為食大隻仔的個人專頁

大隻仔今次覓食嘅店舖就係💥 燒烤堂 💥大隻仔今晚同好朋友聚會，朋友話燒烤堂好好食，經朋友介紹吓先知道呢間餐廳開到半夜2:30，喺銅鑼灣真係唔驚冇嘢食，餐廳仲有一個貼心服務，就係有個暖爐可以暖住食物。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 燒日本活北寄貝 $58用上新鮮日本活北寄貝，極之鮮甜，加上香濃牛油味道，好食到連湯汁都飲埋。🔥 香草蒜蓉包 $18蒜蓉牛油味道突出，麵包烤到外脆內軟，好好食。🔥 豚肉節瓜波板糖 $38功夫菜，將薄薄嘅豬豚肉片、節瓜片捲成一個波板糖形狀，賣相得意又好食，點上雞蛋甜醬油，味道更加豐富。🔥 燒汁免治雞肉軟骨棒 $36雞肉嫩滑，軟骨棒口感豐富，啖啖肉，加上蛋黃醬油燒汁甜甜地更加好味。🔥 蒜香牛油酒煮蜆 $68帶有淡淡紫蘇葉香味，蒜蓉牛油味香濃，蜆肉肥美多汁。🔥 日式燒白鱔 $48喜歡食白鱔既朋友必點，外皮燒得香脆，白鱔充滿油脂香味。🔥 鹽燒開邊雞中翼 $20雞翼外脆內軟，雞肉嫩滑多汁。🔥 鹽燒和牛牛小排 $48牛味香濃，肉質軟腍。🔥 鹽燒豬肋肉 $24豬肋肉帶有油香。🔥 中切鹽燒牛舌芯 $28中切牛舌芯，爽口好食。🔥 厚切鹽燒牛舌拖羅 $48厚切比起中切更加好食。🔥 鹽燒三黃雞腿肉 $28三黃雞腿肉，夠晒嫩滑。🔥 鹽燒豚肉荔枝卷 $22豚肉捲住荔枝，荔枝多汁，可以解除豚肉油膩，十分好食。🔥 鰻魚炒飯 $58抵食之選，蒲燒鰻魚肥美厚肉。🔥 蜜糖燒菠蘿 $18串大隻仔推介必點食物，食到最尾食一串燒菠蘿可以解除油膩，而且燒菠蘿多汁好食。…查看更多

大隻仔今次覓食嘅店舖就係💥 李家 💥 大隻仔今次介紹一間尖沙咀頗有名氣嘅韓國餐廳，餐廳由韓國人主理，味道十分之正宗，而且每一碟份量都非常之大碟，好適合一班朋友食飯聚會。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 半半炸雞（原味+甜辣） $188一次過可以滿足兩種口味，原味炸雞炸到外皮十分香脆，甜酸炸雞帶少少微辣，甜甜地更加好味。🔥 鐵板燒豬肉 $168份量超級大碟，整隻鐵板都滿晒韓式燒豬肉，燒豬肉肉質非常嫩滑，煮到啱啱好唔會乾唔會柴，吸收晒韓式燒汁非常好食。🔥 年糕餃子湯 $98有六隻韓式餃子，再配上年糕湯非常飽肚，年糕非常煙靭好好食，可以加入附送嘅泡菜以增加味道。…查看更多

大隻仔今次覓食嘅店舖就係💥 六如 💥大隻仔今次介紹一間中環精緻中式小菜館，餐廳前身係三小漁菜館，仍然保持高品質，味道出眾，必食黑磚豆腐、川香口水瓜、養生燉湯、香煎牛柳粒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 黑磚豆腐 $18件超級好食，外皮炸到脆卜卜，夠乾身而不油膩，豆腐入口超級軟滑。🔥 煙燻糖心蛋 $18半隻充滿淡淡煙熏味。🔥 川香口水瓜 $22件估唔到西瓜同四川口水雞醬味道可以咁夾。🔥 養生燉湯 $78烏雞、瘦肉、雞腳燉雪梨、海底椰，仲有蜜棗同龍眼肉，材料十足，味道清甜，完全冇加味精。🔥 椒鹽鮮鮑魚 $68隻鮑魚軟腍煙靭，椒鹽味道出眾，帶出鮑魚，鮮味。🔥 蘋果黑醋香煎牛柳粒 $268牛柳粒肉質軟腍，表面煎至香脆，充滿油脂香味，配上陳醋汁解油膩，超級好食。🔥 茴香干煸爽肉白花菜 $128茴香帶出白花菜香味，加上油而不膩爽肉，好好味。🔥 香茅烤蕉煎焗生蠔 $112生蠔肥美，生蠔表面煎至金黃色，香茅味道香濃，加上泡椒辣味強烈，刺激味蕾。🔥 桃膠燉千絲豆腐 $58手工菜，豆腐切幼絲，成一朵菊花，浸喺糖水入面好靚。🔥 法式焦糖燉蛋 $58表面焦糖脆卜卜，燉蛋滑溜非常好食。…查看更多

