲，花生粒，同埋炸豆，我加配咗嘅溫泉蛋煮得啱啱好，外面滑嘟嘟，蛋黃唔會太生，成個拍落口，真係好滿足🤩成碗涼皮有唔同層次，口感好豐富。佢一碗份量都幾多，食極都仲有，好似變魔術咁🤣青瓜木耳椒麻雞 (套餐加配 $30)首先要讚下佢啲拍青瓜，唔知係咩品種，但係我食過最脆嘅青瓜，真係好有驚喜🤩椒麻雞嫩滑入味，加餸必叫！.雖然食完之後會有啲口臭🤣唔敢擘大口同人講嘢，但都依然會想再嚟食😍…Read More

食完晚飯，屋企兩老話想食甜品，附近得一間糖水舖，所以就去咗食，點知食完一肚氣😡芝麻糊加湯圓 $32芝麻糊係幾滑，但就有啲太水，似溝稀咗，想食湯圓，所以on top加咗，一加就要加兩粒，每粒$5，以為咁貴一定好出色，點知食落完全唔值‼️💢.湯圓外皮一pat pat，完全零煙靭，好似食緊一嚿粉咁，入面芝麻陷冇味，仲要$5一粒，真係黑人問號🤷🏻‍♀️❓我從來唔知道原來湯圓都可以咁難食，已加入Blacklist 餐廳，永遠唔會再幫襯🤮👎🏻…Read More

Bookmark 咗呢間餐廳好耐，但次次去都係星期日，摸咗門釘兩次先發現原來佢星期日休息😂（會唔會太蠢）終於等到星期六得閒又喺附近可以去食🥰嗰日落住超大雨☔️所以去到嗰陣只有一枱人排緊隊，本身以為好好彩唔使等好耐，但最後都等咗大半個鐘先入到去🙈.餐廳係由兩公婆經營，入面只有八個位，而且全部都係即叫即煮，所以製作需時⏳不過食好嘢係需要等待，而且喺而家嗰個都北上消費，更加要支持香港特色小店💗餐廳只賣3款麵，望落覺得海蝦濃湯最吸引，所以就嗌咗🤩海蝦濃湯Roast Beef  伊麵 $105未食已經覺得好吸引，海蝦湯底好濃郁，飲得出係用好多蝦嚟熬製而成，每一啖都係精華，上面仲有小蝦米🦐伊麵煮得啱啱好，唔會太淋，一啖濃湯，一啖伊麵，好好食🥹每碗麵都會配燒牛肉，佢哋係用一大塊牛扒，淨係輕輕咁roast 咗個外皮，所以入面仲係生生地🥩每逢有客人嗌，佢哋就會係個一大塊牛扒切幾塊薄片出嚟，加入少量黑椒，再用火槍燒一燒個面頭，每一塊牛肉調味好出色，係好食到我哋要encore 多一碟嘅質素🥰.總括嚟講，因為鋪頭細，而且每一碗麵都係老闆親手煮👨🏻‍🍳所以唔會好似連鎖餐廳咁出餐咁快，但都冇咗連鎖餐廳嘅機械化，有嘅係小店嘅人情味，鍾意食麵嘅你唔可以錯過😚…Read More

銅鑼灣不嬲都有好多cafe，今次就嚟咗呢間Layback Cafe，店內環境幾舒服同企理，但廁所就唔多掂，成地都係水，所以我係入咗餐廳之後又再去隔籬商場去廁所再上返餐廳🤯講返啲食物先：明太子軟殼蟹扁意粉 $158成隻軟殼蟹上真係好開心🥰軟殼蟹炸粉啱啱好，唔會好厚，而且都算幾大隻，成隻食真係好滿足🦀意粉個sauce 勁creamy，啲sauce 掛哂係每一條意粉上面，好邪惡但好好食🥹不過都幾滯🤣食咗一半已經飽左🤰🏻北海道海膽帆立貝幼蛋麵 $198海膽好鮮甜，而且份量都唔少，帆立貝面頭煎香咗，口感彈牙😋個sauce 好重海膽味，同冇咁「傑」，食落都冇咁滯🤩.總括而言，呢間Cafe任坐唔嬲🫶🏻而且食物質素都幾高，啱晒幾個女仔慢慢傾偈，真係夠哂layback💬👯‍♀️…Read More

聽朋友介紹呢間愛文生飯店好正，我哋全家人都好鍾意食大牌檔，個日就帶咗屋企人嚟試試🧑‍🧑‍🧒😛驚好多人，所以我哋未夠6 點就去到，點知原來大家仲早😂去到已經差唔多坐滿哂人，好彩仲有位，唔使等就入得💗金牌乳鴿王 $78聽個名都知「駕勢」，乳鴿外皮燒得好脆好乾身，唔好睇佢細細隻，食落都啖啖肉，再配埋側邊啲椒鹽一齊食，襯熱食真係好出色🥹🥹我一個人都食咗半隻🫣家鄉小炒王 $118嚟大牌檔我次次都會叫小炒王，因為間間都有唔同嘅特色😎小炒王炒得好有鑊氣，見唔見到啲油光幾靚，韭菜花同腰果配大大粒蝦乾，加埋彈牙嘅新鮮魷魚，超級惹味，最啱就係beer beer 佢！🍻薑蔥桶蠔煲 $208好耐冇食過啦😳佢一煲有7 隻蠔，每一隻都好新鮮好大隻好飽滿，配埋薑蔥一齊食，簡直係無懈可擊💣而且啲蠔連裙邊都唔韌，完全物有所值🤩雞蛋焗魚腸 $108宜家好少地方有得食焗「姨丈」🤪不過我就覺得啲魚腸有陣腥味，要落多啲胡椒粉僻一僻，對比起佢其他菜式就遜色咗少少😔.呢度嘅食物十分之高質，而且入面有冷氣，同埋唔會太逼，下次一定要約埋成班人再嚟，咁就可以試多啲嘢😚…Read More

今日咁啱喺灣仔收工，突然之間好想食蛋包飯🍳就醒起之前Bookmark咗呢間餐廳好耐都未有機會去食，見唔使排隊就即刻入去試吓😲.和牛漢堡燉牛肉汁蛋包飯 $92本身見到佢餐牌寫住要等15分鐘，點知佢唔使2分鐘就上咗碟🤣賣相都幾吸引，蛋炒得滑，和牛漢堡好大粒，幾足料同有牛味，而且有好多汁俾我撈飯😳.總括而言，其實食物冇乜特別嘢可以挑剔，唔係太驚艷，亦都唔難食，但就都冇咩記憶點，所以會係食一次但唔會專登幫襯餐廳🙆🏻‍♀️…Read More

諗唔到食咩嘅時候我就鍾意去food court，貪佢多選擇，點都有一間啱自己心水😎去到Hysan 竟然見到鼎鼎大名嘅「魚事者」，如是者我就去咗買嚟試下😋😋蝦頭油炸蝦球魚麵撈 $72佢每一款食物都好似好吸引，店員見到我咁頭痛，揸唔到主意就推介我試佢地嘅米芝蓮推介蝦頭油炸蝦球魚麵撈🍤😋果然冇介紹錯，首先我會覺得佢個主菜係魚麵唔係蝦球，因為魚麵真係好有驚喜，麵條比較粗，口感十分之彈牙🍝上面有海量嘅蝦乾仔，麵條充滿晒蝦球油嘅香味，每一啖都好滿足，側邊嘅炸蝦球都炸得好脆，配埋沙律醬一齊食，好香口🥰.下次再話食food court 就係頹食嘅你地，記得過嚟試試佢💛💛…Read More