大隻仔今次覓食嘅店舖就係💥 容記小菜王 💥大隻仔今次介紹一間米芝蓮推介餐廳，舊店喺深水埗已經大排長龍，而家搬遷太子新店更加乾淨企理服務高級，其中獲獎菜式「脆皮燒腩仔」係大隻仔喺中式酒樓食過最好食嘅燒腩仔，另外，蒜香骨、第一咀、沙拉骨都係必須推介。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 得獎脆皮燒腩仔 $138燒腩仔採用五花腩，層次分明，肥瘦適中，每食一啖都充滿油香，而外皮燒到金黃色，脆卜卜，咬一啖外皮香脆得誇張，驚為天人，非常之好食。🔥 咕嚕肉 $108選用新鮮無骨豬肉，食落口同冰鮮肉肉質分別好大，新鮮豬肉肉質更加鮮嫩鬆軟，咕嚕肉外皮薄脆，酸汁唔會太酸甜甜地啱啱好，選用新鮮菠蘿，十分開胃。🔥 招牌沙拉骨 $108一樣選用新鮮豬肉，啖啖肉，肉質好鬆軟，入口即化，配上沙律醬極之開胃。🔥 麻辣口水雞 $68口水雞肉質比較結實，強勁辣味十分之刺激味蕾，會越食越想食，灑上白芝麻更加惹味。溫馨提示：餐廳需要收茶位 $15 ，酸菜 $15…查看更多

大隻仔今次覓食嘅店舖就係💥 MANO 💥地址：銅鑼灣駱克道The L Square 5樓大隻仔今次介紹一間位於銅鑼灣核心地帶既modern Italian 餐廳，餐廳價錢唔算貴，而且味道不錯，喺OpenRice預早訂位仲有七五折，最啱約朋友銅鑼灣行完街一齊食晚飯。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 香烤千層芝士茄子 $68傳統意式焗茄子做法，每一層茄子之間都充滿蕃茄醬同 mozzarella cheese，加上洋蔥同蒜頭嘅香味，味道濃郁。🔥 忌廉牛油蒜香雜菌 $68用牛油爆香蒜蓉炒雜菌，再加入忌廉拌勻，牛油香味好突出，會食唔停口，附送嘅麵包外脆內軟，非常好食。🔥 Traditional Porchetta $238餐廳其中一款signature dish，傳統意式脆皮燒腩卷配辣肉腸蘭度豆，豬腩卷烤焗至外皮脆卜卜，中間豬肉帶有少少油香，雖然少少肥膩，但非常好食，辣肉腸蘭度豆味道一樣咁出色。🔥 卡邦尼扁意粉 $168用上扁意粉，每一條扁意粉都非常掛汁，灑上大量芝士，味道香濃。…查看更多

大隻仔今次覓食嘅店舖就係💥 蝦蝦燒 💥地址：佐敦白加士街10-12號永富大廈1樓大隻仔今次介紹一間即夾即燒流水蝦餐廳，餐廳座位旁邊設有大蝦缸，顧客可以親自隨時隨地即夾即燒流水蝦，流水蝦會不斷添加，保證貨源充足。除了流水蝦外，餐廳仲提供多款串燒、蔬菜、海鮮選擇，客人可以任拎返去座位慢慢燒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 平日晚市 $348餐廳以自助形式拎食物，食物種類繁多，除咗流水蝦，仲有多款海鮮選擇，必食沙白、灰蜆、東風螺、魷魚、鮑魚、鮮帶子、帆立貝、生蠔等等，所有海鮮都係職員新鮮即叫即開，保證每樣都十分之新鮮。另外仲有大量燒烤食物選擇，雞翼、羊扒、寸骨、鴨胸、各款串燒。火鍋配料亦有好多選擇，各款丸類、腸仔、蟹柳、牛肉、羊肉等等。餐廳最近做緊優惠，加$1 就可以有個火鍋打邊爐，如果覺得燒烤食物比較熱氣，打邊爐都係一個好好嘅選擇。…查看更多

大隻仔今次覓食嘅店舖就係💥 AOAO 💥大隻仔今次介紹一間中環特色餐廳酒吧，餐廳以日式fusion菜為主，餐廳設有特大戶外露天平台，假日仲有現場DJ播放音樂，十分之有氣氛，而且食物質素好高，每一樣食物都好好食。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 Akagai $138新鮮赤貝刺身，爽口彈牙，包住鮮嫩多汁BB蘆筍，再配上自家製辣汁，十分之好食。🔥 Celtuce Salad $68三文魚子點綴，賣相已經好靚，沙律二莴笋切成幼絲，配上檸檬片造成湯汁，味道清新怡人。🔥 Caramelised Pumpkin $88焦糖南瓜，味道配合得好好，焦糖配上肉桂糖，帶出南瓜甜味。🔥 Charcoal Grilled Eel $288炭烤鰻魚，店員會以高溫竹炭壓烤鰻魚表面，逼出鰻魚油份同香味，鰻魚肥美厚肉，每一啖都充滿炭烤味道好好食。🔥 Wagyu Katsu Sando $328餐廳招牌食物之一，吉列和牛三文治，日本和牛超高質，入口即溶，完全冇根，麵包烤到十分之香脆，配黑椒洋蔥汁，更加好味。🔥 Mini Melon Daifuku $68外皮煙靭，甜而不漏。🔥 Matcha Cheesecake $68淡淡抹茶配上超濃芝士香味。🔥 Onyx $138沖繩泡茶加入炭烤烏龍茶和梅子粉點綴帶有少少煙燻味道。🔥 Jade $128冷泡茉莉花茶加入清爽嘅泡盛酒，融合一齊。…查看更多

大隻仔今次覓食嘅店舖就係💥 爆丼屋 💥大隻仔今次介紹一間旺角人氣海鮮丼飯餐廳，餐廳以爆滿海鮮丼飯而爆紅，今次餐廳新推出咗鰻魚系列丼飯，一樣咁吸引。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鰻魚拼鮮松葉蟹牛油果飯 $128蒲燒鰻魚肥美夠大條，厚肉多汁無骨，啖啖肉，灑上白芝麻更加好味，另一配搭選用新鮮松葉蟹蟹肉，蟹肉一梳梳，帶有少少海水鹹味，十分新鮮，加上牛油果粒，口感清新。🔥 鰻魚拼慢燒牛肉飯 $108蒲燒鰻魚一樣好大條，厚肉多汁無骨，配上白芝麻同埋海鹽紫菜碎更加好味，另一配搭係慢燒牛肉，燒牛肉肉味道香濃，配上牛肉燒汁，辣辣地，鹹鹹地，十分惹味。…查看更多

大隻仔今次覓食嘅店舖就係💥 豐味窯雞 💥大隻仔今次介紹一間觀塘工廈只做窯雞外賣專門店，餐廳選用三黃雞，肉質嫩滑，皮滑脂肪豐滿，每隻雞都醃製過夜，味道十足。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 招牌豐味窯雞 $168招牌窯雞用雙層錫紙包住放入焗爐高溫焗製，一打開錫紙已經聞到好香嘅味道，外皮焗到金黃色，充滿醬汁，雞肉十分之嫩滑而且多汁，極之好味，會食唔停口，而且而家做緊優惠，加$1 就有冰粉一碗，好抵食。外賣套裝包括保溫袋、隔熱勞工手套、食用膠手袋、辣椒粉，十分之貼心！…查看更多

大隻仔今次覓食嘅店舖就係💥 Burger Mate 💥大隻仔今次介紹一間尖沙咀人氣手工漢堡包店，餐廳主打傳統美式漢堡包，麵包同埋手打牛肉漢堡都係自家製產品，所以數量有限，每日只可限量200個。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 黑松露蘑菇安格斯牛漢堡 $125爆瀉黑松露醬汁充滿整個漢堡包，安格斯牛肉漢堡充滿牛香味，而且非常多肉汁，每一啖都爆曬汁，非常Juicy，自家製麵包外脆內軟，中間夾住炒蘑菇、洋蔥、蕃茄片、生菜、小酸瓜，將味道提升到另一個層次。🔥 瑞士芝士安格斯牛漢堡 $85瑞士芝士安格斯牛漢堡一樣非常多汁美味，加上瑞士芝士獨有嘅香味，非常滋味。🔥 黑松露薯條 $65薯條即叫即炸熱辣辣，加上香味濃郁嘅黑松露醬，唔會太鹹，極之惹味。🔥 日式炸雞粒 $68份量不少，炸雞粒炸到剛剛好，外皮炸到金黃色，十分香脆，雞肉仍然多汁嫩滑，不會太乾太柴，點上自家醬汁，非常好味。…查看更多