聽同事介紹呢間安利魚蛋粉麵好出色🍜冇食過唔好同人講去過筲箕灣，見佢講到咁誇張，個日放假就去左試🤣本身都預咗要排隊，但去到都係俾出面排緊隊嘅客人嚇親，果然食好嘢都係需要等待🙂‍↕️最後由2點3 等到差唔多3 點先入到去，個肚已經餓到扁咗🥲切腩魚片撈粗 $60未食已經留哂口水，賣相非常之吸引❤️食材高質，魚片頭好彈牙，牛腩唔係平時茶記個啲cheap牛腩，咬落去係有一絲絲牛肉，而且好重牛味，份量都幾多，食極都仲有肉🤣🤣撈麵煮得啱啱好，唔會太淋又唔會太硬，味道調較得好好，因為嗌撈麵，所以會配埋個湯，好食到我唔洗15 分鐘就清咗成碗麵😛鮮油奶多 $24見到好多人除咗介紹牛腩麵，仲話鮮油奶多係必食，所以我都嗌咗份🙂‍↕️多士烘得好脆，面頭金黃色，入面夾住鮮油同海量嘅煉奶💛呢個咁邪惡嘅配搭其實點食都唔會輸，一個人食哂2 塊簡直係濕濕碎😋😋.呢間雖然只係賣普通嘅牛腩粉麵，但味道絕對唔普通，係我會掛住嘅味道🤤我好快會再嚟食🙂‍↕️…Read More

頭兩次去都因為公眾假期餐廳休息食唔到，今次我就聰明啦😎提早一日打電話問開唔開📞先行過去，去到13:45，已經大排長龍，最後等咗大半個鐘，終於入到去食，未食已經好期待🤤三餸車仔麵 $54餐廳車仔麵要嗌三餸起，好多款真係三心兩意😳而且佢每一款都唔係求其俾少少你就算，餸嘅份量都好多，好抵食👍🏻我本身諗住惹味啲，湯底叫咗佢個招牌辣汁，點知真係辣到飛起🥵所以奉勸唔食得辣嘅朋友唔好玩命，都係乖乖地叫啲唔辣嘅湯底...👉🏻👈🏻.脆香多春魚 $15平時食車仔麵都好少見有得食多春魚，見到佢有個like 係前面，就決定要嗌🤭有好多條，每一條都炸得好脆，同好多春🤤🤤而且放左係湯嘅面頭，唔會俾個湯底整淋哂🐠.芝士竹輪卷 $14外表望落同普通嘅獅子狗卷冇咩分別，一咬落去就知龍與鳯😳入面啲芝士陷爆出嚟，好濃郁🧀如果佢有多幾舊就好了🥲.蘿蔔$12有好多舊，而且每一舊都好大舊同好清甜，少少渣都冇，完全索哂啲湯汁，正😍招牌蜜汁叉燒串 $34/串我嚟之前已經俾佢嘅叉燒串吸引咗，果然真係鎮店之寶👑一串有成5 大舊，叉燒外層佈滿蜜汁，每一舊都好厚身，肉質彈牙，而且肥瘦均勻，食哂成條真係好滿足💗.雖然舖頭座位唔多，需要等位，但係我覺得絕對值得，鍾意食車仔麵，而又嚟開黃埔嘅一定唔可以錯過😘…Read More