大隻仔今次覓食嘅店舖就係💥 Shahrazad Lebanese Dining Lounge & Bar 💥大隻仔今次介紹一間非常有特色黎巴嫩菜式餐廳，餐廳裝修充滿地中海風情、中東風味，進入餐廳猶如置身外國一樣。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 cheese sambousek 黎巴嫩特色芝士炸餃，薄薄餃子皮炸到金黃色，餃子皮脆卜卜，切開餃子爆滿熔岩芝士餡料。🔥 kibbeh羊肉釀脆球，用水小麥造成外皮包住煎香左嘅羊肉碎同松子仁，羊肉味道香濃而不會羊膻味。🔥 mix grill small細混合燒烤拼盤，份量十足，包括羊肉粒、免治羊肉棒、羊扒、雞肉粒，可以一次品嚐多款不同肉類，而且肉質鮮嫩多汁唔乾唔柴。🔥 smoked ouzi rice煙燻香飯，大隻仔極之推薦，十分之有特色，每食一啖飯都有濃烈嘅煙熏香味。🔥 mint lemonade薄荷檸檬水，不會太甜，而且充滿香濃薄荷味。🔥 smoothie沙冰有三款口味揀，香蕉、芒果、雜莓，大隻仔今次就揀咗香蕉沙冰，香蕉味道突出好味。…查看更多

大隻仔今次覓食嘅店舖就係💥 蝦蝦燒 💥地址：佐敦白加士街10-12號永富大廈1樓大隻仔今次介紹一間即夾即燒流水蝦餐廳，餐廳座位旁邊設有大蝦缸，顧客可以親自隨時隨地即夾即燒流水蝦，流水蝦會不斷添加，保證貨源充足。除了流水蝦外，餐廳仲提供多款串燒、蔬菜、海鮮選擇，客人可以任拎返去座位慢慢燒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 平日晚市 $348餐廳以自助形式拎食物，食物種類繁多，除咗流水蝦，仲有多款海鮮選擇，必食沙白、灰蜆、東風螺、魷魚、鮑魚、鮮帶子、帆立貝、生蠔等等，所有海鮮都係職員新鮮即叫即開，保證每樣都十分之新鮮。另外仲有大量燒烤食物選擇，雞翼、羊扒、寸骨、鴨胸、各款串燒。火鍋配料亦有好多選擇，各款丸類、腸仔、蟹柳、牛肉、羊肉等等。餐廳最近做緊優惠，加$1 就可以有個火鍋打邊爐，如果覺得燒烤食物比較熱氣，打邊爐都係一個好好嘅選擇。…查看更多

大隻仔今次覓食嘅店舖就係💥 Cambo ขุนทอง (The ONE) 💥大隻仔今次介紹一間遠近馳名，發跡九龍城嘅第一代泰國菜餐廳，多年來吸引不少城中名人幫襯，當中活蝦刺身、咖喱炒蟹更加係餐廳招牌菜式。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 串燒拼盤 $188超級有份量，仲要做緊推廣價，好抵食，一次過可以試晒8款串燒，雞、牛、豬、雞中翼、魷魚鬚、雞皮、豬頸肉仲有牛仔骨添，每款串燒都燒到啱啱好，保留到肉汁，肉質嫩滑。🔥 活蝦刺身 $112金寶最出名就係活蝦刺身，每一隻都非常新鮮彈牙，再配埋自家製醬汁，會食唔停口。🔥 青咖喱軟殼蟹 $118原隻軟殼蟹炸到脆卜卜，放入好惹味嘅泰式青咖喱內，再配上附送嘅法包一齊食滋味無窮。🔥 海南雞飯 $88泰式海南雞飯，雞肉嫩滑，最驚喜就係連雞翼都起埋骨，啖啖肉，非常滿足。🔥 泰式炒粉 $88泰式炒金邊粉，味道夠晒正宗，而且仲有三隻彈牙嘅大蝦。🔥 香芒糯米飯 $68必食嘅泰國甜品，甜甜地嘅椰漿配埋煙靭嘅糯米飯，會食唔停口。…查看更多