九龍城除咗有好多泰國菜之外，呢間「清真牛肉館」都有好多人專登嚟排隊食😋🐮咖喱牛腩飯 $67見到好多人都嚟食咖喱飯，我哋又嗌嚟試下🙋🏻‍♀️唔好睇佢牛腩嘅份量好似好細碗咁，其實都幾多🍛佢個咖喱汁好惹味但又唔會太辣，牛腩同薯仔都忟得好淋🥔咖喱汁撈飯食，正呀🤤麻油雞(例牌) $98未食之前發生咗個小插曲，我哋2 個人食，所以就只叫例牌，怕食唔哂，點知店員上菜時嚟咗半隻😳我就即刻好有禮貌，咁同店員講返我係叫咗例牌，麻煩佢哋幫我換返，點知幫我落單個位店員即刻起哂剛話我係叫半隻，仲好大聲同態度極之惡劣咁鬧我，話點菜個時佢有再次詢問，我係點例牌定係半隻🤬.1️⃣首先我點菜個時佢完全冇問我係叫例牌定係半隻，係我自己主動講，所以佢已經係講緊大話2️⃣其次，如果真係叫錯，職員態度都唔應該大聲呼喝客人🗣️係大聲到成間餐廳啲客人都聽到，再望哂過嚟食花生，面就人哋俾，架就自己丟🙃.講返食物，麻油雞啲肉都幾嫩滑，而且下面啲汁好濃麻油香味，而且份量都唔少，係唔錯，但由於店員態度惡劣，所以只給予1 星🙅🏻‍♀️牛肉餅(2件) $50一場嚟到，又點可以唔試吓佢哋最出名嘅牛肉餅呢😋塊餅面頭煎到脆卜卜，未食已經好吸引🤩牛肉餅個皮好薄同有咬口，一咬落去即刻爆汁，所以溫馨提示大家要灘一灘先食，唔係會辣親嘴🥲入面嘅牛肉陷好濃，但又唔會好油，唔怪得知咁多人會專登過嚟食🤤.就算餐廳食物幾高質幾好食，店員服務態度極差都會令到我唔想再幫襯，所以不了✋🏻🥲…Read More

講到我最愛嘅珍珠奶茶店🧋一定非春水堂莫屬，個日收咗工💼就去咗食慰勞吓自己🫢珍珠鐵觀音奶茶 $38佢奶茶個茶底用咗鐵觀音，飲落俾平時出面嘅台式奶茶更重花香同fresh，就算我叫走甜／微糖，依然可以飲到奶茶嘅清香☘️🙂‍↕️呢間嘅珍珠就比較細粒，但都係好有咬口，同埋佢成個杯底都勁多粒，飲到最後都會有珍珠剩，但我點都會清哂佢🤪麻辣牛筋麵(半筋半肉) $92原味嘅紅燒牛肉麵就成日食，今次就試試新意思，叫咗麻辣湯，但原來佢個湯底都幾重麻辣味🌶️🥵食得辣嘅朋友先好嗌🤣佢啲牛腩好淋，索哂啲湯汁好入味，而牛筋都有好多舊同埋條條都幾大，好重膠質🥰麵條質感爽滑彈牙，果然係佢哋嘅招牌功夫麵👍🏻滷肉飯(小碗) $38因為想食小食，所以我哋2 個人就唔叫咁多主食，叫多個細碗滷肉飯share 就算😜佢細碗份量的骰，好啱啲細食嘅女仔，而且價錢都比較相宜💰上面肉鬆食落一絲絲同脆脆哋，滷肉肥瘦均勻，一層瘦肉加一層肥肉，食落唔膩，冬菇都好入味🍄烏龍豆乾 $38豆乾外層煙靭，入面嫩滑配埋上面嘅醬汁，呢個味道第一次食，又幾唔錯🙂‍↕️金沙芋泥丸 $52係我食過最好食嘅芋泥波波，外面炸得好脆，入面嘅陷料係蛋黃同芋泥💛熱辣辣食，外脆內軟，我一個人都可以清哂成碟😋😋.雖然價錢唔算太平，不過絕對對得住個食物質素，而且佢有好多間分店，行開附近不防試試佢😌…Read More