大隻仔今次覓食嘅店舖就係💥 Chutney Tandoor House💥 大隻仔今次介紹一間中環正宗印度菜餐廳，餐廳擁有兩座炭火Tandoori 窯爐，提供一系列炭火燒烤菜式，窯爐火力均勻，溫度一直保持住380度至400度，高溫炭烤不但可以鎖住肉汁，仲可以將食物燒到外層香脆同帶有焦香味道，十分美味。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 Chutney Lunch Set包前菜 + 主食 + 印度烤餅 + 甜品大隻仔叫咗兩份lunch set。2份前菜揀咗窯爐烤雞腿、蝦仁沙律。烤雞腿嫩滑多汁，用上傳統印度醬汁醃製，充滿印度風味，再配上薄荷酸辣醬更加美味。蝦仁沙律酸酸辣辣，味道清新。2份主菜揀咗馬薩拉醬牛肉丸、奶油雞醬烤雞馬薩拉醬牛肉丸，香料味道較重，香氣撲鼻，帶少少辛辣味道。奶油雞醬配烤雞塊，超級好食，烤雞配上奶油蕃茄醬汁，雞肉不但嫩滑多汁，仲有牛油香味。印度烤餅有3款口味可揀，plain - methi - garlic ，烤餅烤到外脆內軟，帶少少焦香味，煙煙韌韌，配上咖喱汁，真係會食唔停口。🔥 Mix Tandoor PlatterLunch Set Add On Item ，份量十足，澳洲羊架、澳洲鱸魚、本地黃油雞肉、奶油烤芝士雞肉，各一件，配上兩款惹味傳統印度甜酸醬，分別是紅菜頭酸辣醬同薄荷酸辣醬，十分滋味。🔥 Mango Lassi起源於印度旁遮普邦嘅傳統乳酪飲品，除咗芒果味，仲有幾款口味可以揀，plain - mango - rose - salted。…查看更多

大隻仔今次覓食嘅店舖就係💥 花晨月夕 💥 大隻仔今次介紹一間超高質既Omakase餐廳，師傅每道菜都介紹得好清晰而且好有禮貌，仲要價錢親民，擺盤又靚，份量好足夠，極之有驚喜，再加上師傅純熟嘅手法每一件壽司都好出色，難怪成為近期人氣打卡網紅店。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 花晨月夕 - Omakase Sun $1380🔥 先付先嚟第一道菜 先付，十分豐盛，而且擺盤好花心思好靚，用咗傳統日本裝飾點綴，打卡一流，店員話要逆時針順次序食用，黑豆蜜煮甜甜地、子蝦新鮮彈牙、秋刀魚生薑煮、合桃小女魚都好入味、仲有日式魚蛋同伊達卷、柑橘蜜煮就唔會太酸、最尾先食水雲。🔥 刺身三款將鮫鰈魚刺身捲起包住鮮蝦肉蓉加入紫蘇花再點上柚子醋一齊食，味道清新肉質彈牙。象拔蚌刺身爽口彈牙，味道好新鮮，可以配Wasabi豉油一齊食。金線鯛刺身魚皮先用火槍燒過，帶出焦香味，肉質超級嫩滑，入口即溶，完全冇根，好好食。🔥 御料理和牛壽喜燒，醬汁偏甜，和牛好大片，入口即溶好好食，仲有豆腐、大蔥、蒟蒻絲、草菇伴碟。🔥 壽司九貫第一件先嚟真鯛魚，加入檸檬皮，味道好清新。第二件就係用火槍燒過帶出油份香味嘅靜岡縣地金目鯛。之後就有肥美嘅帆立貝壽司同肉質結實既間八魚壽司。大隻仔必食推介 深海池魚，肉質鮮嫩肥美，加上柚子胡椒醬點綴，可以清新味蕾同減低魚腥味道。新鮮爽口彈牙活北寄貝，完全冇腥味，夠晒新鮮。跟住就係2件吞拿魚壽司，用醬油漬過嘅赤身。同埋油份滿滿嘅大拖羅，大拖羅好好食，入口即溶，充滿油香。最後一件重頭戲壽司當然係海膽壽司。用上北海道根室 赤海膽壽司，最尾再噴上金粉，十分之矜貴。師傅極之闊佬用成行海膽做一件壽司，海膽多到冇可能一啖就食得晒，滿口都係海膽，超級大滿足，加上用米做嘅淡雪鹽更加可以帶出海膽嘅鮮甜味。🔥 吸物日本七味蜆麵豉湯，七味蜆細細粒但幾有鮮味。🔥 甜品最後食埋士多啤梨蜜瓜圓滿作結。…查看更多