放假難得天氣咁好🌞就梗係要搵間cafe 歎下啦🕶️今次就決定去試好多人推薦嘅Fineprint😘Ultimo Eggs with Avocado $110首先要讚一讚佢個sourdough 多士，外面焗得好酥脆，但入面依然口感軟熟而且煙靭，好香，搽埋牛油已經好好食🤤上面好簡單咁放滿碎蛋，加咗啲鹽同黑椒調味，雖然係凍嘅，但都好好食👍🏻我再加多咗$30要個牛油果🥑連埋一齊食，更豐富😚Ricotta Toast $95食完鹹就到我期待咗好耐嘅Ricotta Toast😳😳😳上面嘅Ricotta Cheese係餐廳自家製👩🏻‍🍳口感好綿密☁️唔似平時啲芝士會一舊舊，有啲似再「傑」啲嘅yogurt，上面再加埋大大粒藍莓🫐蜜糖🍯同麝香草調味🌱呢個味道我真係一試難忘，唔怪得知會咁多人慕名而嚟要食，真係好出色💗.餐廳食物雖然全部都冇得挑剔，但衛生方面就需要多加注意⚠️我坐嘅沙發上面有好多麵包碎，尤其是攝咗喺入面啲窿窿罅罅😱而且窗邊有啲昆蟲，仲要大大隻，搞到我食完都想急急腳咁走，唔夠膽坐多陣🥹.但總括而言，我都好滿意，會再嚟食佢啲sourdough🥰…Read More

自從係韓國食完「一隻雞」之後就一直對佢嘅味道念念不忘😳🥹見到香港都開咗類似嘅餐廳，bookmark 咗好耐，個日就專登過去試下🇰🇷🤩辣炖火鍋（S）$368餐廳有原味同辣味俾我哋揀，因為同行友人怕原味會冇味，所以我哋就揀咗辣炖火鍋🌶️🍲店員推介我哋2 個人就叫S，不過都有一隻雞🤣🐓上面有勁多蒜，店員提議我哋夾啲蒜落個點雞肉嘅醬油度，加蒜會更好味💗個鍋望落好似好辣紅卜卜，但食落都唔會好辣，有少少辣味刺激，都幾惹味😝不過啲雞肉除咗雞髀之外，都比較「鞋」...尤其是係雞胸，唔知係咪煲得太耐...🥲而且隻雞都唔算大隻，所以份量我覺得啱啱好煲入面仲有韓國年糕，不過年糕就唔太煙靭，口感欠奉，有啲硬同細條...反而入面我最冇期待嘅薯仔就最有驚喜🥔因為佢索哂啲湯汁，而且煲咗好耐所以淋哂，好食到爭住食🤣最後我哋雖然好飽，但都叫多咗個烏冬，唔好蹝咗個湯底🫣.如果冇係韓國食過類似嘅，其實我覺得係唔錯的，但有對比有傷害，所以下次如果我真係想再食，我都係會去韓國先食，因為都真係有分別🥲🥲…Read More

星期日係中環覓食，發現原來附近好多餐廳星期日都唔開門😰🔒已經好肚餓，就求其喺附近搵咗一間茶餐廳，見啲凳都好似坐得幾舒服，就入去試吓😎豉油皇厚切豬扒腸仔炒公仔麵 $68見到個名覺得好吸引就嗌咗，一上枱真係太香，唔記得咗影相就已經切咗塊豬扒🤣🤣塊豬扒煎得幾淋，同幾入味🐷腸仔就係正常廚師腸，不過個公仔麵就略嫌太重豉油，太鹹了，係相入邊都見到啲色水好深，所以就係呢度扣咗少少分😰鹹牛肉雞蛋三文治 (烘底) $42等到2 點半，就係為咗叫佢個下午茶餐，識叫一定係叫蛋牛治🥪我就加多咗$2 要埋烘底，塊麵包係厚切，烘得啱啱好，脆卜卜，炒蛋同鹹牛肉仲係熱辣辣，炒蛋中和咗牛肉嘅鹹味，而且好足料，就咁食一邊已經飽咗一半🤰🏻🤣煉奶西多士 $38係最邪惡嘅西多士呀🤤😈西多炸得好脆，切開咗4 舊嚟炸，所以每一啖都可以食到脆嘅邊皮，外面嘅煉奶同牛油俾熱辣辣嘅西多整溶咗，然後咬落去仲有花生醬夾心陷，我就係要呢啲味道🫵🏻😍鍾意食甜嘢嘅你哋，一定要嚟試下佢！.總括嚟講，以茶餐廳水準呢間食物質素幾好，而且環境舒適，係附近唔知食咩又唔想食太貴嘅，都可以嚟試下😉…Read More